家家樂魚蛋麵

營業中

休息中

是夜路經此店，就入去試吓第一次啦叫咗碗牛腩豬潤河 $48牛筋 - 炆得爽腍適中，好咬口👍🏻牛腩 - 一般豬潤 - 十分好味👍🏻😋河粉 - 是比較厚身的那種辣椒油 - 好味👍🏻熱奶茶 - 茶底濃，而且用不鏽鋼杯，可以保溫👍🏻餐牌裏的選擇都幾多，除咗粉麵，仲有飯類和粥品，任君選擇。本人認為此店性價比高，建議幫襯。而且店內的阿姨(忘記了是否短頭髮的🤔)對客態度非常好，很有禮貌和細心！所以本人亦會因為她的服務和食物質素而再幫襯此店~😊

去中央圖書館做展覽義工路過想搵野食，見超牌簡單街坊feel, 隨便walk in 入去試吓，下午茶時間送飲品，碗麵份量足之餘仲好食，牛筋腩好淋好入味，一間值得推介大家幫襯的小店！

今日去完中央圖書館，去shopping前搵簡單午餐，行到聖保祿附近有幾間，最後選擇了哩間老餅粥麵店。入去黑麻麻，座位吾多而且窄，傳統小店作風，好在啊姐招呼幾好，搵位改單毫無問題，遇著兩台英文客亦耐心聽同搵其他客人幫，小店與客人都比較有人情味。肉丸魚丸粥($47)4分—肉丸魚丸都比較大粒－肉丸好似吾系平時買的免治肉，幾彈口，裡面好似加左d東菜之類的東西，幾好味－魚肉丸正常－粥低就好似屋企煲咁，吾會見吾到米豬手豬肚麵（$46）3分－豬手好淋又吾咸，－豬肚食落好似新鮮，但薄的比較靱－麵就正常菜心(+10)2分－菜心真系好老，同時祿得太長時間啦銅鑼灣咁價錢，no complaint。

位在中央圖書館旁邊，平時生意都幾好👍，吃了好多年，是不下廚的日子，最常來用餐的店。主要是粥麵粉的傳統美食，足料現滾粥品，物有所值！尤其各位一定要試試看家家樂的鮮蝦🍤雲吞，是師傅每天現包現煮，大大粒料靓實在，好好味。牛筋牛腩也是一絕，配飯麵米粉都非常美味！還有我最喜歡師傅煮的豬潤，應該是我在香港吃過最好吃😋的，熟而不硬，處理的非常好👍，另外可以加10元多點一份青菜🥬，就是均衡美味健康的一餐！

鮮蝦雲吞拼牛丸米 加紫菜 $43今日好凍想食熱野就黎左呢間食魚蛋麵，鋪頭細細，不過好快就有位，期間keep住有人黎叫外賣，仲聽到腸粉好快賣晒！今次叫左鮮蝦雲吞拼牛丸雙加紫菜，牛丸大大粒好彈牙，鮮蝦雲吞每粒都有兩粒鮮蝦，不過個皮就厚左啲，個紫菜得一筷子到，份量較少。另外個辣椒油超辣，半匙已經食流鼻涕，唔食得辣就唔好落太多😂😂見到好多人都有叫佢地既皮蛋瘦肉粥同豬手飯，望落都幾大碗抵食，姐姐服務都好好👍

今日年三十，在銅鑼灣經過家家樂魚蛋麵，便入去醫肚。今次本想試試這店的雲吞麵，但最終都係揀回柱侯牛筋腩幼麵。因為印象深刻這店的牛腩汁很濃郁很香，而且牛筋腩夠焾及夠入味，麵質非常爽口彈牙，好有口感。粉麵餐跟凍飲也只是$38今次叫了凍奶茶，奶茶夠凍很有茶味，水準不錯，值得再次光顧

誠意推介性價比高嘅傳統粥粉麵店。啱啱搬到附近住，所以淨係食過幾款食物，第一推介嘅係咖哩牛筋腩，絕非好似好多鋪頭咁係咁依淋啲咖哩汁上去果隻，好入味，唔會太大嚿，亦唔會碎碎濕濕。另外，水餃亦係一絕，大大隻，用料充足，蝦爽口，配搭木耳同埋筍絲，口感認真一流。買撈麵送嘅湯亦好好味。個人喜好，我鍾意食咖哩牛筋腩撈粗加水餃，堅！無呃你！真係無輪得輸！亦食過佢嘅粥，相對上述食物稍為遜色，但都好綿好滑，亦略嫌細碗咗啲。

常常經過這家小小的餐廳，今天終於有些時間嘗它的味道。叫了沙爹牛肚飯和凍奶茶。沙爹牛肚和飯是分開的，第一口吃進去便感覺到家的味道，牛肚好易入口，而且吸滿了沙爹汁十分十分美味，份量好足夠餸飯。凍奶茶也驚喜地奶味和茶味剛好，而且滑口，很有質素。價錢十分便宜。

嚟咗銅鑼灣做嘢，午飯時間去咗呢間位於銅鑼灣道嘅《家家樂魚蛋麵》食晏。鋪頭面積細細，坐滿客，有各種粥、粉、麵、飯，都算幾多選擇。點咗個咖喱牛筋腩飯 (多飯)，配凍檸茶，一共$46。咖喱牛筋腩同飯係分開裝，多飯果然夠大碟，牛筋腩滿滿一碗，個咖喱汁都幾香口惹味，牛筋腩都有好多塊，而且炆得夠腍，十分好送飯。檸檬茶嘅檸檬味同茶味都夠。呢度雖然鋪仔細細，坐得逼啲，不過食物味道唔錯，而且價錢實惠，絕對係銅鑼灣區一個唔錯嘅選擇。

叫了牛腩魚皮餃粗湯麵，非busy時段，也等了十多分钟，好奇怪。原來用心去準備。粗麵軟硬適中，牛腩入味易咬，驚喜系魚皮餃，好大粒，近年好吃的麵食，吾好坐，但食物有質素，加凍飲45hkd, 会再去。

響附近做野。唔太想食太飽就諗住食面或者粥。見到呢間家家樂有套餐，$34 有幾款粥可以㨂，仲可以㨂腸粉/油菜。響銅鑼灣區算好抵食。腸粉嗰度，侍應會問你要啲咩醬！之後會幫你落晒先至送來枱面。好彩啲醬都夠多。因為我真係好鍾意腸粉多醬，仲酚芝麻添！而呢度既腸粉亦都好滑。到底真正嘅艇仔粥係有啲咩料嘅呢？平時食開嘅多數都有碎牛、豬皮、魷魚。間中亦都試過有魚。今次食嘅呢個有生菜底、瘦肉、魚片頭嘅魚片。呢個食法都係第一次食。

在铜锣湾短短的几天来这里吃了两次 牛腩面肉香汤鲜 鱼蛋面里鱼蛋和鱼糕都很Q弹 面总体上很清淡 价格也很实惠 下次来铜锣湾还会去 店面小容易错过但真的值得一去 饭点非常火爆 推荐

家家樂魚蛋麵是港式粉麵舖，以優質雲吞自居。用膳環境除擠迫外，衛生情況一般，尤其餐具衛生有很大改善空間。這客菜肉雲吞撈，麵量十足，口感較實欠彈。菜肉雲吞菜量相對多，味道一般。鮮蝦雲吞爽口感達標，但味道偏淡，不太欣賞。

而家食餐飯通常都要四十幾！呢間位於銅鑼灣嘅食店，算系高質平價食店👍南乳豬手炆得好香，又夠'淋'🙂豬手入味！加上豬手汁送飯，真系巧巧食😋雖然有d油，但味道值得一讚~~飯嘅份量都算好多，所以食到好飽😁

呢幾日係st pauls渡假, canteen D野食又難食到死, 偷走出去食又唔可以遠, 驚醫生突然黎巡房st pauls樓下食肆好少, 得豐竹茶餐廳, 大快活, M記... 快餐我一向唔多食, 咁check in果日見到有檔魚蛋粉, 咁近近地咪去食, 入到去環境衛生都非常一般, 燈光暗暗咁, 裝修好舊, 廚房個地下坑污渠上面好多食物渣滓比人感覺都好污糟下, 當時得我一個堂食, 我叫左碗蛋河, 等緊既時侯眼尾突然有生物快速經過, 係一隻大型黑色強哥, 話口未完個瘦瘦既阿叔已經一腳踩死左, 仲要"線"住咁踢走去後門, 我最怕小強, 呢一幕已經睇到我眼都突, 即刻望下周圍有冇其他強哥, 都未夠10秒, 個阿叔又係放外賣紙皮果個'駁'位到踩1左一腳(我睇唔到佢踩中D乜..但應該痴實左係佢鞋底), 之後佢利用個"駁"刮返果條屍出黎... 成個過程真係令我好反胃之後講返碗蛋河, 河粉唔碎唔會好林幾好, 魚片夠爽口都唔錯, 但魚蛋就差D喇, 好似空氣丸咁咬落去冇咬口, 而且好似有腥味, 不過19蚊真係好抵, 食左半碗我就走左喇, 最後要去M記買個魚柳包..