富臨皇宮 (已結業)

平時係家都係婆婆為我地煮上家常便飯，難得有空就特意同婆婆一齊出去富臨皇宮到食。環境其實一般酒樓大部分格局都係一樣，但富臨勝在夠光猛地光夠大，坐得勁舒服，唔會轉身伸手就去左隔離枱。平時食飯前都必定係會飲湯先，所以就叫左兩盅十分足料既燉湯。分別係白菜豬肺湯同姬松茸花膠燉響螺湯。兩個湯黎到既時候，個啲香味一傳過黎已經流曬口水。到樓面姐姐將湯渣裝起既時候真係忍唔住要夾黎食。豬肺湯應該都足時間，將所有配料既甜味鮮味配合一齊。另外響螺湯相比之下就較濃味，而且將花膠及響螺燉到好林令到個湯好入味。果皮蒸鮑魚，配料唔需要多，果皮加豉油已經好足夠因為本身鮑魚夠新鮮鮮味十足已經好好食。海參花菇扣肉掌，原本仲擔心老人家食唔食到，點知炆到好林好入味根本唔需要擔心，老人家仲食得勁開心，因為依一味菜自己整的話係好費時，而加唔洗整仲要好入味好食！西蘭花帶子珊瑚蚌，西蘭花配上爽脆鮮甜既帶子及珊瑚蚌蕳直係絕配，信心既保證。菠蘿生炒骨，大家一定唔陌生，係唔同地方都係叫菜食飯既首選幾位之一，而今次整得剛好，個汁唔會太過酸，骨又唔會過粉，菠蘿新鮮鮮甜，酸酸甜甜三種配合，令人十分開胃！金裝拼盤，有燒腩仔，煙鴨胸及炸豆腐。三者都係我既最愛。燒腩仔皮脆肉嫩，煙鴨胸好爽，炸豆腐唔粉又唔油膩！生煎菜肉包，外表煎到脆卜卜，食入面菜肉肉汁好香口，好正。最後以一個紅棗桂花糕做總結直頭係完美。…查看更多

食中菜多數黎富臨，因為近，價錢又合理，味道都幾好！食過甘多次啲職員態度都好好，又會不時換碟，唔錯！:)富臨既生煎包係我食過最好食既生煎包！一黎佢係即叫即煎，所以上枱時仲係好熱！有少少蔥花同芝麻去煎，所以好香，而個底同面都煎到脆脆地！包皮薄得黎好鬆軟，做到外脆內軟，正！豬肺湯飲得出無味精，飲完唔會好口乾。材料豐富，有好多既菜乾同豬肺，仲有豬肉同雞腳等。湯好甜，好味！岩晒轉季既天氣！個湯渣會裝埋出黎俾你食。一盅湯大約可分到六小碗左右。大連鮑魚見住個經理係魚缸度捉佢地出黎去蒸。所以好新鮮，亦都好大只！廚師運用既時間好準！鮑魚離殻，熟透，但唔會過老。鮑魚仲係漲卜卜，食落好爽口！有少少果皮同蔥花香，正！西蘭花帶子蝦球西蘭花好多，整齊甘排列係底。味道唔算好濃，炒得爽，清清地唔錯！帶子大大粒，好爽口彈牙！蝦球又係好大只，比帶子更爽，好鮮味！海蔘花菇扣玉掌味道個人覺得淡左少少，但炆到好林！大大只，一咬就開！花菇好香林得黎都爽。海蔘好爽口！飯後甜品係南瓜西米露！正！淡淡既南瓜同奶味，多西米，好中意食！…查看更多

平時食西餐食得多，今日就轉下口味，就落樓黎富臨食中菜。先先我哋叫咗個豬肺菜乾湯，潤下個肺先！個湯嘅材料好豐富，有好多嘅豬肺、菜乾、豬肉同埋雞腳等。咁多材料唔使講個湯都好濃啦！個湯好潤，好香菜乾嘅味道，無味精，唔錯。好潤。呢個鮑魚超正！時間控制得剛剛好！鮑魚嘅面有少少果皮，微微既果皮香同蔥花香，又唔會太重，遮蓋鮑魚既鮮味！鮑魚因為時間蒸得剛好，所以食落好爽口好新鮮。鮑魚大大隻，好鮮味！頂級牛仔骨煲呢一個煲好惹味，有微微嘅黑椒味，食落味道好夠。牛仔骨啲肉好林，肉都幾多，唔會剩係得骨。配菜仲有薯仔、洋蔥同蕃茄。呢一個煲做得好好，好值得推介黎食。平時食得飯多，所以今日都係唔叫飯嚟食啦，就叫咗生煎包。佢都生煎包係即叫即整，上枱時候仲熱辣辣！生煎包嘅面同底都煎到脆卜卜，有少少蔥花的香味。生煎包個包皮好薄，好鬆軟，餡料係豬肉加菜撈成，好林。呢個生煎包真係做得唔錯！食完仲有南瓜西米露，個人覺得稍為甜左少少，但幾重南瓜味，用佢來做今餐既結束唔錯！依家仲做緊一蚊特價，好抵！…查看更多

夜晚食3000套餐食物差就算了乳豬又少又黑服務差到一個㸃我叫佢拿刀叉佢話好忙黑面叫咗其他人都吾做好少食都咁不開心非常令人新年食得咁吾開心Everything is bad …查看更多

今晚親戚請我去港島小西灣道富臨皇宮食晚飯 ， 估唔到喺呢度都有間環境咁裝修優雅嘅富臨，好美觀，飯廳又大， 招呼都可以。今晚呢餐晚餐，經濟又實惠， 餸菜仲非常特色。我哋坐低第一個餸就叫左花膠北菇鵝掌煲， 煲仔裏面材料十足，味道不錯。第二味就係豉汁蒸大鱔， 魚肉質感好鮮味而且好滑。再嚟多一個BB豬半隻，食落皮好脆， 下次再嚟都會再叫。我朋友叫咗姬松耳花膠燒豆腐 ， 都幾好食，再嚟多一個生煎菜肉包六隻， 皮薄餡靚， 最後再添多一個天麻魚王燉湯， 湯裏面材料十足、 燉得非常出味， 推介燉湯！…查看更多

昨晚趁天氣凍去藍湾半島富臨分店吃火鍋，最後一肚氣，價錢$168+10%又要加茶錢，雖然任食，但食材全郜都是下價貨，全場吃火鍋大約10張枱，由開茶到送上食物衹有一個阿嬸做，送來的食物衹有落單的一半，最奇怪的是我是第二枱客，居然很多基本的食物都冇，例如西洋莱，鮮冬菇，响鈴……，連炸魚皮都是不脆的還夾雜住生的食物在碟中，鯇魚腩是淺啡色，一眼望去就知道不新鮮，另外加錢的鱔片又冇但又唔出聲，追咗個呀嬸幾次，佢都做到谷氣直情眼都濕，差點喊出黎，搞到我都唔好意思再追，咁嘅價錢比咁嘅食物和服務，話過以後早、午、晚都唔會再比鐬呢個品牌賺。…查看更多

好耐都冇去富臨食飯，同屋企人今日去咗。燒乳豬份量好多而且有半隻，外皮燒得啱啱好唔會太耐，啱啱好皮脆肉嫩。另外我哋仲叫咗少少小菜，為咗屋企小朋友食多啲菜我哋都叫咗兩道菜！菜心薦底上面有竹生，云耳同埋菇係上面，稍作調味之後份量又多又好味。另外呢一度菜苗都係我最愛，菜苗非常之嫩口，配合埋上面嘅醬汁送飯一流！仲叫咗炒牛柳粒，牛柳粒炒得啱啱好配合埋薯仔同埋黑椒汁，非常之嘢味！另外仲有六個包，同埋我哋都點左飯，配合埋餸菜真係好飽肚。另外一樣最正嘅就係佢啲湯，時間啱啱好所以，調味又正！…查看更多

今晚約左幾個老友收工後吹水最緊要係地點就腳，於是約埋去富臨皇宮，貪佢近地鐵出口，夠哂方便。這酒樓裝飾光猛，十分寬敞，不會侷促，更適合作婚宴場地。這裡的餐牌清晰，圖文並茂，落單十分方便。先來的花膠北菇鵝掌煲材料十足，鵝掌肉厚爽口，花膠香甜入味。跟著的生煎菜肉包皮薄餡覷，鮮味十足，美味可口。豉汁蒸大鱔味道濃郁，口感甘腴鮮美，加上濃濃豆豉香味，送飯一流。這酒樓的天麻燉魚王是滋補湯水，可止頭痛，助寧神，去頭風，最岩我牠呢班工作緊張的打工一族。姬松茸花膠燒豆腐用料十足，花膠念滑爽口，姬松茸菇菌香甜濃郁，絕不油利。 最後來的堂剪BB豬，諗著已飽食不下,但食落皮脆肉甜竟然不覺閒吃光了!最後計埋啤酒茶芥加一埋單每人不用一百八十元,十分抵食!打算下次聚會再來這酒樓。…查看更多

同屋企人去食飯搵咗附近嘅酒樓，富臨啲餸菜唔錯價錢又唔貴，燒豬半隻，皮脆肉嫩，燒得啱啱好半肥瘦，超好食！大概係兩至三個人份量！店員幫手我哋切開，服務態度都唔錯。瘦肉雞件雞腳魚雲湯！紅棗天麻等等藥材, 好夠火夠，原汁原味燉得好味，鍾意食湯渣嘅人都可以點嚟食，入邊用咗超多肉冇花冇假！薯仔炒牛肉粒，黑椒調味好夠薯仔亦都好林，黑椒牛肉粒都幾有牛味，送飯真係一流。瑤柱金菇扒豆苗，豆苗好鮮嫩，配埋啲汁又易入口，老人家同細佬仔都啱晒食，份量都幾多，四個人份量！另外羅漢齋，竹笙都幾多，份量足名，下面會有啲菜心，云耳同埋菇類，仲會有少少牙菜。一邊肉唔會太鹹，飯後食都唔會覺得太油膩，外面都煎得啱啱好，如果係朝頭早食嘅話更加好，唔係好大粒兩口就食得晒，所以保持到鮮味。…查看更多

我係愛蟹之人，每次去食中餐都要吃多幾隻……出面食黃油蟹其實都幾貴…呢度就岩岩好，又多膏。今次叫左２隻試下，之後又叫多２隻，一行４人一人一隻唔怕寒架我地！睇相好似好細隻，其實食起上黎岩岩好，太多反而會覺得太流，因為Ｄ膏真係好多。另外叫左個西蘭花桂花蚌，我好‵中意佢夠大碟又脆口。之後想飽下肚叫左個生煎包，包係幾好，個肉心就略嫌佢干身左少少…但係水準都係中上架！最最最最最最最最驚喜係個乳豬仔，個ＳＫＩＮ烤得嫩脆嫩脆的。肉也不會太肥，總之就岩岩好‵！希望下次再黎食啦！！！！！！…查看更多

好耐無飲過早茶，咁啱day off 又訓唔著，屋企個美魔女就拉左我去飲早茶，話好抵食咁。晏晝茶飲過，但去富臨飲早茶就未試過，估唔好d 野食都幾........蘿白糕：厚實實，真係一舊糕，料都無乜蝦腸：個粉皮厚過塊面皮皮蛋瘦肉粥：好淡好淡，飲水算。點心d 皮好多都好厚。最正常係雞札同埋凰爪排骨飯。最好食既係紅棗糕，彈口得黎有紅棗香又唔太甜。不知是否早茶關係，將貨就價，食物真係不太好吃______________________________我想哭　你可不可以暫時別厚皮陪著我　像最初相識我早茶是要避…但如果　但如果吃下去　或者　肥死我早餐不如吃麥記...…查看更多

媽咪今天說帶我去食好吃的黃油蟹，亦是我最愛。今年大閘蟹聽講失收，香港又管嚴左，想食都幾難，見未係時候就食住黃油蟹先啦。首先第一道係乳豬仔，估佢唔到，因為皮脆肉嫩，好似真係即燒咁，原來連鎖都咁高質！之後飲左個不敗又多料既冬瓜盅，好清湯頭好甜！之後來左個花膠扒菜膽，好好好好味。之後的龍登我冇吃，因為留肚吃蟹哦。見到佢上枱，有d黃油係碟上若隱若現！好多膏呀！好肥美好好食丫！下次真係要再encore!!!!!…查看更多

今日黎小西灣搵玩，咁緊係要搵地方邊食邊講喇，為左慳時間，就上openrice搵舖頭，於是就見到呢間富臨係附近，見到咁近我地就走左入去開飯。黃油蟹見餐廳做呢個黃油蟹套餐，一開始就緊係要食個黃油蟹先喇，呢個黃油蟹啲膏個味真係好濃，入口有濃濃的蟹黃味，淨食膏都唔錯，而且蟹本身嘅份量唔小，好抵食。原盅燉嚮螺湯湯夠足料，喝落好濃，加埋佢本身用左好多料去煲，唔需要其他任何嘅調味都已經好令人滿足。XO醬爆蝦球蚌片上枱已經令人覺得非常驚喜，因為都真係好足料下，入口後令人感覺滑身好惹味，仲好多不同嘅料。古法蒸龍躉龍躉入口夠晒口感之餘仲好香濃，而且又唔會霉爛，同埋有雪味。生煎包餐廳係即叫即整，外皮夠脆，內裡夠多肉汁，都好小酒樓有咁嘅質素餐廳比起一般酒樓質素更好，食材都更好，有機會都要再黎先得…查看更多

同朋友在富臨皇宮中午飲茶，叫了乾炒牛河不但炒得很夠鑊氣，而且牛肉亦很鮮味肉質夠份量，再加上嫩滑的河粉、洋蔥及蔥菜荳芽配料等，混合下自得出一碟惹味無窮的小炒佳餚，若加上四川辣椒點味下，當然錦上添花番尋味。…查看更多

為了遷就朋友的工作地方，我們總是需要老大遠的去一個地方吃飯，早早下班估計也就是這個好處了。朋友總愛吃西餐，偶爾會約吃中餐，多數是約了我們，在她工作的附近有間富臨，沒多想，就是想找個地方吃飯而已。朋友必然會吃的一定就是乳豬，因為她喜歡吃炸的，脆的，焗的，任何香口的，她都喜歡。另外2個朋友，沒有意見。首先order左個乳豬，因為需時嘛！皮脆肉嫩而不肥膩，幾乎在每家酒樓都能夠吃到乳豬，而這家做得不錯，也不知道為什麼乳豬一定陪白糖，只是它們也好配。正如金菇配牛肉。。。。。。吃中菜難不免叫一個老火湯，對於現階段的無飯夫妻來說，老火湯特別吸引。原盅燉響螺湯湯的材料大概有豬骨，雞腳，乾淮山，蜜棗。。。材料很足，於是湯是香濃的。帶著肉的自然甜。朋友飲了2碗還意猶未盡。大家都不想吃飯，於是叫了菜肉煎包，包的底部有點脆，而不會導致包很乾，估計是慢火先煎，熟了以後再調大火。鎖住了肉汁，很美味。黃油蟹樓面哥哥仔介紹了宜時美食，黃油蟹，我還問了一句，是不是蟹的糕是黃色的，朋友叫我唔好甘失禮哦！甘就照叫啦！蟹的味道和肉蟹,花蟹，顯然不同。只是吃肉會很遜色，因為主要是該吃蟹糕。蟹糕的感覺和吃流沙包有點像，如果不加醋，感覺有點怪的，畢竟有股濃烈的海鮮味道，沾上醋，好好吃了。Xo醬炒蝦球和蚌片辣辣的XO醬，炒蝦球和蚌片有點單調，配合點芹菜的香味，令整各菜色生動不少，至少外表美觀多了，還是很出色炒功，沒有把蚌炒得太硬，蝦炒得太老，一切都剛剛好。…查看更多