3
0
1
港鐵黃大仙站 A 出口, 步行約8分鐘
所有分店 (2)
電話號碼
2320 2700
營業時間
星期一至日:06:00-23:00
付款方式
Visa Master 現金 銀聯
其他資料
酒精飲品
加一服務費
電視播放
食評 (5)
見習食家 2016-04-22
680 瀏覽
一大一細兩個女人仔去打邊爐,夾硬話仲有個爸爸寫多一個人,啲食物冇一樣新鮮,蝦一人限一只,花胗冇供應,點左分油麥菜,中間已經襖到爛曬,叫巨來睇,巨拎走就算,仲要冇換返份新鮮既比你真系極品到第一次見。真系超級難食。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-03-19
538 瀏覽
這裏位置較偏僻且要上樓梯才到達,相信不是附近居民都較難找得到這間營業至零晨的火煱酒家。*正價$128九時後入座$98任飲任食兩小時,價錢親民!食物款式種類都應有盡有。湯底: 駌鴦麻辣清湯。(可選辣度)• 麻辣湯“濃、醇、香、厚、麻、辣、回味!不折不扣的四川風味..• 而清湯不像一般店家淡淡的如水,每淡帯點清新的芹菜味..重點推介: 海蝦,花膠,青口• 海蝦雖然不是生猛新鮮得在你面前跳彈,但蝦肉不黏殼,口感不霉有彈口,不過每次供應份量一人一只,難免給客人感覺份量不實在..• 花膠基本上是沒味的全靠湯底浸透入味,吸盡麻辣精華,淡淡刺激味蕾,沒有腥味,這店將其切開成小片,所以見議拿個匙羹盛著烚熟,避免收縮到在湯底裏捉迷藏..• 啤酒汽水任飲(這裏題供的是韓國啤酒較為少見) 繼續閱讀
(以上食評乃用戶個人意見 , 並不代表OpenRice之觀點。)
見習食家 2013-02-18
696 瀏覽
今日係嫲嫲生日,見佢同爺爺兩老成日讚富城啲野又抵又好食就特登book位帶佢地去食!可能因為太早去到只有三四張枱有人用,地方都幾闊落!啲員工都好自動自覺問要咩茶!出面仲有錶位添!!!!計埋兩個歲幾兩歲既小朋友我地一行十三人叫左個$2688十二人用既“龍精虎猛宴”計埋生果同壽包就一共有十三樣野食,仲有兩支大啤同6罐汽水,我地唔飲酒所以比左12罐汽我地!第一道係芝士焗龍蝦,好多芝士!有啲“漏”麻麻地,龍蝦無咩肉!夾黎夾去都係殼!失望!第二道好番啲!碧綠鳯蚌仁,都幾大碟,珊瑚蚌都有好多!雞柳又大舊西芹都炒得岩岩好!第三道係玉環瑤柱甫,普普通通,無咩特別。再黎係百花炸釀蟹拑,好大舊!蝦膠打得好彈牙!讚!跟住係紅燒花膠生翅,每人得大半碗太少啦!不過味道都唔錯!啲料幾足!之後係清蒸沙巴龍躉,條魚真係要讚下!蒸得好滑!好嫩!好好食!之後既蠔皇花菇海鮑片扣玉掌都唔錯,花好炆得好林好入味!之後係富城秘製雞,即係炸子雞,隻雞都好嫩!外脆內軟!正!跟住就係炒飯同伊麵,兩樣都唔錯,美中不足既係太油啦!之後加左$88有12個大壽包!大壽包真係值得推介!開頭以為係小朋友拳頭咁大一個個啲,點知係大人拳頭咁大!真係未見過!味道都唔錯!最後就係生果同紅豆沙,紅豆沙又係每人得大半碗!不過都okay好食既……下次會再幫趁!埋單$2800左右!!!每人$220到!!抵!!!!!!!!!!!!!!!!!!>< 繼續閱讀
(以上食評乃用戶個人意見 , 並不代表OpenRice之觀點。)
見習食家 2012-10-10
345 瀏覽
未見過咁細火鍋店, 總見到問口有2隻老鼠走過, 嚇親的女仔!我們一行5人, 入到去得幾枱人打邊爐, 佢俾我們4人枱座, 我們見遠處有一張6人枱, 問可唔可以座, 個士應堅決要我們座4人枱, 我個朋友即火來, 呢度咁多枱, 點解唔可以座個張6人枱(服務未差完)!點左呢個鍋, 叫左的打邊爐料, 同刺身, 又話刺身任, 但永遠來5件/每款, 即限制一人一件呀! 但襯到好靚!服務繼續差, 的士應部長, 永遠都見我唔到, 我睇你唔到我睇你唔到, 我地的入單紙, 次次都要走去廚房門口俾個士應呀!叫左的丸算ok, 的牛都滑! 的要係廚房門口自己淨, 淨到有呀!到叫人加湯時, 又話有真湯加呀, 點知係加水呀! 呃人呀.....沖淡曬的湯!個團購真係幾呃人, 125元任食2.5小時, 真係唔抵呀! 下次都唔會再來, 的刺身真係唔好食! 涼茶淨得, 五花茶! 總結, 差! 買單都無人買, 我即走出去同櫃枱講, 唔收服務費, 我們走啦, 等左成15分鐘先有人來收錢. 繼續閱讀
(以上食評乃用戶個人意見 , 並不代表OpenRice之觀點。)
卓越食家 2012-10-04
255 瀏覽
天氣漸涼 , 係時候開始周圍打邊爐喇 , 之前團購左 $ 88 一位任飲任食火鍋 ,今日就黎左富城火鍋海鮮酒家o既鑽石山/黃大仙o個頭o既分店 , 大拆一餐 ~呢度環境唔錯 , 有少量卡位 , d 枱好闊落 , 打邊爐最緊要張枱放得多野丫嘛團購優惠包括 : $88 任食2小時 (原價$208)‧任食超過60款各地優質配料‧任飲汽水/清熱飲品‧再送是日甜品‧免茶芥及醬油‧自選6選1湯底 - 招牌紅湯鍋 - 招牌清湯鍋 - 招牌鴛鴦鍋 - 招牌香茜皮蛋鍋 - 招牌鮮魚湯鍋 - 藥膳醉雞鍋 另加$20 可享升級優惠:‧四色刺身拼盤 x 1 (三文魚/活蝦/墨魚/八爪魚) 及 無限量追加啤酒另加+$18 可享升級優惠:‧原隻赤貝刺身x 1客任飲汔水有百事 , 七喜 , 美年逹 , 啤酒係獅威 , 另外仲有五花茶都係任飲火鍋湯底只有四種係免費 , 鴛鴦 , 麻辣 , 清湯同皮蛋荽茜湯 , 同團購餐賣點有 d 出入甜品要臨尾提佢先至話可以比兩件桂花糕我地食 , 不過總觀待應們態度都唔錯而當晚我地無加到個 $ 20 剌身 , 因為加 $ 18 有比原隻赤貝刺身更正大蟶子我地兩個人加左四隻 , 計過條數刺身拼盆又唔係樣樣 arm 食 , 無咁抵丫嘛 xd湯底我地揀左鴛鴦湯 , 清湯o個邊好好味 , 呈奶白色 , 唔會淡某某 , 叫 d 蕃茄 , 粟米 , 冬瓜等黎滾 , 滾下滾下仲好甜添 , 而且有得加湯而唔係加滾水嫁麻辣o個邊就得個麻字同辣字 , 無乜味 , 又唔夠香 , 我地九成九都係淥o係清湯o個邊豉油每人一碗仔 , 調味料有溝左好多水o既沙茶醬 , 夠香唔夠脆o既炸蒜 , 仲有生蒜蓉 , 蔥花同指天椒粒 , 一般火鍋茶家o既 standard 野 , 無乜特別~講到火鍋料種類唔算好多 , 不過樣樣質素都真係唔錯 , 碟碟都睇得出唔係渣野1. 炸魚皮 ~ 睇落好似好厚唔多夠鬆脆 , 實情係一咬就開但唔會碎晒 , 魚味濃但唔腥 , 放落熱湯三秒拎返起 , 聽到 " di di da da " o既聲音, 己經 feel 到佢o既爽脆 ~2. 炸枝竹~ 係就係無響鈴卷咁酥脆鬆化 , 但炸得幾靚 , 要渌耐少少 , 唔可以浸一浸就食因為中間位會硬硬地 , 要淥得透 d , 佢好在唔會散開 , 夠厚身 , 好索湯好好味 ~3. 蓮藕片~ 大大片爽口靚蓮藕 , 不過其中有幾片好厚 , 當煲湯咁滾足全晚 , 介乎o係爽口與粉嫩之間4. 豬紅~ 好軟滑 , 不過無乜味 , 放落紅湯煲 , 唔易散開但係都唔係幾吸味 5. 豬潤~ 好香好滑又甜喎 , 大大片厚薄適中 , 爽滑之餘帶少少粉 , 好好味 !!6. 招牌四寶丸~ 真係粒粒又香又彈牙 , 牛肉丸好重果皮味 , 鯪魚肉丸就 ... 過份的腥 ~7. 黑豚片~ 呢個比我相像中好食 , 連肥o個 d 位都唔夠好油 , 好爽口 8. 美國肥牛~ 口感唔錯 , 有牛味而唔係雪蔵味行先 , 不過太長太大塊又唔易咬斷 , 小心噎到 9. 金錢展~ 香濃牛味 , 夠薄片但係有少少筋 , 比較韌 , 但不至於趙唔到o既10. 滑雞片~ 一般 , 無乜雞片 , 不過幾滑 , 無乜雞皮所以唔會好滾到好肥11. 韮菜餃~ 意想不到咁皮薄餡靚 , d 韮菜又香又爽 , 個皮唔散之餘仲好滑12. 魚皮餃~ 個餡一 pat 漿咁 , 個皮唔煙韌不特止仲發到成塊腐皮咁 , 全晚最劣13. 菜肉雲吞~ 味道同韮菜餃相似 , 只係裏面多左蝦膠 , 可以唔使重覆叫 14.魚類~ 叫左脆脘片 , 無乜骨 , 晶瑩鮮脆 , 好味 ~ 魚雲都 ok , 放辣湯有水煮o既 feel 15. 海蝦~ 叫左勁多碟 , 偶而有 d 有中蝦咁大隻 , 又爽又彈又甜 , 回本之選 !16. 蔬果類~ 叫左粟米 , 冬瓜 , 蕃茄 , 金菇 , 全部都乾淨新鮮 , 相當唔錯 ~17. 大蟶子~ 加 $ 18 一隻 , 長過手掌 , 好抵食 !! 本身加左兩隻 , 食完再 encore 兩隻 ,睇到咁透白都知新鮮 , 肉質肥美 , 口感又爽又彈牙 , 一路趙一路滲出甜味 , 淥完呢四大隻蟶子 , 當堂成個湯甜晒 , 加上我地叫左好多蝦 , 個湯好好飲 !!o係飽到傻左o既情況下 , 叫完埋單又醒起個團購餐有甜品送 , 於是黎左兩件桂花糕 , 好大件 ~~ 淋左 d , 不過幾香 , 試少少 ok , 食咁大舊就會太甜## 呢餐除左團購比左 $ 176 之外 , 加一收正價每位 $ 20.8 , 加左四隻大蟶子 ,埋單比多 $ 120 , total $ 300 有找食到水準唔錯o既任食火鍋 , 的確要列富城為心水 ^^ 繼續閱讀
(以上食評乃用戶個人意見 , 並不代表OpenRice之觀點。)