5
11
3
港鐵大圍站 A 出口, 步行約5分鐘
繼續閱讀
開飯介紹
作為一間舊式的中式酒家，在晚市時間提供港式小炒，同時亦提供各式點心，營業時間至凌晨12點，是香港難得可以飲夜茶的地方。
繼續閱讀
附加資料
星期一至星期五沒有加一服務費
營業時間
星期一至日
00:00 - 15:00
18:00 - 00:00
以上資料只供參考, 請與餐廳確認詳情
食家推介
話說前排有日收工收得晏但又好想食一盅兩件同歎歎茶 朋友就即興車左我黎客香邨喇 地理位置尚算方便 一落highway就到 出面仲可以停車 非常適合駕車人士點心種類算係多 一般酒樓有既野例如蝦餃呀燒賣呀山竹牛肉球呀粥呀蒸飯呀蘿蔔糕之類佢地都有供應 我地兩個人叫左燒賣 鵪鶉蛋燒賣同埋鳳爪排骨飯 而價錢就非常之大眾化 除返開每人一百蚊都唔洗 食物質素普普通通不過不失咁啦 但勝在開得夠夜佢地既點心供應到夜晚12點 絕對係飲夜茶既好去處！
繼續閱讀
附近嘅獸醫診所十分之出名咁啱同我嘅毛孩睇完醫生又未食飯唯有喺附近將就吓呢間夜茶都係大圍好多年啦食過唔止一次質素平平不過勝在開得夠夜夜晚冇嘢好食入去食返一盅兩件都唔錯餐牌選擇唔多不過要食嘅都有蝦餃、燒賣、鳳爪、山竹牛肉呢啲一般酒樓食到嘅嘢佢都毫不缺少因為我哋只有兩個人亦唔係好肚餓嘅關係我哋都只係嗌左三樣嘢鳳爪、蝦餃呢啲都係酒樓必食從來唔會期待佢好好食不過出面難食嘅真係好多所以呢度嘅質素算係咁啦值得一提嘅係呢個鮮蝦腐皮卷拎上嚟嘅時候啱啱炸起外層嘅腐皮炸到脆卜卜中間厚厚嘅蝦膠真係令人食到好滿足點埋喼汁就Perfect佢嘅橫切面仲可以睇到原隻蝦雖然都係急凍蝦但絕對唔會淋啤啤係咬落去彈牙嗰種如果你夜麻麻喺附近又想食吓點心不妨嚟呢度試吓記得記得要叫鮮蝦腐皮卷！
繼續閱讀
晚上大約6時半與太太到客香村食晚飯，客人不算太多，被安排坐了張4人檯。當點菜後，約10分鐘餸菜已送到檯上，老實講，味道的確唔錯，飯後還有糖水送，真的不錯。但是激氣的事情出現，大約7時半左右，當時店內的2至4人檯已滿，其實還有3-4張大檯的。突然有4位客人進來，當時的店員完全沒有考慮安排坐大檯或其他位置，而直指我和太太張4人檯，其實我地都係剛剛食完，正想飲多啖茶、坐多一陣就走。但店員二話不說便收拾埋我地檯上的碗碟，連茶杯都收埋，我即時眼都突埋。當然我地都醒目即時起身結數，以免阻人做生意啦，但去到結數處竟然被客香村的肥胖老闆娘話左句"食完都唔走" 。嘩...咩事呀，我地都無話唔走，岩岩食完飯，飲多啖茶都得掛，我地見有客人、店員收拾晒檯上碗碟、連茶杯，我地都無奈起身結數啦，我強調當時仲有3-4張大檯，而2-4人檯同樣用餐完畢的不只我地。真係激死人，食餐飯都咁受氣，你估得你一間飯店咩，所以我發誓以後都唔會再幫襯客香村。
繼續閱讀
2/5 食物一般，但價錢平，晚市好似會好食啲，有待再試。Okay food but really nice price, dinner menu look better, will try again.(中英雙語，Chinese and English review)超級宿醉，一定要飲番個湯，所以先叫咗個蒸肉餅客飯，跟例湯，例湯味道比較淡，但勝在冇味精味，清清甜甜。唔好睇個肉餅好似好多豉油，其實味道剛剛好，但肉餅肥肉太多，同碎得太勁無咗口感。鳳爪嘅味道一般，所以冇再叫其他點心，下次先試，反正我今日淨係飲到湯。後來枱頭先見到有個花膠雞湯，雞味清而濃，舊花膠就腥咗啲，食唔到。(Google translate)Super hangover, must drink a soup, so first call a steamed meat pie meal, followed by the daily soup, the soup tastes lighter, but it is better than the msg flavor, clear and sweet. The meatloaf looks like a lot of soy sauce. In fact, it tastes just right, but the meatloaf has too much fat and is too crushed texture to taste. The taste of Chicken feet is average, so I won't order another dim sum. Try it next time. Anyway, I only drink soup today. Later, saw a fish Maw Chicken Soup. The chicken soup was clear and strong flavour . #queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly
繼續閱讀
今日晚上即興同幾位朋友黎到大圍食宵夜，本身唸住食打冷小菜果啲，但突然見到有得飲夜茶，所以就變咗飲夜茶喇。第一次幫襯呢間，裝修比較舊式而且有啲殘舊，衛生情況就麻麻地。點心都有幾多種類比你選擇，價錢介乎於 $19 至 $30 之間，叫左好多野食，雖然味道唔係話太出眾只係普普通通，但上枱都熱辣辣同幾大件，而且唔係好多地方都有夜茶飲算係咁。😌 😌叫咗大約十一籠點心埋單都只係 $300 左右，都真係算幾抵食。👍🏻 👍🏻
繼續閱讀