富和飯店

營業中

休息中

雖然我住土瓜灣，唔係朋友生日帶我黎，我都未必會去這間鋪食飯，經常落半閘，今次朋友慶祝60歲生日，約左11位朋友到場，可以叫好多個餸。等朋友陸續到場，當然叫餐前小食先食住等，傾住等朋友到椒鹽鮮魷～用細魷魚鬚炸，份量都可以，加椒鹽味道不錯。沙薑雞腳～以為係凍食，原來即煮，唔會太咸，好食。小炒皇～韮皇，大蝦乾，腰果同魷魚炒夠鑊氣椒鹽粟米～無諗過粟米都可以炸得咁好食雞軟骨～都炸得唔錯，份量都大份鹵水鵝腸～我唔係好食鵝腸，朋友夾左1條俾我試，估唔到咁爽口，同唔難食，食埋底下芽菜覺得好正，可能之前食太多炸物已感油膩。沙薑雞～生日當然要食雞，個雞入味同夠嫩滑蜜糖牛柳粒～呢個朋友話必食，因我唔食牛，唔知好唔好食，我食左2粒薯仔，薯仔外脆，面層係蜜糖味，我覺得味道都不錯。烤魚～終於到啦…等左成晚，朋友話烤魚必食，我試左一塊都覺得好好食，好香烤魚味牛仔骨～我無食到，但最後我見清晒應該係好食西蘭花炒蝦～呢個菜好難煮得唔好食，正常，唔會太油，好怕炒菜落太多油家鄉炒米粉～呢個餐牌無，出黎係圓餅形，一夾係散左米粉，炒得好好食，唔太咸。長壽麵～生日當然要食麵取意長壽今餐飯個個都食得好開心，價錢唔太貴，同每個餸都好食

Just a random supper at somewhere i barely go. Local flavour warm me up! Amazing seafood! Classic Dai Pai Dong atmosphere!! 1) Razor clams2) Steamed prawns 3) Steamed White eel with Black Beans4) steamed crabs with garlic 5) Fried Crabs6) Braised Goose Intestine 7) Deep Fried “Kau To” fish8) Deep Fried Prawns with salty Eggyolk9) Deep fried Tofu10) Deep Fried Sweet Corn11) Chicken Pot12) Pork Knuckle

一開始係被雞煲同小菜吸引，發現小店有水準，尤其是豬手，不輸蝕附近名氣高的餐廳。後來發現有麻辣燙，個人十分喜歡，有此類型的餐廳亦不算很多款式不算很多，但質數值得一讚，尤其是花枝，牛肉，萵筍，寬粉，都是每次必嗌之一，湯底十分入味，牛肉嫩滑，寬粉彈牙，花枝亦都十分出色性價比高，同湯底好食，鍾意食麻辣燙嘅好值得一試👍🏻

早幾日約左朋友係土瓜灣有野做，做完野就話不如食埋夜晚先返去😍 咁緊係話好架啦！難得見到都幾耐無見既中學同學😆我地三個女仔經過富和飯店，被門口寫住188蚊雞煲再送6罐啤酒吸引左😍 真係好抵！原來原價要288架，依家188蚊有全隻真係好平🤤入到去覺得間餐廳都算係幾光猛、幾乾淨，一開頭七點幾坐低個時人唔多，但之後就坐滿左🥳老闆娘好好人！又吹得，又好人，見到佢開左副啤牌比其中一檯客人玩添😯 好難得，好有人情味！我地嗌唐生菜，佢又送左少少通菜比我地食🤤例湯好好飲，真材實料、無味精！對於我地呢啲少湯水既香港人黎講，碗湯真係都幾吸引😻重點黎啦！係雞煲！！我地嗌左小辣，辣度岩岩好，唔會好似有啲餐廳咁太鹹，又唔會辣到食唔到材料既原味😋😋😋 真係好好食！我地仲嗌左2個白飯3個人share，啲雞好好送飯🤤 真係要再encore，我地三個人食到好飽但都唔捨得停手🤣最後仲加左個唐生菜，因為懶健康既我地又話無菜食唔得🤣 其實雞煲都有洋蔥、三色椒、蔥個啲配料。滿足到食完要捧住個肚走🤤🤤🤤 一個人一百蚊都唔洗真係抵到爛😭 一定會再黎encore！見到佢仲有酸菜魚，好似都好吸引😋 又有唔同既煲，土瓜灣又唔遠，一定會黎慢

去土瓜灣探朋友，本身想去哥得堡gur排，但太多人排隊，於是去咗隔離間富和，食晚餐都唔錯。三個人叫咗個188蚊雞煲，仲送6罐啤酒。朋友話上次黎叫咗半隻雞煲，BB辣吾係幾夠辣，今次叫小辣好惹味。加咗兩個白飯同菜，三個人唔大食都食得好飽。店內有洗手盤同硯液可以洗手，肺炎時期仲用即棄餐具防傳染，食得好安心。店員同老闆娘態度好好，店裡面仲有WiFi。菜式種類都幾多好齊全，宵夜仲去到凌晨兩點，下次夜晚黎土瓜灣搵friend傾計飲酒，會考慮黎呢度。

同事介紹土瓜灣有間好野食，有晚帶左我地共8位餓鬼入黎，起初期待不大，特別入夜後成條街都閂哂鋪又靜，唯獨呢間鋪燈光火旺，仲要排下隊先入得，唔通真係咁吸引？眼見同事叫左幾樣，熱情招待既老闆娘又介紹左啲招牌菜，好快就擺左啲令我地嘩嘩聲既餸菜🤩🤩😋呢個豬手雖然無想像中咁脆皮，但勝在上菜前就幫你切好，等主菜前食下一流其實一齊黎左一碟椒鹽九肚魚同椒鹽魷魚，不過我太肚餓，2碟野又太好食，我無影哂就係咁食，只想講2碟野堅係勁香，超越以前去大排檔食過既水準😋😋😋👍🏼十分推介主角來了，同事話黎親都必叫，呢盤酸菜魚拎上黎真係大開眼界，下面用酒精火燒住，等佢慢滾住食。魚肉好滑好彈，酸菜同少辣既配料帶出獨有味道(魚皮都係佢精髓之一)。好快就比大家清哂條魚，好彩唔夠喉之下仲有索哂汁既粉絲比我留戀一下😍睇相都見到呢個醉雞煲有幾足料，雞同配料份量比例平衡，食完滑雞仲可以另外叫啲打邊爐既餸，特別介紹呢個用自家油即叫即炸既響鈴卷，上枱時又熱又香，香港地好多地方都無呢種造法架喇，慳皮嘛💁🏻‍♂️所以值得一試炒蜆食得多，焗蜆甚少見，記得上枱後好耐都未食得住，因為焗完實在太熱，令大家期待度大增。好在完全無令人失望，蜆肉十份入味，

新年前已經一早同老闆娘訂盤菜初六開年公司圍爐食飯人生食左好多次盤菜平民價錢高質既盤菜少有少有湯頭🔸️🔸️🔸️🔸️🔸️5/5星膠質重，味道夠又唔咸，成圍枱個個都讚材料🔸️🔸️🔸️🔸️🔸️🔸️6/5星唔好以為佢個底有啲cheap野墊底，乜野魚蛋豬皮蘿蔔呢啲野，sorry諗都唔駛諗4-6人份量花膠，鮑魚，大蝦，髮菜，豬手，螺片，雞，冬菇，蓮藕，蠔豉，西蘭花(唔知有冇數漏)咩質素我就唔單一講了，每個人口味都唔一樣，我地6個係食到完全見底知咩料散嗌2樣野 3個飯 2個例湯 3杯凍飲鱔片$68 象拔蚌片$58 份量夠4-6個人食，打完出黎都覺得不可思議，到底佢地有冇得賺嫁?🤔本來諗住近近地唔想拎咁遠搵間近近地買，呢個價錢，我食得飽已經好滿意，點估到佢超額完成，食完之後，燃點起好耐無試過有既衝動，。。。。。。打食評。。。。。。新年流流祝佢地生意興隆，身體健康。。。。。非常飽。完。。。。。

十幾個同事一齊去吃飯，老闆娘知道我生日，特意送上壽星公擺盤，果一刻真係感動咗。點了一桌推薦的招牌菜，沒有一道讓人失望。口水雞，肉滑，獨門醬汁回味無窮，想外賣醬汁回家享用可惜老闆娘說是即時調配沒有外賣。招牌烤魚有驚喜，一大盤端上來所有人都驚呆了，我們點了江團，啖啖肉沒有骨，吃完魚還可以加寬粉索埋啲汁海鮮夠新鮮又有wok氣，茶皇蝦夠香口又唔覺油膩，豉椒炒蜆D蜆大隻到嚇死人，沙姜鮮魷好惹味。試了椒鹽粟米，之前大家都從來沒有吃過，很新穎意想不到的夾啫啫鐵板芥蘭也是心吃推芥飯後甜品叫了沙律鮮蝦雜果和拔絲蘋果和香蕉，沒有想到拔絲系列這樣受歡迎，大家已經很飽了但是甜品一上來又一扫而空。很满足的一餐，和一班同事一起来是一个正确的决定。

老闆娘超好人，一入去就點左幾味大㕑師推介，菜式有驚喜，大酒樓級水準，親民價錢。推介大家去試下。 最愛胡椒豬肚雞&烤魚，識食一定揀江豚，出面食來食去都係鯇魚同多寶魚，這種江豚就係少見，雖然都係淡水魚，入口冇泥味，又滑又野味，唔似鯇魚咁煮耐d就老晒。記得加埋寬粉👍🏻👍🏻👍🏻口感彈牙，同一般薯粉唔同，大大條，老婆大人話吸晒d湯汁，超好味。 甜品竟然有拔絲香蕉（唔係時時有嫁）,估唔到咁都畀我遇上，同時回憶，加晒分。

富和哩個舖頭, 都唔知轉咗幾多手, 而我一次都未幫襯過, 今次幫襯全因門口寫住"宵夜"兩字而被吸引, 當時成晚上十點幾, 去到葉記又無開, 楚撚記又突然早收工, 經過富和見佢未收工, 咪走入去幫襯.點咗個魚香茄子煲, 椒鹽魷魚鬚同京都骨.魚香茄子煲 : 魚香比想像中強, 魚香撲鼻但又好奇怪食唔到咸魚喎, 份量無偷工減料, 中意食蔥嘅我如果有蔥就更好.椒鹽魷魚鬚 : 炸槳頗薄, 所以炸出嚟特別脆口, 比一般餐廳大排檔更香脆, 魷魚鬚亦新鮮彈牙, 推介!京都骨 : 味道偏甜排骨夠juicy, 可惜份量少咗D!另外叫咗杯凍菜密, 味道極淡要改善.餐廳轉咗咁多手緊有D原因, 我嘗試用風水角度睇吓搵唔搵到原因, 左望望右昅昅, 見到有D問題, 記然有緣遇到老板娘咪俾吓見意囉, 祝佢生意興隆啦! (^_^)v

一大班同朝諗下係土瓜灣周圍覓食，見到呢間飯店門口寫有雞煲同酸菜魚，同事話好耐無食過雞煲，所以就決定入去試下~脆皮豬手，個皮好脆，加埋個秘製芥末沙律醬，好好食~之後叫左個酸菜魚，奶白色魚湯係新鮮用魚肉滾起，好鮮味，不過略嫌條魚唔夠入味~打完條魚，仲可以加料打邊爐，正~食完酸菜魚，想試埋水煮魚，個人覺得水煮魚更加好食，啲雲耳粉絲好入味最後嗌左個炒麵，加埋甜醬一齊食，正有同事話胡椒豬肚酸菜魚仲好食，下次會再黎幫襯試下，以呢個價錢黎講，其實真係又好味又抵食~

今晚一個人享用的晚膳，本身不知食什麼好，因為自己所住的土瓜灣已很多店舖都食過，行過這見到一間開了不久的食店，便進去試新野，這「富和」的門口真的很簡單，可能正因街坊店舖內裏的裝修感覺像茶餐廳多一點，但也很舒服這叫了一個酸菜生魚片湯飯，上到枱的時間，看見份量也很十足，食落的感覺魚片很新鮮彈牙及魚的味道感覺良好，但可惜酸菜味不夠濃，比較淡口，這也明白，如果太酸的話可能會蓋過魚片的鮮味，所以整體來也算不錯連同一杯凍飲也只需消費$60的價錢，這絕對算是貼地的街坊價

一行6人出土瓜灣揾食，夜晚9點幾土瓜灣變身半個不夜城，不乏掃街小食，但要揾間坐得耐，可以同一理朋友吹下水，又好食既就唔易喇~好肚餓既大家最後入咗富和，富和裝潢的確冇咩特別，係一般餐廳既裝潢，但勝咗十分有親切感！

土瓜灣一向是一個美食小店之地, 好食抵食嘅餐廳不計其數, 今日行開土瓜灣見到有一間新開啲茶記, 入去一試, 可作飯堂。例水 - 無乜味, 但唔係翻煲溝水無味, 係無落到師傅同唔夠料煲個湯頭, 一般良心小店都係咁做嘅啦, 唔想加咁多味精廢事食壞人就將個例湯煲到好浠唔夠味, 好唔好就見人見致, 但對食客嚟講係健康嘅。酸菜魚片飯 - 依個不得了, 係個湯頭好飲, 好甜, 佢唔係偏辣嘅酸菜魚, 係偏酸嘅, 除咗個湯頭好甜之外飲完佢完全無涸喉, 明顯係真材實料煲出嚟, 同酸菜都係靚貨, 好食, 魚片就滑得嚟又脆口, 但略縑多骨, 但河魚係咁, 無計, 跟餐有凍飲同白飯, 個白飯分量好多下, 好諗最少有成兩碗分量, 抵食。鐵板茄子牛仔骨 - 一上枱會發覺佢個鐵板做得比好多坊間嘅港式排房做得更好, 鐵板夠熱, 係好熱, 啲汁維持咗好持都係 "炸炸"聲嘅, 牛仔骨做得嫩滑香口, 茄子更加係一絶, 淋身吸咗啲牛肉汁更為滋味, 好吃。大大杯餐飲 - 跟餐杯凍飲係大大杯嘅。埋單146, 但我哋係order一個小菜, 一個午餐, 食物質數有保證, 件頭大, 係抵食好食嘅, 值得再嚟。