寶寶廚屋

營業中

休息中

突然行過呢間小店，就膽粗粗入去試吓，因為小店嘅裏便都比較昏暗，但冇諗過呢一間外貌平實啲小店好好食！店員推介佢嘅豉油雞，咁就試吓，點知意外地好味同埋好滑，超級推介，不過好快就賣晒。第二日中午打去諗住外賣，已經就冇晒。真係會心心念念😍另外叫咗炸雞髀飯，不過相比起出色嘅豉油雞就真係有個對比。嘢飲就叫咗檸蜜，正常發揮。服務態度都係好親切友善依家一定會encore食雞👍🏻👍🏻點解佢仲唔整多啲🤣🤣

星期六和朋友在元朗做完運動揾食，雨棉棉，行到附近，一間食店外門口，有位食客有隻狗狗，相當吸引著⋯⋯和狗狗玩咗一陣，朋友決定就入內吃午飯吧⋯⋯寶寶㕑匠，英文名Baby Kitchen House牆上面很多食物照片及狗狗照片，相信店主是愛寵之人，難怪門口兩張枱，吸引到狗主和毛孩到來。星期六中午1:30pm ，雨勢頗密，店內未算多食客，但每每到來，都感到他們和店員很熟，相信這就是小店的吸引力。我們首次到來，店員推介~是日限定午餐:豉油雞飯:由於我們剛做完運動，大家都唔敢吃一大碟飯，所以決定一碟飯”些牙”吓⋯⋯大家都被這豉油雞吸引，因為很有媽媽的味道，相當討好。之後再點這店的招牌項目~牛角窩夫橫行霸道牛角窩夫~其實是沙律菜加蟹肉碎，牛角窩夫剛剛做出來，皮脆卜卜，加上餡料感覺清新。即磨咖啡~跟餐有即磨咖啡選擇，相當滿足。整體來說:服務感覺一讚，事原我們點餐已是1:40pm ，但又未去到2:00pm ，由於店內未算多客，我們問店員可否吃完一碟飯之後才點窩夫，店員樂意及親切態度說:冇問題，慢慢食，期間又沒有吹趕的感覺，之後再點那窩夫，看出㕑子絕不馬虎，即叫即做，一讚！最後原來我們是點了一個午餐價錢和

又係孤獨的美食家出場，中午放飯行元朗睇下有乜新野或未食過既試下，行過呢間寶寶廚屋新開左唔係好耐，門口有餐牌睇到食物都係現今新型冰室果類，有位應該係老闆娘既店員係門口都熱情招待，咁就入去試試啦。坐底後店員都係好熱情招待安排坐位，老闆娘都有推介d食物，不過我巡例都睇下有咩岩食先，順便講講店內牆上都貼晒d貓貓狗狗既相，店主應該係愛貓之人，門口個招牌都咁大隻貓幾得意，另外再加d食物相，好多食物都係d特色包類。紅酒燴牛尾意粉今日就試下呢個廚師推介午餐，先講講牛尾有3舊，煮得都幾腍，意粉都唔會好腍，夠爽口幾岩我，不過調味就輕手d，比較淡，問老闆娘有無辣椒仔調下味佢話只有辣椒油，都照加啦，辣椒油都幾香加完好食d。凍檸茶跟餐加3蚊要凍飲，叫少甜，茶味比較淡，普通。另外每張枱都見到一大樽野，係茉莉花茶，試飲左一杯，有淡淡花香，有d似無糖綠茶果種，而且無限添飲，都幾有心思。總之黎講店員好招呼，食物以今日食呢份紅酒牛尾意粉黎講就比較普通d，見到d包餐都好有特色，有機會再試。