寧記火鍋 (已結業)

為左麻辣鴨血豆腐山長水遠去到尖沙咀，點知大失所望😰😪麻辣鴨血豆腐一味死咸!死咸!死咸! 湯底麻辣唔辣， 墨魚滑霉嘅，金菇碎嘅，牛肉柴嘅，全晚得菜係好嘅（唔計汽水）

雞煲又甜又咸又結ta ta ,靜係冇辣味，不知所謂！！食左幾舊之後忍唔著叫加湯稀釋作。叫餸明明寫明兩個人，每樣份量都比到4，5人份量咁！d餸黎到大部分都好難食，魚皮又腥又厚，咬都咬唔入！墨魚丸係膠粉團，午餐肉得個咸字，好垃圾！！成餐最好既係罐裝汽水！

兩小口子想吃辣，想到老招牌寧記，不過已由漆咸道搬去了現址。訂了六點，甫入內只見兩枱客，燈光昏暗，裝修簡陋，已覺不妙。我們不喜任食火鍋，知道是$208一位，便問侍應可有散叫。侍應回覆說：「你散嗌都係嗰d貨俾你，梗係任食抵食d啦！」我們叫了鴛鴦鍋，麻辣嗰邊淡而無味，胡椒豬肚嗰邊又稀，d豬肚仲硬過石頭，差！然後「招牌麻辣鴨血豆腐」只一味死咸！火鍋配料中，肥牛是很劣質的肉，牛栢葉死實，連成本不貴的竽絲竟然都是腍pat pat的！我們只勉強吃了幾粒丸，大叫中伏冲冲埋單，臨走前我忍不住對部長說「食物很差啊！從前不是這樣的！」不過她完全沒反應，老公安慰我他們已變了質，選擇走自由行路線，所以慳返啖氣暖肚好了希望各位有心吃好味辣野的朋友不要中伏！

以前多次光顧同名位於漆咸道南的火鍋店，當時質素尚算可以，可惜已结業，後來知道在亞士厘道開了此間同名的火鍋店，即管與太太試吓。因為即慶所以沒有訂位，在星期四七點上去，只有小貓三四隻，得一兩枱客入座；點了麻辣配津白豆腐鴛鴦鍋，麻辣鍋超級多油，普通辣，不夠麻，鴨血豆腐一般，麻辣三寶-牛筋、大腸、牛肚尚算軟熟，其他火鍋料不知所謂，肥牛過厚好韌，本地牛肉很重梳打味，墨魚丸只係一團粉，牛柏葉切得零碎，漏單、缺料唔出聲不再話下，招呼麻麻，我仲要自己加湯添，跟屋村酒樓一百蚊任飮任食火鍋餐無異，但佢貴人一倍！我唔會再光顧。

第一次團購美食，當然選擇自己最愛吃的火鍋。左挑右選選了寧記，梗係看重他的麻辣火鍋。「湯底」麻辣火鍋+豬肚湯 鴛鴦雙拼講真，真係一般般。麻辣底既不麻也不辣，都不知道怎麼形容，失望牛肉和本地滑牛OK，但是豬皮、墨丸、牛栢頁同魚肉真心唔好食。全單我覺得最好味的就係粟米和菜了,全部食晒。「總結」唔會食第二次！

One of the worst group buy experience. A hot pot restaurant need good air conditioning in summer time, we sweated like crazy at the restaurant. The soy sauce has a unpleasant sour taste, everyone complained about that. They changed to a new one but still sour, I ended up without dipping in any soy sauce at all! The so called USA beef was tasteless and rough. The only food I think is acceptable are the duck blood and fish tofu. Service is okay, but they gotta think about improvement of the food q

以前成日去寧記打邊邊，印象中係幾好食，諗住搬左尖咀之後去試下，難食到爆麻辣火煱冇麻辣味，勁多辣油，仲食得出係大支裝玻璃樽個款辣油，咸到咩咁。員工口黑面黑，手指指冇出聲回應，仲以為係唔識講野。。點知原來唔係囉！冇下次！！團購其實都係平好少，一試中伏。。同埋衛生都馬馬地，有蚊蟲仔圍住野食飛但係鴨血係正既，任食份量都比得多，不過食肥牛就要加錢。。

好多年冇食寧記，朋友話見到有團購，咁咪買來食下，點知一去又中伏==叫左食物，來得7成食物，好食果都冇來，可能唔係跟單汁，隨手汁幾樣食物比你班友食，叫左鴛鴦鍋，麻辣同薯仔湯底.落左一半食物，食緊時先發現原來個煲既湯底係濃左既，咁唔好浪費食物，食埋先叫轉煲，個待應a立即不禮貌對待，話你們食晒先講個煲.我地任食岩岩食左20分鐘就叫食晒！？之後就大大大聲話咁加錢就可以換，你出品有問題仲要客人加錢！？加上我們一早已經同待應b講左，待應b仲話佢咩都唔知，唔好問佢.講完佢就走左去.今次係食左咁耐邊爐覺得最差既一次 求不回頭 做待應無論你既工幾累都有你既職責，你唔知道既問題，可以搵比較資深既回答，而唔係一走了之.識答既，唔係用惡劣態度來對待客人，好希望佢地能將心比己用個心來工作.永不回頭的餐廳

晚上9點左右去到,全場無爆滿.我地點左豬骨燙底併麻辣燙底.豬骨燙底唔濃,還有點淡,但偏肥.麻辣燙底唔辣,而且無麻味,沒有誠意.食物紙都是平時食慣的任食火鍋料,食物味道,新鮮度沒有驚喜,中規中矩.如果你對食物有要求,這不會是個好選擇.本地肥牛還可以,雖不是上盛材料,但都有牛味.鴨血似用粉開,無味.九肚魚比較新鮮,肉質肥美,是全晚最佳之選.但我地2個人去,份量一來巳好多,不似其他任食火鍋店比少少,但想點多幾款又怕浪費食物.全場飲品要比錢.啤酒得3款可揀,有藍妹,青島,仲有一款唔記得,大枝$28.汔水都是平時飲開的牌子,都唔係任飲.雪糕係最大驚喜,有Movenpick.

一直以為寧記執晒笠誤打誤撞上網發現又開了七點上到去，一枱人都無既然上到黎，都照食吧服務-侍應好積極，又好禮貌湯底-湯底無以前咁好食台灣麻辣湯- 偏苦，唔夠辣蕃茄薯仔湯- 怪怪地任食-火鍋紙上，都係一般任食款式係多左鴨血，萵筍，鮮淮山混醬-自助混醬吧甜品-每位一杯Movenpick有朱古力，士多啤梨，Vanila 味額外再多一杯，$20