富華麵包餅店

營業中

休息中

麵包店就在民居樓下，早上不少街坊來買麵包。專賣舊式麵包，菠蘿包、麥包、雞尾包、叉燒包等都可買到，麵包雖然大眾化，款式不多，但勝在性價比高，而且是自己烤焗。麵包尚算鬆軟，份量一般，但在現今這個物價高的社會來說，已是十分抵吃。

有次經過買麵包，個店員推薦我買咗芋泥卷，話老細整嘅蛋糕非常好味，我見到價錢ok，就買咗個試下啦。點知食完發現個芋泥卷真係不得了，拎落手係幾有重量嘅，入面芋泥份量十足，有深淺兩種不同程度紫色芋泥，蛋糕佔比不到三分一，冇cream，所以唔會好甜，味道好natural， 睇落去一個細細地，點知食完好飽食完一直心心念念想食多次，但發現原來唔係成日都有得買，係‘“限量發售”’😂要老細得閒整先會有，同埋有整都會好快賣曬...事隔幾個月，今日經過終於俾我買到啦！芋泥卷升級變咗“芋泥麻糬肉鬆虎皮卷”！個名長咗，入面D餡升級咗（除咗芋泥，仲有麻糬，肉鬆，紫菜），味道層次再豐富咗，有麻糬都唔會太甜，味道剛剛好，好啱我！唔知下次有冇機會再俾我買到呢芋泥麻糬肉鬆虎皮卷 HKD 16/個，HKD30/2個除咗上面芋泥卷，呢個奶醬香蔥卷都好味有機會再試下其他！

 小店系列第N編之前做左2日大角咀街坊係附近搵食先搵到港式快餐店跟住再買搵一間麵包小店睇網上評價都幾好,好抵食,又夠新鮮但食評已經係舊年唯有自己UPDATE下價錢已經有不同,改左價但仍然非常便宜指定時間有買2送1變相沒有加太多價 都係常見款式卷蛋,小蛋糕,香蕉糕 季節咸肉粽12蚊!!好便宜!! 面價已經加了一個包大約$6買2送1後就比較抵食  雞尾包好大隻,買左3隻!(計返3蚊隻!) 地方細,款式都多,十幾款 最出名仲有蛋撻$3.5一隻~夠脆口夠甜 雞尾包3隻!$9非常多餡~大角咀晏架街4號地下

上次去球場陪朋友打波，有啲餓但要做運動所以冇得食太多，去左附近見到富華麵包，就睇下有啲咩好食～ 我驚佢一般都好平，有啲甚至係兩蚊就有得買既麵包，但係一般都$3以上！又有蛋撻同埋白糖糕砵仔糕之類嘅糕點！店舖唔係好大，企入去揀完就出返嚟～ 我揀咗雞尾包，平時都有食開雞尾包所以覺得應該唔差！ $3就有得食，超級抵！雞尾包一般size, 咬咗一啖就已經見到餡～👍🏻 即使唔係好暖，都覺得幾好味，麵包好軟身，唔會因為凍左而變硬，真係又平又抵食！

今日去咗以前成日買麵包嘅地方幫襯~ 小學之前都係住大角咀，所以好有回憶~ 富華麵包餅店唔係返幼稚園必經之路，媽媽成日都買黎俾我返學前食咁多年，都仲係經營得好好 我去買雞尾包，佢有好多其他嘅餅類，係好傳統嘅麵包餅店！又有蛋撻，不過我就鍾情於麵包，所以揀咗雞尾包👍🏻 職員服務態度好好，因為大部份幫襯嘅都係老街坊，所以好客氣會互相關照下 俾錢嘅時候，我問雞尾包幾錢，佢話$3 我簡直嚇咗一跳，而家呢個時勢，邊度搵$3嘅雞尾包 贏咗 再問之下，原來其他麵包都差不多呢個價錢，真係好surprise至於味道方面，正正常常，唔難食，麵包都好軟身，足料 真係好值得支持嘅小店

今日我地去左旺角換野，換完野重行舊路一齊反大角咀，途經呢間麵面包店就決定係度買第二日早餐，店舖好懷舊而且老闆同老闆娘都年紀都較大，面包款式唔多但我地都選擇到兩個想食o既包，就係咖喱牛肉燒餅同洋葱雞肉燒餅，唔會充滿好大期望因為兩個燒餅$8真係好抵食   1. 咖喱牛肉燒餅 見到餡料好薄o既一層，牛肉幾乎無咩，但咖喱味香濃連面包一齊食岩岩好，燒餅餅身偏淋欠缺燒o既味道   2. 洋葱雞肉燒餅 餡料聚集係餅o既正中間無平均分佈，雖然餡料少但味道唔錯，洋葱有少量甜味，雞肉都有滑o既感覺，$4算係唔錯   ##雖然面包味道普通，但係咁平o既面包真係好少地方有，見到公公婆婆年紀大都仲繼續堅持經營呢間面包店，決定為佢獻上一個笑臉以作支持

端午節將近 , 早兩日特登行返入大角咀 , 買呢個加料粽上年食過之後 , 真係念念不忘 , 又足料又香又好味 =)平時呢間面包店都有粽賣o既 , 不過加料粽就要造節先有門口有招牌寫住 , 內有 : 金華火腿 , 栗子 , 燒肉 , 一隻黃 , 五花腩無花無假 , 真係全部有齊晒o家 , 大大隻賣 $ 25 ,食一隻就係一個晚餐喇 , 我本身好鍾意食糯米 , 所以覺得好正 ^v^買o既時候佢仲係暖o家 , 剛蒸好 .... 簡直想即刻開黎食 xd拎返家雪左一晚之後 , 今日要蒸返四 , 五個字先食得燒肉連皮 , 都幾肥 ~ 五花腩好重五香粉味 , 正 !栗子大大粒 , 仲好甜添 .... 成隻都好紥實 , 飽晒 =)## 以前住大角咀 , 我都成日買 $ 5 三個包 ,仲有蔥油包 , 大大個又平又好食 ....呢 d 舊式面包店 , 真係值得我地好好珍惜 !

現今物價高企, 好難得係街邊見到$5/3件見佢收緊檔,餓餓地就買左3舊中式餅點紅豆餅, 豆沙餅 同嚤嚕酥但老闆娘話豆沙一樣都係紅豆餡..(定佢mean賣晒豆沙?)是鬼但, 2個就2個.....紅豆餅:好多餡, 但係硬得滯,食食下覺得個皮有陣元朗老婆餅既香味但係實的的係致命傷...嚤嚕酥:同樣地多餡, 又同樣地硬其實唔可以叫硬, 係實淨.內膽同我以前食開既嚤嚕酥有d唔同,佢有椰絲,中招...我唔好椰絲或者翻熱食軟d會好d覺得佢製作用心,落料重手OK!

三文治($6)入面既蛋炒得幾軟熟又有蛋香食得過但要早d買唔好等到倒汗水俾麵包吸番先買會無咁好味加2蚊仲可以有紙包飲品幾抵!

雖然價錢同櫻桃一樣咁抵食但話晒o係街邊始終覺得無咁乾淨加上好多時佢d包會sold out得好快有日想翻食沙翁時因為賣晒轉試佢d嚤嚕酥有兩款味道揀:冬瓜蓉同豆沙但兩種味道都一般唔會再食(或者因為食過奇趣既更好味啦!)

之前見有食家讚呢度d沙翁好味已經想食好耐但奈何次次記得時都賣晒買左其他野食時又有前幾日終於食到果然唔錯wor佢分有餡都無餡兩種Donut形係無餡我買既有餡就成個飽咁包身幾軟熟裏面既紅豆沙餡唔太甜炸完既包亦唔覺油膩加埋唔太多既糖真係幾好食.

以前唔鍾意食粽但自從去年舊男友媽媽整既粽好好味自此開始愛上呢樣食物好多次路過聞到香噴噴既粽葉香已經想試但每次唔係出緊街就係已經買左飯盒結果每次都食唔成琴日同朋友仔睇完早場咁o岩佢叫肚餓先至得嚐所願佢有三款揀我地要左最傳統既綠豆蛋黃鹹肉粽仲好好彩佢係剛剛蒸起拎上手仲係新鮮熱辣番到屋企一拆已經食得朋友仔話佢d糯米應該係靚貨一夾開唔會黐實筷子綠豆份量雖然唔算好多但味道好清點少少豉油已經幾好食平時我食粽鍾意加砂糖但今次覺得加砂糖反而無咁好下次會再試下花生蛋黃鹹肉粽或者梘水粽

蛋撻有蛋香又唔太甜曲奇皮鬆化但少左dd牛油香不過overall係滿意椰撻較差有燶味幸好唔太甜希望佢只係今次失手下次可以再試熱狗3蚊隻大大隻有大量朋友仔愛吃既沙津醬聽講味道ok以呢個價錢計味道算好

突然有人殺上公司洗地?真係奇奇奇!唯有落街迴避,順便食個飽,買個沙翁.佢喱個沙翁唔係冬甩形,係成個飽咁,裏面有紅豆蓉餡,炸完後沈上糖花,相當好食,紅豆蓉唔係太甜,增加口感,又唔會炸到好油膩,甜甜地,好食.

雖然呢間只係街坊小店,但係都有獨特既包,值得一提係佢既腿蛋包,平日餅店所售腿蛋包,都係一塊火腿加一塊蛋片,但係呢度既腿蛋包竟然係火腿炒蛋!一個橢圓形既包,用刀中間切開,再放入新鮮火腿炒蛋,唔再係一片片蛋,食落口感好唔同,亦覺得新鮮好多,據我估計,佢應該仲係日日早上整日日清,因為朝朝返工經過都見到一大盤,但放工時候已經唔會再出現,值得試試!好味架!