家樂茶餐廳

營業中

休息中

又黎到午餐搵食嘅時間 觀塘午餐搵個位真係好鬼食死難 行行下見到有人上樓 原來係間餐廳 有啲懷舊快餐廳feel 佢有set Lunch 價錢都算低食 但咁岩佢餐牌有我想食嘅叉燒炒蛋飯 所以決定試下 就算唔係set lunch 佢上菜速度都快 份量亦都唔少 叉燒幾林 口感唔錯 蛋炒得幾香 總括黎講都唔錯 打工仔想食個快嘅lunch 可以一試

有時候午飯想到毫無頭緖時就選擇公司附近的茶記！貪其方便快捷。時間為下午二點多，食客也算是多約六至七成坐滿。而店舖只有一邊是卡座無需要與其他人搭枱！是日午餐有星洲炒河跟飲品$40星洲炒河原來是炒貴刁！賣相不俗，睇色水都夠咖哩份量算多.....河粉夠滑流！味道也足夠的！而且夠鑊氣...（炒粉麵最重要既靈魂之一)唯一敗筆就是蝦雪藏味太重了！吃了一隻就吾食了！我情願要多一點河粉。咖啡奶茶沒有甚麼特別！甜度自己調校。所以在下也不會評論。環境就是茶餐廳格局...坐也算是舒適，服務也見快捷。

我有一鋪奶茶癮， 呢鋪癮發作起上嚟唔係講笑， 流口水、流鼻涕就不在話下，有時仲會手腳無力、雙腿發軟、兩眼反白，唔單止係揸住支筆都冇力、仲會行路打倒褪，呢種辛苦程度仲慘過行街嘅時候香港腳發作， 大家可想而知我鋪奶茶癮有幾嚴重。因為小弟喺政府部門工作，而且部門敏感，所以不得將背景模糊化去。我呢杯外賣嘅凍奶茶，其實大半杯都係冰而且 舊舊冰都好大好硬，咁即係話其實奶茶得好少，奶茶雖然少不過味道都好正，奶茶味好香、好純、好厚、好滑、好夠甜、好夠奶， 總之係集好多好處於一身嘅一杯好奶茶。真係好一杯奶茶。

經過啡白色的紙皮石唐樓樓梯，正綠色加深紅色的膠板燈箱招牌，在門前一道大紅磚上，配色像極一間廟宇，不是CAPTV之友極加推介次平靚正之選，還真的會錯過。位於閣樓的舊式工廠飯堂，比一般處於地庫沒有窗戶的觀塘工廠飯堂，溫暖的陽光能透過旁邊的窗透進來，多了一份開陽感舒泰。晚上七點就關門，不做晚市。下午茶兩點就開始，十來二十塊就有一個下午茶餐，而且選擇很多，午餐也會減價到二字頭，碟頭粉麵飯均敬送飲品，價錢非常親民。生炸雞脾元紅豆冰都是二十來元，即叫即炸，沒有裹粉，傳統茶檔之味。台式的手抓餅是少見之選，$15已包飲品，輕食之選。夾有芝士，還可自選一款配料(腿、蛋、腸、漢堡扒那些港味配料)。熱狗配春卷，熱狗包賣相是有點醜，但內涵是有的。紅豆冰豆有點硬，奶味也比較淡。老細和伙記們活力醒目，精神！

突然之間成為觀塘友，午飯時間真係R爆頭，以為工厦區好平，點知間間都要四，五十蚊一個午餐。1點鐘跟住啲人羣行，突然有幾個人轉角上樓，原來有間快餐，見門口有人排緊隊，梗係即刻上去試一試佢啦。特登叫左少飯，都有差不多一碗飯嘅份量。 鹹魚比一隻湯匙大少少，肉餅大過一隻手掌。 味道雖然偏鹹，但係撈埋飯一齊食就真係一絕，味道剛剛好。 飯不算太軟，因為爛飯真係比較難入口。 奶茶嘅奶味重啲，不算太滑。整體而言，性價比極高。

🐣咕嚕雞球飯🐣我同同事都覺得好麻麻 粉又淋又厚 雞好梅 似魚但呢到既乾炒牛河同鴛鴦炆米都好好食 都係$3x價錢又抵 快餐仲包飲品 又勁大份飯多到男人都食唔哂 ok架✌🏻

做完嘢未食lunch，去咗呢間tea一tea佢。唔好睇少呢間樓上店，即使係下午茶時段都有唔少人幫襯。我早餐仲未落格，一時諗唔到食乜，其他都已經揀炸雞脾、西多雞翼，我睇睇下餐牌，見到有蘿白榚，就呢樣！無令我失望，即整，好熱口，佢唔多粉，都係蘿白絲，點佢個辣醬好正，成件再提升多8度。不過真係要趁熱，耐咗啲油出左嚟，無咁好食。同事叫左腸仔薯條豬扒包，上枱我地忍唔住嘩然，真係好大份，都係26元！薯條仲要係粗薯，炸得好脆！紅豆冰就麻麻啦，淡奶份量稀左啲，扣小小分。下午茶可以點早餐，都係加2元。

現炒乾炒牛河自動配埋一碟仔潮州辣醬，好耐無見過啦。相信係預制然後落鑊炒番，但係比起連鎖快餐店，中央廚房炒完車去零售番炒黎講，係已經要好好多倍。加杯熱菜密解番熱氣，啱啱好。午市３８確係抵食。當然，碎翁之意不在酒。

又係星期六嘅時候啦，返半就，咁梗係柴娃娃去食個早餐先啦，嚟到呢度上次提過嘅平民餐廳食個早餐。除咗有一般嘅唔使食早餐之外仲會有中式嘅早餐真係粥呀或者炒麵等等不過我哋都係揀返最想食嘅西式早餐西式早餐見到好似有四個餐可以揀咁，但係原來嗰四個餐諗到嘅都可以自由配搭。好似我揀咗個A餐本身係沙嗲牛肉麵，你除咗可以將個面轉成通粉或者米粉之外亦都可以將沙嗲牛肉轉做榨菜肉絲或者雪菜肉絲等等嘅配料，好百搭。講到味道都係好大眾化嘅味道 ，特別好食嘅有佢個豬扒麵。同事話食到個豬扒，有d咖喱味，食落去又唔會太韌，係經過醃制嘅 有心思。仲有個炒蛋，你除咗可以揀煎蛋或者反蛋之外，個火腿亦都可以轉為午餐肉。至於炒蛋嘅味道來講唔係嗰啲冰室好滑嘅炒蛋，係傳統嘅炒蛋反而唔會加咁多其他嘢落去炒。26蚊跟熱飯，比正常價錢差不多，但份量都好足，勝價比高。

午餐荷包有限，見到食評話呢到夠平，就嚟睇下試一試拒。中午一點半嚟到，人山人海，條隊要排到落樓下，心諗有無甘誇張。好彩要等嘅時間唔算好耐，d人通常都係快食快走型。等左5分鐘左右就上到去。仲要讚下就係呢到d姐姐好識做，一個人坐喺張大枱到，識得叫拒地幫忙調一調，甘就會快d有位坐。快餐有幾個，35蚊，仲有個湯，如果要飲嘢就加幾蚊，都還可以。叫左個餐嘅快餐沙嗲肉片炒河，即叫即炒，份量大，味道係茶餐廳水準，不錯。叫左個散餐芙蓉蛋飯，有叉燒有火腿仲有芽菜，外邊煎到金黃香口，入面卻有蛋汁，功藝好好，味道不錯，份量又夠。適日有d感冒，個鼻塞左，朋友建議叫熱檸樂煲薑，估唔到真係有得叫，跟餐加5蚊，夠辣夠薑。以今時今日嘅環境嚟講，觀塘工業區，35蚊有甘嘅質素確實唔錯。

明哥的良心餐廳響負盛名，無人不知。其實除左明哥之外，仲有好多良心嘅餐廳。良心的意思在我而言係一d嚟依家呢個百物騰貴的時間，為大家喺食物上減輕負擔。呢到我第一次嚟，平時完全唔起眼，要上十幾級樓梯先可以行到上去，講真，行上去感覺都挺骯髒的，我一上去感覺不太好，但同事極力推薦，無得唔去。打開對門之後，四四方方的環境，感覺寬敞，幾位服務員已經大聲的說:坐喇，坐喇，呢到有位置，感覺親切。午餐和下午餐餐有6.7樣，都是一些快餐，下午茶價錢還便宜4蚊，31蚊有交易。份量係大碟到雲，送好足，樣子靚靚仔仔，至於味道都是不錯的，茶餐廳應有的水準。最值得要提的係15蚊的下午茶。係！係15蚊！5粒燒賣加一隻炸雞翼仲有一杯飲品。平過去普通茶記叫杯凍檸茶。味道係正常水準，起碼係熱辣辣即整。勝價比超高。還有就係17蚊的手抓餅，講真對唔太肚餓嘅我嚟講，食一件再有埋杯嘢飲，無嘢講。仲有係個味道幾好，雖則個餅皮唔及出面鬆軟，但味道幾好，再加埋咸牛肉同片芝士，嬴唒。味道雖稱不上必食推薦，但係在服務，價錢，質素嚟講，係絕對值得推薦。你嘅良心，我地係感覺到嘅，加油！

迎期...忙不透氣...連lunch都唔得閒出去食...唯有日日叫外賣...一向都覺得家樂係觀塘工廠區既外賣店中係最好既一間今次我就試左魚香茄子飯.一打開個飯... 滿滿的...份量多... 好重既鹹魚味而茄子亦好'林' 非常惹味, 送飯一流鹹魚大大粒... 仲要好多舊... 正!下年茶時間叫飯會送一杯飲品..好低食

今日無帶飯 又落大雨 所以決定叫外賣家樂係觀塘區我覺得味道最好食既一間外賣店。午餐每日都有5-6款憶人簡另外，下午茶開始 叫所有飯盒唔洗加錢可以加一杯熱飲 好低食今日我叫左差燒炒蛋飯！超愛佢d蛋唔會炒到太過熟 仲有佢個醬油 配埋一齊送飯一流！

現在的觀塘已經由新式商業大廈和舊式工業大廈所組成，有很多經濟實惠的食堂都是隱藏在舊式工業大廈裡面。好像今天和同事一起會食午飯的家樂快餐食堂便是其中之一。如果不是之前同事帶路，想信一般人很難找到。論地方，這食堂絕對是非常一般，論食物，也是非常一般，但論價錢，絕對係抵。一入門口的白版，每天都很清楚寫了當日的午市快餐，例湯係乜嘢湯。本人點了B 餐叉粒腸粒菜粒炒飯和例湯，當日的例湯是本人最喜愛的金銀菜煲豬肺湯。呢一類食堂的特色是個例湯好足料，無乜味精，好大碗，味濃，煲豬肺湯好花工夫，要用好多時間洗乾淨個豬肺。反而呢個炒飯真係無乜特別，叉燒粒、腸粒和菜粒同埋飯炒埋一堆，而且個飯炒到好乾、好硬，如果唔係有個例湯潤一潤，都幾難食完碟飯。總括黎講都係一個抵字，三十蚊可以有碟飯加個例湯，算係經濟實惠。

因為一件不太如意的事，我在平日的中午，take 了一個 long lunch，來觀塘處理一件事。亦因為是時正中午，吃亦是一個必然的節目。一個人，隨隨便便就可以了，隨便地，就找了一間看似又平又靚的上樓工廠飯堂，而是日的我追求的是快而不是味道。這一個《家樂快餐食堂》是路上點指兵兵是點上的。看見不少藍領白領男士，一窩蜂，一大班人的走上去，深知這一個是非常佬的飯堂，而生意好亦是味道有保證的地方。更好的是，我一個人，好容易就攝到位，叫下一個快餐，亦名符其實，轉過頭就奶茶飯餐齊上，令我感覺到，快是這兒的特色，快亦是吸引客人之處。快快食，肉餅飯就是最快入口最快消化的食品。所以快餐上的土魷肉餅飯，自然地成為了我既選擇。味道上，就只可以說是普通，而土魷味道非常之重，蓋過肉味，雖沒有鮮甜肉汁，但以重、濃、香的土魷味搭夠。不能說好，不能說差，但這速度，能令食客於15分鐘內完事，的確是速食的表表者。