小廚知味 (已結業)

十點未夠陳六記外賣電話無人接，我只會打一次，那就轉戰小廚知味。不經意幾年無探訪，環境及衛生保持惡劣，有極大的改善空間。豉椒豆卜蒸排骨飯炒底，排骨爽彈肉多骨少真靚靚，啖啖爽肉搭脆卜卜軟骨趙得舒暢﹗豆卜索盡豉汁略咸，再加上濃烈豉椒蒸排骨，迫住扒多幾啖雪白濕炒飯。涼瓜炒蛋飯炒底，甘甘帶爽涼瓜片不苦澀，炒蛋黏黏漿糊，漿住我的嘴﹗白雪雪炒飯底濕濕腍腍黐晒牙，炒得最差的一次，而且誠意地千里送條毛作裝飾呢。乾燒伊麵，雖乾爽彈彈完整不散碎，最慘無乜色水而落味淡口不夠香不夠味，淡淡然悶悶的。四川麻婆豆腐，花椒味辣汁浸著肉鬆十分惹味，可憐的豆腐不軟滑不夠熱辣辣，而且隱約有點點酸味。四川麻婆豆腐撈乾燒伊麵，無心插柳但柳成蔭﹗濃味香辣麻婆汁遇上淡口伊麵互補長短互相扶持，味道齊齊提升到另一層次﹗長啜長有的伊麵拖著麻婆汁夾著肉鬆豆腐，大啖大啖越塞塞起敬，百味交差融合舔舔脷﹗最終一滴不留清得乾乾淨淨。金針雲耳蒸雞，濃郁醃味陣陣酒香，雞件雞肉索晒味，就連蟲草花雲耳撈飯都一樣滋味無窮﹗大量雞件重料夠抵食，髀滑胸鞋。XO 醬瑤柱蛋白炒飯，第一次食用豉油炒的瑤柱蛋白炒飯，我較喜歡菜粒多過脆肉瓜粒。有鑊氣熱騰騰，蛋白一塊塊，

我今日要同大家分享一間位於上水嘅餐廳 叫做「小廚」，常駐菜式：「時菜野菌貴妃雞湯飯」。.首先，我要講下佢哋嘅貴妃雞湯。呢個湯鮮甜濃郁，湯底滋味豐富，帶有鮮嫩嘅雞肉味道。裡面加入時令嘅時菜同野菌，增添了菜式嘅豐富口感同風味。每一口都帶來暖心嘅滋味，令人覺得好滿足。.而湯底嘅濃郁味道同時菜野菌嘅鮮美都可以同埋配上飯。佢哋嘅飯煮得香軟，每一粒都襯托出湯底嘅美味。配合湯汁同飯一齊食，令味道更加豐富，讓人食得好過癮。.如果你鍾意食雞同野菌，呢個「時菜野菌貴妃雞湯飯」絕對係一個值得一試嘅菜式。佢哋嘅湯底同飯粒口感完美結合，帶來豐富嘅風味同層次。.值得一提係餐廳嘅菜式全部份量都好大，男仔都一定夠飽，而且味道好過普通茶記。

餐廳小厨知味是一家茶餐廳，我最近去光顧了一次。這家小店的座位相對較少，很快就坐滿了。我點了他們的常餐，選擇了叉燒意粉，配多士、火腿和炒蛋。主菜還有其他選擇，除了叉燒，還可以選擇沙爹牛肉；粉麵方面，除了意粉，還可以選擇公仔麵；配料方面，如果不想要火腿，還可以選擇午餐肉或香腸。叉燒意粉的味道算是正常，是我平常吃慣的味道，沒有太多驚喜。火腿炒蛋和多士也是一樣，沒有特別出眾的地方。我的朋友點了沙爹牛肉公仔麵，他覺得這道菜比較好吃，可能是因為沙爹牛肉帶來了更豐富的口味。這家餐廳還有很多其他菜式可供選擇，我們這次只試了他們的常餐，下次可以嘗試其他菜式。我喜歡餐廳提供的多樣性選擇，這樣可以根據口味和喜好做出不同的選擇。總的來說，餐廳小厨知味的午市餐點味道正常，沒有太多特色，但是價格相對合理。如果你正在尋找一個簡單的午餐選擇，這家餐廳是一個可以考慮的地方。👍👍

話說呢幾日又打風，又撞正紅假，所以又有一班朋友上嚟我屋企打麻雀。打牌緊係唔煮飯，叫外賣啦今次第一次叫呢間小廚知味，真係幾有驚喜😂因為個性價比真係好高我地一共叫左7樣野食，送埋上黎先$460😻😻 仲要每樣送都包一個飯，真係超值咁多款食物最推薦係金瑤野菌燒豆腐，好好味🤓 另外西檸雞都好好食，唔會好多炸粉，啖啖都係雞不過咕嚕肉就好一般，比較多炸粉😟金銀旦白菜金瑤野菌燒豆腐魚香茄子煲蝦仁炒旦西蘭花炒鮮魷西檸雞咕嚕肉總結而言，呢個價錢有咁多野食係無野好彈😂😂😂

嗌外賣 唔夠人送唔該唔好接外賣單！ 等左45分鐘先上到黎 野食凍晒 仲要服務態度極差 打去追佢串返轉頭話等多陣嗌唔夠人！唔夠人唔該唔好接外賣生意！！order時都冇講要等咁耐 要人等你9個字我不如自己落樓買 明明係樓下 仲要上到黎野食凍晒 激死！ 外賣員同聽電話呀姐態度勁差 以後唔伯再幫襯 完！

之前經過成日見到夜晚好多人幫襯今晚唔知食咩又住附近，諗起哩間夜晚9:15打去落單20分鐘左右送到第一次幫襯就叫外賣送上門估唔到份量咁大食物味道唔差，份量足！熱辣辣有獲氣！物超所值！會繼續幫襯！

搬左去上水一段時間，一直都好鐘意黎呢間小店，小店位於屋苑樓下，面向馬路，仲可以係店外擺設檯櫈比人食飯。最重要既係，可以帶狗！可以帶狗！可以帶狗！🐶🐶🐶重要既事要講三次😂對於狗奴黎講，真係一個喜訊！講返食物先🔹椒鹽鮮魷炸得好酥脆，個皮唔厚，不過好似有少少咖哩味，好好味🔸洋蔥炒牛柳菜單上面無架！不過你叫就會整👍🏻牛柳好淋，洋蔥超入味🔹苦瓜排骨煲苦瓜爽爽脆脆，排骨超淋🔸粟米斑塊其實真係唔明點解樣樣都感好食無魚腥味（利申：唔食魚）可能用雪藏魚，脆口得黎又有粟米羮係面好啱餸飯😋樣樣野都好有獲氣！價錢又啦唔貴！又可以帶狗！真係我既飯堂黎架😋💬碟碟都好大碟，好足料，其實4個人叫3個餸已經好足夠！我仲有剩，打包添呀！😋😋

由於本人係住起呢間鋪頭嘅附近，所以一諗唔到食咩嘅時候，都會叫外賣送上屋企，真係十分方便，仲要係叫一個餐都唔洗加錢，而且通常半個鐘左右就有，時間都好合理。而呢間小店係我食過超過10次既外賣，因為份量真係好多，價錢合理，味道十分之唔錯！我通常都會叫菜遠排骨炒河，係超級大碟，應該有成十幾舊排骨，仲會覺得排骨肉係幾新鮮，而青椒洋蔥係生生地，但都本得夠入味，最緊要係夠多汁，味夠濃，混合落去河粉度，味道剛剛好，我試過好多茶餐廳都冇呢一間整得咁好食！

黎左三四次都無位，今晚終於食到喇，但無左我想試既火山肉蛋即咸蛋蒸肉山，唯有肉餅都照殺啦！叫得蒸餸都預左起碼等十幾廿十分鐘喇，似乎得一味餸唔多夠我飽，買個保險先。冬瓜豬骨湯，餐具櫃無羹用又費事叫伙記攞，唯有成碗拿起飲啦，平凡味精湯。口水雞例牌，賣相美觀骨子，顏色鮮艷具吸引力，索一索酸辣味飄香。大肥雞厚厚的皮、厚厚啫喱狀透明肥膏，當睇唔到照食可也 ﹗但食到最後一舊終於頂唔順要放棄，太油膩又肥騰騰。將雞件浸係辣汁上不停翻滾，洗咩驚喎 ﹗辣味道似層相識，好熟好熟，到底咩味呢？諗左好耐，食左半碟突然醒起原來係 washabi。口水汁只屬 BB 辣、BB 麻，微酸帶少少 washabi 味，唔差喎，都幾開胃。冰鮮雞都預左無味，不過辣汁夠濃都還可以。咸蛋蒸肉餅，肥豬肉多到嚇死，無處不在，好似 pizza 面頭既芝士一樣咁多，死就死啦，照食！肉餅超級鬆軟，基本上腍到可以直接吞，無質感無咬口可言。甜味濃厚，再淋上甜豉油，甜上加甜，幸好撈上咸蛋白飯可以舒緩一下。其實撈咸蛋、白飯、肉餅、甜豉油味道幾好，只不過淋劈劈，而且太多肥豬肉，大肥膩，食完有點反胃。我剛剛先食晒成碟勁肥雞乍，再肥豬肉真係吃不消。一路食，

上水呢間「小廚知味」好近陳融中學,平時都見唔少學生黎食。呢個舖位不斷易手,之前都係糖水舖。老街坊甜品執左變做反斗奇冰,好快又做唔住變左一點甜。特濃芝士撈公仔麵餐:爽脆蝦球撈公仔麵 $32 配熱飲 蝦球真係爽脆,公仔麵保持一定韌度,冇煮到淋晒,芝士味香濃一點會更好。鮑魚雞粒炒飯大大碟,最啱男士食。熱辣辣,有鑊氣,飯炒得乾身,粒粒分明,係油左少少...

今日又係山長水遠地跑到上水。老實說，單單在市政大廈的食店，已經可以把在下填得飽飽，更何況在上水亦有新開的食店。不跑去市政大廈，也不跑去石湖墟，偏偏走到私人屋苑的樓下，看看一間新開的店子，小廚知味。從地圖上看，似乎媭遠，但是由火車站行過來，只需約十多分鐘的腳程。站在門外看，已經知道是一間小小小店，內裡卻只有約二十個座位，裝潢很簡單的，只有假磚牆和落地玻璃，還有一個小小廚房。午餐時間不多食客，只有學生哥在內用膳，幸好不用等位。在餐牌上羅列了午餐和小菜，一些套餐和炒粉麵飯。為了節省時間，就選了一個午餐好了。例湯不知道名堂是甚麼，只知道有薏米的味道和一片瓜，整碗湯不算得是老火湯，因為味道比較清淡，沒有強烈和濃郁［戈老火湯味道。洋蒽豬扒火腿蛋飯或者是在下久未吃過的碟頭飯，洋蒽汁看來較為鮮紅和濃稠，用來撈飯都可以的。豬扒煎得不算鬆化，但是肉質較腍，亦有少量脂肪在內，幸好沒有煎得太靭；煎蛋不是太陽蛋，因此蛋黃幾乎熟透，幸好尚有一點蛋汁流出；火腿就一般而言。雖然氣溫只有廿四度，可是外面仍然太熱，來一杯凍奶茶降降溫。凍奶茶仍有點茶味，淡奶顯然是重手了一點，使茶的回甘度不足，倘若沖多幾次和淡奶不要落得太多