28
3
1
港鐵尖沙咀/尖東站 N2 出口, 步行約3分鐘 繼續閱讀
電話號碼
23667128
開飯介紹
總料理長是日本師博江藤和広,曾經於尖沙咀美麗華商場4樓元気一杯日本料理當總廚,貨品由日本空運抵港。 繼續閱讀
營業時間
星期一至日
12:00 - 14:30
18:00 - 23:30
付款方式
Visa Master 現金
其他資料
Wi-Fi
酒精飲品
自帶酒水 詳細介紹
VIP房
電話訂座
外賣服務
加一服務費
電視播放
食評 (32)
等級4 2017-04-05
1937 瀏覽
環境好似日本小餐廳,侍應姐姐係日本人,好努力用廣東話同我地溝通,好可愛。免費嘅前菜係梅子味秋葵,清新爽脆。薯仔牛肉煮 $68用甜湯煮薯仔,仲有其他蔬菜,我覺得太甜。牛肉好薄,有點乾同鞋。而且份量少。鰻魚日本產雞蛋捲 $98軟棉棉雞蛋捲有蛋汁,再加上鰻魚汁,好味。只可惜鰻魚好細粒,仲有好多骨。黏物沙律 $88沙律竟然係最後先到。因為想試特別野,所以叫哩個黏物沙律。有椰菜絲、生菜、紫菜,面頭有柚子汁,有呑拿魚腩碎,再下面就係納豆碎一堆黏黏野,男友接受唔到納豆,我要成碟食哂。鯛酒盗芝士 $68入口即溶嘅Cream cheese 切成條狀,旁邊係鯛酒盜,即鯛魚內臟,味道咸咸地類似明太子,一咸一淡,味道豐富。綠茶紅豆餅 免費甜品,拿回家慢慢食。煙韌糯米皮,紅豆溶甜度適中。食物幾地道,價格偏貴,下次要試下呑拿魚腩飯。 繼續閱讀
(以上食評乃用戶個人意見 , 並不代表OpenRice之觀點。)
等級1 2016-09-25
3415 瀏覽
一入間舖,日本女職員就話我地聽今日所有既刺身個版都係今日係日本新鮮空運過黎既,所以試下啦呢間店老闆好好人,員工非常貼心。佢會發現你既需要而提供幫助。店內既食物非常好食,而且係係日本新鮮運到。超級好食!自家製魚餅,三文魚刺身,富士之幸海鮮丼飯 全部好食到不得了 我之前好怕食吞拿魚 因為又腥又鞋又臭仲要好韌 但係呢度既吞拿魚係唔腥唔臭唔鞋仲好易入口添呀! 三文魚刺身煙煙韌韌咁 咬落去啲油脂就係個口度爆出黎咁 真係唔識食既人都變到好識食 同埋食得出同出邊既係好大分別就算啲食物唔落調味料都夠味,係壽司度老闆好細心咁放左好少只係岩岩好有少少山葵味唔太辣都唔會極出味既山葵係壽司裡面,令件壽司咬落去唔係食緊壽司飯係感覺食緊個舊刺身咁樣 啲飯落埋入口個時好似消失左咁樣只係食到刺身咁 老闆佢會親自羅啲野上枱俾你食,感覺你係非常尊貴,都好貼心 價錢上係感覺貴啲,但係服務,食物上等等加埋係物超所值 真係推薦大家去食 繼續閱讀
(以上食評乃用戶個人意見 , 並不代表OpenRice之觀點。)
等級1 2016-07-05
2982 瀏覽
1) 鰻魚 230hkd ,燒得幾乾身2)吞拿魚飯 1303)燒牛肉飯 150 過江龍師傅之前在美麗華商場的元氣一杯做,依家自立門戶,日本師傅對自己係有小小要求的。可以一試。 繼續閱讀
(以上食評乃用戶個人意見 , 並不代表OpenRice之觀點。)
等級1 2015-06-07
5866 瀏覽
同老友open rice 下食飯地點,發覺去尖沙咀唔食放題又要中價格好坐,似乎有d難道,所以決定呢間就打電話來訂位。由訂台到坐低waitress 都好有禮貌 而且成間鋪都有好多係日本人既客 ,好似去左日本旅行2個人叫左一個壽司拼盤($480) 仲送2杯紅或白酒  壽司飯煮得唔錯,不過魚生就無咩特別 !另外叫左自家製豆腐海膽 ($58) 海膽好鮮度加上豆腐質感好特別,豆香加好彈牙 ,下次要每人叫多個!宮崎南蠻日本雞 ($88) 雞塊並不是想像中脆口,而係有點軟 ,如果醬汁可以另外上應該更好味 同朋友係度傾左一晚,如果下次人多黎呢度食應該會試到更多。 繼續閱讀
(以上食評乃用戶個人意見 , 並不代表OpenRice之觀點。)
等級3 2015-05-30
4351 瀏覽
對於團年,總會看得很重,或者本是饞吃的人,所以借團年巧立名目,想左吃右吃的事例實是不少。是次為整年工作的團年飯,與其說是團年飯,倒不如是感謝自己今年對工作付出的慰勞宴,趁機去貪吃的好時機吧。個人吃東西除了「吃」字之外,總會被一份情所牽伴。自那日籍師傅結業回鄉後,這裡由另一位日本人所接手,手勢當然有水準,但更令我懷念是昔日日籍師傅和我們以其熟練的廣東話談天說地之情景,一直常在心中。午餉,信步進入,在師傅跟前,念著想著昔日的舊陳設,看著師傅的手勢,頓然回復多少生氣,二話不說,點了雜錦魚生飯定食來。人客實在太多,看著師傅趕著忙的樣子,熱熱鬧鬧的去跟進之餘,不由分多添了份擔心,究竟會否催催趕趕下,定食會否失質呢?等了很久很久,若是其他客人,可能按不住離開便算,但望著昔日在前日籍師傅奉客的餐具,茶杯,還有當年他親手做一頓團年午飯予我的情景,賭物總有點思人,在此年末之際,雖不至可以和他一聚,但都想他一直安好。這時,師傅以半鹹半淡的廣東話和英文向我打個招呼,說不好意思,現正為我做定食來,這時的我,一時不知怎應對,因為確是一個完美的新舊對照。一年雖將盡,惟處處仍可在新一年伊始重拾新機,最正確不過了。霎時,新鮮熱騰騰的定食送上來了,盛載的盒有兩層,上層有壽司飯,下層有五點魚生刺身。雜錦壽司飯本身飯方面已十分出色,軟綿綿,但不溫不冷,剛剛好,飯的質感細緻嚼勁,而且粒粒的,夾著一口一口吃,十分寫意。伴著碎吞拿魚,加蛋粒,大口大口吃,好滿足。吞拿魚本身新鮮,打得十分順滑,入口即溶,再加上清新的瓜菜伴著吃,配合真的不錯。五點刺身,海膽,油金魚,三文魚,䲞魚,十分新鮮,配合磨好細粒的山葵,很好吃,而且份量十足,魚生滑溜,而且脂肪比夠,吃起來鮮味停留在口腔裡久久而不散,這時喝一口茶,正好暖著胃納,正待著那鮮味的來臨,直入腸胃,好吃。這時要吃烏冬了,稻庭烏冬,麵條十分幼但如絲那樣細緻,湯很清淡,而下了的草菇和蔥段慢慢滲出清香,吃下去不落俗套,十分暢快。茶碗的蛋細緻但未算最滑。吃飽後,以一杯炭燒咖啡來作為餘韻,最好不過,昔日的約定,在此時此刻亦算是一個延續,為甲午年譜上一幕極之完美的終結。團圓年年,歡樂年年,除舊近新,機遇處處……別了憂愁,再拾生機。在此小生和各版友拜年,祝大家身體健康,心想事成。 繼續閱讀
(以上食評乃用戶個人意見 , 並不代表OpenRice之觀點。)