寶堡甜品 (已結業)

落咗一碗芒果西米露，一碗椰汁西米露。之後有7個人入嚟食，分枱坐，講嘢勁大聲，又講埋啲咸濕話題，影響其他客人好咩？🥲我同老細講可唔可以幫手同佢哋講，講嘢可唔可以細聲小小，老細就話公眾地方嚟好難管到。🥶正常餐廳食肆容許有客咁大聲講嘢影響其他客人已經唔應該，老細你仲要唔肯同佢哋講聲。之後上咗兩碗西米露，兩碗都有蚊係入面，仲要唔至一隻。食到一肚氣，最尾快啲走人就算，廢事比老細覺得我哋係西客。😨臨走仲要比個7個人啤住，真係癡鬼線。。。

細細個好鍾意同阿媽去街市買餸☺️每次行過豆腐檔都會叫阿媽買豆腐花同涼粉😍今次黎到南區俾我食到舊時的味道☺️寶堡甜品算係比較平實嘅甜品店🙂無乜太花巧嘅款式所以價錢都相對地親民💛凍香滑豆腐花💛 ($16)呢個豆腐花改錯名呀 真係好滑溜☺️豆味幾濃 黃糖可以唔洗加太多已經好夠甜☺️熱生磨芝麻糊💛 ($23)呢個芝麻糊真係出色👍真係食到落足料嘅感覺😍好香濃 出面食嗰d係好淡好似溝左水咁加埋豆腐花溝埋黎食都好夾呀🤤

尋日係鴨脷洲大街搵食，食完鹹野就想食甜野。行行吓經過呢間甜品鋪，覺得價錢合理就入咗去！呢間甜品鋪提供嘅甜品款式好多，有西式又有中式。雖然款式唔係好特別創新，但係價錢比起其他連鎖甜品舖係抵食好多！價錢方面：大部份甜品都係$10幾-30幾！性價比高！椰汁涼粉西米露 ($21) 椰汁椰果西米露 ($25)味道方面：椰汁好濃好香，唔似出面鋪頭嗰啲好水好稀嘅椰汁，但係椰汁甜味唔夠！反而椰果咬落去好多汁好甜，配上椰汁後椰子味更加突出。比起其他連鎖嘅鋪頭呢個價錢的確係筍嘅而且味道亦唔錯諗住去鴨脷洲食甜品嘅話可以一試！

突然想食芒果豆腐花，已經夜麻麻，又唔想去香港仔滿記買，試下落大街搵下有冇好野食，好在原來大街都有得食，價錢合理，$25，味道唔錯只是芒果粒中混有數粒較酸的，大致好味！

食完海鮮，點都要加多個甜品先夠圓滿。但鴨脷洲大街地方細細，甜品實在無咩選擇（好似得兩間），只好又去搵寶堡甜品。地方唔大，人多，好彩都有張細圓枱，迫少少坐到6個人。其實成間鋪得兩個人做野，所以都預左等等等，但今日上菜又出奇地快。無食最出名嘅桑寄生蛋茶，試下其他野圓肉雪耳燉津梨：正，真係燉出來，唔係果d 連鎖店，廠出，再求其叮返熱，甜又潤，本來有少少凍親，食完都感覺好返好多。雪糕椰汁糕：雪糕應該係牛奶公司，當然合格，但椰汁糕真係太平平無奇，下次唔會再叫。芒果大粒西米涼粉：堅芒汁，甜度唔錯。

一班人晚飯後總要食過甜品感覺先夠實在，本來就諗住隨便食吓糖水hea 多陣，估唔到都有驚喜！最驚喜及值得推介……桑寄生蛋茶，不過我走了雞蛋玩咗湯丸，味道不算甜而且有黑豆，一般糖水舖較少有！楊枝甘露都唔錯！

一班人晚飯後總要食過甜品感覺先夠實在，本來就諗住隨便食吓糖水hea 多陣，估唔到都有驚喜！最驚喜及值得推介……桑寄生蛋茶，不過我走了雞蛋玩咗湯丸，味道不算甜而且有黑豆，一般糖水舖較少有！楊枝甘露都唔錯！

食完個小菜晚餐, 自然就想想食甜品, 鴨脷洲地方細細, 要搵一間甜品店都絕非易事。難得有一間, 大家就沖入去, 一班朋友七八人, 要拼拼湊湊先可以坐得哂。一般未試過的甜品店, 除非已有出名的甜品, 否則都只會揀傳統的甜品, 今次就選了紅豆沙同MIX既芝麻糊+綠豆沙。紅豆沙- 清甜, 都幾稠, 紅豆分量都幾多, 紅豆都爆開哂, 煮得幾透起哂沙, 熱食應該會更好。MIX既芝麻糊+綠豆沙- 由呢張相睇得到材料幾稠幾足料, 綠豆沙上的公仔樣子當然是自己加上去, 綠豆沙有用臭草及海帶煲, 味道好夾不過偏甜。芝麻糊不太多渣, 感覺雖糊糊的, 但芝麻味不多, 反而得甜味。由於兩樣都太甜, 所以夾極都太甜, 可能試試配紅豆沙可能好些。

周六晚上第一次來這裡吃糖水，這裡中西式甜品都有一點桑寄生黑豆雞蛋糖水($16): 甜度ok，味道也可以，只是配黑豆我還是第一次吃到，還是覺得用蓮子比較好紅豆沙(熱$13): 這是驚喜之作，紅豆沙甜度重但不膩，吃得出很沙，豆煮得很軟，而且才賣13蚊~ 抵到爛

一向都支持街坊小店的，今日無意間走進鴨脷洲大街這間街坊甜品店，本不忍給這店一個喊面，但友人一句「你唔係咁都比得出OK嘛」，所以這個喊面是希望他們可以改進的，畢竟奶凍真是一樣非常之容易整得好食的甜品，但這店的奶凍確實與正常有一點距離。講些好的先，要先讚這個芒果奶凍的擺位及造型都好吸引，芒果亦都鮮甜好食，果肉夠多，芒果汁的味道亦配合芒果粒。問題就是出在那個奶凍，其實應該說是那個白色的啫哩，好夠彈力又韌，用匙都好難一入吓畢到入去，質感唔似平時食開軟滑的奶凍，反而似比啫哩糖更有咬口的大菜糕之類，味道無奶味，有少少乳酸味，可幸甜度都算適中，但這個絕對不可算是奶凍。希望店主真的可以在網上找尋一些奶凍的食譜，再重新研製過一個真正的奶凍。其他的芒果配套都做得好好的，只係中間那舊白色野，真係要比心機去整。

六月下旬‧晴短短一條鴨利洲大街，都有幾間糖水舖，看來都有點客路。天氣很熱，人走在鴨利洲大街拿點資料，周圍看看，就已經汗流浹背。看到這間甜品店，應是新張的吧，印象中還應是大佳B的舖位。內裡光鮮，最最最最重要的，就是看來是空調十足的，速速入去坐一坐。當然，齋坐是不行的，也要點吃的。拿餐牌一看，沒有什麼心水。最涼快的綿綿冰要三十多元，在這等店子，尤其「懲罰性」收費。但見有粉絲一欄，原來是蒟蒻。問過，是將蒟蒻刨成絲，再配上不同的生果汁及鮮果，聽起來，都幾吸引，就選了芒果粉絲。一人來到，店員也在準備晚上的材料。舖面原來都幾大，光猛新淨，感覺不錯。先吃蒟蒻絲，吃起來彈牙，幾爽口。份量不過多，吃起來也不算是很飽肚，是感覺討好的甜品才料。如果真的要彈，就只是蒟蒻絲做我不太夠凍，夏天吃的甜品，涼快的總是較討好。鮮芒果切四方粒，吃起來甜美，感覺是新鮮的。唯芒果汁非常的杰撻撻，也有點酸。不過蒟蒻只取口感，味道全靠果汁及生果，配合一起來吃，還不錯。埋單23元，不貴，這裡勝在環境好，也可一試。