影片
港鐵黃埔站 A 出口, 步行約10分鐘
繼續閱讀
電話號碼
23648739
營業時間
今日營業
07:00 - 19:00
星期一至六
07:00 - 19:00
星期日
全日休息
以上資料只供參考, 請與餐廳確認詳情
附近番工所以周不時會係紅磡廣場搵食，而每次經過富華都見到好多食客食lunch, 經常坐無虛席。今日戚起條筋想食燒味飯，醒起富華其中一樣出名就係燒味飯，於是今日就拉大隊同 同事一齊去左富華食lunch.我叫左雙拼燒味，叉燒油雞飯。叉燒肥瘦適中，juicy 不會燒到好乾。豉油雞肉嫩滑，不柴夠juicy, 平時好驚啲雞勁肥，但富華的豉油雞不會太肥。再加上淋面的蔥油，加埋豉油汁撈埋啲飯到，非常好送飯！整體味道不錯。
繼續閱讀
當年係附近返工. 間唔中就來富華係早餐及午餐. 好耐冇來掛住塊大大件吉豬. 又回來啦!沙嗲牛肉麵 - 可以雙拼多樣野. 我地就係鐘意沙嗲牛肉唔駛雙拼. 沙嗲好香濃, "傑"身唔係水汪汪, 牛肉淋小根. 家陣都想食....食過好多間, 平既貴既都唔及佢.吉列豬扒拼腿腸旦牛油多士 - 塊吉列豬扒成隻手掌咁大! 炸到好脆好香, 仲有好多肉汁. 真係好抵食依個市道 一個早餐$38唔算貴. 有咁多野食又有野飲已好好!
繼續閱讀
昨晚飲太多唔願爬起身，起身要去便便，要花掉 $250 蚊飛的，依個便便真貴﹗好很貴的早餐，以 $250 蚊的士代價交換的。專登兜去平記想食份厚多士，誰知無位﹗其實好多位，不過全部四座卡位都被兩條友霸住，廳中間方檯成群阿叔阿伯一人一袋，人要坐連袋都要坐。香港居然變到如此境地，什麼文化？什麼公德心？我唯有專登問侍應叔叔有無位，驚訝地回一句門口等等。既然您唔安排唔想處理，我去第二間食，我唔會再黎幫襯！高朋滿坐，全場爆滿，大部份食客都係即食麵，眼見搞到水吧、廚房有點手忙腳亂，半霖檔模樣！依位西面州民肥姐侍應目無表情，真的您的待遇如何，您的樣子也必如何嗎？跟我係年青時做快餐店處理方法一樣，拆晒所有出前一丁排好係筲箕，沖沖水喉水放係一邊攤腍，那就可以速煮 1 分鐘上檯，但攤得太耐或水份太多的話，食落會有生水味，麵味流失過腍粉口極度討厭，只有鮮煮才會最爽彈滑最好食！熱奶茶，不是特別出色，中規中矩無特別，最好飲都係合記。凍檸茶走甜，通透的茶色，清爽的茶味。牛扒出前一丁，牛扒屬快餐店質素但有香草味，牛扒韌到似橡膠，好采我有牙力！辣油有冠益影子，辛辣油香掛著軟滑入味丁麵，狂野地啜得精彩絕倫！火腿奄列，非食不可，使我陶醉讚嘆萬分！有誠意碟碟即做新鮮出品，蛋汁甘香嫩滑蛋皮撈上咸香腿絲，不得了的米芝連級數奄列！必食即做火腿奄列，頂級無投訴，不是一早煮定的劣質死皮包腿絲。新鮮出爐，飄著芬芳氣味送到。滑溜溜的金黃嫩蛋捲著暖暖咸香腿絲，熱騰騰的流心蛋漿甜美香醇，擘盡我的血盆大口整件豪氣地啪入，暢快無比﹗雞扒出前一丁，雞皮望落好燶一咬才發現係底來的，不是雞皮。勁咸香草雞扒免強頂得住，浸多兩下湯沖淡一點較易入口。硬掘掘非常健碩結實，平凡麻麻地不吃也罷。吉列豬扒配火腿煎蛋多士，新鮮出爐吉列豬扒熱騰騰咋咋聲，堅係好炸喎！就算一向無懼煎炸野既我，聞到見到都有點壓力 ﹗熱氣迫人想先起皮才食，但麵包糠外層真係黐到實一實，只能免強脫下少部份，唯有硬著頭皮照趙可也！炸得香脆乾爽，悅耳的索索聲，只係炸得燶了一點點成深啡色呢。豬扒肉質彈牙，醃味清甜好味道。火腿煎蛋多士，其實我食塊豬扒加腿蛋多士已經夠飽，水吧師傅醒多條腸仔我食，就讓我優先處理掉，多謝款待。不是廚師腸，是熱狗腸來的，肉味較濃，腸皮較厚，味道討好，係油左少少，炸乾身會更香口。暖笠笠的荷包蛋非常新鮮，就算幾忙都堅持即叫即做，連火腿都煎過，使其更香口更濃郁。火腿抱著煎蛋躺在香脆牛油厚多士，擘大口狠狠地一咬，甘甜蛋汁飛射，幸好舌尖及嘴仔跟得上而一滴不漏吞晒落肚，幸福滿足。太陽蛋沙嗲牛肉出前一丁，堅夠熱辣辣，麵條黏黏的，幸好不算過腍，感覺洗過水放涼變腍再翻煮，索盡湯汁程亮麗咖啡色十分美味多汁。沙嗲牛肉好野黎喎，彈彈不韌不鞋，原汁原味，沙嗲汁甜而不膩。讓麵條捲上掛著辣椒油大大力啜晒入嘴仔，大滿足啊！太陽蛋原始無添加的味道，讓她躺在滾湯上慢慢吸收熱力，暖暖的整隻索入口中爆開！蛋漿蛋白混和，甘甜無比呢！火腿奄列豬扒出前一丁，真香煎豬扒，普沒有被炸爐所污染，原汁原味豬香肉甜，彈彈結實的質地咬得滋味無比，損埋舊骨就更添樂趣，好味道！淨食丁麵似乎有點寡寡地，要加點香辣醒醒神！全部都係油？我既辣椒渣去晒邊呢？香辣程度大打折扣，狠狠地淋上 3 茶匙，黏黏微爽的麵條每口都掛上辣油，舒服多了！頂級火腿奄列唯有富華！雙太陽蛋番茄薯仔羅宋湯螺絲粉，我話要通粉 3 次，轉眼幾十秒就送到！死都要比鏍絲粉我，連對面食客阿叔見到都望一望我！火都黎，飲晒湯掉低鏍絲粉一啖都無食過還返比您！太陽蛋仲要漏單，等足足 10 分鐘先到！那有薯仔呢？紅蘿蔔就好多。羅宋湯茄味最濃，還有雜菜甜味緊隨著。除紅蘿蔔外，所有菜食晒連湯飲晒，禮成﹗半粒螺絲粉我都唔會掂架，唔係我想要既野！霎時衝動絕食抗議。係要到我忍無可忍出聲追先煎出黎！煎好左仲想送到其他檯，要老闆出聲先比我，唔係仲要我排隊架麻﹗通粉已經唔比我食，太陽蛋都唔想比我食？真心火都黎滾滾地，用 3 秒塞兩隻蛋入口吞埋起身即閃﹗炒滑蛋火腿絲通粉，超濃郁雞湯底，加埋胡椒粉我直頭覺得有點咸呢！厚厚細細粒通粉，質地粉粉的，濃湯浸著入口都可以，夾埋咸滑腿絲就更精采。真正的炒蛋，香噴噴金黃閃令令出場，蛋汁輕滲誘惑無比。暖笠笠的炒滑蛋，不是馬虎的煎蛋皮，堅有兜炒的效果，縐縐的包著甘香嫩滑蛋汁，大大口送到舌尖上翻滾，米芝連味道。腸仔奄列，金黃炒蛋焦香無比舔舔脷，蛋香出眾無與倫比！硬實腸仔太咸，幹掉我的腎！捲住蛋食都受不了。沙嗲牛肉奄列，極有誠意即煎特厚，熱力迫人香噴噴一見發呆，聯想到多汁的茄牛蛋包飯！劏開輕煙四起，緊緊燙著嘴享用！甜甜的沙嗲汁不失香氣，嚥韌帶嚼勁，陣陣肉液微滴，厚厚的蛋包著多多的美味！珍寶腸煎蛋即食麵，等了段時間即煮無偷懶感動啊！滾燙大啖啜入熱熱的麵滾滾的湯好舒服，不過湯底淡如水陰功。麵條黏黏脹脹不爽滑強差人意，出絕招倒下大量辣油希望起死回生，失敗！妄想會整條珍寶腸送上，原來只有三片，切薄片已經沒有了食珍寶腸的精髓，就係要大大碌原條塞入口咬才美味，失望！腸片皮韌肉腍味咸一般，煎蛋熱燙燙焦香新鮮。煙肉太陽蛋出前一丁，煙肉真係煎架喎！不是懶懶閒地烚的。嚥嚥韌韌不過咸不油膩，不是美式煎豬肉乾，好好好！用麵條捲著趙增加咸香更添樂趣，蛋漿撈麵穿越世紀永恆的味道﹗榨菜肉絲太陽蛋通粉，眼測已感到油到出奇，再連湯夾榨菜肉絲同吃，咸味強烈都要硬著頭皮食晒去！爽爽榨菜浸發不夠嗎？肉絲嚥韌醃味重手。腸仔雪菜肉絲烏冬，睇錯餐牌原來係雞肉腸唔係雞肉呢！極濃雞湯咸咸加上爽咸雪菜，還有鬆軟咸肉，配淡口新鮮即煮烏冬，味道剛好平衡。熱熱烏冬滑嘟嘟，彈彈的啜食得𣈱快，雞肉腸走走油立立令十分香口，炸乾一點會更可口，不過天生太咸啊！雙太陽蛋雞扒出前一丁，眼見給我炸雞扒即時失望沒有期望，再次不可以以貌取人！皮脆肉嫩，鳳脂油潤甘甜，包著肥美嫩肉不乾不硬嫩嘟嘟。每啖爆汁，雞汁噴射，醃味醇美自然。如果能保持每次都這樣天堂味道超優質的話，淨係賣雞扒都夠玩咯！沖水攤腍再翻熟丁麵，麵的香甜味流失，質地粉腍無生命，泛著微弱滾水味道，唯有狠狠地隊兩三羮辣椒油掩蓋一下。雙太陽蛋雞扒即食麵，極速 30 秒送到，我要食新鮮架！即食麵底預早煮好放涼，倒個滾燙清湯即可出貨！連煎雙蛋都望塵莫及，遲成分幾鐘先到步，我還以為漏單添呀！等緊一家大細影全家幅架。湯夠熱但麵條只有微溫，腍劈劈粉粉的使人生厭，滾水味濃烈加入大量辣椒油亦無補於事，唯一方法大啖大啖盡快吞晒落肚。雞扒從暖櫃取出還可以，的骰四份一塊厚雞扒，香草味道留於黏滑雞皮上，雞肉結實微嫩醃味不錯。太陽蛋豬扒烏冬，特濃雞湯底什麼調味料都不用，搞到我不停地飲，副作用極頸渴不停飲水正常不過！滾燙雞湯襯埋熱辣辣嫩滑烏冬，越啜越起勁，停不下來！薄衣衣豬扒極鬆軟滑潺潺，趙落偏咸一點點。
繼續閱讀
返工地點位處紅磡, Lunch time 想食碟好味D滿意D嘅燒味飯, 談何容易?庇利街友記, 餐廳環境唔係咁理想都算, D叉燒又硬又乾, 重要無冷氣, 放棄.再行前D果間三寶, 更差! 質素同份量之前已經寫過食評, 列入本人黑名單之中!心血來潮突然間想話食個燒味飯, 上網搵搵，見到有富華嘅推介，於是走去睇睇.幫襯富華唔係第一次, 富華完全係茶檔格局, 唔似燒味店, 所以忽略咗.一入到餐廳見到得翻兩隻吊住嘅燒鴨, 細問之下原來重有叉燒提供, 好彩!不過坐底唔夠五分鐘, 叉燒沽清!我點咗叉鴨飯, 多色, 加蔥蓉, 凍0茶少冰, 唔該!優點 :1) 叉燒屬半肥瘦, 鬆軟入味, 夠甜. 掂! 咁快沽清有原因!2) 燒鴨肉嫩夠肉汁, 而且肉多骨少, 唔會好似三寶咁有份量不足感覺.3) 蔥蓉係我最最最重視一環, 富華嘅蔥蓉夠香口無過咸, 絕對令成碟燒味飯味道提升.滿意.4) 餐廳冷氣足夠.缺點 :1) 凍0茶要少冰無少冰.2) 價錢偏貴! 成51蚊! 貴過包煙!3) 地方淺窄而且搵位不易.4) 蔥蓉份量過少, 如果減油更理想.5) 講到底..... 始終唔係正式燒味店, 所以好多產品欠, 例如四寶飯, 乳豬飯, 加咸蛋, 叫個蠔油生菜....雖然都有不足之處，不過，係哩頭黎講，算係咁咯！ 頂住先囉！
繼續閱讀
香港人成日煩去邊食早餐 。今日我就係公司附近開餐 —有水準茶餐早餐 富華佢都係賣經典茶餐早餐 但今次就特別介紹佢兩款早餐-沙嗲牛肉麵餐-公司三文治我本人覺我必食又比較抵食既係沙嗲牛肉麵配菠蘿包 加凍OT—$38首先介紹個沙嗲牛肉麵 -好夠入味 牛肉同沙嗲份量都好夠，同個麵底唔係話好軟個種 。 但就要睇翻個人口味啦 ，都叫做幾濃味 ，如果喜歡食清淡既朋友就要考慮番。雖然話個菠蘿包係配既，但都唔馬虎。佢有叮番熱比客人，包面啲糖重溶溶地 。最推薦係佢既碎冰凍OT,我每日都一杯，茶味夠濃 又夠凍。然後公司治—$31都係同其他茶餐一樣1開4 同用料都係個啲。但特別要講係佢芝士溶溶地同烘底都做得幾脆幾出色
繼續閱讀