影片
今日晏晝同友人一齊響土瓜灣搵下有咩美食，本身想行到去燉奶佬果邊果間酒樓飲茶既，不過經過呢間，見到有富臨集團個貼紙，都應該唔差掛，就決定入去試一試啦。一行入去，見到有一個女部長，一個女侍應，行到入去，我地都講曬唔該，講左幾聲都無人應，明明果２個人都見到我地既，幫客落完單之後，無招呼我地就即刻擰轉頭行開去啦已經。咁好啦，經過收銀，有個人坐係到收錢既，見到有客入黎都可以當係回事咁，於是我地兩個人就自己搵枱坐低。場入面既細枱都已經有客，得番Ｄ大枱無人坐，咁又無客等位，又未到午飯時間，所以我地兩個人就坐左響張大枱到。到我地揀好曬野食，想落單果時，嗌左幾多聲「唔該」，都完任無人理我地，好彩咁岩有個阿姐經過比我地截住左先落到單。個阿姐一走埋黎就問我地幾多個人，我地答兩個，仲問我地做咩坐係到。無人招呼我地，我地自己搵位坐又唔岩，想我地調枱又唔話我地知可以調去邊，淨係比說話我地聽，話我地坐左大枱。最後，我地都調左去張細枱到坐。食物質素方面：蝦餃個皮一夾即甩，個干炒牛河做午市特價 $19.8 就好抵食，又大碟，個味都好ＯＫＡＹ。蓮蓉飽一D都唔甜，無咩味，叉燒腸粉，叉燒得D肥膏，實情係肥膏腸粉。其他點心就無咩特別，一句講曬：唔好食食唔曬D野就問阿姐拎個外賣盒打包，阿姐話要收一蚊，咁好正常呀，照比。阿姐比到個盒黎，但無比膠袋，再問佢拎膠袋，佢話要收5毫子。乜而家膠袋徵費係比D商戶亂收費用既咩，電視又好，政府宣傳乜都好，外帶熟食食物既膠袋係唔需要收5毫子膠袋徵費，阿姐同個部長話係公司規矩要收。於是我地響埋單果時同個經理講，就問個經理點解要收５毫子，明明政府講到明係唔需要收果５毫子膠袋徵費。個經理答我係因為佢地既膠袋唔係普通膠袋，我真係好想知有幾特別 貴酒樓既膠袋，咁岩身邊個男人拎食物盒就連埋膠袋比，咪又係一個普通透明膠袋，究竟有咩咁特別到要去收多５毫子呢？唔係話５毫子比唔起，唔係嫌貴，係濫收問題！本身膠袋徵費已經係商戶自己袋，而家連熟食食物唔洗比既，都話要收。咁係咪一句營運成本就大曬呢？總結：野食價錢係平（午市炒粉麵飯），但絕對唔係因為價錢平就可以咁既態度呀麻？成間酒樓D阿姐都唔願做咁款，理都唔想理你咁，已經唔係大間，又唔係嘈，場內大把阿姐，無人做野咁既。問野果時D態度衰到不得了，唔係話要好似五星級酒店咁鞠曬躬，但一個大集團旗下既酒樓質素係咪應該要好番D呢？真係貼錢買難受！
繼續閱讀
這天轉轉口味，過對面馬路的酒樓買點心吃：買買埋埋，都唔少嘢！山竹牛肉，一般貨色！雞扎：魚肚及冬菇都冇問題，芋頭就太硬了，雞肉亦太細件！飯唔夠熱，米又太硬！肉餅超薄，肉質好『鞋』 鯪魚肉頗入味，口感不錯！餡料充足，味道不俗！散買一包，平過超市&便利店！
繼續閱讀
叫左:家鄉煎釀茄子,金珠咸水角,鮮蝦菜苗餃,豉汁蒸鳳瓜,雪菜肉絲炆米,陳皮牛肉球,北菇棉花雞,紅燒妙齡乳鴿家鄉煎釀茄子:普通,煎到有小小過火.金珠咸水角:炸得香脆,表層香甜內裡足料.鮮蝦菜苗餃:冇咩蝦,但菜苗青新爽口,皮又夠薄.豉汁蒸鳳瓜:醬汁剛好唔太鹹,鳳瓜煮得好淋.雪菜肉絲炆米:大大碟,肉絲幾多,炆米夠入味.陳皮牛肉球:好傳統做法,幾好味.北菇棉花雞:棉花好硬唔靚,雞件算滑,普通.紅燒妙齡乳鴿:炸得過乾,有小小過鹹,味道一般.整體:幾平質素還可.
繼續閱讀
午飯同個朋友飲下午茶三個叫左以下點心蝦餃，燒賣，蘿蔔糕蝦腸，仲有腐皮卷同叉燒包燒賣蝦好爽，豬肉味夠爽實蝦腸唔錯，粉皮嫩滑，蝦好大隻蘿蔔糕煎得夠身，不過無乜蘿蔔味腐皮卷皮脆卜卜，我最喜歡叉燒包我無食呢度飲茶地方寬敞，服務唔錯，會再來
繼續閱讀
是次在宵夜時段光顧, 試了火鍋菜色。原因被門外的$48竹絲雞湯底吸引。原隻竹絲雞湯底$48--混有花鵰酒, 令香味大大提升, 雞肉鮮嫩。再配豐富的杞子, 黨參等等配料, 湯底香味四溢。炸魚皮--超大碟, 而且新鮮即炸, 入湯炸炸聲, 非常香脆!!必吃!脆鯇肉--是次最差這個, 混入普通鯇魚, 脆鯇又不夠脆, 貨源質素欠佳。羊肉--$38份量太小, 只得4片。
繼續閱讀