小寶哥一人小鍋 (已結業)

天氣突然轉凍，梗係去食火鍋啦。之前係雜誌睇到介紹，有任食一人一鍋，所以慕名而去試下。首先，要揀你想食咩牛，有三個level，當然愈貴愈靚，我就揀左最貴嘅雪花肥牛，真係好滑，就算放耐左，都好好食，貴都值。之後就可以揀湯底，湯底有5-6款㨂，為左試新野，就揀左椰子湯底。來到都聞到椰子清香，亦夾到食物嘅味道。最後你就可以剔你要嘅食物，選擇都算多，亦都算新鮮好味。不過，最衰係辣椒豉油唔夠辣，如果要加辣椒就要比$10。

本人非常熱愛打邊爐，因為約埋三五知己一齊去食，大家一齊滾下滾下，非常之熱鬧。同埋打邊爐通常都會打好耐，所以大家可以傾計傾好耐。呢間嘢之前係團購見到，感覺一人一鍋都幾新鮮啦，同埋價錢幾抵，所以就同朋友一齊買左幾張來玩下。本身本着一個團購嘅餐廳會比平時質素低啲嘅心情去食，純粹覺得好平又可以任食。點知發覺食物質素都幾高個喎。湯底方面，我揀咗醉雞鍋，湯底都幾落足心思，都幾惹味嫁。食物方面都幾多選擇個喎，除咗比較大路嘅肥牛片、豬肉片、雜丸等等，仲有出面少見嘅豬肺、黃沙豬潤、糖心皮蛋等等。而且佢仲設置咗一個自助區，放置左好多蔬菜，魷魚牛柏葉腸仔等。就以肥牛為例，唔會話成舊都係肥膏，質素已經好過普通酒樓火鍋嘅好多。👍🏻👍🏻👍🏻佢仲有一個自助醬料吧，有好多配料可以攞，辣椒蒜蓉蔥花沙茶醬豉油麻醬等都一應俱全，值得一讚。🎉收費唔貴，坐得又舒服，食物質素又幾好，就算之後唔做團購優惠，我都會在返嚟幫襯。大家都可以黎試吓！😋

打邊邊一向係我至愛，一人一爐就比較少食，今日同男人搵食時見到，試下囉。價錢明碼實價，下面已經寫明「落樓$148」，呢個我鐘意，次次任食d餐廳都唔寫明，加呢樣果樣最後唔平。入到去已經好多人，店員話上樓上啦，上到去環境唔迫，唔會一大陣打邊爐味（走果時出奇冇一身臭味👍）店員好似好細個咁，好有禮貌有笑容，同埋都幾靚女😂👍我餓到爆炸，唔客氣勒，先order湯底，男人要醉雞，我叫沙嗲，等既期間去拎飲品，飲品種類唔多，不過任飲冇所謂啦，醬料方面有少少唔好，得蒜，辣椒同蔥，豉油有辣椒油同普通豉油，個碟好細隻，不完豉油都冇乜位落其他，同埋豉油好淡😭搞到我要問店員有冇咸d既豉油，好彩有。湯底方面，我個沙嗲又係好淡，但男人話佢果個好味，入面既雞超滑。入場會送既刺身，都算新鮮既。出面有好多自助料。皮蛋好正👍不過都幾滯叫送係以「幾粒/幾條」咁落，我覺得幾好，食幾多叫幾多，唔會order一份食唔晒。有好多特別既丸，雖然唔係隻隻好食，但一般任食唔會有既佢都有，唔錯👍魚片好新鮮，同埋最驚喜係有九肚魚😍平時散叫先有，果次食過覺得超正，估唔到148任食都有，好開心👍總括黎講呢間打邊邊真係好正，可以試下😂👍

很久也沒到過新蒲崗，今天舊地重遊，睇吓附近有乜好食，經過一輪考慮後，選了小寶哥，因他價錢吸引，又可以試吓一人一爐火鍋放題。今天不用等位，我們一行四人可即時入座，每人揀選了自己的湯底後，可到自助區取食物。菜有三款，菇類又有三款，其餘丸類、豬紅、豬皮、豆腐、腐竹山根等可任食。豬牛同水餃就要落單才送過來，不用等太長時間，呢嗰價錢食到呢啲食物已經好抵，原來飲品也是無限添加的，有茶廳食料，另有竹樜茅根水、黑芝麻豆漿，非常好飲，總括來說就非常超值，值得日後再去。

因為我就住係附近，所以自從發現左呢間餐廳之後耐唔耐要打邊爐都會黎呢間。一人一鍋呢點試過就知好正，又唔使怕搶左人地舊肥牛，而且可以叫自己鐘意既湯底。唔使次次都屈就其實唔好食 + 最後會變成一樣湯底既鴛鴦。我最欣賞呢間餐廳既地方係佢既簡單 - 簡單既意思係，佢提供既野會令你可以簡單地打邊爐。首先，可以選擇既食物一定會有，而且你填幾多份量，就會黎幾多份量。去開既其他任食打邊爐酒樓/餐廳，通常你都要同廚房鬥智鬥力。你寫十碟肥牛佢係絕對夠膽死只係比六片你，即係一碟。呢D 情況係會令你懷疑其實係唔係只可以填剔揀一碟而唔可以填數量。呢間唔同既地方係，你叫幾多，佢真係會比幾多你。我第一次去唔知情既時候就曾經「身受其害」。因為平時好少會去麵店食雲吞麵或者特別走去八方雲集之類既地方食水餃，而屋企得兩個人又唔會自己包。所以我通常會係打邊爐既時候多叫雲吞水餃。因為通常酒樓都比唔齊，第一次去既時候我以為呢間都係咁，結果兩個人食，四樣餃我每樣填要八粒。結果所有野如數黎齊。一份全盒咁大碟既水餃拎上黎既時候真係呆左一下。同理，佢仲上左六碟肥牛，四碟豬肉，八條響鈴等等等等。結果係到後來再拎過黎果D 怕食唔哂而直接叫佢收

因友人生日, 於是去到山長水遠的新蒲崗食飯 (對本人而言)這間店的特色, 就係每人可以選擇一個湯底, 一般約$28一個, 當然有些貴d啦. 我就選擇了猴頭菇+沙魚骨湯底. 味道可以. 另外, 友人選擇了有Satay, 清湯,牛尾等, 都有十種不同湯底架. 不要小看小小一而鍋, 火力都好夠.由於當晚實在太多人, 不能每碟菜拍一張. 亦無法一一評價, 只好評論幾樣特別的. 蝦sashimi  - 新鮮, 大隻, 好爽牛頸脊及和牛 - 唔錯, 有肉味, 新鮮, 不會有根位燒大Squid - 剛好, 泰醬汁好味蝦丸/蝦滑 - 有新鮮蝦, 讚墨魚滑 - 好味,彈牙嚮聆 - 新鮮, 好味魚 - 基本野啦內臟 - 無雞子, 其他豬內臟一般雜菜 - 真係唔抵, $28一籃, 得小小, 平時勁食菜的我, 我想5藍都沒必有一斤菜

新蒲崗雖則不是我覓食主要地頭，但始於喜歡它的老牌地區、暫時依舊全在著不變之街坊氣息，除了譽港灣一帶街道起不了變化、大部份領土亦未被外圍大型連鎖店侵襲， 可以尋找到地道港式風味．．．『燒味』可算是香港情懷特色之一，不經意地已被微細之小型連鎖分店、落腳於此 正明地皮真是越見越貴，舊區已黙黙的起了革命 此間店舖晚上就變身為一人一鍋之(打邊爐)，而午市就如一般茶餐廳、除一般性茶餐廳食物外，還掛上立立靚之燒味做生招牌、新面孔當然是吸引一眾街坊，而我當然也不例外 要來一個燒鴨肶米線$42.每件肶肉都尚算嫩口， 當然鴨肉香每每來得不及鵝肉(鵝肉肶米線$62.)濃脂香氣、 但始終在於新蒲崗小社區比對上來得有點貴， 還是我慳着荷包食甜品? 嘻嘻．我想兩者也皆是吧!跟上餐飲之熱咖啡，濃得過於點苦 還是快快加點黃糖中和一下整體上(新)所以感覺上不錯，亦因為(新)所以吸引了一班街坊食客在門外指指點點看來下次午飯也要試試他們的碟頭飯才再論。