富豪茶餐廳 (已結業)

新假期話有好介紹，就試試囉，見識下榴槤白咖啡囉，都幾得意，冇臭貓屎味，都要$18一杯，一點都不平宜，加上食個香蕉豬仔飽，兩個人百銀,好彩政府俾佐$6k，如果唔係，都冇得試新鮮事，新鮮o野!

老公叫左個豉椒排骨飯$35，個汁是啡黃色杰的，不見豆豉，不見椒，味道有點像沙嗲，但又不完全是，我們有點懷疑來錯了，飯是一舊舊的，極之難食！我叫了番茄薯仔螺絲粉配瑞士雞亦加奶茶$36，個粉的湯底原來是餐湯的羅宋湯，真不明為何叫番茄薯仔？一d番茄都唔見，這都不重要，但個湯好鬼甜，味道古怪！雞亦不入味，只有瑞士雞亦汁淋上面。奶茶，本人覺得茶味不夠。我只好同老公講，要食吓難食的東西，才會更懂欣賞好吃的食物。

旺角食肆林立, 茶餐廳冰室不計其數, 由太子沿通菜街和花園街行過來旺角, 大大小小的都有數十間, 記得很多年前都有來過這間茶餐廳, 但印象麻麻, 估唔到今次因為屋企無食水, 路經此地, 又不想幫襯連鎖式茶餐廳, 心想不如就 「重遊舊地」吧!一看餐牌就知道食材的價格飆升了, 一個普通的茶餐, 一份奄列加一件多士, 一碗一餸的米粉再加一杯熱飲, $32 才可「落樓」, 還好的是凍飲只加$2, 今時今日大部分的茶記凍飲都要加$3 的。估唔到個湯米竟可選螺絲粉, 真係好意外! 個湯底都幾清, 絕對唔肥膩, 食得我好放心, 而份量都夠飽, 唯一要彈的是餐牌寫「厚多」, 但結果只是兩片薄多士.........另外想說的是, 在場的侍應可能慣了手勢, 有客來有客走都會抹一抹枱, 不知是好還是壞

陪太太係旺角行街買野. 而且3點3的時間到. 開始要找地方食下午茶了. 齋妹問我有冇做定research, 向來係旺角, 行到邊食到邊架啦......她磨牙了一輪, 我們便在小巴站旁, 找到一家古代冰室. 噗high tea.想找卡位, 奈何唯一冇人坐的卡位是近廚房廁所的. 遠眺一下環境, 就算坐果個位食野唔收錢我都唔坐. 之後我們坐近門口的圓檯. 看了下午菜餐單, 叫下一個芝士蕃茄飛碟, 同一隻雞肶併沙律.是日兩個都沒有叫奶茶. 只是一支可樂同一杯熱檸茶. 基本既野不用多評. 之後, 是我的炸肶先到. 看一看, 其實這個似燒肶多過炸肶. 沙律就是一般的極多沙律醬既中式沙律. 而且凍冰冰, 唔知佢雪左幾耐. 雞肶, 皮都脆脆地既. 不過一咬入去, 雖然未至於乾, 但沒有新鮮肉汁, 最重要是皮之下的地方, 完全沒有味道, 沒有雞味, 沒有任何經醃製過既味道. 飛碟, 說就說是芝士味既飛碟, 齋妹食落沒有芝士, 我看落, 亦完全唔覺有芝士. 蕃茄夠大隻, 但味道普通. 普通至極果一隻. 外國人既屋企應該有呢一隻飛碟多士機. 自已做仲好.舊, 老字號, 未必一定好.

來的目的都是為了杯熱奶茶，但既來之，又試試它們的茶餐吧，一個茶餐跟一杯奶茶的價錢都差得不多，當然又來試試本人愛吃的西多士吧。點了餐後，也要等上五分鐘才有得吃，西多士上桌時，真的很是熱騰騰，很明顯這西多士是即炸的，雖然是炸的，但相信店方都算是有心機做的，因為西多士的顏色是很靚的金黃色，其熱力在四射，那片牛油火速被融化，加了點糖膠，就急不及待要吃了。一切下去，原來西多士是有點花生醬作餡的，西多士吃起來真的很熱，而且外層香脆，多士的包身仍然鬆軟，縱使其麵包的蛋香不夠，花生醬餡也是太少，但加了糖膠及牛油來吃，味道的影響又不大，但其基本功做得好，至少夠熱夠透夠鬆軟，這就已經相當美味。最後的環節也是今天我來此茶記的主因，就是這杯熱奶茶，奶茶用上不是用上黑白淡奶厚身瓷杯盛着，而是用立頓瓷杯，立時滴汗，生怕店家的奶茶是茶包貨，但心想既然店家取得二十大的殊榮，應該也不會用茶包吧。說回杯茶，茶溫夠熱，先嗅一下，確有不錯的茶香，而黑白淡奶的奶香也不俗，喝下一口，茶味甘醇，真的有濃濃的茶味及挺強的茶香，加上奶香也夠，茶順喉而沒有一絲嚡口感，茶質感夠厚夠稠，喝到尾也沒有苦味，只有茶香及回甘，另外加上奶香的油脂在

兩條友, 未夠鐘, 去食個午飯, 午餐....- 份量小... 上炒麵個碟係細碟, 明顯好少- 油比較多, 不過茶餐廳預左- 服務中上- 環境陰暗, 老牌茶餐廳 feel- 好多自由行整體來說... 旺角好多選擇... 冇咩原因吸引我再來

今日去旺角行吓，行到去金魚街，竟然碰上二家姐同姐夫..真是巧合！了解過後..原來他們是來睇魚的。商議後我們3人結伴一起行魚街..可惜最後，他們都是空手而回找不到心水靚魚。離開金魚街冇幾遠..我們便決定入"富豪"內食番個下午茶...我叫了蛋治，家姐同姐夫就要了菠蘿油和沙爹牛肉飽，另再加3杯熱奶茶。食完味道感覺如下：蛋治：麵包夠軟熟，但沒有蛋汁..所以蛋味不濃，麻麻。菠蘿油：酥皮唔同外面其他店般容易散，幾好..而且味道亦ok，只是個飽唔夠熱。沙爹牛肉飽：牛肉份量多，但牛肉同汁完全冇味，整體味道唔掂，不合格。奶茶：有茶味，奶味亦夠，俾想像中出色..滿意。最後結論，除左個沙爹牛肉飽外，其他食物還說可以..勉強俾個OK啦。

2-3-2009星期一「收工」特別肚餓, 返屋企前撞了入0黎呢間麻甩茶記飲杯茶食個包.先0黎 Lipton 黃杯奶茶, 奶味完全蓋過了茶味, 唔0岩飲.叉蛋治 d 餡係滑蛋叉燒, d 蛋好油好滑又有蛋汁, 不錯; 叉燒就係「執頭執尾」貨色, 有點硬又無蜜味, 棄之不可惜.又係0個句, 入得0黎都係貪佢「舊式」, 衛生麻麻亦預0左, 不過今次「赫然」見到又聞到場內一檯麻甩 (熟客?) 不斷煙駁煙, 伙計阿叔們就 turned a blind eye, 令人為之側目.放低 $22, 速閃.

前陣時，大熱天時又要踢友賽，絕對是體力的考驗，幸好平時有作另外的鍛鍊，跑起上來，也較其他隊友輕鬆一點。不能空著肚子落場，就拉了隊醫來吃點東西先。這裡是老式茶室，開了沒三十也有二十年，地方一般，燈光暗暗的，我們一身波牛的打扮，都算入型入格。這裡有麵包蛋撻西餅，但不是出爐時間，無謂叫了。要了叉燒丁及火腰奄列的快餐，及煎蛋多士。叉燒丁本來沒什麼好寫，但是日的幾塊叉燒還竟是枚頭，口感軟熟，喜出望外。煎蛋多士是煎蛋治烘底的「反面版」，連價錢也是一樣的11蚊。多士內還塗了植物牛油，都幾好啦。見另一食友在永香的食評，他的那個「窩蛋多士」，其實也是這個「煎蛋多士」。能認真做「窩蛋」﹝或「波蛋」﹞的，少矣。當然在高級西餐廳還有那個加荷蘭汁的，但價錢當然不是這回事。埋單50蚊，不算便宜，但也不算太差。

又一日食早餐叫沙爹豬頸肉通粉,豬頸肉爽口,即叫即煎,唔錯.麵包夠軟淑同煎雙蛋都好食,一間唔錯o既茶餐廳.原來佢仲有雜誌介紹,難怪有不俗水準.

每個星期六晚夾完band 都去, 炒公仔麵一流, 夠大碟, 又有鑊氣, 而且仲係出前一丁, 雖然價錢唔係平, 但好食就唔怕貴啦!