影片
昨晚跟老婆去紅磡祟潔街宮城日本料理食放題. 這個放題從團購網站買的, ($129 宮城日本料理 2.5 小時放題，品嘗過百款料理、清酒任飲，另送刺身拼盤及煙肉芝士焗蠔 (價值 $188) 另付加一10%=19元.) 訂了昨天晚上8:30的枱. 滿心歡喜開車到了紅磡泊好車, 到達宮城是晚上8:25分. 有一名中年男子(我簡稱佢係為大叔) 招呼我們入坐並跟我們講要到8:30才開始入單. 一夠鐘馬上點了魚生, 牛舌, 羊扒, 炸物等. 另再送一個刺身拼盤. 除了魚生外其他味道其實是OK的. 上菜速度也可以接受. 這時開始有其他客人入來,大約有20個. 問題開始來了……第二次再點了魚生, 牛舌, 羊扒, 炸物, 螺肉. 魚生來了,牛舌來了.世界開始停頓了. 已經9:20開始覺得唔對路. 跟老婆講不如再加飯, 烏冬, 炸南瓜及番薯可以飽肚的食物算了. 那時開始有很多客人開始追食物. 9:30剛好老板到我的背後寫單,我就細細聲追我第二輪落的食物. 之後還見到廚房佬走出來跟魚生佬打牙較, 開始火起, 同老婆講要出去食支煙減下壓. 食完煙回來等到9:45亦沒有食物再來,我跟老婆說不如走算了. 老婆話再等一陣先, 到 10:00有個穿PCCW制服walkin的哥哥仔追不到食物埋單走了. 他是9:00入座的, Walkin價多謝160元. 之後再有追過大叔, 10:10我跟老婆講走啦, 免得食唔飽仲要俾多16蚊停車場, 咁我兩公婆馬上起身走人, 點知大叔同我講要俾兩個人加一多謝38元. 有冇攪錯, 食都食唔飽. 仲要俾加1. 點知佢仲話差D嘜未黎就即刻整俾我, 我問係唔係我已經落左單就俾齊我先, 佢話係, 我就問佢要等幾耐, 佢話5分鐘. 好, 我就坐低睇下你俾到嘜野我. 差不多5分鐘我就追佢就嚟夠鐘, 佢就攞左我點第2及3次果D炸物出嚟. 我地冇食度就問佢D野齊哂未, 佢問完廚房後理直氣壯咁答我齊哂, 廚房已經冇我地落的單. 我話有冇攪錯, 你話冇就冇呀! 燒牛肉/燒羊扒/金菇牛肉卷/炒飯/牛肉烏冬,炒野菜都未嚟叫做齊呀. (都唔知止唔止呢幾樣/ 螺肉及送的煙肉芝士焗蠔當時也忘記了講) 跟住我就同佢講錢我就一定唔會俾, 一係你就報警. 就係咁佢亦無奈地冇再要求我俾38蚊佢. 我同老婆就咁離開左.
繼續閱讀
其實我同家姐食完最深的感受是: 點解差得咁離譜， OPENRICE竟然無劣評...都有上黎睇睇先買團購，雖然平少少，但估唔到會係咁，真係好似客人逼佢整放題咁。上來開ＡＣＣ.打個負評係唔想有人好似我地咁，簡黎簡去都中大伏。而已買團購的朋友唯有作心理準備。人手不足：全場得一個貌似經理的大叔一腳踢，有時個魚生師傅會出黎「劈」碟壽司比你,我地去時大約半場滿，但係個大叔忙到癲,我叫佢FILL野飲都覺得麻煩到佢。態度巴支閉：因為早左去，附近又無野行，所以入去睇下，個壽師師傅眼尾一立：８點半團購既？未得！未夠鐘！雖然好多吉位，但佢一副我們得罪左佢既樣，好似想趕走我們。到個大叔，一開始就好威咁吩咐全場團購既人：魚生唔洗叫住，未有！我們呆左一陣，放題唔叫魚生叫咩？？可能個大叔太忙做到火起，我家姐個位後面有一個膠盤，個大叔三不五時將Ｄ膠碟膠杯「飛」落個盤度，大聲到嚇死人。其他客人都買佢怕，佢之後上野食同收碟，仲有埋單,個個一見佢都「唔該」前「唔該」後,真係怕得罪佢==食咩唔係你話事：一坐底就話無得叫魚生住，等一陣後「得」左盤咩都有少少既魚生盤，即係佢比咩我們就要食咩？跟住我地點既野，佢係比一D唔比一D, 份量又比唔足。其實預左食放題佢唔比得好足，但我同家姐得２個人，所以就住點，唔想咩都點或點太多，最後我地食左既野 十隻手指都數得完!!!!!!佢野食上得好慢好慢，全場人個頭都係向住同一個方向：掛場電視，一廣告就玩手機...我第一粒飯落肚係件玉子壽司，１０點鐘，當然亦都係黎唔齊，手卷果Ｄ最後都唔見人。我地除左一開始既魚生盤，一共食左２次魚生，份量唔多。食物質素：呢樣我無咩講，因為真係食左好少野。魚生no comment, , D壽司飯唔好食, ，串燒，是但啦，因為串燒黎得最快。衛生：無肚痛 食品選擇：好少，連甜蝦都無得揀。聽人講：團購放題係咁嫁啦~~ 不過真係唔飽，我家姐仲要讓左最後件饅魚壽司比我食。
繼續閱讀
又一次團購的不愉快經驗‧用餐時間分兩段, 我和女兒訂了8時30分,15分鐘前已經到達, 門口已有大約4至5枱食客等待, 相信都是團購的.準時入座, 有個似經理的男人招呼, 已經準備了魚生拼盤, 內有三文魚, 甜蝦, 劍魚, 吞拿魚等, 食物的選擇非常少, 祗有3至4張紙.由頭到尾,全場祗是那個男人在忙, 包括收食物紙, 送餐, 倒汽水, 接電話, 埋單, 另外見到一個相信是弄壽司及其他的食物, 所以要等好久, 那個男人才從我手上接了ORDER紙, 送餐時又送錯去隔離的枱號.好失望, 等了好久, 由於食物的款式少, 又弄錯ORDER, 坐了約1小時30分就離去, 已後都不會再光顧這間所謂日本料理.
繼續閱讀
我很少寫食評, 但今次真的不得不寫, 我覺得實在太過份雖然我們用團購, 但也是用真金白銀買的, 不應歧視我們去食放題, 預了會漏單, 上菜慢一點, 但絕對不是等四十五分鐘都沒有上菜如果門庭若市, 上菜慢也可以理解, 但今天只有我們一枱人, 嚴重漏單之餘,三催四請也不上菜催一次, 上一碟, 完全在剝奪我們吃放題的意義.早前買了團購卷, 終於今天來試試這個放題一開始走到餐廳, 除了我們這一枱, 還是只有我們這一枱客人, 心想: 不是吧? 可能我們用餐的時間比較早,才沒其他人, 誰知直到我們離開, 也是只有我們這枱客人而已!!剛進去的時候, 有個狀似經理的人, 很有禮貌的, 還提醒我們可以先點飲品感覺還不錯還送上焗蠔: 這個很好吃, 很creamy因為還有一名朋友未到, 所以我們3人都只隨意的點少量東西吃:刺身: 一大盤的上, 算是比較快來到, 侍應拿來的時候還說: 食住先啦!! 感覺很親切的 三文魚還算是不錯, 厚厚的劍魚腩不過不失,但不打算encore, 甜蝦也不錯象拔蚌刺身很腥, 不吃也罷中華沙律拼螺肉: 沒什麼特別至如我們先點的串燒紙和燒物紙多種食物, 只有1串煙肉蕃茄串和1串雞肶菇來了...串燒: 蕃茄串不錯, 很juicy 菇朋友食的, 不知道, 但看起來有點油. 等了大約半小時, 惟有再寫紙落單,(先寫了點壽司的單)怎料那個像經理的人說, 不用寫紙了, 你們要的食物還未來, 我們也只好再等待可能他見我們坐在這裡無聊很久, 又拿了一盤刺身出來應酬著我們我們一看, 怎麼又是劍魚腩?我們根本沒打算叫這個, 很明顯的,他們是胡亂放一些刺身來塞著我們的嘴吧~沒辦法, 因為沒有其他東西吃, 惟有照單全收. 其間, 也來了一客炸蝦天婦羅和一客芒果炸蝦卷芒果炸蝦卷: 普通炸蝦天婦羅: 新鮮炸出來的. 算不錯又過了一段時間, 我們忍不住又再下單催了, 這次來了一些串燒和手卷:羊架x1: 還可以, 有點蘇牛頸脊x2: 普通, 有點乾茄子x1: 一個字: 油海饅壽司: 明將貨色海膽魷魚手卷: 小型的,我和朋友都覺得 飯吃起來有點怪味由1750入座, 到1900, 我們3個人吃的東西就只有以上的!!!! 我們的放題由17:45-20:15的, 大家覺得可以接受嗎??宮城提供3張點食物紙, 1紙飲品紙及一1張雪糕紙, 我們點過的串燒: 銀杏, 豬大腸,牛脷, 海蝦; 炒牛脷, 金菇肥牛卷,冷豆腐,炸豆腐, 鯖魚等等(已經不能盡錄), 全都沒有來過後來我的朋友來到, 又來了少少食物串燒: 蕃薯x1: 乾乾的, 但也不錯蕃薯天婦羅: 普通, 但是新鮮炸起的三文魚壽司: 三文魚很鞋, 飯又是有怪味的枝豆: 一大盤, 熱的, 但一點也不入味 然後又是一輪呆等, 催一次, 又落多一次單, 就來少少.我們四個人加起來吃過的, 就像是只有一人份量四個分, 最後, 朋友們都大為不滿, 問侍應還有什麼會供應給我們, 才拿秋刀魚出來給我們, 雖然是新鮮弄的,也不錯, 但也是要人等得太久了吧~~我們埋單時, 那個似經理的人大概感覺到我們的不滿, 還提我們有雪糕可以吃, 我們也氣得沒有吃就走了.
繼續閱讀
昨日(6Aug)朋友在紅磡工作,約腳食飯,咁就行去崇潔銜流連吓,睇下想食乜....行到12號門口,見呢間宮城轉咗手,老闆之一Kenny之前係另一間同街的放題餐廳經理,佢為人風趣,所以之前已常幫襯佢舊公司,而家咁難得撞番,緊係要唔考慮即刻試食.食物種類,形式跟佢舊公司差不多,都係任飲任食.... 統一評分: 環境:清靜,唔逼,可能係星期一關係顧客大概有6-7成...可惜內隴有些舊......7.5 魚生類:新鮮,想食的基本有齊.......8分手卷,壽司類:一般,因唔係目標食物......7分炸物類:亦係新鮮炸,唔會乾真真的感覺,亦沒有滿口油.....7.5分. 串燒類:最想食的,但真係有待改善,肉類的全部燒過龍,有燶咗,無落鹽,配料去吊起肉味,魚類還可以,攞番啲分,但都係比唔合格....4.5分雪榚類:有好味的芝麻,綠茶,紅豆及朱古力......8分飲品類:因個人只喜歡飲啤酒更有喜歡的喜力,所以無試一般女士喜歡的柑桔水等等..朋友就話還可以,都飲咗幾杯......7.5分. 甩單情況:由於顧客沒有一窩蜂到,我們的枱沒有甩單,還很快到,可能坐跟吧枱......8分服務態度:一如在舊公司,老闆Kenny都好好,我同朋友坐咗超哂時佢都無炸形,嘻嘻,其他佢的同事都合格有餘......8分縱觀以上評分,如果想平平地,又可食個日式放題,建議亦可一試.由於佢地新接手,真的有地方需要改善,希望下次再去時,會改善哂啦.後記:本來有影數張相片,但可惜部相機固障,只有一張相片剩.
繼續閱讀