富港海鮮酒家

營業中

休息中

味道其實ok,不過呢間野出名服態度差，特別係收銀帶眼鏡個師奶，我爸問佢有冇支付寶，佢唔出聲，問多次，佢先話自己睇牆，牆有就有，冇就冇，收完錢都冇講多謝，應該係d做左好耐似老賣老既員工，咁晦氣就唔好做啦，好似全世界人得罪你咁

这辈子从没这么被恶心过，晚上吃龙虾，吃到嘴里什么东西黏糊糊的，拉出了一条别人咬过的口香糖！！当时直接冲到厕所把前天的晚饭都吐出来了，口香糖不是干的，是很黏糊很黏糊，一看就是新咬的，用牙签一直在剃，根本剃不干净愤怒至极，找他们经理要理论，旁边的阿姨拦着我说 这个老板我们认识的 不要闹啦算了算了，还拉着我不让我去说？？这和自己吃💩有什么区别。给大家忠告千万别去 避雷垃圾餐厅，现在写下这些文字五脏六腑都还在翻滚恶心

11/8 新搬來這區第一次試，點知服務態度差到不得了，所有呀姐此住自己年紀大，對所有生客服務差到呼喝，熟客就好似狗咁服侍，親眼見到對長者一樣呼喝，因為不是熟客、我人生從來冇試過，如果大家唔相信，可以去試吓呢間酒樓。嬲到一個點，唯一一個女經理態度好，只有佢做哂，我推薦大家去呢間酒樓嘗試吓最差嘅服務，如果有一個獎項比全港茶樓最差，這間富港酒家冇第一名都有第二名。值得一贊除了女經理服務好，點心食物水準不錯👍🏻

服務地茂式服務 態度極差 彷如返回70年代酒樓 懷舊服務 今時今日香港嘅飲食業輸畀大陸 原因致命服務差 保持個態度食就食唔食就走啦 食物勉強 清潔衛生合格水平 有其他選擇就建意不要試

等了個半小時，只來了4碟點心，後來叫侍應追才知侍應漏入單，追半小時也不到，叫多次侍應追，只叫你等，普通點心，怎樣煮也不須要個半小時。總之以後永遠不會去，更證明北上消費是正確，香港酒樓關閉也不覺可惜。

我今早要去鰂魚涌辦事，順道去位於英皇道668號地下的富港酒家飲早茶。我點左芝麻菜肉包$17.8，藥膳豬手$23.8，茗茶每位$8。豬手軟腍好咬口，藥膳味道不錯，菜肉包好食。

星期日的下午茶 等一陣位就入得 蘿蔔糕不建議叫(吃得出一舊舊爽脆既蘿蔔) 煎薄餅偏油同多粉醬 灼菜ok 長春卷正常 炒米粉ok 綿花雞好好 總括依然 這個價錢絕對超值(除了蘿蔔糕) 下午茶$13.8(點心)-$30(小食類) 下次試下其他蒸點

其中一位同事話最近食過 係佢極力推薦下 就訂咗4位 叫咗佢推薦嘅菜式燉湯, 蒸肉餅. 我覺得不過不失 返而蒜蓉大蟶子有驚喜 至於豉油王炒麵及涼瓜白飯魚煎蛋都係不過不失 都算性價比.當晚禮拜三只有6成客 坐得好寬敞 亦方便聚舊傾偈 當晚侍應唔多 點菜上菜時間都ok. 街坊洒樓 可以多d捧場 😊

是日有朋友恰巧9號風球到訪,在附近餐廳全部關門之下選擇這間酒樓,提前打了電話確認有開門就趁著風雨去吃了. 選擇半席了, 1088的價錢相宜但係菜品上一般. 同樣的價錢在其他酒樓可以有龍蝦伊麵但是它只有蝦球伊麵. 湯品也是在上菜的時候才告知沒有材料已經換成其他. 惡劣天氣下本來是很慶幸有餐廳可以吃飯, 味道也還行但是最奇葩的是結賬的時候老闆娘態度超級惡. 只是想照例拿單看看再刷卡,老闆娘口氣惡劣說已經免加一了還有什麼好看,看來看去還不是那個錢, 9號風球啦等陣掛10號啦, 快d返屋企吧啦....態度惡劣之不會再幫襯~

舊同學聚會，在這裏book了間房，有卡拉ok及麻雀玩樂。首先，這兒交通方便，地点適中，在地下，方便長者輪椅出入。貴賓廳地方寬敞，坐得舒服食客在貴賓房内唱歌，麻雀耍樂整體這裏食物，環境，價格都OK，招呼亦週到，是一眾好友食飯聯誼好地方。

初二開年訂左個6人盆菜，880蚊但要自己攞，住附近我無問題啦。準時有貨攞，個盆菜裝響紙箱，但距地無用膠紙封紙箱底，只係互扣果種設計，攞時都有d擔心，唯有用手護住。個盆菜外觀正正常常啦，摸到暖暖地，應該係整起無幾耐，唔係早幾日整好雪到死死果種。煮返熱，味道好好，老媽話鵝掌火喉剛剛好，起到膠又唔會爛，燒鴨同d雞好有彈性，真係唔係一早做好又雪返死果種貨。鮑魚d貴野正正常常啦，而且底料都好正，唔係用豬皮，而係用砂爆魚肚，無話下面d野睇唔到就求求其其。一盆分量好足。兩餐都食唔晒。

今日下午，和同事去飲茶，去咗公司附近嘅富港海鮮酒家。我哋叫咗三個點心同一個窩米。第一個點心係大長今春卷，長長嘅外型好得意，春卷都好脆口，餡料有蝦肉，算係唔錯的點心。第二個點心係荔芋帶子盒，不過唔夠熱，帶子偏細粒，荔芋唔夠脆。第三個點心係XO醬炒蘿蔔糕，蘿蔔糕冇咩蘿蔔，XO醬都幾惹味。另外叫咗一個皮蛋魚片窩米，魚片好多，不過湯底偏鹹。雖然食物同環境都一般，不過每個人埋單都係幾十蚊，所以期望都唔好太大。

幫襯過幾次，有一次lunch見到一隻豆豉咁大的蟑螂在我枱上， 有照片。 最近一次夜晚食龍蝦伊麵，部長攞隻龍蝦畀我睇非常新鮮煮出嚟味道唔錯， 一邊食 朋友話為什麼這麼多烏蠅飛嚟飛去，我心諗可能這裏衛生環境欠佳引來蒼蠅但眼不見為乾淨。 但食完之後見到牆邊有一隻老鼠bb走嚟走去， 職員都見到老鼠躲在一些放杯的膠盤後面，她們兩女員工也不知所措，但也不敢太大動作， 遠處有四枱大枱，超過30個男士除口罩拍照留念後走的時候也見到米奇。 最近都冇疫情，本人認為戴唔戴口罩都冇乜問題， 這個男士說說笑笑“米奇米奇” 沒太大反應。 我完全冇同同座的朋友講我都唔想嚇親佢哋。

在公司附近的酒樓不多，呢間來講都算平民，鋪面都幾大，因算是舊式酒樓所以衛生唔算乾淨，店員年紀都偏大又無乜禮貌，是做開街坊生意的吧，午餐時段都幾滿客，可能因為唔算貴!!點心都幾好食，燒賣幾彈牙，唔會一口肥豬肉；大長今春卷幾好味，是長形的，不太油膩，點上喼汁很美味；雞扎就一般，裏面的芋頭好粉；叉燒腸粉也是不錯啊，叉燒是新鮮的；鮑汁鳯爪好淋好入味啊；XO醬炒蘿蔔糕好惹味，四四方方的炒得好乾身。整體來講都幾好食，要求唔高可以來試試!!

根據2020年8月28日起生效的提供堂食的指示及指引，餐廳應避免食客“搭枱”，説明不容許與陌生人“搭枱”。若在有關處所執行前述要求並不可行，則應按上文第4(A)(a)段所述，提供有效的分隔。今日2021年3月，以上指引已生效7個月，我哋二人飲茶，酒樓居然要求我哋同另外一個陌生人搭枱，並未能提供任何隔板作分隔！我哋請d員工提供隔板，佢哋大大聲話冇，仲話現行防疫條例只要4人一枱就可以！如果我哋唔想搭枱就俾多個茶錢！雖然喺我哋堅持下，酒樓最後冇要我哋搭枱，都冇收我哋額外茶錢，我哋最後只係想好言提醒酒樓以上食環嘅指引，但員工同經理態度都好惡劣，話冇收過呢個指示，重申而加四人一枱就冇犯法喎，但識字同有d衞生意識嘅各位應該都知仲決定去唔去啦，仲要最近港島區有健身群組爆發喎。另外，酒樓都唔係特別乾淨，第一張枱俾我哋坐嘅仲有上身嘅報紙，換過第二張又未執枱，執好枱嗰張d碗碟都仲見到污漬，要自己再認真清潔，d呀姨又要用手掂到茶壺出茶個位，食物都唔係特別出色。疫情下其實知生意難做，但咁嘅態度同環境我就永不再次光顧😉