影片
港鐵寶琳站 A1 出口, 步行約13分鐘
繼續閱讀
營業時間
星期一至日
12:30 - 23:45
公眾假期
12:30 - 23:45
公眾假期前夕
12:30 - 23:45
以上資料只供參考, 請與餐廳確認詳情
有一日同朋友傾起以前喺墨西哥Backpacking時候喺街邊掃street Taco嘅體驗，佢就推咗啦依間店，絕對冇嘥咗我由元朗過嚟嘅時間🤩🤩🤩Taco 🌮 最好直問老細當日推薦，由佢廚師發辦。餡料配置我就唔多作描述，食過正宗墨西哥街頭Taco嘅朋友，自然會睇得出分別。重點係tortilla. 一上碟就發現係正宗用玉米粉做嘅皮，唔止好軟綿仲好有嚼勁；有燒粟米嘅清香仲可以吸收人肉汁。（細心去觀察，老細係會將塊餅浸入肉汁後先上碟）老細話佢係搵咗墨西哥人開嘅工場幫佢定制，去還原番正宗嘅口感。加埋個最驚喜嘅菜式燒粟米 🌽 先80蚊。抵食要好食想食正宗墨西哥街頭Taco嘅朋友，非常推薦來試一試
繼續閱讀
收工同朋友過嚟食晚飯，雖然係小食店，但出面都有啲堂食用嘅枱，所以環境方面唔洗擔心。最推薦大家試嘅就一定係必試嘅世一燒粟米，初頭見到條粟米，見到落咗好多芝士同味粉，仲以為會好重口味，好膩，但係食落就發現，完完全全係另一回事！燒粟米到用咗芝士、牛油同辣粉，食落第一啖，你第一吓食到嘅係粟米嘅甜味，然後芝士嘅香味就會開始慢慢湧入你嘅鼻腔同味覺，食多幾啖，啲少少辣嘅辣味粉都可以幫你中和返芝士同牛油嘅香味，所以成件事絕對係甜而不膩！ 一條粟米梗係唔夠啦！我哋之後仲嗌咗個古巴三文治，入面嘅肉完全唔老，熟度啱啱好！冇諗過呢種三文治係可以一下就輕鬆咬開，食落就更加驚喜！唔知道老闆同老闆娘用咗啲咩醬汁，絕之就係好好食，超級推薦！我啲朋友個個都好喜歡！趕住食lunch開工，買呢個就一流啦！ 話明墨西哥菜，就當然唔少得nachos啦！我哋今次呢個就係嗌tacos拼盤包埋嘅，上面加咗芝士、焗過，十分香脆！佢哋仲好貼心咁一次過提供兩種醬比我哋點，有佢哋自己整嘅牛油果醬（唔中意食牛油果嘅人都唔洗擔心，個醬係完全冇草青味），不過如果實在係唔喜歡牛油果，都可以點佢哋提供嘅ranch醬，一樣係十分之好食！（佢哋配醬料嘅時候啲份量完全唔手軟，個ranch醬多到，我食晒啲nachos又點唔到三分一，為咗唔浪費，我仲拎咗返屋企點薯片用🤣）
繼續閱讀
🔸香烤牛肉taco $45Soft taco盛起烤牛肉、guacamole、salsa，味道清新怡人，層次豐富。芫荽嘅香氣好明顯。烤牛肉有些少厚度，越咀嚼越覺得肉味濃郁。🔸馬勒當拿燒原條豬腩肉 $68 豬腩燒得好均勻，將啲豬油逼晒出嚟，食落唔肥膩，但瘦肉部份又勁juicy。阿根廷青醬蕃茜味道好重又不失蒜香。🔸將軍燒春雞（半隻）$68雞肉嫩滑多汁，雞皮辣勁十足。食得出混合咗唔同辣椒同香料，味道豐富。📍將軍 (將軍澳)將軍澳寶琳路8號景林商場地下KL5號舖
繼續閱讀
這天到朋友家作客，不知不覺聊天到半夜，飢腸轆轆的時候，朋友取出墨西哥玉米餅及脆片，頓時覺得朋友很體貼！朋友說它們本是溫熱的，不過她考慮到我們的晚餐太豐富，所以默默收起了這道美食。我們品嚐的是招牌拼盤套餐，豬牛雞Taco各一件及脆片。我覺得這幾個墨西哥玉米餅看起來很嬌小，但其實份量頗多的。玉米餅包裹著的肉類真的不少，而且它們的醬汁是牛油果及豆類製作的，所以是挺飽足的！脆片方面，它很香脆，調味不重，適合配搭著牛油果醬一起品嚐！
繼續閱讀
首先要讚就係佢將春雞已經起咗胸骨！攞住隻髀大啖大啖食。超正又勁好味😋另外，佢既牛肉Taco，牛肉Juicy,配埋佢哋既醬汁（特別係牛油果醬+蕃茄粒粒）而且真心抵食$45。
繼續閱讀