富臨皇宮

營業中

休息中

屋企人攞枱先，我之後到埗，一坐低枱底頂腳，枱面撞手，原來剛才無位，攞張麻雀枱代替先，無辦法唯有食住先。呢頭叫左兩樣點心，嗰頭就有吉枱，諗住話換枱喇，嗰阿姐就話“你叫左野就唔換得架啦”，吓？問下個經理，佢問阿姐“你有無說聲“唔好叫住，等一陣再換張枱”呀？”，佢靜左，無就換枱啦。阿姐開始發茅話“有枱就用得架啦”，“叫左野又點轉呀”，我就反駁話“你是咪屋企都用麻雀枱食飯架？”，“點解轉唔到呀，用唔返張單咪開過張單囉”，佢又話“要轉枱唔一早說，張枱照用就得”，我答佢“是你無一早說定先，正常都唔用麻雀枱啦，四邊都突起，手都放唔到，你食比我睇啦”，又啞左。最後卒之經理換左枱比我，其間細枱放眼望去又多幾張，p.s.至於一開始麻雀枱後面有兩張大枱是比人夾枱用，屋企人唔想同陌生人坐就無揀到，結果到我食完前幾分鐘先有客用到，啋。

第一次跟家人惠顧天水圍天盛商場的富臨皇宮吃晚飯，剛坐下連餐牌也未看清楚，職員就不斷問我們吃甚麼，又不斷推介一些不太抵食的套餐！我們說要再看看，職員依然不斷來來回回推介套餐，只是晚上六點幾而已！又不是收工截單！究竟他急什麼呢？好了，落單後，原本點了酥炸桶蠔的，竟然換成了薑蔥炒蠔！其中一位職員問是否需要更換，我說是！不夠一分鐘職員回來說酥炸桶蠔賣完了，6點多售賣完了，分明是個藉口！我們最後唯有吃薑蔥炒蠔，因有家人想吃蠔，但食物賣相真的不行。原本開心的晚餐卻令我們感到有些不快。

嘩！今日食嘅大閘蟹簡直係香濃過癮到喊出嚟🦀！餐廳嘅兩款大閘蟹真係叫人食指大動，清蒸嗰款，肉質鮮嫩得滯，入口即溶，而花雕蒸嗰個呢，呢個絕對係蟹膏愛好者嘅極品，蟹黄豐腴滋味十足。正宗嘅京式片皮鴨亦唔係蓋嘅，酥脆嘅鴨皮加上甜面醬同黃瓜，滋味完美平衡，一啖鴨肉一啖面醬，脆嫩交織，真係太對味！珍味四寶更加係一絕，波羅生炒骨呀，酸香惹味，咬落去既爽口又解膩。而生拆蟹粉扒豆苗就係一個爽字形容，豆苗鮮脆，蟹粉嘅鮮味令人一吃難忘。就連飲品，薑茶都夠晒暖胃，冬日飲精過薑汁撞奶！落肚暖笠笠，舒服過抱暖爐。總之，今晚嘅食物喺口感同味道上真係做到出色，每道菜嘅質感同層次都好滿意👍！如果想品嚐地道滋味，記得要check埋呢間！🥢🍵🥟

呢排天氣時凍時熱好難捉摸，但係驚凍嘅我真係要食返個羊腩煲保保暖，咁啱屋企人都好鍾意食，就係屋企附近食，當日酒家唔算好多人，去到已經有位唔駛等位古法羊腩煲超級大煲，屋企人見到話好啲羊啖啖肉好吸引，除咗羊腩之外仲有腐竹，冬菇同馬蹄羊味唔會好蘇，但又唔會無味，呢個價錢來講都幾合理，近近地食真係幾方便野生參青欖燉水鴨鴨又係暖身之寶，燉湯永遠都好滋潤，而且佢個價錢估唔到係咁大煲會見到好大隻水鴨喺湯裏面，唔係剩係得水👍👍化皮乳豬呢樣係我最期待嘅嘢食，一直以來我都好鍾意食乳豬，但好多時都要一隻隻叫，只有人哋開工或者生日切乳豬我先有機會食，估佢唔到而家竟然可以一細份咁樣叫，而且價錢絕對唔貴。外皮香脆，肉好嫩，識食一定點砂糖食，我忍唔住咁樣食咗幾件🤤

這間富臨皇宮位於天盛商場、店面周邊圍繞玻璃配埋柔和色調、望著金光閃閃玻璃感覺好有氣派🤔、配埋紅紅地毯坐著感覺都唔錯!.化皮乳豬整碟化皮乳豬伴海蜇望見冇乜特 別🤔、食到入口乳豬皮口感鬆脆香口😚、乳豬皮帶點薄薄腍肉味道美味😋又有咬口、再食埋海哲又夠爽口好食!.古法羊腩煲係這個凍冰冰天氣食吓呢一煲羊腩煲相當之正☺️、整煲份量十足有羊腩、枝竹、馬蹄、冬菇、粉葛、蔥段、紅椒夠哂豐富😲、揭開散發香噴噴羊腩味😚、整件羊腩完全入哂味又夠腍軟味道十足😋、再沾吓腐乳味道更加正!.野山參青欖燉水鴨這個冬天飲吓呢一窩燉水鴨相當之唔錯🤔、有雞腳、瘦肉、野山參、青欖、水鴨等、整窩色澤比較清淡味道清甜😋又唔會好油、相當之養陰補中益氣、又有清熱生津解毒、又有抗潮濕驅寒之用又有益肺補腎、真係夠哂滋補養生嘅好湯!

一向富臨皇宮都有信心保證，今晚就去試一試，天氣凍凍地梗係要嗌羊腩煲，羊腩淋到不得了，非常入味，而且啖啖肉，唔會只係得啲骨。仲有好多腐竹托底，入晒味👍🏻👍🏻👍🏻另外仲嗌咗水鴨湯，滋補養生，有成半隻鴨做湯底，湯味濃郁，千祈唔好以為煲完湯隻鴨好嚡，其實非常嫩滑，點豉油食一絕，差不多比我哋食晒😀😀😀最後仲嗌咗個化皮乳豬例牌，超脆。旁邊配了一些海蜇，脆上加脆😋😋😋兩個人喺酒樓食飯，六百零蚊落樓，呢個份量其實3-4個人食都夠，價錢合理，好抵食，真係大滿足🤗🤗🤗商場仲有泊車優惠，免費泊車3小時，食完飯去埋超市入貨都夠時間，超方便😀

1️⃣古法羊腩煲 天氣一冷，就令人想吃羊腩煲，因為吃完羊腩煲身體變得暖洋洋的感覺，誰不愛？這道羊腩煲足夠四至五人吃，配料有粉葛、枝竹、馬蹄、芹菜、紅椒、冬菇、老薑等，不要以為只是配料多，最重要羊腩也多！！！黑草羊羊腩羶味適中，而且都非常入味，有連皮的，也有連骨的。連皮的羊腩充滿膠質，很彈牙，每件羊腩都亦很軟嫩！2️⃣野山參青橄欖燉水鴨非常濃郁的「靚湯」，相信很多人都聽過水鴨是進補的一大食材，能益氣滋陰，補而不燥。整盅燉湯有不少瘦肉，水鴨也有半隻。由於用料十足，所以肉味香濃之餘也很清甜，不油膩。3️⃣（例牌）明爐乳豬乳豬皮脆肉嫩，脂肪不多，加上有爽口的海蜇伴碟，多吃幾件乳豬也不覺膩！

近排天氣轉涼，又臨近冬至，於是決定夜晚同屋企人嚟呢度提早做冬～ 🥜 前菜免費嘅花生，香口好咬～🐖 化皮乳豬(例牌) 我嘅至愛😍 皮脆肉嫩，厚厚嘅肉地冇得彈！🐑 古法羊腩煲大大煲好豐富，適合4-6人分享。有羊腩、腐皮、馬蹄、粉葛、冬菇。羊腩嘅肉質鮮嫩，冇羊臊味；腐皮同冬菇都吸晒湯嘅精華好入味；馬蹄超爽口；粉葛完全冇纖維，口感一流😋🦆 野山參青欖燉水鴨有水鴨、人蔘同青橄欖，湯水鮮甜好飲，鴨肉唔肥好健康，而且份量超足👍🏻 作用係益氣養陰，最啱冬天滋補養生。職員嘅態度好殷勤有禮，有下次🙌🏻

下星期去旅行，所以同屋企人提早黎呢度做冬。因為天氣咁岩剛始轉冷，所以我地一致決定食古法羊腩煲暖下身。羊腩煲份量大，而且有gas爐暖住，非常貼心。羊腩啖啖肉同好嫩滑，完全沒有膻味，而且炆得好入味。底下有大量枝竹，索晒所有精華，大完都爭住食。仲有配料如馬蹄，粉葛，冬菇，完全沒有偷工減料。配的腐乳料亦都調得剛剛好，同羊肉好夾。野山參青欖燉水鴨,見到d湯料已經知道絕冇偷工減料。原隻水鴨加上豬肉，飲落超清甜，有少少野山參的甘甜味。水鴨燉完的肉很嫩滑，可以就咁點鼓油食。芝麻皮的化皮乳豬的皮真係脆到好似食薯片咁，水準超高。乳豬肉質嫩滑，肥瘦適中，比平時飲宴食到的還要好食。呢間店已經第二次來，各款小菜都做得出色，份量又夠。而且服侍應會主動幫你舀湯，換骨碟等，服務值得稱讚。

今次嚟到呢間小店，真係一個意外嘅驚喜🥳。一入門，就感受到一種親切嘅氣氛，騷味撲鼻嚟。我一坐低，就忍唔住叫咗份經典嘅港式蛋撻：酥脆嘅撻皮同軟滑嘅蛋漿，啖啖都係幸福嘅味道！再嚟一碗牛雜，啱啱好嘅燜工，令到啲牛雜咬落去爽口得滯，又唔會太實，淋上啲自家秘製醬汁，簡直惹味到爆炸！😍喺傳統糯米雞度，佢哋作出咗革新。哈囉，係新鮮出爐嘅，糯米飽滿，雞肉咸香，真係做得對得起"潮流"兩個字。口感層次分明，每一啖都係感官享受嘅時間。甜品方面，點咗碗燕窩芝麻糊，滑嫩得嚟味道又夠正，我真係一啖接一啖停唔到口！傾吓計，我覺得呢間小店就算唔係美食天堂，都算係個美食樂園喇。最正係，食物嘅質素同價錢成正比，真係物有所值。下次仲要再嚟，見證佢哋嘅美食曲線，繼續上升添！👍🏽🤤👏🏽

同屋企人食飯都係喜歡吃中式😬地方大 坐得舒服去左食冬天最愛既羊腩煲 -🔸古法羊腩煲 $268足料大份 羊腩炆得好入味又唔會太咸配有大量的馬啼 支竹 等都好入味-🔸明爐乳豬 $168例牌份量就岩岩好 個乳豬皮勁脆 肥瘦均勻配埋爽口海蜇 -🔸參鬚青橄杬燉水鴨 $118冬日最滋補的湯水 人參有抵抗潮濕既功效最近天氣飲就最岩水鴨更加是滋補養陰 益肺補腎超足料 半隻水鴨燉出來的湯水 清甜不油-📍富臨皇宮(天水圍)📌天水圍天靖街3號天盛商場1樓L116號舖#羊腩煲 #中菜 #做冬

只要上了桌！火速遗忘刚吃的上一顿🔥干炒牛河里大块的牛肉分量很足，🍜而Q弹爽滑的河粉炒的特别入味，饱满的牛肉和鲜香的河粉直接手拉手滑进我的胃里🛝蟹籽烧麦皇特别的紧实饱满，🥢小烧麦里爆出满满的香菇丁和肉香，他俩好像在这里坐蹦蹦床，在四处蹦跶间留下满满的鲜香一餐一餐吃个没完噜🌹

我想同你一齊食…🦀🦀🦀大閘蟹放題🦀🦀🦀秋風起，特別爽！因為又係時候食大閘蟹啦🦀🦀🥰🥰🥰知唔知道最近有大閘蟹放題呢個優惠呢?我早幾日就同屋企人見識過！食到舔舔脷😝我哋四個人第一輪一口氣嗌咗20隻蟹，等大概20分鐘左右，大閘蟹就熱辣辣送上來啦！真心正！大閘蟹唔算好大隻，估計五兩多，但係每一隻蟹拆開都有蟹膏，好滿意！大小冇所謂啦，因為大閘蟹係任食，食到你唔想食😎$498任飲任食 大閘蟹放題晚宴汽水啤酒任飲仲有其他主菜小食：金陵片皮鴨鴨皮皮脆肉薄，油脂唔算多，夾配菜醬汁食落口比較清新！手拍青瓜爽口入味，好開胃麻辣鴨絲肉香惹味，不錯光菠蘿生炒骨顏色幾靚，味道一般蟹粉扒豆苗蟹粉滿滿，不過菜苗有少少老蠔皇原隻鮑魚鮑魚夠入味，一人一舊啱啱好#大閘蟹夾人#大閘蟹放題# #大閘蟹放題2023# #元朗美食##中環美食# #銅鑼灣美食# #旺角美食# #香港美食# #放題任食# #放題#

又到大閘蟹當造季節 🦀同屋企人享受咗呢個秋之滋味😎120分鐘大閘蟹放題.$498一位，呢個價錢包咗生拆蟹粉扒豆苗、菠蘿生炒骨、花膠濃雞湯、蠔皇原隻鮑魚、無限追加時令江蘇大閘蟹、小菜、主食、甜品。.🦀時令江蘇大閘蟹有原味，鹽焗，花雕三款味道揀。 個人覺得花雕味最香☺️ 帶到大閘蟹鮮味出嚟。 蟹公蟹乸要運氣抽，10月蟹公當造啲，所以食落白玉蟹膏會多啲.🌱生拆蟹粉扒豆苗翠绿鲜嫩.🐷菠蘿生炒骨酸酸甜甜 ，唔會好油膩。.🐤花膠濃雞湯用咗新鮮雞肉同花膠，湯汁鮮甜。飲完胃仔暖暖🐚蠔皇原隻鮑魚彈嫩鮮甜無限添加小菜、主食、甜品：有tick tick 紙，可以tick 小菜、主食、甜品食。 大推回本之選嘅京式片皮鴨☺️，蔥絲、青瓜絲、鴨皮，一齊包係薄薄薄饼，好滋味！另外杞子桂花糕同薑茶雪耳紅棗都唔錯，前者好香桂花味，後者食完蟹驅寒一流。

嚟到秋天除咗諗起食煲仔飯外，當然唔少得鮮甜肥美嘅大閘蟹啦！但係如果要自己買返屋企整又覺得好煩wor，所以呢日就決定同男友去咗屋企就近嘅富臨皇宮歎歎大閘蟹放題，過下食蟹癮！ 🧡時令大閘蟹放題（$498/位） 大閘蟹放題主角當然嚟唔開大閘蟹啦！呢個放題有三種大閘蟹口味可以揀，分別係清蒸、花雕蒸同油鹽焗。我哋每款都有點，隻隻都好多膏下，我就最鍾意油鹽焗，個鹹香氣味真係好正！ 除咗大閘蟹外，個放題其實本身都超級豐富，有多款主食、涼菜、甜品任叫之餘，佢仲包咗每人一隻蠔皇原隻鮑魚、一個花膠濃雞湯、一碟蟹粉豆苗同一碟生炒骨！ 佢個花膠濃雞湯係真係超足料，花膠大大片，雞味勁濃郁！蟹粉豆苗亦用上滿滿既蟹粉，食得好爽！ 小食方面嘅片皮鴨亦係另一驚喜，即使係放題都唔馬虎，個鴨好香口，係水準之上！ 最後甜品叫咗紅棗糕同香芒布甸，紅棗糕熱辣辣，淡淡薑汁香氣，食完好舒服！香芒布甸亦食得到足料香甜芒果肉，係好嘅收尾！ 成餐整體而然係食得好滿足，上菜亦好快，絕對係秋天食蟹嘅好選擇！