影片
在3月中經過上環永樂街及文咸東街的 (樓上燕窩莊原址)，見到有一間茶餐廳 <富華冰室> 圍板，將於 4月下旬開幕，最終在5月8日新開張！橫跨永樂街及文咸東街兩條街，舖位大又多枱，就算中午經過，都要等位呀！之前，幫襯過葵涌廣場分店！也想比較兩者的口味！Menu店方以 QR code 落單！指定食物及飲品，為配合食客個人口味，有好多選項！當時，以平日下午茶時段，樓面有5位男店員，算是足夠人手嘞！食物送上桌後，店員哥哥見到我影相，還指住我份薯角，阿妹，趁熱食呀！我聽見有靚女食客被他叫靚女，所以我也有自知之明呢！下午茶豬扒包配薯角 $45調味略為重手的豬扒尚算夠熱又夠熟，卻是略乾！還有，蕃茄、生菜、紫椰菜等，配上芥末沙律醬，味道還可以！薯角勝在即炸熱辣辣，薯仔質感綿密粉腍！略嫌師傅調味較重手，相對重口味！紅豆冰 +$5 (少甜、少冰、少奶)因應個人口味而點選淡味版的紅豆冰！少冰也不少呀！紅豆大粒又軟身甜美，少甜及少奶顯得質感稀薄！即係奶水加冰溝紅豆！大家可想像到咩味道嗎？頭抽乾炒牛河 $56未嚐已香氣撲鼻嘞！好有鑊氣！食落夠味，頭抽口味帶甜！食濃味的食客，可能覺得淡味！牛肉柔軟但是大多數都不入味！熱柚子蜜 +$7跟紅豆冰 +$5，這款屬於特飲 +$7；卻有點不合理啊！熱柚子蜜加入一片檸檬較醒胃消滯，酸甜有致，配濃味食物最夾！
繼續閱讀
上環友都知，富華趕走了原先的樓上店，40萬月租趕走30萬月租，今時今日大環境不禁講聲利害！見著這店花了2個月以上裝修，都估到老闆的雄心與心機，此店裝修格局一定唔差到開店了，外表就是堂皇高級，但幾過食過的朋友說食物一般，所以連我為食友一直無去，結果今日朋友叫到去間好坐的，不用多想的去呢間（其實就想嘗新）入去地方光潔/富有格調/都係一費貫近年新式茶餐廳冰室嘅裝修不知是否星期六關係，竟然只有三個午餐簡直嚇親，另豉椒朝鮮魷炒河但他膽固醇，最後選了焗千島醬三文魚大蝦意粉，65元價錢雖然唔算平但都唔算特別貴但就係等得有點耐，但店員充足兼都幾有禮貌，有自助斟水機食品賣相真係靚，焗千島醬加上芝士，好似雲石狀，食落有味道可以叫唔差，焗千層醬比一般咖哩焗或茄汁焗者有心思另外一個咖哩炸豬扒飯賣相係靚仔，但炸得有點厚硬，個人覺得就一般仲有個中湯係西洋菜湯不過沒有湯渣，味道可以但有點細碗總體是不錯的，食物正常合格以上，餐具賣相都用心設計過，環境超舒服，價錢不算平價但比附近的差不了多少，相信對其他店都有壓力飲品凍奶茶味道不會很浠，可以的
繼續閱讀
今天是平常的上班星期四，身為內向（I）型的人，我總愛在午飯時間細細享用前一晚準備的便當，邊上網瀏覽資訊和趣味內容，邊與愛人聊天，享受片刻寧靜。不過因為昨天沒有煮，才沒有帶飯，而同事屢次邀請我外出用餐，這次實在難以推卻。於是，我們穿過熙攘的上環地鐵站，來到位於永樂街的富華冰室。街上滿是西裝革履的上班族和OL，我們三人一起在門口排隊，約等了十分鐘才入座。我點了焗鮮茄芝士雞扒飯、一杯凍奶茶，並加配了一盅忌廉湯。等待期間，和同事聊起工作日常及電視八卦，氣氛輕鬆融洽。食物陸續上桌，忌廉湯味道帶點罐頭感，略顯平平；但焗飯份量十足，絕對是大份，芝士融於雞扒，香濃撲鼻，口感豐富，價格上也是一般市價，充分展現了茶餐廳的應有水準。作為上班午後的簡單午餐，這體驗確實令人滿意。環境衛生：4/5（街頭熙攘，但入座後環境整潔舒適）食物質素：4/5（焗飯出色，湯稍顯普通）服務效率：3/5（排隊十分鐘，等待時間合理）性價比：4/5（份量充足，價格合理）整體體驗：4/5（午餐愉快，適合上班族日常選擇）分店地址：富華冰室 (上環)上環永樂街93-103號地舖#香港美食 #HongKongFood #焗飯 #BakedRice #芝士雞扒 #CheesePorkChop #永樂街 #WingLokStreet #上環美食 #SheungWanFood #茶餐廳 #ChaChaanTeng #餐廳評論 #RestaurantReview #午餐推薦 #LunchRecommendation #上班族美食 #OfficeLunch #食物質素 #FoodQuality #性價比 #ValueForMoney #服務效率 #ServiceEfficiency #環境衛生 #Cleanliness #香港上環 #HongKongSheungWan #富華冰室
繼續閱讀
#上環地道好味——富華冰室的懷舊滋味#富華冰室，係上環一間充滿懷舊氣息嘅茶餐廳，位置寬敞，座位設計得舒服，令人可以輕鬆享受每一餐。呢度主打地道港式味道，今次試咗兩款經典出品，完全冇令我失望。 滑蛋蝦仁飯係今餐嘅亮點之一，滑蛋煮得香濃嫩滑，鋪滿粒粒分明嘅熱辣白飯，非常滿足。蝦仁足足有5隻，全部都係大大粒，入口爽口彈牙，鮮味十足，絕對唔係普通細細粒嗰種，份量非常足夠，食完有飽足感之餘仲覺得超值。簡單嘅材料，加上認真嘅烹調，完美呈現出一碟港式經典美食。 另外，熱阿華田亦係一個驚喜，濃厚嘅朱古力香配上微甜嘅奶味，溫暖又滿足，特別適合忙碌嘅日子嚟放鬆一下。 總括嚟講，富華冰室以地道出品同舒適環境俘虜人心，無論係街坊定過路客，都會想再返嚟一試。好味又有情懷，值得推介！
繼續閱讀
試過早餐及下午茶，都唔錯。早餐咖啡做得幾好，試過沙爹牛通粉，正常質素。另外，疍白麥皮唔甜，健康之選，再加份疍治才$40。抵食有誠意。下午茶選擇多，試過豬扒包及黑椒牛肉炒意粉，兩樣都好味！
繼續閱讀
您可能會有興趣的...