影片
港鐵太子站 D 出口, 步行約9分鐘
繼續閱讀
電話號碼
28689863
68833144 (WhatsApp)
開飯介紹
由3位80後年青老闆創業，主打簡單又鮮美的蒸氣火鍋，少不了黃花魚、海花虎斑、海中蝦、花竹蝦、麵包蟹、本地奄仔蟹等各款海鮮；蟲草花蒸雞、黑毛豬腩片、芝士南瓜丸、魚蛋小籠包等蒸鍋配料。
繼續閱讀
附加資料
$1500以上方可使用信用卡付款
營業時間
今日營業
17:00 - 00:00
星期一至日
17:00 - 00:00
以上資料只供參考, 請與餐廳確認詳情
【🐠小漁港海鮮舫|♨️蒸海鮮之夜】想食海鮮大餐又唔想熱氣，「蒸」的確係幾多嘅烹調方法，嘅溫和又能食出海鮮鮮味！今次朋友帶去太子茘枝角道《小漁港海鮮舫》，歷史悠久，都幾爆場，朋友們要記得訂位啊！.🔰製作過程🔰店員首先會加入米、香肉、龍蝦頭係蒸爐最底層，預備製作海鮮粥底！海鮮分批蒸焗，店員都會作出提示及指導，間中都會由人客自己操作。逐款食，熱辣辣新鮮嘅保證，而海鮮的水份精華都會墜落入底層，形成香濃美味的海鮮粥，非常之令人期待😊.🦐頭盤剌身，三文魚、油甘魚、北寄貝，通通新鮮鮮甜，最驚喜係象拔蚌！無諗過食set都會食到，而且仲超爽甜！為這餐飯揭開序幕！⚠️注意:包日本芥辣超級大辣，份量要小心衡量.🦐椒鹽豆腐外脆內軟、炸得金黃脆口但又完全唔多油，兩個人食吓食吓好快食晒！.🦐炸黃豆酸蕎頭懷舊前菜，黃豆脆炸到卜卜脆，酸蕎頭好有回憶，好有開胃功能！.🦐蒜蓉龍蝦&瀨尿蝦龍蝦開邊鋪滿蒜蓉和瀨尿蝦一齊蒸，幾份鐘後店員提醒我們，時間剛剛好，甜又肉質好好食😋.🦐帶子、海蝦、馬友、鮑魚呢個組合非常之出色，我最欣賞馬友，少少鹹，魚味濃肉滑滑。.🦐蟶子、青口、蜆甜甜甜的貝殼組合，佢哋蒸完後嘅汁直接倒入粥底中.🦐荷葉蟲草花嫩雞烏冬食完幾輪海鮮後，食碗熱烏冬感覺幾舒服，荷葉做承托，中間放烏冬，烏冬面放滿蟲草花鮮雞件，旁邊有芋頭、粟米、南瓜、蒜蓉勝瓜，烏冬完全吸收晒雞嘅味道，意想不到嘅滑同香！.🦐海鮮龍蝦粥最後當然要慢慢品嘗精華粥底，粥感棉棉又有齊晒海鮮味，完美演繹。.
繼續閱讀
今次同朋友去咗食蒸氣鍋，真係食到好滿足！我哋order咗「是日廚師智選套餐」$318/位，成個set真係豐富到不得了，食到捧住個肚走！😋首先上枱嘅係⭐刺身拼盤，新鮮到不得了，每一片都鮮甜彈牙，開胃得嚟又唔會搶咗之後海鮮嘅風頭！跟住就係重頭戲——⭐八款時令海鮮！鮑魚：蒸得啱啱好，口感軟嫩又有咬口，鮮味十足！🐟扇貝：厚實又鮮甜，加埋蒜蓉一齊蒸，香到不得了！🐚海蝦：結實又彈牙，蝦頭仲有滿滿嘅蝦膏，鮮味爆棚！🦐馬友：魚肉嫩滑得嚟又唔腥，魚油香氣十足，食完仲想encore！🐟海螺：爽脆彈牙，鮮甜得嚟帶少少海水味，一啖就知新鮮！🐚沙白同花甲：蜆肉飽滿又多汁，一啖咬落去仲有海水嘅鮮味！🐚肉蟹：本身仲係生勾勾，勁新鮮！蒸完之後啲肉仲係好嫩滑，蟹膏又多，真係食到停唔到口！食完海鮮之後，仲有🥗四款時蔬，蒜蓉蝦干勝瓜、芋頭、粟米、日本蕃薯同南瓜，蒸出嚟嘅蔬菜保留咗原汁原味，完全唔會覺得寡，反而更加突出咗蔬菜嘅清甜！主食方面有⭐金針蒸雞烏冬，雞肉醃得好入味，加上蒸鍋有計時功能，雞肉蒸得啱啱好，又滑又嫩，烏冬吸晒啲雞汁，真係一啖接一啖！🍜最後當然唔少得個粥底啦！加$78就有個粥底（如果8位或以上就$156），啲粥吸收晒啲海鮮精華，加埋蟹殼同排骨，每一啖都係濃郁嘅海鮮味，真係美味值+100%！🍲另外我哋仲叫咗餐前小食：避風塘鮮魷($68)，炸得香脆又唔油膩，配埋啲蒜蓉辣椒，好惹味！佢哋個甜品勁suprise🥰～似係大粒黑糖珍珠包住啲紅豆🫘飲品方面叫咗兩支汽水，食得夠晒滿足又盡興！下次一定要叫埋屋企人一齊嚟食，真係好值得推介！😌👍
繼續閱讀
在一個下著大雨的晚上，我們於20:30抵達餐廳，晚市已經座無虛席，氣氛十分熱鬧。周圍的客人們都在開心地大聲交談。坐下不久，刺身便迅速上桌，非常的新鮮，接著是椒鹽白飯魚，外脆內嫩，味道適中，不會過鹹，一口接一口。隨後，我們品嚐了蒸蝦、鮑魚和魚，鮑魚在蒸之前依然活躍，證明了食材的新鮮。雖然原本想點花甲，但因為缺貨，餐廳額外送上兩隻扇貝，清甜可口。接下來的龍蝦和蟹肉更是鮮甜多汁，兩人份量足夠，這時我們已經感到飽足。最後一道是蟲草烏冬雞，鮮香撲鼻，由荷葉墊底餐後，精華的蒸鍋糯米粥讓我們吃得心滿意足，已經吃不下，只好打包回家。整體用餐體驗非常愉快，值得再次光臨！
繼續閱讀
**📍小漁港海鮮舫｜鮮蒸鮮味火鍋｜廚師發板時令海鮮宴** **💰每位HK$398｜性價比爆燈！** **🌊【頭盤：刺身拼盤】超豪華陣容** 象拔蚌（爽脆鮮甜）｜三文魚（肥美厚切）｜北寄貝（彈牙）｜牡丹蝦（黏糯甘香）｜帶子（滑嫩）｜希靈魚（爽口）… 全部新鮮到帶海洋氣息！ **🔥【海鮮火鍋主角】廚師嚴選當日鮮貨** ✔️ 元貝（飽滿多汁） ✔️ 鮑魚（厚肉彈牙） ✔️ 龍蝦（膏香肉爽） ✔️ 海蝦/蟹（鮮味爆棚） ✔️ 馬友（嫩滑無腥） ✔️ 聖子（清甜無沙） ✔️ 蟲草蒸雞（養生之選）⋯⋯ 師傅堅持「不時不吃，不鮮不賣」，每款蒸煮時間精準，原汁原味鎖住！ **🌟 食客點評** 「由刺身到蒸海鮮都無欺場，龍蝦仲識郁咁新鮮！」、「398食到咁多款高質海鮮，香港真係搵唔到第二間！」 **📌 餐廳資訊** ⏰ **營業時間**：星期一至日 **17:00 - 00:00**（深夜海鮮控必掃！） 🏠 **地址**：太子荔枝角道127-133號地舖（近太子站C2出口，步行約5分鐘） **💡 溫馨提示** 1️⃣ 建議預約，晚市經常爆滿！(2868 9863/6883 3144)2️⃣ 海鮮按季節調整，每次去都有驚喜～ 3️⃣ 醬料區有自製辣椒豉油，配海鮮一流！
繼續閱讀
有屋企人生日，講明想食海鮮。有朋友介紹呢間，好介紹。有兩個套餐，我地叫左PARCO 發板餐$398。先黎個刺身併盤，職員話象拔轉做龍蝦。龍蝦好新鮮，刺身都好正。其他海鮮都好新鮮，不時不食，唔怪得咁多人。我最鐘意食瀨尿蝦，望住郁下郁下好新鮮。如果有興趣，記得預早留位。
繼續閱讀
您可能會有興趣的...