小南國 (已結業)

睇戲前有啲時間就見到呢間上海餐廳，坐低侍應都尚算有禮貌 有招呼 會有幾隻茶俾客人簡 當然茶介就吾會好似平時甘5 6蚊一位 今次試左個荔枝紅茶 味道吾金 可惜茶包只會愈浸愈濃 蓋晒荔枝味 呢個餐廳可以改善下兩個人食嗌左個螞蟻上樹 粗炒 小籠包螞蟻上樹鐘意食辣既可以一試 不過味道我吾清楚 因為我吾好辣 至於粗炒 太油 太多汁 太咸 完全係油膩 小籠包 52蚊4隻 冇乜特別 正正常常既小籠包味道 湯汁都有啲油 埋單2位 333 連小菜加一同茶介 總括黎講 只可一 不可再。…查看更多

試過一次冇咩必要都唔會再食 餐廳裝修很好靚 但價錢同食物質素不成正比 如果係要招呼親朋戚友或者見客 環境絕對一流 但平時唔會再食醉雞都一般冇咩分別 酒味都重排骨唔夠味 同埋份量少黑松露炒飯 用中式炒飯加黑松露 意外地又幾好食 都蝦得兩三隻 有啲寡 …查看更多

裝修後第一次來吃晚餐，小菜價錢偏貴，份量偏細，普通茶都收18元一位，前菜25元一碟，6人剩茶介都158元再另收加一，唯一好處是可以坐一晚都無人騷擾趕你埋單，高消費場所，無下次啦！…查看更多

大年初一例行公事--飲茶。成日就係酒樓，酒樓同酒樓，其實都真係幾悶下，唯有自己為自己改變下。但要改變之餘又唔可以離經叛道，如果唔係就會比班大佬炸型。。唔通大年初一就想比人開年咩。。。醒目小小，訂左間有茶飲，有點心食嘅上海菜館。記得係要訂位，新年分左11點同1點半兩個時段，我地就飲一點半，全場都爆唒，一枱接一枱都幾滿下，又覺得唔多寬闊。前菜有兩款，以川式的微辣味為主，味道一般。點心以上海式為主，有傳統的生煎包，小籠包，鍋貼。三樣我地都有叫，除左小籠包真係皮薄，有湯汁，味道不錯之外，另外兩款都係不太好食。拒能夠煎出個皮係脆的，但是肉餡一d都唔好食，太細舊，而且無肉味。皮蛋豆腐--又貴又唔好食，百福豆腐加皮蛋再加醋一齊雪凍就係甘普通。皮蛋連溏心都無，點搞丫。招牌菜黑松露蝦仁--都係一般，蝦仁雖係爽脆，但甘嘅價錢就細份左d。而且黑松露的味道唔夠香，唔太值。為一挽回分數嘅就係呢個外婆紅燒肉。當真舊紅燒肉有五層，層次肥瘦分明，炆嘅火喉又夠，好入味。完全食得出拒嘅油香同肉香。再配埋個軟熟的蒸包，中和一下過於油膩的感覺，實在不錯。瑤柱蛋白炒飯--味道可以，除了瑤柱同菜同蛋白之外無其他材料，要98元，但可幸的係拒嘅瑤柱都有番甘上下大，合理。仲有呢個芝麻煎堆係好食嘅，外皮夠煙韌，上面有芝麻香，內裡的芝麻餡都好香，而且夠甜。亮點係上面個桂花糖漿，令甜得嚟會有一種清新的感覺，值得讚。整體來說覺得呢到的價錢偏貴，5大一小要1300蚊埋單，而且份量偏細。味道有d得有d唔得，如果講緊呢d有品牌嘅食肆就唔太及格了。…查看更多

幾個朋友因爲有人生日，咁就梗係要去間好坐啲又得體既餐廳「小南國」啦，整間餐廳都以中式茶樓佈局，同埋呢間係上海著名食府，專門經典同創新既菜式，但冷氣就唔太足夠。提提大家，如果係唔要前菜，係可以預先同侍應提出取消前菜，咁就每碟慳返幾十蚊啦。我地今次點選了「小籠包$48」、「生煎包$36」、「糖醋小排骨$75」、「紹興花雕醉雞$68」、「擔擔麵$45」、「上海炒年糕(雪菜)$78」、「火茸津白$98」。「小籠包」一籠有5件，小籠包蒸完出黎都好夠熱，好多湯汁，皮唔算好厚，好味。「生煎包」一碟有3件，煎完出黎都好夠熱，包內好多湯汁，外脆內軟好正，味道好好。「糖醋小排骨」份量唔算太多，但糖醋味好香，醃得味道適中，酸酸甜甜咁好開胃。「紹興花雕醉雞」份量普通，酒味好香好醇，食落雞肉肉質好易分離，好入味。「擔擔麵」份量都足夠兩人進食，未食都已經聞到好香，但辣道都幾勁。「上海炒年糕(雪菜)」份量唔少，年糕唔會太靭好creamy，加左雪菜令到口感更佳，但食少少都幾易飽肚。「火茸津白」用左啲金華火腿粒，跟津白以上湯煮過，津白唔會太老，味道剛剛好，不會太鹹。p.s.最後，要提提大家想食完飯賺埋亞洲萬里通里數，咁就要結賬時出示會員卡(消費每2港元可賺取1里數)，咁就賺到盡啦。…查看更多