小王牛肉麵 (已結業)

二人行下午茶時段這間店不是很多人所以就入去了，叫了個半筋半肉面賣相不錯，點知喝了一啖湯之後發覺有酒味，我是一位孕婦不可以再食這碗面，查問侍應是否加了黃酒之類既調味料，佢答我冇加酒不過加了藥材，我話咁我吾要啦可否換過其他食物，他猶豫了一會先答我ok. 佢地個餐牌應該加番藥膳這個字落去，如果我食不出有藥味又飲了這湯出了事怎麼辦？ 另外，叫了兩杯珍珠奶茶冇珍珠，侍應話停左，我問咩叫停左，佢話煮緊需時，最後我答佢走珍珠不要緊. 但係個侍應詞不達意話停左我真係'R'哂頭，仲以為當日冇珍珠供應。…查看更多

好耐冇食過台湾牛肉面、聽闻呢个好正宗，真係得半筋半肉面-粗面，有口感，牛筋，好滑，牛肉，just fit texture! 湯底，香唔油，啱啱好！鴨舌-呢个一般，可以不吃。胡椒粉腸鍋-呢个...ok la.一句講哂，淨食牛肉面…查看更多

因為一田大減價嘅關係，同左個朋友掃完貨之後，開始覺得肚餓，喺荃灣廣場行咗一陣，行到呢間鋪頭聞到好香嘅味道，於是同左個朋友入去試吓。入到去我就叫咗一碗原汁牛肉粗麵，而我個朋友就叫咗碗半筋半肉粗麵。原汁牛肉粗麵：碗麵都好足料，都有五舊牛腩。佢啲面嘅軟硬程度都做得咁好，而佢啲牛腩忟到好淋，咬落去完全冇黐牙，而且佢個湯底好稔咀，相信佢哋個湯底肴左好耐，幾經辛苦先喺朋友個碗度拎到一舊牛筋食，件牛筋做到入口即溶。但係我覺得碗面貴左少少，如果平返少少咁就perfect 喇 !!!!…查看更多

今次點左一碗半筋半肉麵（粗麵）。牛筋真係煮得好軟熟，食落去嘅口感就好似食花膠，咁當然佢冇花膠嗰種黏口嘅感覺，但入口質感的確係相當貼近花膠，而份量大概就係一個湯匙咁多； 牛肉嘅質素一樣係屬於高，都係煮到好軟身，食得出湯底嘅味道已經入肉。論牛筋同埋牛肉呢兩樣食物嘅軟熟程度，係非常之適合老人家同小朋友食用，當然佢地嘅味道都係好好啦:)另外我自己都好鍾意呢一碗麵嘅湯底，湯底好清，面頭幾乎係無油需要我去撇走，而湯底好似有一啲藥材嘅味道，又有d似帶有肉骨茶嘅香味麵條亦都夠彈牙，無話食到碎濕濕嘅麵條不過最敗筆嘅係條菜佢唔係唔新鮮爽口，而係上菜時嘅擺位太求其喇，零零舍舍係好似離開群眾，比食客嘅感覺好似師傅煮得好無heart，求求其其就上菜咁，有d可惜。:(然而單論美味程度，呢碗麵確係值得得到一個笑臉嘅…查看更多

放假食得午餐黎都兩三點，見呢間唔使等位，即刻入去醫肚。鹽酥雞扒肉燥飯，雞扒好大塊，但如果切得細件啲就好喇。牛筋麵湯底濃，牛筋都唔算好難咬，有得揀粗麵或者幼麵，我就揀咗幼喇。鹽酥魷魚酥， 十分香口，細細條易入口，送酒一流，可惜呢度冇酒😂前面果杯係珍珠奶茶，奶味重，後面果杯係黑糖xxx(唔記得😂)，唔好睇佢咁淺色，都幾重黑糖味。…查看更多