富豪軒

✨ A symphony of Cantonese refinement, each course unfolding like a chapter in a culinary narrative.🥢 Appetiser Quartet – The Barbecued Iberico Pork with Honey glistened with caramelised sweetness, its smoky depth lingering luxuriously. The Deep-fried Egg Custard with Yunnan Ham was a paradox of crisp shell and molten centre, savoury yet delicate. A palate-brightening pause came with Plum Wine Marinated Cherry Tomatoes 🍅, tart-sweet and refreshing, before the classic comfort of Steamed Shrimp Dumplings 🦐, translucent and brimming with oceanic sweetness.🍲 Double-boiled Sea Whelk Soup with Maitake and Wolfberries – restorative and layered, earthy mushroom notes entwined with a gentle medicinal warmth.🐚 Braised Whole Abalone with Sea Cucumber – opulent textures, glossy with umami, firm yet yielding.🦞 Stir-fried King Prawns with Lobster Sauce on Crispy Rice – a dazzling interplay of succulence and crunch.🌸 Fried Sliced Eel with Osmanthus Sauce – robust yet lifted by a subtle floral grace.🥬 Simmered Seasonal Greens with Conpoy and Assorted Mushrooms – vegetal clarity, restrained and balanced.🍚 Fried Rice with Dried Sakura Shrimps, Egg White and Ham – each grain distinct, perfumed with briny shrimp and airy lightness.🍧 Chilled Mango Pomelo Sago – tropical brightness in every spoonful. 🥮 Walnut Cookies – buttery, crumbly, nostalgic.Hong Kong’s fine dining landscape continues to astonish with such precision and artistry 🌏🍴—a testament to why the city remains a beacon for discerning palates.📍 Regal Court, Regal Kowloon Hotel, 2/F, 71 Mody Road, Tsim Sha Tsui, Hong Kong #CantoneseCuisine #FineDiningHK #GastronomicJourney #HongKongFoodie #EpicureanDelights #HauteCuisine #FoodEditorial #LuxuryDining #HongKongEats…查看更多

環境清幽，服務佳，係酒店買蛋糕上嚟食免切餅費，食物好抵食一啲都唔貴，品質有保證，係香港食過最好食嘅中菜，超揀食嘅老人家都係咁讚！我哋點咗蜜汁黑豚肉叉燒、八味脆豆腐、片皮鴨（北京填鴨），呢三樣餸好值得推薦！我夠膽講叉燒係我咁多年來食過最好食嘅叉燒，八味脆豆腐又係非常好食，睇得出廚房師傅功力深厚，片皮鴨係面前即場切，食得安心又抵食！麗豪酒店近巴士站，可直達沙田市中心，亦可步行到港鐵屯馬線，地點安全又乾淨。…查看更多

香港食素的地方不少，但要有酒店級數，精緻，好味，價錢又實惠，香港不太多。最近沙田麗豪酒店的富豪軒推出了如來素菜譜，每位$238，另收茶芥及加一服務費。如來素菜譜共有七道菜，食得出每款都是廚師的精心研製，食落有點似Fusion菜，每道菜都令我驚喜，味道千變萬化，素菜都可以不單調。首先是前菜，佛光三錦碟，有松露素玉帶、茶勳素鵝和鎮江猴頭菇。擺盤精緻，美得像一幅畫。松露素玉帶，應該是杏鮑菇，面層是香氣撲鼻的松露醬。茶勳素鵝，菜燻過的腐皮，包住蘿蔔絲和香菇碎，茶香在口中流竄。鎮江猴頭菇，類似糖醋排骨的做法，外皮保持到香脆，酸甜醬汁包裹著猴頭菇。食完三款開胃前菜，第二道菜是如意甜豆素蝦仁，香炒甜豆，素蝦口感相當彈牙，菇片外形真係好似肉片。下一道菜是窩粑柚子素魚柳，脆炸素魚柳，淋上清新酸甜的柚子醬汁，連埋沙律菜和香脆窩粑食，口感豐富又開胃。第四道菜是一個熱湯，金湯銀耳燴姚膠，一碗香滑的西洋忌廉南瓜湯，湯料了有銀耳和燴姚膠，大膽創新，中西合璧。第五道菜是植物豬肉扒津白，面層有炸姜絲碎，鮮甜白菜面是秘製甜醬汁煮過的素豬肉碎。最後仲有一碗八寶有謍炒飯，炒飯炒得乾身，粒粒鮮明，健康不油膩。食完六道菜，上埋一個中式甜品，是紅棗桂圓萬壽果糖水，清甜潤喉。…查看更多

午餐時間因為有promotion所以就去咗呢一間酒樓度食午餐因為有apps半價優惠所以就嗌啲平時都唔會嗌嘅菜式燒鵝 熱上嘅時候都還可以但係食到尾就發覺成份鵝肥膏佔咗差唔多一半，首先我係中意食家禽嘅皮連埋肥嘅同埋燒鵝最主要都係食皮肥都係唔可以少嘅部分冇咗肥油既皮就自然唔夠香所以食燒鵝冇理由唔食帶肥既皮但係 佢肥嘅程度真係有啲頂唔順真係40％骨，10％皮，30％肥，20％肉Sorry 半價都係甘講，真係好一般另外仲嗌咗蝦餃同埋三色玫瑰包蝦餃係個好東西 皮厚薄適中亦都好夠彈性 蝦肉爽彈 有豬油香味 加埋辣椒油更加正另外三色包係叫畀小朋友 中規中矩但外表滿分客戶服務就非常好 侍應會主動上兒童餐具 不時加水 對老人家亦都特別照顧 好細心唔會喺佢哋嗰邊上菜…查看更多

雖然同啲朋友間都唔多興拜年，不過，農曆年始終對香港人而言都喺個大節日，總會相互送吓禮物。最近，就收到「富豪酒店」系嘅「瑤柱臘味蘿蔔糕」，真喺多謝晒朋友嘅厚愛:)，等小弟有機會試到唔同酒店嘅出品。紅噹噹嘅應節包裝盒，印有簡約梅花圖案，蘿蔔糕以真空包裝，乾淨衛生。而蘿蔔糕做成長條形，非慣常嘅圓形，小學就覺得方便切咗。表面已睇到鋪咗好多瑤柱絲及臘味粒，材料豐富，而切件後，睇到糕身混有原條蘿蔔條，唔會淨喺得啲粉。將瑤柱臘味蘿蔔糕煎香後，外脆內軟，糕身嘅蘿蔔味唔錯，質感又唔會太削身，沖杯熱茶，咁又當咗一餐。最近，受到武漢肺炎嘅疫情影響，全城都要高度戒備，屋企有呢啲糧餉，應急之餘，又可以盡量少晌街食飯。今次所試到嘅蘿蔔糕，都比較喺傳統款式，因為依家唔少商家推出嘅蘿蔔糕口味都做到五花八門，用料高檔，仲要配搭新奇。小弟對食，其實要求唔高，傳統又好，新派又好，好食嘅就喺好。最後，希望疫情嘅陰霾盡快過去，快啲雨過天清，大家可以回復番正常嘅生活！…查看更多

因為有親戚喺外國返嚟，想試蛇羹， 呢個套餐係全包，仲係任添蛇羹， 所以試一試， 之前都有喺一度食飯都ok， 因為親戚住呢一度，所以有75折， 折咗之後，大約三百一十蚊一個人， 佢一開始有四小碟， 佢啲小碟好多款，都有特色，之前晚飯套餐都有， 跟住蛇羹同埋炒蛇絲都好好，配韭菜花， 佢甜品仲有木瓜雪耳糖水同埋黑糖馬拉糕， 仲有一條魚， 又有燒雞， 侍應雖然少，但係招呼都好周到， 佢仲有糯米飯、羊腩煲同桂花炒米粉，好好味，好香， 唯一係個菠菜有啲老囉，不過都可以接受…查看更多

平安夜早上真幸運，假期近中午在這酒店仍然有車位。因已留座位，安排'座在湖景旁的大枱。有很温暖的陽光，環境十分好。叫了十多個点心，大蝦腸粉做得 十分精緻，有很脆的外皮，蝦肉很爽脆而蝦很大隻。 可惜臘腸卷的潤腸 不太合水準。 蝦餃及其它点心仍然保持著以往的質數。 另外叫了一個羅漢齋炒麵， 炒麵本身兩面都煎到黃色， 炸得很脆很新鮮。羅漢齋另上， 各款齋菜 亦做得很好。 最後奉上一個甜品。 因假期關係今天會員優惠沒有了。 但都不失為一個很好的午餐。…查看更多

激氣！！新年公司派左呢間酒店既年糕券俾我地成班 officer, 見佢金箔咁豪華，下次我都係睇清楚包裝既食法簡介先好食，俾我媽煮到溶鬼晒！最後當左糖水咁食！ :( 除左桂花糕，仲有拎左三盒裝既年糕組合A,包括有普通年糕，蘿蔔糕同芋頭糕！！講起呢啲先火，拎個時自己無check清楚，第二日係雪櫃拎出黎，啲芋頭糕竟然已經發左黴。最後拎糕日子係年廿七，啲職員同我講啲糕無落防腐劑，食用日期到年初二。點知第二日睇見都已經發晒黴，仲點過年啊！！激鬼氣，浪費食物！…查看更多

經常建議食中餐的朋友十分高要求,與他食飯其實都幾頭痛.有時候他指定去一些中餐廳,我不太想去,不覺得是味道問題,只是覺得要到處品嚐才可令經驗提升.由於唔太想中大伏,所以決定去沙田麗豪酒店既富豪軒,因為富豪酒店集團既中餐廳水準通常都穩定價錢當然不算便宜,但都係個句,如果唔係叫海鮮,都唔貴得去邊.由於富豪的餐廳有75折和會員折扣$500,所以都放心叫多點.既然$500是送的,那就叫個$498 的原隻2頭鮮鮑.因為我都未食過2頭SIZE.每人食一半份量已好足夠.鮮鮑用蠔油鮑汁等等煮得入味,質素富彈性,鮑魚味不太濃,但這種口感就只有這個份量既鮑魚先擁有.當然不及乾鮑那溏心味道,但過過口癮都算不錯.$98 蒜片一口牛肉,牛肉的確是嫩滑,入口幾近無渣,而且醬汁香濃,咸度適中,伴出肉味,伴飯一流.但最核心問題是沒有蒜片,因此沒有任何蒜香.愛蒜既我即時覺得被騙$328 XO醬蔥爆龍躉球.愛食魚既我就是要叫龍躉先合乎國情.啖啖肉,又唔洗怕有骨.XO醬好夠味,少少辛辣有元貝香,雖然有點油膩,但起馬夠味道.雖然菜式名字叫蔥爆,但整體上蔥香不算濃.$188 鮑魚蟹肉崧子蛋白炒飯.為是日最差勁之菜式,因此調味十分淡,咸度極低,食材味道亦十分不明顯,炒飯雖然算乾身,但沒有粒粒的口感.極需改善$98 上湯蒜子莧菜,甜美上湯浸住鮮嫩莧菜,微微的軟身,仍有點爽既口感.把最健康的蔬菜放入重口味上湯,就是食肉獸都能接受的食法.食飯送上甜品,雪耳類的中式糖水,女人最愛吧,總有滋潤的感覺.比起傳統紅豆沙,我當然會選擇這個.7除8扣下,埋單$811,每人405.5,極盡滿足,再次看世界出發,展望將來.祝香港人和諧共處!…查看更多

約了朋友去飲菜~帶我來到此富豪軒酒店內的中菜廳，　環境不錯～冷氣超凍的～　下次再去時一定要著多件衫２　人飲茶沒有叫太多野食．．叫了最愛的叉燒包．．咬了一口，　發現內面”真空”～只得少許叉燒～　實在感到有點那過～叉燒包面塗上糖漿，　甜甜的加上少少叉燒,　味道的確不錯～只可惜實在唔夠叉燒．．．再叫一客ＸＯ醬蒸蘿蔔糕．蘿蔔糕入口帶香濃ＸＯ醬味，　有別於一般的蒸蘿蔔糕，而且蘿蔔糕份量十足．　好有口感～再來一份杞子鮮蝦腸粉．　大大條鮮蝦十分鮮甜～　反而食唔出任何杞子味道～最後唔少得燒賣重一份．　味道不錯但不知為何比較乾身．　有待改善～～整體來說尚算不俗～…查看更多

好耐冇黎飲茶~ 今日同老公一早9:00幾黎到, 都有幾圍台坐滿人~~呢度飲茶比較靜~又有window seat~不過今日既window seat比人book左~~下次去一定要book位~~~呢度d點心加晒價, 最平都$33~最後我地叫左4碟點心:1. 鮮蝦餃D 蝦大大隻, 超爽, 好食~2. 上湯煎水餃超好食~~~3. 蘿蔔絲酥餅粉太多, 一般般4. 炸蘿蔔絲腸粉好期待呢碟, 不過原來係炸左蘿蔔絲, 表面包一層腸粉, 但炸粉多, 蘿蔔少~~其實佢裡面係蘿蔔+蝦蓉, 味道怪怪的~~冇下次!折左$198 埋單~~白金CARD有20%OFF!…查看更多

週日8-9時艱辛的一個鐘過去之後便是大家補回元氣的良機，拖著有些黏黏地的雙腿來到沙田運動場附近的Regal Riverside Hotel，我們這一群沒財力只有體力的小鬼又沾上Club 裡的長輩們的光，上了Hotel 2F的富豪軒，吃一頓開開心心放放鬆鬆的“賽後慶功飯”，來到大堂，感覺到底是去到新界區，甚為寬闊一點不逼，室內裝修不似銅鑼灣的Regal 那般金碧輝煌，反倒多了份中國風的暗紅色風雅，最佳的要屬市區內不太見得到的窗外綠意，中午時分對著窗外的連綿綠色以及波光閃閃的湖面，飲口茶吃個點心，絕對是週末家庭聚會或是朋友相聚的好地方。每桌早就擺有預設的蘸醬以及花生小食，愛花生的我，一入座便開始吃個不停，好似不用吃主食一般，全將花生當飯吃 O(∩_∩)O （真是丟人現眼了~）一眨眼功夫一籠籠冒著熱氣的蒸點已經上桌，瞬間將整個檯面鋪滿，當日體力消耗巨大，又盯著個大太陽，一群小鬼立刻埋頭苦吃！豉汁蒸鳳爪 $32飲茶必點項目，鳳爪伴以切粒芋頭蒸至軟熟，略帶膠質的鳳爪肉連著皮滑溜溜，而好似蜜糖般香甜又惹味的豉汁入味非常，輕輕一允連肉帶皮就都進了嘴裡，帶著潤潤的熱氣以及醬汁，甜度適中，熱辣熱辣的，不錯；吃爪補“爪”，當然最累的雙腳可算是補足元氣了。蟹子燒賣皇 $42要價接近半百的燒賣皇扣上蟹子這個帽子應該是做得出色，可惜這位燒賣皇可以說只有20蚊以下的水準，甚至一些20蚊以下的燒賣做得都比它出色的多！實在讓我驚歎+失望；蒸籠燒賣從蛋皮到蟹子、鮮蝦以及混合的豬肉都乾癟，口感差，鮮蝦也不完整，加埋混著的豬肉餡，不但調味寡薄，完全偏離正常燒賣的味道，外加給人一種乾渴又不新鮮的感覺。原隻蝦餃皇 $42又是一“皇”，個頭倒挺大，模樣也ok，餃皮稍稍有些厚，但也看得到內部鮮咸的鮮橙色；粘筷程度也只是少少而已；咬開覺得還是有些偏幹的跡象，難道是被冷氣吹乾了？不過裏面的原隻鮮蝦的確不差，蝦肉鮮嫩而爽彈，調味亦不過重，吃到鮮蝦的淡淡鮮甜，整體口味保持清淡作風。小籠包 $38見著有小籠包，大家都有些驚喜，果然香港人對“上海”小籠包還是有一種特別的情懷；這四隻一眼望去，我便知味道麻麻地，這個小籠包的等級幾乎等同於小籠【包子】（包子=北方包子）麵皮厚實的程度讓人看著就想像得到咬口是如何的粉感厚實；給次機會來嘗一下裏面的鮮肉餡，可惜再次減分，雖做到有湯汁的賣相，但咬開小口卻全然允不到一滴湯汁；肉質更是糟糕，全是用豬肉碎（好似邊角料一般）捏成，肉餡一點不緊實，吃著也無豬肉香甜，口感更是松而稀，肥膘亦過多，可算是用料上的偷工減料典範。叉燒腸粉 $39腸粉皮稍厚卻不見得有吸引人的米漿香氣，還好腸粉口感還算頗順滑也不見得粘筷；叉燒肉被腸粉皮過了幾層，叉燒切得較小片，不過肉質也算精細而軟腍；整碟叉燒腸粉浸在一大片“濃黑”的醬油汁中，吃的時候鹹度明顯過頭了，讓人注意力完全從叉燒該有的醬香轉移到過咸的醬油上。。。脆皮蘿蔔絲腸粉 $45第二碟腸粉以蘿蔔絲做成，乍看好似粥店的炸兩，晶瑩的腸粉皮下透出鮮橙色來，側面看又能看到蘿蔔絲的白色；沒了醬油對於味覺上的阻礙混淆，這一次終於吃出來淡淡的米漿味，因為放涼的關係，口感稍冰涼而帶有些粘口，但卻一點不影響裏面的脆皮口感；油里輕炸的脆皮有著酥皮的特點一口咬下十分脆口之外也感到層層疊疊的層次來，稍硬脆的口感不會像西式酥餅那般是輕盈如空氣般的酥鬆，而是帶著些中式倔強的硬脆，好似硬要與你的牙齒對抗一般，但當你稍稍一使牙力便應聲而裂；蘿蔔絲的口感也是硬脆，卻又與脆皮不同，這份硬脆帶著清新口味以及點點蘿蔔汁水，脆啵啵的好味！這一份腸粉口感豐富，味道也清新好味，不錯。白灼芥藍&白灼菜心 $39一共點了兩份白灼蔬菜，長得真是太相似了，過水的程度控制恰當，既不會過軟熟而至芥藍軟爛，亦不會燙的不夠而夾生，吃著既有一份爽脆，點上些先前配著的醬汁，則多一份海鮮鮮甜的惹味。 揚州炒飯 炒飯炒的較清淡，絲毫不見油瀝瀝，卻也粒粒分明，夾著不少生菜，亦有小個鮮蝦以及小片干牛肉片；口味偏淡，米飯尚算香口，是一道不算出錯的主食。芒果糯米糍飯後少補了甜品，這份糯米糍就是用來滿足我們這群小鬼永遠用填不滿的胃；裹滿椰絲的糯米皮軟嫩也不過厚，咬著帶些淡淡的香甜，絲絲椰絲則增加少少口感上的變化，糯米亦做的煙韌一點不粘；中間裹著的則是整塊整塊的芒果，熟透的芒果肉散髮香芒的極度香氣，聞著已讓人沉醉，吃著更是香甜十分，反倒襯著微甜的糯米皮不那麼甜了。吃得七七八八之時，還有一大疊水果拼盤做尾聲，西瓜與蜜瓜甜度都也不低，吃著既爽口又好味，不過最愛的還是火龍果，甜度非常之高，相當出色的入貨啊 0-0總體來說，富豪軒的點心價格不低，但出色的卻不多，幾款常見常點的點心中除了蝦餃皇與鳳爪過得去之外，其他都有些讓人失望，再比一比價錢，實在讓人覺得不值了。在此，多謝請小鬼們吃飯的長輩們~…查看更多

當日訂左位去飲茶, 2個人叫左 5樣野, 發覺 d 野縮晒水, 之前都間中有黎, 點心真係一次比一次細粒, 變相加價 脆皮蘿白絲腸粉 ($68) : 雖然整得幾好食 , 一碟 2 條, 每條3件, 比起之前用長條形碟裝果時, 個圈位矮左一半都有, 即是縮水一半, 好扁身:( 鳳爪排骨煲仔飯 ($48) :又係的骰煲仔, 裝開得 2個飲茶的碗仔, 味道一般蝦餃 $38 :size 正常, 味道正常, 不算突出 麻羊生煎包 $28 :用煲仔飯的煲上, 一打開, 果 3 粒包細到呢, 好似雞仔餅 size, 以前都有係度食過呢個包, 今次真係細得可憐, 我未見過生煎包咁細過, 佢 3個加埋都無一個正常雞包仔咁大, 又係扁撻撻, 無乜餡, 羊味都幾蘇 蕉糖蓮蓉西米布甸 $28 :用一個迷理南瓜形的盛器上, 太約係酒家飯碗 size, 可惜又係縮水, 裡面得 5-6成滿, 3啖就食完, 味道又係一般, 蕉糖效果沒有, 有 d 杏汁味咁, 甜度就幾適中 食完呢幾樣野都咁細碟, 已經唔想係度再叫其他野食 :( 茶位 $13/位, 前菜得花生, 我地無要, 唔使比錢, 我諗都應該都要十多蚊碟咁埋單就 $236 +10% = $260 …查看更多

應該有5-6年冇黎過, 今日心血來潮黎到呢度, 以為中午冇咩人, 點知都有人等位, 好在等左5分鐘唔駛安排到我地入去~下次應該BOOK定位先!入到去, 第一個感覺係坐得舒服, 如果安排坐到WINDOW SEAT仲正!:)第二個感覺係呢度D仕應生都好足夠! 服務都幾好:)!!第三, 大陸人比較多, 好似返左大陸食飯~講到點心, 點心紙最平的都要$28, 唔平WO~~不過勝在款式多~叫左以下點心:1.雪嶺餐飽, 原來係奶皇飽, 幾好食, 但唔夠熱~2.蝦腸, D蝦好大隻, 好爽, 不過都係唔夠熱3.BB乳鴨, 真係好SMALL SIZE, 都係唔夠熱4.小蘢飽, 賣相唔係咁OK, 味道OK:)5.鮑魚燒賣, 夠熱, 味道OK:)6.腐皮卷, 味道OK:)7.蘿蔔絲酥餅, 夠熱, 好食, 不過太多粉炸, 皮比較厚~3個人7碟點心, 埋單$290 (8折後), HSBC白金/恆生白金CARD有8折今日係公假, 都有折扣優惠, 唔錯~~…查看更多

唔可以再懶惰,用這個寧靜的除夕下午,把這編食評好好完成.富豪軒,新裝修,朋友仔突然途經沙田,將原先的計劃改變,要在極速下找一處歡迎我這個從外地回港探親的老友記,食物質素跟環境都同樣重要.選擇這處因一定有足夠座位,酒店食物亦一定有標準,又要在冬至節日前,今次都唔算失手,我一向習慣點食市的Signature Dishes, 以免太冒險.以下份量可給三至四人,但我們只得兩個,最後炒飯打包,家中人都有份食:)!下面用炒鮮奶墊底,有特色,蝦球大大隻!有鱈魚的肉嫰.夠乾身.蟹粉扒豆苗$98,材料豐富:)!另加明火例湯$76/2位不錯,可以再試!:)…查看更多