家嫂

營業中

休息中

個老闆完全係非常有生意頭腦的人，如果係著重打卡，眼睛食先，對食物，環境，服務毫無要求嘅人，這地方是完全合適，因為食物器皿一流特別，食物質素卻剛剛相反，完全是物不所值大人細路同價，除左小食同雪條係啱小朋友口味，其他都無乜食物質素非常一般，以這價錢完全是有很多質素高的選擇，根本稱不上放題，只能說4小時內手快有手慢無火鍋任食，預設食物飲品，唔好妄想可以追加幾多，廚房有就有，無就無，飲品亦得你眼見嘅供應量反而小食蝦多士果啲差不多係自動自覺添加上枱，等你食小食飲糖精飲品飽左半後，先上正餐，最正係7點半先有酒精類提供，仲要推車仔逐枱輪，選擇得3款，紅白酒，清酒，無啤酒，魚生食完上埋雞腳煲，等到夠鐘先派酒，果陣先有清酒你飲，你想加錢提早有酒飲都唔得，問你死未，你等得就等，9點幾就開始執野未食完都係咁執簡值係另類「放題」，咁嘅價錢，咁嘅質素，唔會再幫襯，請都唔會再去

首先唔好講食物，淨係講個服務態度差到離晒大譜，所謂嘅刺身船爭鮮都好過佢，開頭就話有海膽，就算冇海膽都會有魚子醬，點知魚子醬乜叉都冇變咗一隻長腳蟹蟹腳七個人分，問佢咩準則話喺公司規矩，佢話廚師鍾意比咩就比咩，唔通廚師話冇海鮮我都要照單全收，仲要漏單又話海鮮任食，其實食得一輪，咁樣欺騙消費者！仲要收咁嘅價錢，香港嘅飲食業，真係比呢啲食肆玩死，唔怪之得啲港人要北上消費，咁樣嘅服務態度加速佢執笠嘅速度🫠

之前去過尖沙咀「家嫂」，朋友話旺角開咗一間好近地鐵站的「家嫂」。同「家嫂」其他店裝修一模一樣。自助醬料吧。自助飲品。中午$298一個人，相對比較便宜。刺身有七款，質素不錯，新鮮。例牌雞煲，不過不失。粉絲蒸扇貝燕窩蛋白燉椰皇係驚喜，非常好食。星期日中午去，客人不多，入座只有四成左右，雖然侍應只有三個，但都非常之熱情，會主動幫忙影相。中午可以由11點食到4點，時間非常充足，價錢不算貴，雖然食物變化不大，但能夠滿足「花心」的香港人。

前菜，尤其刺身十分甜美，值得一讚！雞煲尚可接受＇但到火鍋就係惡夢開始，第一次送嚟海鮮仍可接受，但牛肉D脂肪比例三分之二，啲菜偏苦，再加單要生蠔同蝦嚟到全舊冰嚟，嘢飲冇晒冇refill，以價錢來講都唔係平，人均去到$495！出面大把火鍋放題店以這個價位比佢好好多！

一行8人再嚟旺角家嫂，早幾年嚟過一次，由於遲咗訂位既關係😔所以只係淨番5點-7點時段，成人每位$348+10%，如果訂到7點時段，$418+10%，就可以食到10點😬勸大家好d訂位。齊人先嚟巨大刺身艇，係打咭位😂😂分量十足，每款都有8件，按人頭計算，有帶子、牡丹蝦、三文魚、鮮鮑魚、北寄貝、八爪魚，每款都鮮味十足😍😍再嚟小食，好出色既蝦多士，香脆口感，一食再食🤤仲有酸辣粉及翠玉瓜涼盤，味道唔馬虎🤓之後再嚟雞煲😝可以選擇辣度，雞煲入面有豬皮、蜆及冬菇，廚師好細心，將雞切到一小件，入味之餘，又易入口，值得一讚🫰🏼最後嚟火鍋湯底，入座已經揀咗火鍋湯底，有6款湯底比大家揀，清香椰子湯、漁民艇家鍋、花膠菌香湯鍋、酸菜魚湯鍋、牛味濃湯鍋及莞茜皮蛋湯鍋，選擇都幾多👍🏻我地就揀咗椰子湯，清甜既椰子湯，配上新鮮既海鮮🦐🐟鮮上加鮮😙仲有大量火鍋配料，魚片、貴妃蚌、蜆、手打丸、蠔、雲吞、水餃、牛肉、嚮鈴及蔬菜籃，如果唔夠食可以添加，包你食到飽😆😆最緊要係惜食😙飲品可自行到飲品櫃選擇，有少量罐裝飲品，仲有其他真空杯裝飲品既選擇，竟然有鴨屎香檸檬茶😵杞子茶、蘋果雪梨茶、薏米水、香橙特飲、百香果茶，花多眼亂😂睇得出

老友生日🎂，難得今年佢咁有主見，提議去旺角家嫂，book位重任就交比我，午巿時段無限時，若閣下有本事，真係可以到四點，非常適合吹水族，假日午巿人客唔多，坐得舒服😌飲品櫃🟡有多款自家制飲品，仲三款特式飲品💜，可找店員落單 小食🟠較突出係糍粑及蝦多士蒸扇貝(一次性)⚪️唔錯，起碼唔係五毫子size😅刺身拼盤(一次性)🔴具可觀性，質素亦屬中上，其中帶子大隻又鮮甜雞煲🟢真心進步咗好多，以前覺得佢嘅雞煲係一大敗筆，今次個醬汁夠香濃，雞亦入味海鮮🔵鮑魚隻隻識郁，超新鮮，唯一失望係冇🦀手工火鍋配料🟤食到呢part基本飽咗九成，個人較喜歡韭菜餃 午巿和晚巿基本上沒多大分別，只係冇咗老火湯鍋底及紅白酒任飲，今次要讚一下服務，係咪好奇呢😆以前嚟過幾次，服務態度不值一提，今次負責我地張枱及傳菜侍應，態度有禮👍🏻及做嘢勤快，同以前好大反差，可能換咗班人，壽星女👸食得好開心，無論食物及服務大家都感到好滿意❤️❤️❤️     

去深圳食火鍋，價錢又抵，食物種類又多，服務又好，難怪吸引咁多香港人北上消費，我自己也間中會去，經驗真心好的。不過，上星期幫襯過「家嫂」之後，感到很欣慰，原來香港仍有些如此用心優質的火鍋店。👍🏻👍🏻👍🏻在朋友介紹下，第一次幫襯「家嫂」，一行六位，與朋友慶祝生日。雖是星期五7點黄金時段也不算難Book(真替他們擔心😅)，先交5百留位費是必須的，也符合愛放飛機的香港文化🤭。取位時，店員見我手拿蛋糕，不用多言，已醒目地幫我接過並放好蛋糕。由於第一次幫襯唔識叫(大鄉里)，店員耐心地介紹那「家嫂輪盤🧿」，先是刺身大龍舟🛶(海胆，鮮鮑，八瓜魚，帶子，三款魚生，牡丹蝦，北寄貝)雖不可添加，但份量已經十足。之後幾款小食都很有水準，蝦多士encore咗幾次😋，警喜酸辣粉(有枝心型小辣油倒插在粉上，隨喜好落，好細心而且加添玩味)再來雞煲(點了少辣)，有蜆，有豬皮，雞切到一口細細粒，易食又入味，為咗留肚無再添食，但下次點都要再添，因真心好食。上正場火鍋了，湯底都有5~6款，招牌花膠湯要預訂(好似唔駛加錢)，我們點了椰子湯，清清甜甜配海鮮唔會失去鮮味，主角海鮮(海蝦，鮑魚新鮮到仲會郁😣)，還有肉蟹，魚片，鱔片，

第一次寫食評 ☹️同屋企人嚟食飯，明明開開心心，九個人，但係俾咗8份指定食物，其他都可以加。隔籬枱10個人，嚟咗兩盆海鮮，總共8份指定食物，都有加返兩份俾佢哋，但係對我哋－枱有老有嫰嘅就一路拖字訣，冇處理過我哋嘅要求。明明好開心都搞到好無奈。職員話每一盤都係set好咗，6個人嚟都係比4隻，咁我3個人嚟係咪都可以有4隻？如果佢哋一早講清楚大家會好啲。可惜我哋聽到隔籬枱提出要求，佢哋都有處理，但係對我哋就唔處理。佢哋解釋我哋嗌嘢食嘅時候，就係話想每人都試晒所有嘢食，之後就可以再加！咁我而家9個人嚟，只可以有8個人試晒所有嘢食，咁我係咪應該淨係比8個錢？

😁第一次食家嫂都係因為我生日朋友介紹來食放題，先提一提只有刺身只供應一盤😄其他都可以任食的😋 一坐低就有前菜任添😋笑左食前菜都飽因為真係好好食所以都會添，跟住有一盤刺生(只供應一盤)跟著就係雞煲，食到呢度飽到上心口了，所以我提議可以Skip雞煲唔好上或者唔需要食曬個雞煲，因為接住係任食海鮮，真係要留肚食任食海鮮呀～🤣🤣 但我來2次都失敗左留唔到肚食海鮮😄海鮮已經食唔到好多，感覺會有D蝕，而呢隻放題得一個價錢，但有分午市及夜市2個價錢😃

早就聽說家嫂好難book已經早咗一個星期預約一家人聚餐終於吃到了最喜歡前菜：蝦多士同酒煮花甲🤭🤭一定要再encore另外值得一題，就是海鮮拼盤非常之豪華新鮮當服務員枱出嚟，震撼到！！用嚟打卡都好特別有大部份海鮮都可以encore，味道新鮮不錯，wai食指數：🫶🏻🫶🏻🫶🏻🫶🏻-如果想食記得電話提早訂位

上完第一輪刺身仲有大半，啲侍應已經問我哋下一輪雞煲咩辣，叫我地夾起啲嘢佢放雞煲。雞煲未食完佢又問我哋仲要唔要，其實鍋入面仲有好多，好似每次未食完就催你快啲咁。食餐飯都要趕頭趕尾咁可唔可以等啲客食到差唔多先問又要客人自己幫佢地收碟 其實呢啲係咪應該係樓面工作？-食物質素普普通通 雞煲唔似雞煲刺身入面嘅蟹冇咩肉小食普通不算出色養生茶不錯唔甜剛剛好飯後甜品有番薯糖水都ok任飲酒點解要7:30開始但係6:45入座都有啲奇怪整體黎講就係普普通通

從來不寫評價的我，今次第一次，因為一肚子氣。服務態度惡劣，食野無自由，完全受控於他們，任食但不给人添加，說厨房没有貨，又說程序問題不可以添加，店員當客人好似乞丐甘，感覺很難受，簡直貼錢買難受。

呢間出名任食無限時，雖然價錢稍為貴少少，但真係物超所值,可以值得一班人聚會傾計1.小食，無任添加，味道真的不錯，我的推介:蝦多士2.魚生，一次性的,份量都可以，有人頭份量,剌身都幾新鮮,我當天有鮑魚，蟹,三文魚,帶子,油甘魚等等..3.雞煲，任食的，有辣度分別,你可以要求的,味道都唔錯架!!4.海鮮打邊爐，呢樣係任叫的,真心正到爆,蟹非常新鮮(有膏),鮑魚大件不錯，蝦都幾爽口，牛肉都幾靚,手打丸味道都不錯PS 飲品都幾多選擇,平時大眾化飲品之外,仲有紅白酒加日本清酒任飲，有多款😍自家製飲品,多不勝數整體真心唔差,下次有聚會我會推介朋友的

一班人聚舊最適合圍爐雞煲打邊爐！👧🏽平時食開另一間，勝在熟客仔有房有酒水，姐姐又好服務！今次由朋友介紹去試新野 🍲 身邊大多數食過既朋友都話好～真係要試過便知龍與鳳💓人多想包房，但下限為𝟭𝟴人，早到餐廳店員又話可以安排入房但會有其他細枱，又要夠鐘先可以入座，最後係門口等左半個鐘🫠未齊人可以先享用家嫂小食，冷盤熱食都有，特別推薦🦐松露蝦多士，飲品選擇超多🍹冷泡茶養生茶等任你選～終於見證到刺身船，超搶眼又有氣勢。刺身款式多又新鮮👍🏻個個都相機食先，另外單點一份新鮮象拔蚌$𝟮𝟲𝟴，值得一試❤️雞煲可以任添，不過整體一般，雞肉少骨頭多，試過就好了。邊爐就預先留左冬瓜盅，當然少不了海鮮、肥牛同其他配料。最後少不了甜品雪燕燉椰皇🥥味道清甜不太膩！家嫂仲有一個特別環節，八點後會有職員推住「酒車」周圍走，有紅酒、白酒等，免費任飲🥂家嫂餐牌價錢只有一個，價錢合理；刺身船的確加了不少分✨又有酒精飲品免費提供；不過餐廳內座位又些少擠擁，當晚就發生小意外，店員手捧既刺身船傾斜，冰塊當頭淋落客人身上🤧晚市無限時，最好提前訂座，最早𝟭𝟳𝟯𝟬入座；但𝟮𝟮𝟬𝟬一定要離座‼️店員清枱既速度比想像快，同埋唔好阻人收工😂

📍旺角 家嫂相信好多鍾意打邊爐嘅朋友都聽過家嫂呢一間餐廳，佢有幾間分店，今次我同朋友就嚟到呢間位於旺角嘅分店trytry佢啦。👏🏻٩(˃̶͈̀௰˂̶͈́)و家嫂最特別嘅就係佢會有好多唔同嘅小菜，例如蝦多士、鴨血等等，而且食完之後係可以無限加，個人最鍾意就係食佢嘅蝦多士，啱啱炸好非常香口香脆。👅除咗小食之外，出面都有飲品吧同甜品吧俾客人自己選擇，佢嘅飲品除咗罐裝之外，仲有養生茶選擇，擔心打邊爐嘅時候食得太肥嘅朋友，建議可以飲下佢嘅茶，有幾款有啲紅棗、桂花喺入邊，絕對足料。🫡食好小食之後就到佢其中一個重頭戲，就係刺身船🤍佢嘅刺身種類非常之多，而且都好新鮮，最重要嘅係打卡一流，啱啱上菜嘅時候有啲乾冰噴煙嘅效果，啱晒鍾意打卡嘅你同我。食完個刺身之後，就開始可以食雞煲，同埋打邊爐。佢嘅邊爐有好多唔同嘅海鮮可以選擇，而且佢嘅丸、配菜味道都好出色，加上食物嘅種類都好多，所以絕對唔使怕單調。😚٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱🐱CP值：🐱🐱🐱٩(˃̶͈̀௰˂̶͈́)و