影片
港鐵天后站 A2 出口, 步行約2分鐘
繼續閱讀
電話號碼
23326200
67906894 (WhatsApp)
開飯介紹
這日式鐵板燒餐廳供應不同價位的廚師發辦，價錢豐儉由人。餐廳裝潢結合西、日式風格，可眺望維港景色；若坐在吧檯更可近距離觀賞師傅製作菜式，增加視覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
影片
相片
香煎鵝肝伴自家制醬汁
野生生猛龍蝦
+6.5K
+148
食家推介
今晚黎左呢間可以望住維景嘅鐵板燒餐廳食飯，我哋坐係Bar枱前，可以望住大廚烹製食物。汁煮南非鮑魚已經切好左一小塊，入口好淋好入味。季節刺身三款廚師有介紹食邊款的先後次序，三款都好新鮮肥美，特別係油甘魚。金鎗魚腩手卷一啖入口啖啖金鎗魚腩碎，好滿足。海鮮茶碗蒸上枱熱辣辣，個蛋蒸到好滑🥰🥰燒龍蝦已經切好左一口的啖啖龍蝦肉，個調味做得剛剛好，如果想清新啲仲可以jit啲檸檬汁。香煎鵝肝伴自家制醬汁佢個鵝肝煎到外層有少少焦脆，入面仲好軟身juicy，調味剛剛好，唔使點個醋汁已經好好食，好肥美。日本宮崎和牛叫左五成熟，入口即溶，牛肉味又夠濃郁，可以夾埋食的配菜都好多，特別中意佢個Wasabi海帶，可以中和返個油膩感。西班牙黑毛豬估唔到呢個幾有驚喜，有肉汁得黎又好淋👍👍煙肉香蒜炒飯炒飯粒粒分明，加上個唔係死咸的煙肉，好食。炒什菜正常是日甜品抹茶布丁抹茶味都幾夠呢度環境幾好，食完個身都唔會有油煙味，職員服務態度都好好，特別係個大廚，會介紹每一款食材☺️☺️
繼續閱讀
無意間見到呢個午巿價惠，假期都用到，加埋一都只係三百零仲諗緊會唔會有伏，努力爬文有圖有真相，試完覺得非常滿意，服務真係100分不論係廚師定店員，食物方面係物超所值，本身諗住叫龍蝦鮑魚餐，點知老人家當天狀態麻麻，又唔想no show，所以今次小試牛刀，下次要再嚟食豪D！ ⚜️日式鐵板燒午市套餐 $280⚜️＝＝＝＝＝＝＝＝＝＝＝＝🥢季節前菜 - 合桃小女子⭐️⭐️⭐️⭐️合桃加上白芝麻香脆可口，魚仔軟腍好味。🥢南非鮑魚⭐️⭐️⭐️⭐️鮑魚切薄片易入口，口感軟熟老人家都容易食到，蘸旁邊嘅秘製明太子醬一齊食更見惹味。🥢香煎鵝肝伴自家制醬汁 (另加 $70)⭐️⭐️⭐️⭐️鵝肝外脆內軟，油脂非常豐富，厚度大約有1cm，好滿足好想再追加多件。🥢美國頂級牛肉⭐️⭐️⭐️⭐️揀咗5成熟厚切牛肉，入口即化，肉味重油脂香。🥢鹿兒島櫻花蝦炒飯⭐️⭐️⭐️⭐️黃金炒飯炒得好靚好乾身，每啖飯都食到炒香咗嘅櫻花蝦，好味。🥢麵豉湯⭐️⭐️⭐️夠熱辣香濃。🥢炒雜菜⭐️⭐️⭐️賣點係碟邊嘅秘製醬料，唔辣但咸香，配椰菜食一流。🥢是日精選甜品 - 冰粉⭐️⭐️⭐️口感似啫喱嫩滑爽口，加葡萄汁可以彌補冰粉嘅味道不足。 三人共消費 : $1185
繼續閱讀
呢間喺天后地鐵站超近嘅鐵板燒餐廳 「宴 鐵板燒」，真心推介！無論你係日料控定係想搵間高質餐廳去慶祝，呢度都絕對值得bookmark！我嗰晚試咗佢哋個 $880鐵板燒套餐（原價$1380），整體十幾道菜，由南非鮑魚、海膽、鵝肝、龍蝦到Miyazaki和牛都有！質素一流、配搭有驚喜，性價比超高。頭盤係南非鮑魚配蘿蔔，鮮味十足又唔鹹，蘿蔔炆得夠入味。刺身三點（嗰日係金槍魚、油甘魚、鯛魚）全部都厚切新鮮，配埋現磨wasabi，好有誠意。吞拿魚蔥卷同蒸蛋都好好味，尤其蒸蛋滑到好似布丁咁，啖啖海鮮味；吞拿魚包蔥絲一咬爆汁，幾有創意。主菜部份真係精彩：龍蝦即叫即劏即燒，鵝肝香滑唔膩，Miyazaki和牛入口即溶！龍蝦仲淋咗龍蝦膏上去，鮮甜彈牙；鵝肝配脆包加果醬，好驚喜；和牛三成熟處理得剛剛好，外脆內嫩，超滿足！配餐方面都交足功課：炒飯夠香粒粒分明，仲有味噌湯收尾；甜品嗰晚係黑糖蕨餅，唔會太甜，正！坐bar枱睇住師傅慢慢煎每一道菜，好療癒～ 服務都好貼心，成個用餐過程節奏舒適。如果你鍾意高質日式鐵板燒，又唔想破產，真心建議試下「宴 鐵板燒（天后）」，我自己食完都已經plan緊幾時再返轉頭！
繼續閱讀
嚟到天后呢幢大廈嘅頂層食鐵板燒感覺真係好正🌙 係天后望到成個維多利亞港嘅夜景好有高級感🏙️食材用料有質素之外師傅亦都好親民同友善❤️望住個海景嚟個約會真係好有儀式感啊🌊⭐️ 自家製醬汁煮南非鮑魚 🇿🇦鮑魚鮮味濃郁大根配上醬汁非常入味🥕⭐️ 季節刺身 3款 🍣用上金目鯛，池魚同埋右口魚🐟食得食得出白身魚嘅鮮甜口味好高質🥹⭐️ 金槍魚腩手卷 🍙金槍魚腩半溶帶油香😀配上鱈魚脆脆嘅口感更加鮮明🫔⭐️ 海鮮茶碗蒸 🥚茶碗蒸口感幼滑🍳配上絲絲嘅蟹肉滿滿清甜感🦀⭐️ 野生生猛龍蝦 🦞龍蝦用上龍蝦膏調製醬汁非常邪惡🤤師傅建議太過濃郁可以用檸檬汁調味增加清爽感 🍋⭐️ 香煎鵝肝伴自家製醬汁 🦆鵝肝油脂感好豐富好香😙 用蜜柑做配菜好有心思🍊 甜酸嘅感覺好平衡🧡⭐️ 日本宮崎和牛 🥩和牛脂肪比例啱啱好入口即溶🔥配上洋蔥嚟食唔會太過騷🧅⭐️ 煙肉香蒜炒飯 🥘飯粒夠曬粒粒分明🥰 配上煙肉碎增加了鹹香 🥓⭐️ 炒雜菜 🥬配上自家制蒜蓉🧄整體好香濃平衡返肉感啱啱好😝⭐️ 季節吸物 🍲味噌湯特別用上魚肉去煲🐠 多咗一份獨有嘅鮮甜誠意滿滿😊⭐️ 是日精選甜品 🍧自家製嘅抹茶奶凍入口好Creamy🍼帶抹茶味嘅回甘唔會太甜💚
繼續閱讀
今晚和好友一同來到天后一間高級鐵板燒餐廳，享受了一場視覺與味覺的雙重盛宴。餐廳位於大廈 最高層 ，窗外正好望見 維港的日落美景 ，微光灑落在海面，頓時讓整個用餐體驗增添了一絲浪漫氛圍。餐廳的服務十分周到，廚師親切地為我們講解每道菜的特色與最佳食法，而侍應亦十分有禮，讓我們感受到賓至如歸的款待。我們的晚餐由 南非鮑魚頭盤 揭開序幕，鮑魚肉質爽口彈牙，醬汁適度提升了鮮甜味，令人回味無窮。緊接著是 日本刺身 ，選材新鮮，口感細膩，尤其是 金䱽魚魚腩手卷 ，魚油香滑，入口即化，充分展現了高級魚材的魅力。熱食方面， 海鮮茶碗蒸 滑嫩細緻，帶有淡淡的昆布高湯香氣，每一口都能感受到食材的精心調配。而重頭戲之一的 西澳龍蝦鐵板燒 ，龍蝦肉質鮮甜彈牙，搭配廚師特製醬料，完美平衡了海鮮的鮮味與濃郁風味。 香煎鵝肝配秘製酸汁 更是奢華享受，外層煎至金黃焦脆，內裡依然保持嫩滑，配上微酸醬汁，更能提升其豐富口感。當晚的亮點之一是 極尚日本宮崎牛肉鐵板燒 ，牛肉油花均勻，經過恰到好處的火候烹調，肉質鮮嫩多汁，每一口都是極致享受。搭配 鹿兒島煙肉香蒜炒飯 ，飯粒吸收了鐵板的香氣，口感粒粒分明，搭配煙肉與蒜香更是令人垂涎。最後，以清新的 芽菜配日本秘製醬汁 作為蔬菜類別的平衡，再以 綠茶布丁配福餅 作結，布丁口感滑順，綠茶香氣濃郁，而福餅則帶來獨特的層次感，為整頓晚餐畫上完美句點。總括來說，這次的鐵板燒晚宴無論是食材、烹調技術，甚至餐廳的環境與服務都可謂一流。每道菜都展現了極致的料理工藝，是一次值得回味的美食體驗。下次定必再訪，感受鐵板燒的獨特魅力！
繼續閱讀
您可能會有興趣的...