小玲瓏手工湯車仔麵 (已結業)

今次簡左海帶、豬皮、香辣冰豆腐配粗麵。海帶味道不錯，食落爽口，唔會有腥味。豬皮吸引左湯底，所以食落都好濃味。今次最驚喜係香辣冰豆腐，其他鋪頭比較少見既選擇。而且餐廳好貼心，將豆腐同麵分開，所以就唔怕辣汁個味會影響到湯底。豆腐口感紮實，而且吸收哂辣汁，味道不錯。環境：整體環境乾淨，座位闊落。就算晚市黎，都好快有位。服務：服務不錯，店員主動介紹晚餐優惠。整體：整體黎講味道不錯，但性價比比較低，因為人均消費大約60，如果銅鑼灣黎講，有好多唔同車仔麵選擇。…查看更多

今日和閨蜜再闖小玲瓏。 唔知係咪銅鑼灣競爭大，2：15pm就已經有下午茶， 咁就益左我地食平D啦閨蜜選擇車仔麵餐，而我就叫了一份吉列豬排🐷稻庭湯烏冬， 加$12飲杯紅棗桂圓玫瑰花茶。 特飲先到，個杯裡面好多桂圓，紅棗同玫瑰花； 飲得出真係煲的而唔系即沖飲料， 堅!份餐一到， 一睇， 嘩! 不得之了， 塊豬排有成腳掌咁大塊， 炸到卜卜脆! 😋 稻庭烏冬堅系日本餐廳食果隻， 滑雪雪配埋我至like的雞湯， 冇得輸呀😁埋單時姐姐話有得”cup”印仔， 儲夠10個就可以當$50用， 超荀! 👏👏…查看更多

餐廳係新店開張無耐，主打波士頓龍蝦麵(HKD68)，位置係金百利商場樓上，上到去無乜食客，座位都幾舒適，如果想用錢買番寧靜環境同乾淨環境食車仔麵可以揀呢到。食物方面，今次就試左佢個波士頓龍蝦麵，不過一開頭見到佢MENU寫左HK88以為咁快加左價，點知佢話今日係68蚊，可能係心理手法啦，我又真係嗌左黎食。龍蝦幾大隻，不過完全無鮮味，肉亦都得好少，然後個龍蝦浸住個湯但係又係一D鮮甜都無，令願佢加D罐頭湯味。所以HKD68個人係覺得唔值。如果想食下海鮮味湯底車仔麵我自己另有推介。…查看更多

銅鑼灣新店，主打無味精車仔麵。講真，健康係好，但食車仔麵講健康真係多舊魚🤭配料麵係大唔款式，另有啲免費配菜，但個湯底近乎無味，fail🤦🏽‍♂️主食唔得，反而另加嘅花雕溏心蛋流心入味，做得唔錯。小插曲，樓下有人派傳單～食滿$50+$1送龍蝦，話滿$100+$2送兩份，上到去個疑似經理話要兩張傳單先換到兩份🙄老實講我唔特別好食龍蝦，都無特登落去拎多張，但咁做優惠真係太小家🤷🏽‍♂️何必呢～…查看更多

1. The lobster is amazing! Meat is tender and flavored. But I had to eat it with my hands as my chopsticks skill is not very good. Would appreciate if the restaurant provides some tools for you to enjoy the lobster more easily.2. Do not miss out the delicious roes in lobster. They go well with the noodles, but just don’t mix them with the soup as they will be gone.3. Black truffle is awesome in a way in topping up the flavor of the lobster meat and the noodles.4. The homemade noodles is great too!5. Soup is nice. It goes well with everything in the bowl, and I ended up almost finished drinking it after finishing the lobster and noodles.…查看更多

早兩日同朋友去咗銅鑼灣試新嘢，都係朋友介紹的。真係幾好食，好嘢當然想介紹俾谷友仔知啦！我食咗個湯米線，個湯幾好味，啲伙記好強調話係無味精㗎😂另一個朋友都係食米線，就話個鴨血好夠味喎，可惜，一嚿嚿嘅血我唔得🧛🏻‍♀️仲有一個朋友食湯飯，話超正，好可惜，我又唔食辣🙈我覺得最好味係花雕糖心蛋，我係個有要求的蛋蛋控都忍唔住要追加。另外值得一提嘅係佢哋啲飲品，有高顏值的藍天白雲，其實係梳打牛奶。又有女士恩物元肉玫瑰花茶，補補都幾好。我仲同朋友講笑，下次去下午茶食蛋蛋飲杯嘢都好喎😂…查看更多

傳統車仔麵比我感覺個湯油淋淋.. 坐得唔舒服環境又唔衛生..今日係OP搵到間手工車仔麵一改過往舊式風格,地點係金百利7樓就在SOGO旁邊,店內以淺色做主調簡約清新,坐位都幾舒適...我係平日中午時間去只有幾枱食客唔洗等位,好多人都叫外賣!原來餐廳接受WHAT’S APP落單自取方便附近SALE們慳了候餐時間~我試左黑蒜黃金雞湯麵,湯底好純好好飲~~完全無油膩既感覺,又有雞味  餸:朋友叫左手工餃<<牛肝菌粟米餃>>我試左2粒,牛肝菌提升左整個餃既味道,咬落去肉汁充滿了成個口加上香甜爽口既粟米粒好滿足…至於呢度既<<香辣魚蛋>>比街邊小食店大粒且有口感,不過都幾辣,鍾意食辣既朋友可以試下,跟住壓軸出場…<<紅燒主席肉>>簡直係成餐飯既驚喜,無諗過個汁煮得咁惹味,脂肪同瘦肉一層一層分佈得剛剛好,絕非荼記質數,係呢區內呢個價錢食到咁質數既食物,個人覺得係性價比高的一間餐廳!…查看更多

無意中喺openrice見到呢間車仔麵，之前嗰四個食評都話好就上去試試，晚上8:00一個人都無，心諗會唔會中伏，但入咗去又走好樣衰，唯有搏一搏，打開menu好多選擇，有麵餐、飯餐、車仔麵、小食等等，車仔麵嘅餸好多選擇，價錢唔算好平，幾蚊到十幾蚊嘅餸都有，但分量都唔少。今次叫咗肉醬、腩肉片同雞翼尖，肉醬、翼尖好惹味，腩肉片就無乜特別，普通腩肉片，但都有一定厚度，湯底唔錯，試咗黃金雞湯，唔係太覺得有味精，飲埋杯紅棗圓肉玫瑰茶，成件事都好圓滿:)…查看更多

見試業試新嘢 叫左個車仔麵 麵底2x蚊 我覺得合理既餐肉 9蚊 都ok既牛腩25蚊 已經覺得有啲貴雞尖 1x蚊 都ok既點知黎到 .......好少麵 女仔食完過兩三個鐘就會開始餓餐肉9蚊得半塊... 係半圓既半塊牛腩25蚊得4舊...雞尖得4隻...我明銅鑼灣租貴... 但真係比較無誠意 …查看更多

銅鑼灣啲餐廳都係千篇一律，唔係日本放題，就韓燒，一係食扒。 今日就上咗去金百利試新野！！！ 《小玲瓏手工車仔麵》我自己叫咗個口水雞烏冬。 啲烏冬口感好彈牙，烏冬口感好彈牙，烏冬口感好彈牙，因為真心評論，所以要講3次，比預期中好食。仲有叫咗個蒙古羊肉餃子🥟，唔怕食羊嘅人，可以一試！（掛住食冇影相）另外一樣係，胡椒豬肚雞米線。湯底好入味！推薦！！下次會再試其他野！你會知道同一般大財團好唔同，用心製作嘅小店已經所剩無幾喇！ 紅棗桂圓茶（凍）…查看更多

秘製肉醬豚肉片担仔面好出色。個肉醬麻辣得黎，好適合我呢d唔食得辣嘅廢物。1、唔會辣到冇哂味覺2、幾香又帶點麻担仔面好好味，有d似幼版烏冬。加左12蚊轉特飲，揀左青檸冬瓜薏米水。本身第一啖怪怪地，但愈飲愈和味。仲發現有冬瓜肉，好似飲緊薏米水又好似飲緊冬瓜湯咁，最後青檸嘅點綴意外地將成個味道變得清甜。牛肝菌粟米餃好唔好食就見仁見智。不過我食落覺得幾舒服，絕對有理由相信佢係冇加味精，不過下次會試返普通餃子就算，哈哈。整體黎講，因為新開，晚市冇乜人，坐得幾舒服，店員都好nice，食物質素絕對唔hea，推介鍾意食湯麵嘅朋友：）…查看更多

放假睇完超人特工隊去左金百利搵食,諗住去食越南菜上到7樓發現原來已轉左車仔麵。。見有新張優惠就入左去試下!比想象中既車仔麵唔同,自選餸有別於其他車仔麵,多左好多特式野,我地叫左個肉醬&鴛鴦蝴蝶腩😋😋太肚餓既關係唔記得影相😂肉醬:👍👍👍👍味道甜得黎好開胃,用黎撈麵或者撈飯一流,而蝴蝶腩👍👍👍味道不錯但略嫌唔夠冧！除左車仔麵外重有小食,不過我地兩個女仔食唔到咁多就無叫,都可有下次!…查看更多

同阿妹在金百利食完韓烤， 好奇走上7/F看看越南餐廳裝完修未。發現原來已經轉左名， 連餐種都轉埋！ 😯門口貼住試業中， 望入去都有D人。 心想橫掂上到來叫兩個淨餸食下，試下佢底。 之後叫左蘿蔔和雞翼尖。蘿蔔清甜冇渣非常得手👏👏 雞尖味道好熟， 阿妹話似B仔涼粉果D。 我話好似仲惹味喔！ 如果叫埋啤酒🍺就冇得頂喇!😉😉今次冇叫麵， 下次必定再來。 樓面靚姐姐話佢地好多手工餸， 咁就要試下喇。…查看更多

想飲湯類野，就上openrice睇睇有無咩新餐廳開張。之前見到呢間車仔麵顯示裝修中，終於尋日一見到無再顯示，就即時去試。21:1X到咗門口，想試魚湯河但已售罄，只好試雞湯米線。入面得我一個客，新裝修無裝修味，而且整潔乾淨。選擇困難症搞咗好耐。雞湯現金黃色，湯味濃郁而唔會太鹹，有少少胡椒味(題外話：之前食過同區新開越南野錦X，明明唔濃郁又好鹹，但唔知點解見到好多人話清晰而濃郁)；米線唔會好似外面敢，煮到淋一淋，係我食過最好食嘅米線(因為我鐘愛麵質有咬口)；鮑汁蘿白清甜而份量足，但可能因放咗入湯，已食唔到鮑汁味。但志不在鮑汁，所以無所謂；扎肉正常。28蚊餸將會開始發售，期待下次魚湯河+其他小食。希望質素一直都可以KEEP住，繼續堅持落去。…查看更多