56
10
2
營業時間
今日營業
07:00 - 23:00
星期一至日
07:00 - 23:00
食家推介
放假就係任性，衝出九龍南區，周圍去下，放慢步伐。黎到沙田瀝源村，平日下午12點半已經開始要等位，都多周邊返工嘅人黎食，咩年紀都有。睇有咩食都睇左一段時間😵😵值得一提下午茶1點半就開始啦，幾正！幾好，酒樓中間呢個位係店員會再次碌過所有餐具先再上俾客人，係真係好熱，而且係乾淨（我係幾嚴謹，真係滿意）13元孖寶腸，唔錯叉燒蝦兩樣都好食叫左個套餐148元，都幾抵，兩款點心，一款小食，一款飯麵。牛河勁大碟，牛肉炒得好，河粉都均勻，火喉好夠，豆腐就咸咗啲。另外點咗簿餅23元，皮如果再簿啲就好。排骨芋頭即整好食，芋頭都夠粉下午茶見到有10元一碗紫米露，大大碗，又香又夠味，絕對唔稀，好味😋😋酒樓地下仲差小小，都可以接受嘅。
繼續閱讀
片皮鴨🦆($188)黎到呢度必食既片皮鴨, 滿心歡喜黎食既我有啲失望😞 一隻片皮鴨既份量其實唔多, 鴨睇落夠油份幾吸引, 不過唔夠熱🙈 包鴨既皮太大塊同太厚, 鴨食落冇咩鴨既香味, 就算落埋海鮮醬既味補救唔到😵 我覺得一心諗住去食鴨既你地去前要諗諗而家推出左晚飯小菜優惠餐單買4️⃣送1️⃣ / 買8️⃣送2️⃣ 每款小菜既價錢係$80, 星期六/日/公眾假期每款加$10💰 其實計落幾抵食, 因為啲餸都幾大碟同埋唔油膩秘製柚子骨🐷 排骨半肥瘦, 配埋秘製柚子醬甜甜地, 仲有少量柚子皮絲, 幾有咬口欖菜肉鬆四季豆🥒一般欖菜煮出黎既野都會偏油, 不過呢個除左唔油膩不突止, 啲四季豆仲要勁爽口, 帶有少少豬肉醉,口感同味道都唔錯👍🏽 一般食到既都會煮到腍得濟, 呢個有驚喜粟米龍躉球🌽粟米斑塊就食得多, 龍躉球就真係第一次食, 每件龍躉球都好大舊🐟 而且啲炸粉完全唔厚, 啲粟米蛋花漿係有粒粒粟米同埋蛋白絲, 啲汁食落感覺真材實料冇其他既打咁多芡, 抵讚豉蒜涼瓜龍躉頭腩🐟好多人都唔鐘意食苦瓜, 但係我就啱啱好相反, 超鐘意食苦瓜, 仲要愈苦愈好😚 苦瓜俾我感覺清熱解毒, 食完感覺健康啲🤔 雖然咁樣既煮法會減低左佢既營養值, 但係始終有食好過冇食😂 佢既芡汁比出面既少, 感覺冇咁重負擔同埋苦瓜同頭腩既份量都算多, 啲魚肉夠嫩滑而且唔多骨椒鹽豆腐粒🧂呢度既豆腐粒似係渣哥食過果啲, 不過椒鹽既份量偏少, 所以味道較淡😟 好彩啲豆腐粒都炸得夠脆口同埋有趣既地方係呢個豆腐粒係配甜辣醬, 但係都幾夾其實我覺得佢既小菜係唔錯, 不過片皮鴨就遜色左啲😫 小菜優惠係幾抵食, 而且選擇多, 味道又唔錯✌🏽 不過優惠唔知會維持幾耐, 大家去前可以打電話去查詢一下🔍 我地坐底左一陣成個場都坐滿曬, 個呀姐話就算訂左位都有可能要等, 所以去前訂定位會穩陣啲
繼續閱讀
港島人殺入沙田區相當難得,今次來到沙田,除了為了去新城市廣場影熊本熊的相片,同時可以來到香港最有名的酒樓黃店,之前有想過吃點心,但今次來到晚市,倒不如試佢地的超抵食小菜套餐!買四送一的優惠,80元 X 4樣 & 有超過20個小菜選擇,而且有龍躉兩吃(抵食到嚇死人),計埋茶錢&加一服務費都不用400元(可以用VISA/MASTER),服務態度奇佳,正是全場爆滿的原因!翡翠花姿蚌片 80元 4.8/5分意外之作,完全無想到可以炒得如此爽口,天衣無縫的小菜,必選小菜!秘制柚子骨 80元 4.2/5分骨排配上柚子醬剛剛好,又要另一道上等的小菜,好有咬口,正!沙嗲金菇粉絲肥牛煲 80元 2.2/5分相對遜色的小菜,沙嗲味太清淡不夠味,肥牛就不肥反而偏瘦,唯一可取是有粉絲,代替米飯,不用叫飯~不建議豉蒜涼瓜龍躉頭腩 80元 3.3/5分自己不太喜歡涼瓜,但與龍躉頭腩幾配合,炒得好入味,相當不錯粟米龍躉球 80元 3.5/5分啖啖都是肉的龍躉球,炸得幾好,粟米汁就略為淡口,粉底都有少少多,不過都不俗啦每碟份量都飽到傻,食唔完就拎飯盒第2日帶飯,又省一餐。其實不用配白飯,直接吃小菜就足夠,如果人多幾位更可以飲酒談笑風生,埋單每人100元左右,可以去邊度搵?沙田地鐵站沿天橋行過去15分鐘,不用擔心大雨;舊式酒樓的裝修可以接受,吃的是食物不是環境;員工主動好客有禮,上菜速度又快又多,片皮鴨幾乎人人都叫,又多人叫外賣,實在是難得的黃店酒樓,超級建議各位前往討伐!
繼續閱讀
🥢沙田全港唯一良心酒樓 抵食下午茶點心#食好西沙田美食 #食好西良心推介 🥢呢期最出名的酒樓一定係呢間，每個區都有朋友團購片皮鴨的良心酒樓富東閣，之前錯過了訂鴨的時間，要等下一次訂購時間，既然咁出名，梗係要去懲罰一下🥢以下價錢是下午茶時段🥢干蒸燒賣拼干蒸牛肉 $24兩個人食每人一件剛剛好，可以依多幾款點心🥢排骨蒸陳村粉 $24陳村粉有d 似涼皮口感，吸收曬蒸排骨的味道🥢蠔皇鮮竹卷 $18三條大大條，腐皮吸收曬蠔油茨汁的味道🥢鮮蝦菜苗餃 $18皮好薄身，入面充滿菜同爽口蝦肉，三隻大大隻抵食🥢懷舊叉燒飯 $28個叉燒應該好好彩係剛剛燒好的，所以仲熱好軟熟，睇顏色就知好食🥢鳳爪排骨飯 $20用上經典蒸飯盎裝住的鳳爪排骨飯，蒸出來的香氣十足，是經典舊式味道🥢茶位$11/ 位🥢作為全港唯一一間良心酒樓，原來價錢很抵食，食物質素仲要好食，食完唔會覺得太口乾味精不算重，有時間可以帶埋家人過來試下_____________________________________________________富東閣海鮮酒家
地址: 沙田瀝源街6號瀝源廣場1樓5號舖
繼續閱讀
五月最後一個星期天下午，沙田。最近天氣不好，友人昨天提出星期天吃點心，很想拜訪這家很久，於是睡飽後就一起坐車出發到沙田瀝源。這是一家位於瀝源邨裡面的酒家，在大集團的趕絕下，現在已經買少見少，吃點心還是喜歡飲茶。下午茶時段是兩點到四點，門外排隊人潮不斷，門外貼上晚市，雀局，旁邊燒味部的燒味飯餐牌價錢都非常相宜，選擇又多，我們更迫不及待想試試了。我們只有兩個人，等沒多久就被安排入座。點心原來是現點現蒸，保證新鮮，位子挺乾淨，沒有一般舊式酒家髒髒的，感覺真的蠻舒服。脆皮燒乳鴿，光看顏色炸得挺乾身，一咬下去卻不得了，每一個部位都軟嫩非常，又能做到鎖住肉汁，真正皮脆肉嫩的程度，一點醬都不用沾已經很夠味，友人說比起一家老字號的燒乳鴿還要高水準，可想而知有多出色。沙薑雞腳，難得有人跟我一樣喜歡雞爪，除了筋腱處，連骨頭也醃得入味，充滿膠原的外皮滑而不膩，友人說沙薑汁才是精髓，果然沾了之後，鮮味更加提升，而且吃完不會覺得口很渴，想必是自家調製的。甜酸炸雲吞，這是一道香港飲茶的懷舊小吃，友人特意點的，因為他知道我從來沒有吃過。三顆大雲吞炸得金黃不過火，聞起來完全沒有油炸味，最怕聞到想吐的油味了，一咬下去雲吞皮非常香口酥脆，餡料新鮮彈牙，友人說要淋上甜酸汁，不愛炸物的我一吃就愛上，味道果然更豐富。原隻鮮蝦腸，每個切段部份都有一隻新鮮爽彈的大蝦，然後呢，薄薄的腸粉皮一層層卷著，卻晶瑩剔透，完全沒有出現黏糊糊，或者是皮太厚太膩，一夾就散開的問題，每口都吃得到米香，吃過這裡的腸粉之後，才體會到真正的軟綿滑溜是怎麼回事，不打算再吃外面的所謂腸粉了。鮮蝦菜苗餃，一般飲茶這樣子的餃非常油，而且只有蝦子碎其他全是肥肉，所以從來都不會吃。這是友人點的，上桌之後看到漂亮的水晶餃皮，一夾，皮沒有爛，裹著翠綠的菜苗和滿滿彈牙的蝦子肉，沒有其他有的沒的，皮Q餡料香，好美味，改變了我對水晶餃的印象。北菰棉花雞，冬菇吸滿醬汁，軟滑的雞肉很大塊，重點當然是盡吸鮮美雞汁的魚肚，滿口膠質又綿密，美味無比。黑椒金錢肚，外面很多都會鋪滿厚厚黏稠稠的芡，其實以前的金錢肚根本不會這樣弄，因為不會吃得到任何味道的。這裡的果然沒有，黑椒跟豆豉的比例剛好，全是真正的網胃，沒有混雜其他部分，鹵得夠味不腥，口感爽嫩，酥而不爛，太滿足了。宮廷桂花糕，我們都愛桂花糕，這裡的顏色比較深，杞子很多，所以味道偏甜，$10有三大顆真的很划算。小時候周末上酒樓飲茶是一個習慣，隨著時代推演，要吃點心已經不需要再上酒樓，生活質素的提高，對吃的觀念變成要吃得精緻，導致一堆鮑魚黑松露醬點心橫行，懷舊的味道漸漸消失在洪流之中，今天吃的這頓點心，除了找回了美味，更是對於他們堅守本質有一份感動。
繼續閱讀
您可能會有興趣的...