寶峰冰室

第一，坐底叫野食 屋企人叫米粉食 另一屋企人話「你咁搞笑 出嚟先食米粉 係屋企就唔食」然後個女侍應插嘴 「因為你煮得唔好食囉」出嚟食個野 我屋企人俾你拮？第二 我杯凍檸茶 飲落有咖啡味 我同侍應講 佢話「咁點吖 你換第二個飲囉」無視我嘅詢問 呢個係咩服務態度？…查看更多

最近在寶峰冰室享用了午餐和下午茶，我們差不多兩點才到，因此可以有機會同時吃到午餐同下午茶。🍽️午餐1️⃣ **洋蔥豬扒飯**：這道菜的豬扒味道普通，但肉質剛剛熟，裡面還帶有少許紅色，這一點可能會讓一般客人有所介意。整體來說，雖然不算特別驚艷，但還是能滿足基本的口味需求。下午茶2️⃣ **乾炒牛河**：這道下午茶餐的乾炒牛河卻令人感到驚喜，夠鑊氣，炒得相當不錯，牛肉鮮嫩，河粉的口感也很滑順。😋飲品3️⃣ **熱利賓納**：這款飲品的味道調校得濃郁，份量也足夠。4️⃣ **凍奶茶**：奶味很重，口感不錯，但茶香方面則稍微欠缺。🥤整體而言，寶峰冰室的餐點雖然有些起伏，但也有不錯的選擇，如果係元朗街坊去食吓都可以。🌟#元朗美食 #寶峰冰室 #洋蔥豬扒飯 #乾炒牛河 #熱利賓納 #凍奶茶 #午餐 #下午茶 #香港美食 #美食分享 #食物探險 #餐廳推薦 #飲品 #食物文化 #美味佳餚 #元朗好去處 #美食日記 #簡單美食 #餐飲體驗…查看更多

座了半小時也沒有得吃，淨係不停做外賣。最好就唔好再嚟！否則自己後悔。到叫取消，廚房先至去整，你話咁樣的餐廳，點樣繼續生存，最好快啲執笠。完全沒有電子收費，只係傳統現金交易，如果喺現在已經脫晒節。…查看更多

呢間野真係唔洗比機會！唔好試！今日經過，同另一半入去食早餐。入到去叫一個麵餐同一個包，餐牌上寫「蕃茄湯」但結果黎到係清湯。個包餐就講黎講去，都完全唔明我地叫緊啲咩。指住比佢睇「芝士牛肉蛋包」佢就不斷重覆「芝士牛肉三文治」，最後先話冇左「芝士牛肉蛋包」既餐。咁就一早講清楚，叫黎叫去都唔啱。最後食完埋單走，想睇下張單，佢一手就搶走張單，然後仲話計左唔洗睇！食物質素：2/5員工態度：0/5環境：3/5 兩個餐食左$82，我當跌左！食到成肚氣！…查看更多

今日放假，午餐同家人睇咗外賣平台，諗住再幫襯寶峰冰室。家人叫咗特濃蕃茄湯米粉，配煎蛋，火腿今次的蕃茄湯感覺好淡，雖然都有唔少蕃茄，但絕對唔會係“特濃“，而份量方面就可以加多少少。我就叫咗沙嗲牛肉公仔通粉，配炒蛋，腸仔沙嗲牛肉味道OK, 炒蛋及腸仔亦唔錯。跟餐各一份的多士夠厚，雖然係外賣，但口感滿意。另外叫咗1份瑞士汁雞翼，雞翼的size雖然較為細隻，不過夠入味，幾好。飲品方面，家人的咸柑桔夠味我的凍奶茶，茶味一般，算合格。整體普通的茶記水準。…查看更多

朋友住元朗世宙，極力推薦寶峰冰室，我去過幾次，果然平靚正，餐牌好多選擇，店員態度友善，係一間令人食得舒服的茶餐廳。今晚路過見到豬扒飯好吸引，於是再次幫襯。點咗晚餐A洋蔥汁豬扒飯，配湯和熱飲，$61。服務員一轉身好快就上飲品同餐湯，效率奇高。餐湯係我嘅最愛羅宋湯，番茄味濃郁，酸喊適中，好開胃。豬扒飯第一眼睇唔會覺得有驚喜，一pad pad，賣相真的麻麻，但細心睇，塊豬扒都幾大塊，肉醃得好入味，外皮香脆，肉質幼嫩，好juicy，好惹味。洋蔥芡汁都好味，甜酸甜酸，送飯最啱。但白飯就略為硬咗少少。再一次滿載而歸。大家下次路過都可以試下。…查看更多

外賣 提早叫二個餐40分鐘先攞到 ，員工完全唔想做俾您態度勁衰明明8點都等收工甘既樣🤮🤮🤮一個湯底無味甘好似水甘，另一個蕃茄湯又超鹹，都唔先溝左咩甘…查看更多

今日午餐用外賣平台，揀咗一間於平台上都多街坊支持及評價唔錯的寶峰冰室，叫咗2個常餐。家人叫咗沙嗲牛肉米粉，配炒滑蛋，火腿，厚多士，紅豆冰。個牛肉米粉都算夠入味，但又唔會好咸。我叫咗火腿通粉轉蕃茄濃湯，配炒滑蛋，腸仔，厚多士，凍奶茶。蕃茄濃湯OK喎，唔咸但夠濃，通粉亦唔會太淋。跟餐的厚多士如果可以脆啲就更好，不過都明白，始終係外賣送餐而唔係即刻食，會差小小。家人特別提到杯紅豆冰，唔會好甜，而紅豆亦一粒粒，有口感而唔會已經溶晒。而我杯凍奶茶走甜亦都算夠濃，質素唔錯。總結寶峰的常餐，味道及份量亦OK, 整體唔會太咸。大家可以試下。…查看更多

元朗行街行到累，坐低吃個下午茶，之前都有幫襯過呢間寶峰冰室，只不過係早餐時段，食物質素都可以，份量都唔少，今次試下佢嘅下午茶餐。蕃茄蝦仁燴飯材料算多，蝦都唔少，下午茶份量的話算多，只係味略重。生炸雞脾薯條雞比剛炸起，皮脆肉嫩滑，只是薯條存放比較耐。不脆。…查看更多

今日入咗元朗做嘢，附近就有呢間冰室，於是就走入去食食返個靚早餐先🍳香煎豬扒湯意粉🍝豬扒好大塊，先得香香脆脆，又唔會太乾👍🏻跟餐仲有一片多士、香腸同煎蛋🍳份量都唔少經典多士餐一大片厚多士，入面包住滿滿嘅牛油🧈烘得外脆內軟，幾好食，仲可以配煙肉同我最愛嘅太陽蛋❤️…查看更多

位置元朗世宙 寶峰冰室 店舖清潔上感覺良好 ,💨冷氣夠曬凍 而家呢啲天氣真係好緊要👍 試咗個午餐A 西班牙豬扒 一落單出奇咁快就上得枱 〈咁快上枱都已經打定輸數😆肯定係預先整定 諗唔方會好食〉 賣相方面 上碟就真係比較醜樣🤣 但係一食落去就好有驚喜 👍 啲茄汁燴意粉就好似以前細個果D舊式快餐店嘅味道 一種已經遺忘咗好耐嘅味道而且軟硬剛好 豬扒方面軟硬亦都適中 而且肉味濃厚 唔會比個芡汁搶曬啲味道 個汁就稍為鹹咗少少 只係好少 如果有埋餐前嘅羅宋湯或者蘑菇忌廉湯就真係一個完美嘅午餐 值得再去試食埋其他款式午餐…查看更多

呢個月要外出不同地方工作，去不同食店食下午茶，今日終於遇到間服務，味道及價錢都正常合理的食店。凍檸茶有檸檬，有茶味，有少冰。瑞士汁乾炒牛河，有合理牛肉片數量，無梳打粉味，粉Ok，味道都Ok，雖然無乜瑞士汁的味道。凍飲加$3，盛惠$45。…查看更多

剛坐下就俾呀姐喝，一個人坐細d啦，但跟本就冇乜客，好多位空位，嘢食冇特別，價錢偏貴，奶茶淡而無味，啲呀姐黑口黑面，問句嘢都唔耐煩，找錢個態度仲衰，一定冇下次。。…查看更多

7月尾，疫情嚴峻全日都唔可以堂食，大多餐廳都積極主攻外賣市場，唔少都推出優惠或折扣。返工前買份早餐返公司食，由於唔想食粉麵就揀咗包類套餐，沙嗲牛肉包配凍檸茶少冰，個外賣未包好就已經見到杯凍檸茶七成都係冰，但圖片中係攞到返公司影，冰已溶咗9成。沙嗲牛肉包：個包連焗爐都冇入過完全係凍嘅，裏面嘅沙嗲牛肉餡亦都係凍嘅，如果係一個早餐來講我接受唔到呢款凍包，太求其啦。價錢係$32蚊，外賣加兩蚊，凍飲加$3 ，一共$37 。…查看更多

對蕃茄湯麵的喜好吸引了我到來吃早餐，卻見比我之前看的餐牌加了價...但仍無損我想吃蕃茄湯的決心！點了蕃茄湯米配煎蛋和煙肉...食物到來有點失望，湯底顏色極淡，只有三片蕃茄...吃下蕃茄，只吃得出鹹的味道，我還懷疑自己吃的是蕃茄嗎？煙肉，煎得很硬很乾；太陽蛋，不過不失，至少蛋黃仍然完整...配上一杯熱檸茶....不過不失吧！能讚的是落地玻璃，有美好境色，但卡位太窄，對座姨姨坐下了以後，感覺不良好，也換了個座位....…查看更多