更多
2024-08-21
64 瀏覽
機緣巧合之吓嚟到呢個曾經好熟悉嘅地方,今日嚟到九龍灣近觀塘道工作,以前喺呢邊工作有3,4年,已經十幾年無嚟,中午放飯特登走過嚟定富街食午飯,行咗一圈,有啲舊樓已經拆卸,其他食店大部分都係十幾年前嘅舊招牌,今日就行咗入富華茶餐廳,我都忘記有無幫襯過,坐低叫個午餐鴛鴦炒飯,有例湯送,合掌瓜紅蘿蔔湯夠火喉,炒飯一紅一白汁,飯有炒底,估唔到有呢個質素,唔係頂級好食,但係真係算幾好食,兩隻汁一酸一咸,調得唔錯,頹飯嚟講係係性價比高,咖啡香濃無苦澀味。
張貼