家家樂快餐店

營業中

休息中

應該一早睇咗食評先，咁就唔會食到咁難食嘅飯。仲要不是一般的難食！今日一班同叫一齊叫，諗住試試佢，然後……先唔講由落單到送到黎用咗個半鐘，價錢等，純粹講食物嘅味道。叫咗個焗豬扒飯，諗住應該都安全，點知……焗豬扒飯，啲豬扒有味嘅，但極咸，唯一有嘅係知塊豬扒有醃過🙃。個飯應該係煲燶咗，雖然佢係炒飯底，但完全冇炒飯味，蛋味都冇，得燶味。同埋，唔理解蕃茄焗豬扒飯點解會有薑？我個飯都算好，其他同事嘅飯，比你所想嘅更惡劣。如果係呢啲水準，其實可以執得。希望你地唔係食緊嘅時候睇呢度嘅食評🥲。

我未試過食外賣食到咁嬲我打完電話叫外賣 隔咗半個鐘佢打嚟問返我頭先嗌咗d野 話自己頭先冇寫底 WTF再等咗半個鐘 等得耐都算送到嚟一打開盒豉椒排骨炒河有陣騷味衝出嚟 成盒野一d豉椒味都冇排骨仲要有陣雪味+豬騷味仲要唔知係邊度有陣苦瓜味飄出嚟！完全擺唔到入口我真係未食過咁難食既炒河！！！！我有想像過佢唔好食 但我完全想像唔到佢可以難食成咁！！講真 我覺得唔識煮真係唔好勉強開間咁既野 炒埋d咁既河嚟為難人個良心唔痛咩真係？！

同男朋友都係學生星期六夜晚11點過到嚟廟街搵嘢食呢間算係平而且好食價錢：乾炒牛河$44炸雞髀$25凍檸茶$9- 比起附近啲大排檔兩個人食$77算係咁啦份量&味道：乾炒牛河係用普通發泡膠飯盒裝滿即刻攞上手會被多出嚟嘅河粉熱親我地大熱天時堂食 唔會覺得太熱 而係覺得好有鑊氣👍🏻👍🏻唯一美中不足嘅係 冇乜芽菜 食落冇乜口感同埋啲牛肉唔入味 炸雞髀🍗個皮燶少少 但層炸粉好薄肉相對柴啲但絕對係經典茶記炸髀味道而且唔會好似韓式炸雞咁食皮個陣食到一啖啖脂肪

今日公司同事一齊叫外賣，咁啱尋日派咗呢間嘅傳單就打算一齊試下，點知伏到爆炸，叫咗9個飯盒，等咗一個鐘都未送到過嚟，打電話去問，都未講完就Cut我線，好了，等咗個幾鐘送到嚟了，麻辣回鍋肉飯，係罐頭回鍋肉，四寶飯個咸蛋係無蛋黃嘅，燒肉全肥嘅，兩片染色叉燒，其他幾個飯盒就唔使講了，一樣咁精彩，真係未食過咁難食嘅「快餐」

The shame of Hong Kong!!!!真係誇張到好好好好好好食我真係嘗試過比我隻狗食唔係講笑隻狗係so都唔so下本人係好多年既熟客仔一次半次失手真係可以接受但今次絕對失望打去好聲好氣同佢講 未講完就cut線第二次打去 態度惡劣都不得了！叫個黑椒雞扒飯竟然同我講個黑椒雞扒飯係蒸既豆豉/面鼓蒸雞扒當黑椒雞扒？鴨脾湯仲要係苦㗎！你估你啲野平呀？唔好以為熟客仔就會時時將就你返工辛辛苦苦叫個外賣快餐你比啲咁既野人食？仲要咁既態度？我upload咗張相，我好想叫老闆食俾我睇

超驚喜！！54蚊既雞髀薯條，居然係黑物質做架，仲有同薯蓉一樣既薯條！！簡直驚多過喜！！差到笑出尼！雖然你係快餐,但係都有返少少食物嘅質素好無，我都係想正正常常食個午餐姐。

夜晚係外賣app見到 初頭見到食評都有d猶豫 但唸住試一次無妨 點知結果有驚喜 食物好有獲氣 亦都有住家飯既味 叫左個青瓜雞球飯 d汁好掂 撈飯一流如果下次叫 會轉肉片 因為今日又叫左四季豆肉片飯 覺得肉片更出色 而四季豆個味就淡左d無咩味 日式炒烏冬有上海粗炒既味道 食料幾新鮮 仲有炸雞翼都好味好香口 呢間我覺得係得既 會繼續幫襯 我希望三送飯可以有多d選擇

食物味道一般,份量極少,叫過多次每次叫多飯!打電話去叫多飯都比小飯!$78元一盒三送飯連小食女仔吃不飽的份量!雞扒豬扒2隻手指大小各1塊,飯三個手指合上份量!多飯去左邊??涼瓜炒蛋1隻蛋像剩炒涼瓜加蛋汁!

難食到嘔 叫左個海鮮炒飯 同奶油多 ，點知一打開炒飯已經有燒焦味 點知食落口都係全部都係燒焦既味道 開頭諗住佢部份燒焦左 其他都食得啦 ，係飯既每一個角落都係無一個位食得落肚 d飯又濕又爛 ，一堆垃圾咁 我放落口之後感覺就好似係臭溝拎d野食放落個口裡面 等左成半個鐘 諗住終於有得食 點知到頭黎 得到d垃圾食物 點解佢地炒到焦曬都可以送外賣 比人食 唔係諗住叫外賣就話你唔到 側側博呀！ 我真係未食過咁難食既炒飯 我唔需要打比你換個比我 因為我知道如果正常既食店 見到咁樣 就唔會出比客人 所以我唔會再食呢間家家樂 只希望其他人都唔好中伏啦~完

The shop is situating at a very convenience place in Jordan just about 2 minutes from Jordan MTR and next to Sa Sa.  I ordered a oyster soup with rice and the food delivered to me within 5 minutes, tastes very good that I guess its cooked by a first class restaurant.  Thanks to the chef.