富臨皇宮 (已結業)

同屋企人去富臨飲茶，兩點下午茶時段都幾抵食，仲都幾夠款可以揀。牛肉腸、燒賣、蝦餃都幾唔錯，但其他炸既野食有d會太多油，或者炸得耐左會冇咁好味，但整體都幾滿意，下次會再黎…查看更多

星期日當然係我哋香港人會同埋屋企人一齊飲茶嘅時候啦。屋企附近嗰間麻麻哋，我叫屋企人去下蔡意橋打到商場嘅富臨皇宮試吓佢哋嘅點心好唔好食。咁食咩點心當然係屋企兩老決定啦。時菜鯪魚球咬落有夠彈牙，鯪魚肉打到起膠，唔錯唔會好腥。叉燒腸粉就唔算好滑，最鍾意就係叫姐姐幫我落多啲豉油，入面都唔算好足料好多叉燒咁，中中平平啦。鳳爪都醃得夠味，唔算係一味死鹹咁樣，份量中等啦，下面一堆白蘿蔔墊住，可惜自己唔太好蘿蔔 Hahahaha …查看更多

星期日family day同屋企人去飲茶，今次黎到位於新墟嘅富臨皇宮，黎到大概11點鐘，無人等位可以即刻入座，我地點左：瑤柱蛋白炒飯（$70）瑤柱碎算幾多，炒飯炒得幾好，粒粒分明，加埋蛋白，蔥，翠玉瓜粒，唔會好油膩，又夠大碟，香麻流沙包（$19.8）芝麻味香濃，做得唔錯，包皮軟熟，但可惜完全無流沙效果，布拉腸粉（$19.8）腸粉未算係好滑溜，但有腸粉豉油同甜醬搭救，還算是正正常常，蟹籽燒賣皇（$22.8）我至愛嘅燒賣要讚一下，味道唔錯，蝦同豬肉分明彈牙，讚啊~南瓜煎堆仔（$19.8）好大個煎堆，絕對唔係煎堆仔，不過欠缺南瓜味，只係食到甜甜地嘅味道，熱辣辣好脆口，唔錯。…查看更多

老豆好中意同佢班朋友食富臨，話野食平靚正，所以我今日就帶佢黎食晚飯叫左個金銀菜豬肺老火湯，雖然湯有少少油（，但係用雞骨豬肉煲，都好夠味，仲可以食埋豬肺以形保形之後就叫左晚市特價既走地頭抽雞啦，30蚊唔洗係真係好抵食！雖然肉唔係話好滑但雞味都食到，仲多到食唔哂打包之後就係我最中意既蒸鱔啦！鱔夠夠蒸好，唔會老，又係好下菜既依個大硯都唔錯，冇沙又大大隻，同埋pepper味好重，岩遲下凍d食最後仲叫左個生煎包食，如果可以脆d就更好啦…查看更多

今日同兩老去富臨飲下午茶。超抵食。下午茶時段超抵食。好多人。枱好迫。油雞瀨。如果可以變成米粉就好了。好入味。但少豬腳（得2小舊）但咁既價錢抵食啦。都ok 好過街邊檔。蝦餃又幾大粒。都係咁既價錢 有咁既水準 好過食叮叮。金錢肚唔差。但個墊底豆卜就可以唔使食。一落order見乳鴿好抵。枱枱都叫幾隻。咁就試叫一隻。催左兩次都冇。最後坐左粒半鐘都唔到就埋單。埋單同收銀講個乳鴿冇到。唔好入數。之後職員講 ：小姐妳張單冇入啵。所以記得係依間食追單仲要加句問有無入單，因為伙記會同你check單，但唔會話你知有沒入單。…查看更多

之前報紙見到富臨做特價$18就有隻雞食！抵食又一件 同屋企人晚餐唔知食咩就去左叫左隻雞，咕嚕肉，卜卜脆蘿蔔，蝦通菜部長不斷推介冬瓜盅，我地無叫到但見到都斷多枱有點到黎飲。目測都算大個，唔知入面足唔足料呢講返我地啲餸先隻雞都算多肉食，唔係其他酒家平雞無肉食！咕嚕肉唔會過酸 好味食到lamlam利通菜夠味但係啲蝦就相對失色左！蘿蔔微辣 係前菜小吃 味道都幾新鮮總結，唔係話好味到天上有地下無！但平食一餐晚飯都算不錯啦…查看更多

每次和茶友來飲茶都必叫燒乳鴿，下午茶時段最抵食。新鮮燒出是燙手的，撕開時小心肉汁濺出，加上淮鹽和醋十分美味，外皮燒得脆而不焦，茶友都大讚抵食，每人吃半隻便很滿足了。…查看更多

今晚同家人一齊去富臨食飯，好食又抵食，等我立即同大家分享下啦！首先，我哋就叫咗個金銀菜燉白肺，即是啲白菜仔煲豬肺，啲料都好足，有南北杏同埋杞子連埋啲瘦肉一齊煲，$98 一煲都夠晒我哋四個分👨‍👩‍👧‍👦仲有成碟湯渣，阿爸阿媽最like，飲完湯仲不斷食啲湯渣😂😍之後，就上咗金裝拼盤，平時多數食豉油雞，食到悶，就試下金裝拼盤，有我最愛嘅燒煵仔、燒鴨胸同埋炸豆腐，好好咪😁🤤大大碟都只是＄88份😍最喜歡就係個燒腩仔，肥瘦啱啱好， 沾埋啲芥辣簡直一流🤤🤤飯都食多幾啖！…查看更多

出街食就食啲自己整唔到嘅嘢啦！叫咗花膠北菇鵝掌煲。唔好話我吹水，雖然只係＄108，但係啲料真的很足😋😍😋啲花膠好厚肉同好大隻，都有成3-4嚿，鵝掌有4大隻，啲冬菇都好大件，$108就食到舔舔脷，啲膠質仲不斷係個口到徘徊🤤👍🏻最尾就上咗西蘭花帶子珊瑚蚌，西蘭花知媽媽的最愛，必點！ ＄128嘅價錢就可以有大大件嘅帶子同珊瑚蚌，一啲都唔馬虎👍🏻睇得出廚師嘅用心和有水準！成家人出去閑閑哋食都要over 150，依家一家四口人均消費都只係＄100鬆啲，仲要食到飽飽，抵食到冇人有，值得推介！…查看更多

阿爸生日，之前冇時間諗食咩，今日打去其他都冇位，唯有呢間仲有位。第一次去呢間食，見佢咁多分店，啲嘢應該唔差啩。去到先知冇散叫，咁唯有叫咗個6人套餐。第一個嚟龍蝦伊麵，斬到細細件，肉都冇幾啖；之後龍躉腩，一隻細碟裝，斬到細細件，都唔知咩嚟；所謂嘅翅，只係一條條咬不入的什麼東西，只係碟雞同鮑魚最完整，個餐連粉麵飯都冇，從未食過咁貴嘅垃圾，真係越食越氣頂，先寫呢編嘢。前菜茶錢加埋一，2200蚊，真係未食過咁差嘅嘢，去食其他已經有好多好嘢食。唔怪得下午打去都仲有位喇。…查看更多

意外發現原來富臨皇宮的中菜價錢，好抵食！價錢可能仲平過大排擋，但環境服務就舒適好多！燉湯竟然最平$98 足四人飲用。今次我就叫左野山參燉水鴨，大大煲都係$98四人用，每人仲可添飲，約八碗。味道香濃，材料十足。半隻bb乳豬只係$98，皮十分香脆鬆化，肉質嫩滑。鮮茄魚茸蒸蛋白，送飯一流。口味清新。花膠鵝掌花菇煲，煲仔菜熱騰騰，岩哂冬天食。最後黑椒豬手，服務員仲會幫手分開，不錯！大大原隻豬手都好入味。四人用今餐$561 ，有燉湯有乳豬有小菜，抵！…查看更多

每星期都會同家人 Family Day一齊食飯，中菜都會是我們喜歡的選擇。一向我以為富臨皇宮價錢貴，原來睇真，係好抵食。芝士波士頓龍蝦只係$168！真係自己去街市買隻龍蝦都晤只，仲要煮埋！味覺仲不錯，龍蝦肉夠彈牙！芝士味濃配上伊麵一流！菠蘿咕嚕肉$68，份量大，炸得脆口，正！薑蔥桶蠔$148，足足有7隻，味道香口惹味！蒜蓉粉絲蒸蟶子$88，又係抵食食物！聖子夠大隻又新鮮。一家四口食，份量真係好夠好飽。…查看更多

又黎性價比系列，呢晚一行人四個人去富臨食飯，相信食開富臨既朋友都知富臨既菜式都份量十足，未食都知唔會餓住返屋企。果然，碟碟大大碟，食完仲要打包返屋企。今次首先想介紹下富臨既燉湯，其實富臨既燉湯都幾出名，絕對係必點item之一，呢晚我地叫左個天麻燉魚王湯，聽落個名都幾有霸氣，魚王都俾你攞黎燉！一上枱，已經聞到藥材味，睇黎好足料喎，湯料可以見到有魚骨，秀肉，雞件等等，燉湯唔多油，飲啖湯，滾熱辣，一入口，魚味雞味即時爆出來，真係好正。本人強烈建議大家食富臨一定要叫個燉湯補補佢。除左燉湯，叫左幾款小菜，香薯一口牛、瑤柱扒豆苗同埋火腩大鱔煲。特別要講下個一口牛同埋火腩大鱔煲。一口牛，每件牛肉粒大小適中，火候控制得好好，夠晒鑊氣，唔油膩，味道又濃郁，可以增添胃口。另一特別推介係火腩大鱔煲，呢道菜較少係其他地方會有，呢到食完，真係會食過返尋味，火腩香口，而大鱔就好juicy同好厚肉，完全可以滿足食客味覺同口感既要求，呢個菜黎到富臨，就算你唔食鱔，都應該要試一試。當造豆苗炒得翠綠，瑤柱份量多，絕無欺場！最後仲眼闊肚窄，叫埋生煎包，雖然好食，但已經好飽，食左一隻就要打包返屋企了😂…查看更多

同兩老食飯，要幫襯番d老字號先可以迎合佢地口味。富臨集團出名抵食又有質素，聽聞近來推出了龍蝦/乳豬晚市套餐超級豐富，天麻海皇湯，天麻和川弓令整個湯帶出濃郁的藥材味。湯渣非常豐富，瘦肉、雞肉、雞腳，更放入鯊魚骨一同熬製，相當足料。燒腩炆白鱔，大量的蒜子和醬油令整個餸惹味濃郁，白鱔爆香至焦脆，燒腩啖啖肉，送飯一流！薯仔一口牛，熱辣辣，吃得出是煮好馬上上碟，黑椒汁與嫩牛柳可算是絕配，油炸薯仔不易散開，薯仔味道粉而甜。芝士龍蝦伊麵，一整隻龍蝦好足料，伊麵底不油膩，龍蝦肉彈牙。瑤柱荳苗，荳苗是時令當造之菜，炒至翠綠，入口鮮甜，配上瑤柱絲汁更顯高貴。菜肉生煎包，套餐已有如此豐富的小菜選擇，想不到還包含生煎包！包的個子不少，淡口的菜肉調味正好中和幾道濃味菜式。兩老對是晚菜色有讚無彈，我算是交足功課！吃罷大家都滿肚腸肥頂著肚子離開，大滿足。…查看更多

本來高高興興同屋企人食餐飯，結果一肚無奈收場。小弟前一日訂左個秋之蟹宴，諗住食下蛇羹同大閘蟹。一坐低，侍應已經講：生炒糯米飯賣哂(套餐的其中一道菜)。六點幾就斷貨，咁我前一日訂黎做咩？仲要係最common的菜式。第一道菜，剪乳豬，乳豬係凍嘅，仲要肥淋淋。蛇羹，無咩蛇絲，似碗仔翅，味道正常其他幾味餸叫正常。最神奇的事，係食完哂所有野，個大閘蟹都未到，咁問個侍應啦，咁佢對住個咪講左幾句，之好就話整架。20分鐘後都未見影，再問同一個人，佢再對咪講左幾句，就話15分鐘內到，另外整籠壽桃比我地消消氣。又過了20分鐘，終於有野到，滿心歡喜以為大閘蟹仲於到，點知一打開，竟然係壽桃!當堂火到黎埋。梗係叫經理過黎。個經理了解左之後，就即時對咪講野以及去廚房睇睇。咁啱店長行過，我就同佢講呢個情況，佢竟然講唔係廚房問題，係入漏單，而且唔耐煩咁話出緊，邊講邊走開。我唔理你係邊到出問題，你做得店長，最起碼講句唔好意思，或者作出跟進，我都唔會咁興。而店長先生把責任推給女經理，並且故意幾次繞路走，這是一個稱職的店長嗎？再10分鐘後，女經理親自把蟹拿過來。我們一食，已經不是熱，只是暖，好明顯係整好後無人攞出黎.......食完蟹後，個糖水又漏單，又係要搵個女經理先處理到，班樓面完全做唔到野。係呢度，先表揚一下女經理，呢位女經理不是樓面，而是人事部。但佢知道客戶出問題，即時負起責任及處理，值得一讚。至於店長，不肯面對面處理客戶投訴及走開，推卸給下屬負責，明顯無能。原本店長肯講句sorry，咁我都算，而家仲要閃。既然你咁不負責任，你損失嘅，唔係我一個半個客。…查看更多