小曼谷泰國美食 (南角道)

營業中

休息中

今次係一行六人特登楂車過嚟食，最令我難忘嘅係泰皇咖喱法包軟殼蟹$238，佢嗰咖喱汁係100分！大家一定要試😛 如果仲有汁，可以加多嗰泰式蒜蓉包 $48 享受埋啲咖喱汁😛 另外燒脆皮白鱔(兩串) $128- 來貨到燒都做得好好！不過串燒拼盤 $118 同 燒安格斯西冷牛小排 $268 就令我有啲失望，性價比偏低🥲 串燒拼盤有牛、雞、雞腎、雞全翼、泰式臘腸各一串，再俾我選擇，我會自選串燒，因為5串都唔吸引🙂‍↔️ 另外牛小排就好韌唔好食🥸 正常發揮無乜特別嘅咸肉炒芥蘭 $108 、泰式鮮蝦炒金邊粉 $108💁🏻‍♀️滷水豬手飯 $60 - 其實佢牛市係幾扺食，質量都唔錯，有機會要試下😎整體來講，我會再嚟食😍

我剛剛想上綱投訴餐廳 ，只係系統未能遞交😡⋯⋯我在系統綱上訂位，沒有提過要限時交枱⋯⋯但係當日去到餐廳佢就話要8:15分交枱⋯⋯我哋一行10人怎樣立即轉地方，所以只好接受，如果限時在訂枱時提出，但係冇只係多人訂枱就立即提出。這間餐廳非常精明 、只收現金💴這樣就避開跟進證據。我記得係$2555⋯⋯我係坐喺入門口的第一張枱嘅。因為門口的玻璃房坐唔到10人，所以只好用枱合併給我我從來訂位一定出席 ；如果唔去也打電話告訴餐廳

成日去九龍城食泰國菜，都係去南角道依間「小曼谷泰國美食」，菜式選擇款式多，所以今次又食下唔同野先，略嫌價錢定價稍貴。*此餐廳收取加一服務費。泰式飛天炒通菜（單點$108），採用麵豉醬、辣椒、蒜頭製作，通菜口感爽脆，食落好入味，味道香辣。鮮菠蘿雞肉炒飯（單點$98），內有雞肉、菠蘿、雞蛋、洋蔥、紅蘿蔔、雞蛋，菠蘿味道清甜，略嫌雞肉雞味偏淡，飯粒粒粒分明，配以肉鬆食用，食落好香口，配菜包括有番茄、青瓜。泰式乾炒肉片河（單點$98），豬肉肉質爽口，肉味濃香，略嫌肉片份量比較少，河粉食落帶有豉油味道，配料包括有芥蘭、紅蘿蔔、雞蛋。泰式冰奶茶（單點$34），茶味香濃，甜度適中。無糖可樂（單點$19），飲落好清爽。

其實親九龍城街市😏，一定會去埋食泰菜🤪🤪大小朋友都會好記得小曼谷，除左個名同招牌易記同搶眼之外，始終幫襯咁多次，它的質素都無咩變👍👍今次一行四人，星期二夜晚趁早早地， 7點就已經坐低左，嗌完嘢食，食到八點左右，門口已經排晒長龍等緊位，證明真係有班粉絲食客今晚嗌左幾個菜：🔅泰式鐵板蠔餅口感方面，個人覺得蠔餅外層酥脆，裡面的蠔肉鮮嫩彈牙🤤配埋煎蛋，口感層次分明。🔅泰式鮮蝦炒金邊粉好大碟，份量很足，性價比不錯。對於喜歡泰式風味的我黎講，絕對值得一試。我基本每次來食都會嗌😂😂🔅香葉肉碎蝦膠皮蛋金黃酥脆的外皮（炸蝦滑）包著超香的皮蛋，加埋香葉碎同肉碎的香氣，配埋一齊食口內有回甘感覺😋 🔅泰皇咖哩青口不得不提及，餐廳正推出每日指定菜式夜市堂食只係$38 就有一大盤泰皇咖哩青口❗️我地四人，再叫埋薄餅做主食+ 咖哩青口，真係食到舔舔脷🤭🤭🤤🔅串燒三款（牛/雞/雞腎）整體來說，泰式鐵板蠔餅做得非常出色。質量穩定😃口味正宗。對於喜歡嘗試泰菜料理的食客來講，我推薦呢間地膽泰菜餐廳。

餐廳開業多年依然好有人氣，熱門嘅泰國菜式都有齊，除咗泰式火山排骨🌋仲有冬蔭部隊鍋🥘啱晒愛辣嘅朋友🌶️最正係餐廳每日都有特價菜式，$38就食到，呢個價錢去邊度搵🥢🔖［ 香葉肉碎炸蝦膠皮蛋 ］第一次食到呢個配搭，以蝦膠包住皮蛋炸香，口感濕潤Q彈上面鋪上惹味嘅泰式肉碎同香葉，帶嚟微微酸辣味好開胃🔖［ 泰式鮮蝦炒金邊粉 ］金邊粉炒得乾身，味道甜甜哋好易入口，鮮蝦大隻彈牙，伴碟有花生碎，口感更豐富🔖［ 沙嗲串燒 - 雞全翼 豬肉 雞腎 ］沙嗲串燒當然係必點，泰式沙嗲重花生香，重有花生粒粒，呢個沙嗲醬點唔同食材都好正燒雞全翼金黃滑嫩，外香內軟🍢豬肉及雞腎內裡肉汁滿滿，加上沙嗲醬相當惹味

🇨🇷🥘小曼谷🍢🥥啱啱泰國返嚟又回味泰國嘢😂最唸到一定係小曼谷，九龍城泰菜陀地👍🏻同屋企人去食番餐🔸泰皇咖哩青口$38 - 🥘超抵呀！平日食晚飯有限時優惠menu, 每兩日就有一款菜式特價，今日我地撞岩係咖哩青口，係黃咖哩甜而不辣，味濃突出，青口都幾大隻添呀！👍🏻即刻叫個烤餅配佢黎食🌮🔸 香葉肉碎炸蝦膠皮蛋 $138 - 做工頗為講究，羅勒葉清香同肉碎鮮美,搭配炸蝦膠軟糯煙韌、皮蛋滑嫩。全部包一起，拿捏得好好👍🏻整體口感豐富濃郁,既入口即化,又有層次感。🔸 泰式鮮蝦炒金邊粉 $108 - 蝦肉新鮮多汁,金邊粉滑順Q彈, 這道泰式鮮蝦炒金邊粉整體呈現效果,無疑色、香、味、形俱佳。🔸 泰式鐵板蠔餅 $138 - 蠔肉飽滿肥美,口感十分鮮嫩,蠔肉本身的鮮味,又加入了泰式香料,使整體口感香氣四溢。調味功夫精細體現, 鐵板烹飪的方式,鎖住食材鮮美, 煙燻香氣令蠔餅倍添美味🔸牛肉，雞肉，雞腎串燒 $22/1 - 串燒配以沙爹醬，剛剛好，將肉味提鮮，肉不硬而入味，雞腎串爽口不韌👍🏻整體來講，小曼谷質素從來都維持到☺️食物味道咁好，調味真係用心制作，下次又再食啦❤️

想食泰國菜，黎到泰國菜集中地既九龍城，呢次試下位南角道既小曼谷！ 食泰國嘢點少得食串燒🍢雞肉、牛肉沙嗲串燒，燒得香滑，剛剛好！ 燒雞全翼，係必定要食！ 雞翼超大隻，雞皮金黃起油光雙骨之間大大啖雞肉薄薄醃醬香已經好入味連翼尖軟骨都有火烤香氣👍🏻🥩極上牛小排沙律爽口生菜沙律 拌上酸辣汁洋葱、蒜香辣椒，酸酸辣辣配一口牛小排，肉香鮮濃牛排烤半生熟外脆內軟🥄小曼谷炒飯試下招牌炒飯，好有驚喜！ 用蛋包住炒飯好飽滿，切開外層香軟炒飯夠鑊氣蟹柳、扎肉、豬頸肉、蝦，配料好豐富！

晚市$38真係超抵 抗通脹🏆🍽️泰王咖喱青口 $38 （逢星期一至二）🍽️傳統冬陰雞湯 (細）$38 （逢星期六，日）🍽️泰國熱爆火山骨$38 （逢星期三至五） 因為我哋去嗰日係星期三，所以就試咗個泰國熱爆火山骨 火山骨夠晒大份$38完全係超值之算 肉質鬆軟少少肥膏食落好香口，而佢係用泰國秘製嘅湯嚟燉出嚟嘅肉 湯汁滲入咗鹿肉裏面令到肉更加香滑而又食到湯嘅味道非常推薦🍽️鐵板豬頸肉炒通菜今晚MVP🏅鐵板嘅熱力帶起左啫啫醬嘅香味 好夠鑊氣 豬頸肉夠晒淋又好入味 通菜好掛汁 味道濃郁 好味 🍽️泰式濕炒牛河呢款濕炒牛河真係太多地道風味 河粉底喺鑊上邊略為煎香令到河粉有少少焦香嘅味道10分香口再加上用時菜新鮮牛肉加上蠔油魚露生抽老抽等等嘅醬料去做一個芡汁 淋上去河粉上邊 撈勻去食10分惹味真係食晒成碟都未夠喉🍽️串燒拼盤呢個串燒拼盤有五款唔同嘅泰式串燒，包括雞串 豬肉串 牛肉串 泰式臘腸 同雞翼匯款串燒上碟嘅時候都係熱辣辣雞肉皮香肉嫩牛肉牛味重 豬肉 爽口多汁 加上秘製嘅沙嗲醬一齊食，真係好似去咗泰國食地道嘅串燒咁好好味📍小曼谷泰國美食 (南角道) (九龍城)九龍城南角道9-11號地舖

九龍城有小泰國或者小曼谷之稱，嚟到九龍城食泰國嘢基本上就係香港人成日會去嘅地方，尤其是夜晚會特別墟冚特別多人。所以今次避開夜晚，食中午，而且地點都好方便，而家有埋宋王臺站，根本就一出就極多美食圍住我。今次有少少叫多咗嘢食，所以見到成枱都係嘢，但係每一樣嘢基本上我都食得7788 ，冇浪費。好多嘢都推薦，但係最令我驚喜嘅係香葉肉碎蝦膠皮蛋。一來份量好多，皮蛋糖心包喺脆脆入邊，食落兩種口感好正！側邊嘅香葉都炸到好脆，口感一流，又香又鬆脆！仲有餐廳正推出夜市指定菜式堂食$38，好扺。 我至愛嘅芒果糯米飯，炒米粉酸辣鳳爪佢都係好高質！海南雞飯椰青嗰啲就唔使講啦，泰國菜基本嘢都係好有水準！

食泰國菜一定唔少得「小曼谷泰國美食」😜😜😜.牛油蒜蓉燒蟶子皇(3隻)🌊🌊蟶子皇大隻鮮甜爽彈😛點埋酸辣汁🌶️好惹味😬.牛油蒜蓉燒青口(半打)🐚🐚青口用牛油🧈蒜蓉🧄白飯魚燒🐟特別香口🤤.小曼谷原隻芒果糯米飯🥭🥭芒果意外地香甜😱糯米飯軟糯🍚🍚而且椰漿足夠🥥.西瓜沙冰🍧西瓜味道天然清甜🍉🍉超級冰涼😗😗.泰式冰奶茶🧋茶味獨特香濃😌口感順滑👍🏻👍🏻

九龍城南角道依間「小曼谷泰國美食」都真係數一數二係依個小泰國嘅人氣餐廳。*此餐廳收取加一服務費。小份冬蔭海軍海鮮部隊鍋（單點$138），好足料，魷魚、青口食落有鮮味，大蝦肉質爽口，內有牛肉、扎肉、火腿、肉碎、雞蛋、生菜，冬蔭功飲落充滿香料味道。泰式生蝦刺身（單點$128），生蝦肉質肥美，口感爽彈，配以生蒜、指天椒、泰式酸辣汁食用，食落好惹味。雞全翼沙嗲串燒（單點$24），好大隻，肉質嫩滑，食落好Juicy，配以沙嗲汁食用，味道更佳。牛肉沙嗲串燒（單點$22），肉質厚身，牛味濃香，食落帶有焦香味道。

由於好想食泰國菜，即刻外賣🥡返屋企食～之前都有幫襯開小曼谷，所以黎咗呢度叫外賣香葉肉碎炸蝦膠皮蛋$140出邊泰國舖好少見呢個菜式，佢係將皮蛋用蝦膠包住，然後拎去炸，切開後上邊鋪上香葉肉碎～皮蛋好香蝦膠十分彈牙😆上邊香葉肉碎好惹味，必食，份量都唔少🙌🏻串燒拼盤 $118有雞、牛、豬、雞腎、泰式臘腸同燒雞全翼，全部串燒燒到都唔乾，最欣賞係泰式臘腸好有油香，另外燒雞全翼好惹味，其他串燒水準亦高，配上甜甜辣辣的沙嗲醬👍🏻海南雞 $192因為太鍾意食海南雞，所以叫咗一隻，海南雞雞皮唔會好肥，平時怕食雞皮嘅我都食到，肉質嫩滑，再配上酸酸辣辣嘅醬，好快食晒一隻☺️

👧🏻😋👅🍽✨份量十足泰國菜 仲有$38一大碟咖喱 超值🈹-🇹🇭 重點推介‼️晚市堂食有日日至筍優惠, 一星期換3款$38菜式, 仲要冇將貨就價, 大大碟好足料, 係真正大優惠, 難怪咁多人捧場🇹🇭 不過有兩邊店面位置唔少, 就算冇訂枱都只係等一陣位; 皆因佢上菜超快, QR code落完單眨下眼就出晒, 碟碟都好有鑊氣😙-🍛 泰皇咖喱青口 日日至筍價 $38泰式原味烤薄餅 $48💯黃咖喱唔會好辣, 但好香椰味, 杰度適中, 點包送飯都好適合, 連殼既紐西蘭青口份量唔少, 肉質彈滑, 雜菜都好清甜💯烤薄餅之所以係泰式我諗因為佢似香蕉煎餅塊皮咁酥脆, 個餅唔會太油都唔錯, 但個烤餅仲貴過半張枱咁大碟咖喱笑死 🤣-🍤 香葉肉碎炸蝦膠皮蛋 $138✨手工菜好吸引! 小食類$138少少進取, 但原來份量好多, 蝦膠好厚身, 包住溏心皮蛋, 用泰式肉碎黎炒好香, 令皮蛋唔會有平時果種澀口味道-🥖泰式炸春卷 $96💯又係大大份小食之選, 春卷超級脆! 包住肉碎, 蔬菜同粉絲, 清清地更突出春卷皮香脆口感-🌾 蝦醬海鮮炒飯 $118✨色水好深但調味唔會太鹹, 蝦醬香而不膩, 炒飯粒粒分明, 有蝦, 魷魚

小曼谷喺香港都有唔少分店，但約親朋友食泰國菜都會揀九龍城🤣 之前睇過其他食評見到佢有$38優惠，鍾意食海鮮嘅，我哋揀咗逢星期一二訂座，有$38咖喱青口，果然實物同食評一樣樣，貨真價實好抵食👍🏻青口肉唔算好大粒，但鮮甜結實，配上甜甜辣辣嘅黃咖喱去泰菜精華🥰天氣熱都一定要飲椰汁雞湯！用香茅同檸檬葉，再加上雞肉煲到出晒黃油，好鮮甜，又帶微酸好開胃，一人飲番兩碗好疏肝本身想食炸蝦餅但叫咗香葉肉碎炸蝦膠皮蛋，蝦餅份量不減，但包咗隻皮蛋喺入面一齊炸，第一次見呢個菜式，仲有炸菜香葉同炒肉碎好惹味另外叫咗個泰式鹹魚炒椰菜苗，用鹹魚塊炒，除咗炒到入味之外，仲有魚粒咬下最後再叫泰國菜必食主食！泰式鮮蝦炒金邊粉，羅望子醬好香但同時唔會太重手遮咗鮮蝦嘅鮮味，金邊粉炒得透好入味，但唔會太林，酸酸哋一人一碗好快食晒😆

今日跟同事去了九龍城搵食，到左位於南角道之#小曼谷泰國美食，食番餐正宗嘅泰國菜，好彩到達時尚有位☺️，因都差不多滿座。餐廳於夜市堂食推出，指定菜式只需要$38，今晚是曼谷夜市火山骨，這個價錢真係超值，炆煮得夠淋入哂味，排骨好易咬開，底部嘅醬汁似冬蔭公的味道，酸辣好開胃啊。海南雞配乾麵，加$10轉左髀位，包配例湯好抵食，雞己起晒骨啖啖肉，皮薄又滑，我地都忍唔住食埋佢，雞髀肉嫩滑，配合醬汁拌勻麵一齊食就好美味了😋。牛肉併豬肉冬蔭公湯河，份量多很足料，爽的彈牛丸都有成6粒，新鮮豬肉肉都好多片，配料仲有草菇，味道多層次又惹味。青咖哩海鮮，食材有青口、鮮蝦、魷魚同蔬菜，咖哩帶有點辣，都唔錯。飲番支冰凍啤酒🍻，又過了一個愉快晚上🌃。