小烏龜 (已結業)

香脆吉列日本蠔,超好味！好出色！👏👏去小烏龜幫襯多數係食意粉,今晚食完羅勒牛柳絲意粉想試下小食,炸雞翼已食過👍十幾年冇食過蠔就試下,新鮮即叫即炸吉列日本蠔好快上碟,肉質鮮甜又滑溜蠔味濃充滿油香唔覺油膩！炸得啱啱好金黃鬆脆,睇見就好想即刻食,炸粉配得好夾,食落口好鬆化,點微辣茄汁超惹味,食完想再食$18 有3隻超級抵食,以後起碼要嗌多兩碟,12隻都唔夠老闆好細心上枱時特別提我小心熱街坊人情味加分！

附近街坊，早前食過佢的蕃茄湯，今次見佢個menu有蕃茄以外的選擇，就一於試下。叫左個卡邦尼意粉，意粉好creamy，芝士味濃，真係好夠味。豬扒意粉，有驚喜。食到一半先記得影相。估唔到意粉有香草炒的，好香。豬扒入味冇雪味，肉質夠淋，煎得剛剛好，唔係平時茶餐廳的質素。意粉麪質因為係炒的，所以有硬炒少少的質感。唔錯唔錯。下次可以試吓漢堡同其他食物。不過由於小店，加上繁忙時間oreder比較多，堂食的話會有油煙味。不過尚可接受。

好味burger，足料，漢堡厚厚的，味道啱啱好，個包亦有烘過的！意粉亦不錯，即點即做，新鮮熱辣！抵食，小店經營入店前會量體温及提供消毒潔手液，員工禮貌有禮，下次會再幫襯

我係附近街坊，荃景圍為美食沙漠，係人都知，餐廳唔多。有日經過見到呢間餐廳，食過有返咁上下，綜合所有體驗：1. 意粉偏硬，有別於一般餐廳。第一次食真係以為食緊硬麵，食咗一兩啖又唔好意思問staff換過，算，大家過嚟搵意粉食記得叫軟啲。2. 意粉應該要係西式，但偏偏有好多冬菇片。我知道呢間餐廳有做番茄湯生意，但大佬呀你哋有冇見過主流西式餐廳碟野有幾塊冬菇片？2.1 廚師刀工了得，切野真係切得又細又薄。食過咁多次意粉，真係唔點食得出其他餸嘅質感， 食過香蒜彩椒鴨胸意粉，以上所有食材都係切得超細超薄， 首先鴨胸冇咗佢應有嘅質感應有嘅厚度，其次其他餸都係又細冇又冇咬口，感覺淨係食到意粉。3. 我食過佢嘅扒類套餐，跟薯菜同飲品。但，個套餐真係令我好surprise，surprise 在我以為會有薯條，但點知佢係比薯塊（啲菜冇問題）即係話，個白色碟上面，淨係有嗰排扒，1塊薯塊（三角形，細細的）同埋少少菜。咁樣就賣你50-70蚊。抵唔抵見人見志，但我唔覺得抵。4. 佢哋最新出左嘅漢堡包系列，我食咗佢嘅芝士牛堡跟薯角同罐裝汽水。成個體驗係咁，啲麵包我覺得正常， 漢堡都有應有嘅厚度，抵讚。但，漢堡我淨係食

行過無意中發現這間食店，見主打蕃茄湯系列，好似幾健康，自己又係「蕃茄控」，所以入去試下。叫了個蕃茄湯螺絲粉配香煎雞扒，想試下小食，但沒有主意，店主就推介了吉列炸蠔及咖喱薯餅。蕃茄湯螺絲粉用的湯底是濃濃的真、鮮蕃茄，有別於出面用很重的味精來刺激味蕾。不自覺食食下就把整個湯也飲清。而配的雞扒就非常大件，有很香的香草味，又不會很油膩。 而最要推介的是吉列炸蠔，很有鮮味，又帶淡淡的海水味，細問店主之下，原來是來自日本的，怪不得這麼好味！另外，要讚一讚店員很細心，提供了兩款醬汁作點炸蠔食，一款是茄汁帶少少辣，另一款是沙律醬。試過2款醬汁後各有風味，不錯不錯！這間食店很用心製作食物，食材又真材實料，店員服務態度良好，真心推介。

琴日去荃灣行街兼探望朋友，落雨天，塞車塞耐咗，搞到有D肚餓。喺朋友家附近見到一間餐廳，感覺幾乾淨企理，再睇下個餐牌，啱口味，唔係食開D茶記，有混合cafe+自家製feel，即刻入去坐低，叫咗個拿破崙帶子意粉， 個意粉賣相唔錯，意粉夠彈牙，份量足之餘材料一D都唔慳，尤其帶子，真係無諗過會有咁多粒，整體味道幾好，食到飽飽，滿足店家招呼周到，不時加水，疫情期間辛苦了，畀個like佢，可以again!

第一次光顧，好有驚喜。佢用蕃茄淆成湯底，湯底非常濃郁。可以配意粉螺絲粉都算幾多選擇。配料可以揀嘅，就更加多。。有魚腐雞翼豬扒等。可以配合唔同人嘅需要一碗都大碗，所以，女士來講都好夠食有時真係唔夠飽仲可以加小食小食價錢尚算合理，同埋都好味，款式算多除此之外，仲有炒意粉，卡邦尼意粉等。。對於湯意粉無興趣的，亦可以考慮呢類型。飲品要加錢，可以揀飲咩。餐廳內位置闊落，坐位舒服，唔會有好迫的感覺。燈光亦光猛，感覺舒服

絕對可以推舉Little Turtle 為荃景圍最健康好味同經濟之選！係荃灣區少有同類食店唔想食咁重口味 最近係這間食店嘅常客,今晚第一次試E4 滑蛋蕃茄湯腐皮魚卷螺絲粉,$32 加凍檸茶走甜 $5, 特別要求廚師將魚卷烚煮,蕃茄湯香濃郁,加上滑蛋,野菌,香草,非常健康夠營養唔會太清淡,冇味精,一個人份量夠飽肚男女侍應服務有禮,非常貼心招呼周到餐廳乾淨. 以後一定繼續幫襯😄😁這食店嘅的蕃茄湯鮮牛肉螺絲粉亦都相當美味, 最受歡迎係香草雞扒。

荃灣中心住宅區， 實在是比較難經營小店。今日突訪， 竟然有驚喜， 蕃茄迷絕對要試！羅未湯底夠濃郁，炒蛋又有牛油香，小食炸得好味。我試過咁多蕃茄面產品，呢間一定上榜。為支持小店，會回頭再食。蕃茄湯底好夠味， 食得出新鮮唔係假茄味。食完覺得好清新好健康。因為地區偏住宅唔係旺區，所以第一次為餐廳寫食評， 希望有多啲人留意， 呢個時勢要留住真材實料蕃茄味湯底店係大家既大好選擇。 唯一問題係店裡面抽風系統差， 出食店後全身頭髮都有油煩味

雖然住喺附近，但都有啲遲先黎食haha。舖頭雖然細細，但都幾光猛衛生，職員都幾熱心，但我嫌太多職員，多過客人數量。一路食野既時候，都有人企喺你附近望住你咁，其實都幾影響。我嗰陣係星期六中午去食，桌面有menu寫住E加一個數字，都揀好叫邊個餐時，佢先話因為今日係星期六，所以平日午餐menu唔適用… 要用晚餐menu lol 晚餐menu貴成10幾20蚊，材料又唔同，所以又要再揀過。我覺得佢可以安排得好啲。最後揀左個香草雞扒，咁就唔怕熱氣。一上菜時，幾香喎，份量適中，我覺得男仔夜晚未必夠飽。個雞佢切好曬一片片，唔怕食得麻煩，而且又幾香同好食！佢側邊仲有個滑蛋，滑蛋配蕃茄一流。湯底都唔錯，酸酸甜甜，有蕃茄蓉喺入面，唔係味精湯。我覺得野食質素唔錯，亦都衛生。但略貴，份量對大食少少既人黎講未必夠喔！期望有改進，希望可以變做食堂。

食店環境光猛整潔，用具十分乾淨，叉同匙羹抹得超乾淨，連一啲手指模印都冇，真係好難得。用高級既杯黎沖野飲，睇落好高級，。食物方面，番茄湯濃郁，還有香味十足既野菌作配菜，滑蛋堅滑，吾似出面果啲"老"蛋，而成个番茄湯完全冇味精，食左冇好口渴既感覺，真係忍吾住將成个湯飲晒😋。 炸物脆口，尤其好食係炸蠔，炸蝦，吉列魚柳，雞翼同炸雲吞。 特別推介係午餐肉同鴨胸，超好食😋😋雖然地點偏遠，但店主誠意款待，服務質素一流👍👍

今次我是首次幫襯這食店，我叫了「魚柳滑蛋番茄濃湯飯」、「鴨胸蕃茄濃湯飯」、「牛肉滑蛋蕃茄濃湯長通粉」、「午餐肉番茄濃湯濃湯拉麵」，這店用真材實料做的湯底「特濃蕃茄湯」，喜歡飲番茄湯的人必定要試下，我仔仔就連飯、餸和湯都全部食清光，我本人喜歡厚切午餐肉、蘑菇和炒蛋，都非常合我口味，食材新鮮；環境非常清潔，餐具非常衛生及高級，就連不鏽鋼匙羹及义，都沒有手指見到，可惜在荃灣否則我會每星期食一次或以上。廚師、收錢員、侍應各員工都非常有禮貌、笑容親切，給你有回家的感覺。

新開的店，主打蕃茄濃湯加滑蛋。其實蕃茄濃湯是羅宋湯，和我認知的蕃茄濃湯有出入。但味道還可以，香甜的。至於滑蛋，其實有點過熟。望店家繼續努力。通粉，有al dente的口感。店員服務殷勤。

一個人的午餐，在荃灣中心試試新開標榜番茄濃湯的餐廳。叫左吉列魚柳番茄濃湯長通粉。吉列魚柳是即炸的，夠熱夠脆又唔腥。d雜菇雖然是配菜，但好有蒜香味，睇黎下次要試野菌番茄濃湯那個粉。值得再食個菇 個湯底真係好有番茄味，而且真係食到茄肉，算係真材實料。不過杯柚子蜜就冇乜料到，太少柚子了，唯有當佢行清淡路線啦。