宮崎肉本舗

Miyazaki Niku Honpo
14
4
2
港鐵銅鑼灣站 E 出口, 步行約4分鐘 繼續閱讀
電話號碼
35685330
68808908 (WhatsApp)
開飯介紹
日本九州宮崎肉本舖的首間海外分店,提供來自九州的A5和牛燒肉半放題套餐。獨家以「一頭牛」方式購入原隻奪獎無數的日本桜花牛,食客可以嘗到A5和牛及各種稀有部位,全店使用百分百日本產時令食材。 繼續閱讀
營業時間
今日營業
12:00 - 15:00
17:00 - 00:00
星期一至日
12:00 - 15:00
17:00 - 00:00
*午餐最後落單時間: 14:30 晚餐最後落單時間: 23:00
付款方式
Visa Master AlipayHK 現金 八達通 AE 銀聯 微信支付
其他資料
網上訂座
酒精飲品
切餅費
VIP房
電話訂座
加一服務費
以上資料只供參考, 請與餐廳確認詳情
有關餐廳
日本登港「桜花牛」主題燒肉店
日本「宮崎肉本舖」燒肉店的首家海外分店,更獨家以一頭牛方式,原隻購入曾多次得獎的九州「桜花牛」,並供應A5和牛燒肉半放題套餐,當中不泛肉質甜美的稀有部位。另有鹿兒島豚肉、熊本地雞及日本產的時令食材,為食客送上鮮味的日式料理。

有關獎賞計劃
招牌菜
宮崎A5桜花牛套餐
食評 (26)
等級4 2022-05-26
4669 瀏覽
餐廳:宮崎肉本舗地區:銅鑼灣地址:銅鑼灣糖街25-31號6樓日期:20/5/2022時間:19:30人數:2人 等位: 0mins 價錢: $1760咁啱係IG新假期介紹尼間和牛燒肉店望啲和牛既質素唔錯,於是預約咗520呢個日子慶祝下❤️佢有四款套餐分別係兩款放題,每位價錢係$998同$898,可無限追加六款和牛及其他小食,而另外兩款套餐指定6-10款和牛拼盤燒肉,及無限追加其他小食,每位價錢係$698同$598。我哋就揀咗$898可無限追加六款和牛,兩款放題套餐只係相差「和尚頭」,因為唔知係咩部位嘅肉😅所以唔感興趣想試,OpenRice 預訂座位有八八折,折後加一$1760。喺門口揀完套餐之後剛好可以upgrade入座和室,比較私人隱蔽嘅空間,環境冇咁吵鬧,雖然都可以聽到隔離講嘢但尚可接受,首先會單獨上一份肉眼扒😍,會有職員幫忙燒,油花香入口即溶,真係好好食🤤,之後再上和牛拼盤再教我哋和牛先後食嘅次序,服務都唔錯👍食完第一轉之後,再嗌左兩轉五種不同部位既和牛,可惜之後再比和牛嘅質素已經比較參差😢其他小食方面,比較好食嘅只有吉列廣島蠔,芝士年糕,雞皮餃子,櫻花蝦蛋黃醬帆立貝,呢幾款我哋都有再嗌第二轉😌沙律、黑松露餃子、芝麻雪糕、3.6牛乳果凍都正常發揮。而拉麵方面,九和一之藏拉麵同辣麵就麻麻地🙊雜錦天婦羅完全唔OK,炸皮太淋,食咗一舊已經完全唔想再食😑其次蟹味噌甲羅燒,我哋第一轉已經嗌,嗌左三轉野食都仲未嚟,要吹先至有😐雖然係好食嘅,味道鮮美,不過已經係食飽嘅狀態先送嚟,加埋米餅一齊食,食左一塊已經食唔落🙈嘢飲方面我哋覺得白桃乳酸梳打對比巨峰及青蘋果係最好飲😚建議如果唔係大胃王,可以唔使嗌和牛放題,食得多會覺得好膩,而且小食比較普通,個人覺得性價比不高🤭,不過值得讚嘅係環境不錯,員工服務幾好☺️ 繼續閱讀
(以上食評乃用戶個人意見 , 並不代表OpenRice之觀點。)
等級3 2022-08-07
0 瀏覽
朋友生日話想食燒肉,咁上網睇下有咩揀,揀左好耐生日飯又唔想食平時會食果啲,就揀左衣間,openrice book 位 whatsapp confirm, 都幾方便(我個人喜歡上網book 好過要打電話),去之前就要confirm 食咩餐,4個餐:2 個semi buffet 2個放題,我都估到我個朋友揀放題,佢揀左個898放題,我覺得貴嘅。上到去唔full,即時有人帶位你入(到走之前都未full過。),內部裝潢幾靚,坐個位望維園球場,但抽氣麻麻,食完變行走的燒肉。120分鐘競賽開始: 侍應會話你知有set 肉上,可以稍後先點任食和牛,衣碟係個set 咁貴嘅原因,因為放題叫嘅肉真係無咁靚,同埋放題叫嘅肉最好叫啲係切一塊塊,一粒粒咬唔開(不過我只記得後腿肉係一塊塊,其他部位唔記得),基本上我食完碟set已經飽,同埋已經好油(唔想再食,不過人怕蝕抵,朋友食咩我都有食,最後有啲難受🥲)898 set 肉,咁幾靚嘅,望落油脂分布都靚,侍應會建議你由瘦到肥咁燒,最後佢會幫你燒壽喜燒,咁侍應好有禮貌好helpful,不過有少少被監視感覺😅同佢地好chur,可能驚啲客燒得唔好,佢地喺我朋友一放低個夾想食嘢嘅時候,就會行過來拎你個夾幫你燒⋯⋯最後佢嘅壽喜燒我自己覺得無咩特別,因為就係燒好肉點返蛋汁,成盤set係好食嘅👍🏻下面衣個就係任食嘅肉(後腿肉)(我掛住食唔係影左好多相,一粒粒牛無影tim, 不過咬唔開,如果有下次唔好叫),任食肉都ok 無set肉咁厚咁靚。除左肉,仲有60款食品任叫,都有啲平時出去少食到嘅嘢,好似雞冠,牛沙瓜(牛胃),雞心,牛肝,雞皮咁,雞冠佢用辣汁調味,辣左啲,口感爽脆,可以一試。雞皮佢有清晒啲脂肪,燒到脆卜卜讚。牛沙瓜,咬唔開,佢有種話點內臟嘅醬汁,個汁幾好味。另外仲叫左日本魷魚,不過唔知點解好「林」,無咬口,可不試。其實仲有好多嘢食,豬ar 雞ar 同其他熟食,但我太飽⋯⋯仲有甲羅燒,如果佢唔配米通就好,幾好食,好悔食左一個ja ….沙律都有幾個揀,下圖係蟹肉果個,衣個係飽肚食物,又無好食到非食不可,仲叫左個菜沙律清清佢蔬菜方面叫左粟米,係日本即食粟米,可即食或燒燒佢,我第一次食,好清甜,一次兩件,賣單時我見到我地叫左10碟😂(衣枱真係好鐘意食粟米)仲叫左明太子菇,唔錯唔係咁飽我一定食晒(我鐘意明太子)。朋友叫左照燒茄子:飲品都有算幾多揀,乳酸飲料有幾隻味,我飲桃味,幾好味,另外有凍烏龍/綠茶,可樂,熱得玄米茶甜品有幾款,叫左3樣綠茶雪糕(朋友食),柚子雪芭(推介,唔錯)、牛奶布甸好奶(同太飽,食唔到🙇🏻‍♀️)總結大時大節可再食,不過揀semi buffet 就ok。 繼續閱讀
(以上食評乃用戶個人意見 , 並不代表OpenRice之觀點。)
等級1 2022-06-30
1237 瀏覽
book左9半,當日大約5點幾whatsapp confirm booking,話因為上一輪要9半先交到枱,要21:45先可以入座,時間變成21:45-23:45,咁我大約21:50去到,前台講左幾次要23:30交枱,對於whatsapp嘅訊息好似完全無講過甘,講左幾句之後先話23:45交枱,好啦甘23:45交枱,半小時前應該係23:15截單吧?點知到22:50左右就話廚房差唔多要close,到23:00系統直頭落唔到單,同侍應講返有幫我哋落返雪糕,不過成個體驗就如同我個title一樣⋯最後當然唔洗23:45就交到枱俾佢啦,因為佢晨早就截左單,真心呢個做生意手法好勁,話就話食2個鍾,但俾你落單只有一個鍾😂話明食和牛燒肉嘛,講返啲燒肉先,啲牛都算厚同大塊嘅,但唔知點解得和牛嘅脂肪但無和牛味道,dxxki嗰啲仲好食過佢,有一兩塊無乜脂肪靭到咬唔開⋯好在食$6xx套餐,唔係食和牛任食,唔係真係揼心😅另外個爐唔知點解爐溫唔均勻,一邊會熱啲(易燒燶),另一邊就無甘熱(燒好耐先熟),做咩事主打食燒肉,個爐同肉都有問題甘有趣?😂仲有就係唔夠冷氣,同個爐離張枱勁遠,本身唔算矮都要企起身燒,甘叫裝修好?😅甘佢都有優點嘅,除左和牛其他都幾好食,甲羅燒同埋啲雞都幾好,不過個爐好難控制,食得辛苦,另外啲侍應會幫手燒,但我又唔覺得服務好好,佢唔會問你想食乜就丟入去燒,手勢又麻麻,感覺似想快啲餵飽你多啲😂唔好問我點解啲爐啊肉啊嘅問題唔同佢講,當佢每10分鐘催你一次,其實個腦諗唔到甘多嘢,不過真心佩服佢做生意嘅手法,要學習下😂😂😂 繼續閱讀
(以上食評乃用戶個人意見 , 並不代表OpenRice之觀點。)
等級1 2022-06-22
1177 瀏覽
優點:肉好味,特別是頭一盤肉,其他放題既食物都好精緻,擺盤漂亮,分量適中,無漏單情況;服務相當好,而且好主動,用餐環境都好舒服,乾淨。但有兩點比較奇怪第一,個爐離座位比較遠;要伸長手去燒。第二,最後半小時不能落單之前沒有特別提醒,落單系統會突然中止點單,如果無提前點甜品和飲品,就會無得食喇! 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-18
989 瀏覽
見新開,所以都一於book位試下9:30pm時段入座有78折,加入會員又有牛舌送👍🏻一行2人嗌咗九州A5和牛套餐放題放題黎講,都幾多食物選擇和牛方面,油脂比較明顯既和牛,食起上黎係正常但油脂唔明顯、深色既和牛,食起上黎係多根之餘,又咬唔開其實冇諗過每人係得7塊和牛之下,可以有一半既和牛都咬唔到🙄 以依個價位,不如我食牛角放題仲好小食方面,蟹味噌甲羅燒,係必食既,蟹膏沾上脆餅中和油膩感😋特濃牛乳奶凍好滑好好食個人認為,放題啲小食、甜品 比起主食既和牛更為出色🙊值得一提,有個店員好有耐性(我諗係經理),有個客人要求多多、又要challenge餐廳既和牛點解同上一次食既份量唔同,但佢都好有禮貌解釋,讚 繼續閱讀
(以上食評乃用戶個人意見 , 並不代表OpenRice之觀點。)