影片
食家推介
疫情關係買外賣安心過喺food court 食，見到$49 lunch set好抵咁，4件壽司可以自選更改，仲有罐飲品跟埋，職員見到小朋友仲好有愛心，請小朋友食糖添！外賣拎到上樓後發現包裝非常精美，烏冬仲特登加多個膠袋喺外面唔怕倒瀉，份量仲唔少添！而炸蝦用嘅炸粉明顯同一般壽司店唔同，加上外面嘅麵包糠非常香脆。
繼續閱讀
$49一個set，而家疫情關係盡量都唔好食生嘢啦，佢哋都寫左有熟同素。我揀咗要素嘅，然後個落單姐姐，仲問我個湯要唔要走葱，話如果素食者就唔使葱嘅，勁細心，個烏冬紙盒，壽司豉油係比一個樽仔咁嘅，壽司盒外面仲有個紙套做包裝，當然就唔係幾環保，但係有誠意有堅持✊🏻重點味道真係幾好，特別係個糖心蛋好嫩
繼續閱讀
今日又去左紅磡做野, 因為疫情既緣故都唔敢出去食堂食, 唯有去紅磡國際都會既美食廣場買外賣。一入去門口, 就會見到一間和風裝修風格既壽司大大, 見到佢做緊D 49蚊Lunch Set, 包一個麵食, 幾件壽司同埋飲品,好似幾抵咁就試下啦! 壽司方面仲可以根據自己既喜好自由配搭, 可以選擇魚生, 熟既, 或者係素既, 照顧到唔同食客既需要。一返到office 打開外賣, 令我十分驚訝, 估唔到一個50蚊都唔使既午餐竟然會包裝得咁細心,我叫既係D Set, 廣島蠔同烏冬係分開裝. 以防炸廣島蠔會比D湯浸到淋晒, 另外湯碗仲包左一個透明膠袋, 為免湯會倒瀉整爛裝住食物既紙袋。一打開個湯烏冬, D 煙仲飄緊出黎, 睇得出係新鮮煮出黎, 個湯仲係好熱, 要放係室溫一陣先放到入口, 至於烏冬則係我至愛既煙韌口感, 醬油湯既味道適中, 唔會偏咸偏淡, 好味!廣島蠔亦都係新鮮炸起, 好酥脆!壽司方面我揀左鹽燒三文魚2件, 蟹柳同熟蝦, 始終依家疫情嚴重, 唔係好敢食太多魚生。壽司既質素亦係相當唔錯, 有一般大型中價位既連鎖壽司店既水準!今次既午餐真係令我十分驚喜, 難怪呢間小店既食評都係清一色好評!我下次一定會再幫襯, 試下其他麵食同壽司!
繼續閱讀
正當今日天氣炎熱, 想食得清淡啲之一瞬間,我嚟到FOOD COURT望到呢間壽司店, 我經店員介紹後, 點了一份叉燒湯烏冬+四件壽司($42),價錢是非常相宜。店員很有禮貌及細心問我喜歡食熟或生的壽司, 我點了蟹籽及甜蛋壽司。外賣紙袋幾精美。回到公司打開碗烏冬, 賣相不錯, 湯都OK, 而且烏冬好彈牙好滑,真係幾好食。叉燒亦都濃味,原本懷著無乜期望但今次都真係好有驚喜……... … 蟹籽及甜蛋壽司, 味道同出面街買嘅差不多,今次無驚喜,不過以呢個價錢又有烏冬食, 又過到食壽司癮, 真係在呢區比較難搵到。下次會再幫襯。
繼續閱讀
睇演唱會之前先去醫肚，去咗紅磡火車站旁果個商場，但係food court 超多人，正當猶疑緊唔知食咩好果陣，咁岩俾我哋見到有人捧住一個刺身丼喺我哋面前經過，於是就周圍搵，最終搵到呢間壽司舖。見佢一個三文魚手卷又肥美又大件，但係價錢都係好相宜，於是就買黎頂肚，仲順手試埋佢嘅飯糰。日本手卷同飯糰最注重嘅當然係佢嘅米，呢間舖頭雖然唔係咩集團式經營，但係用料都算幾好，真係用返日本珍珠米，食落有口感又唔會太硬，好過D便利店出嘅飯糰多多聲，以後黎睇演唱會又多個選擇
繼續閱讀