客家莊

一個人平日食午餐，唔知有咩選擇，好想試吓新嘢所以見到呢間原來有得飲茶就入去試試入到去估唔到都好滿座午飯時間，場內都幾多叔叔嬸嬸公公婆婆喺度飲茶午市有孖寶優惠套餐，所以叫咗家鄉炒米粉及金錢肚$50 場內嘅侍應非常Nice想要辣椒醬叫佢幫我加多啲喺米粉度佢哋都好願意，而且態度好好。但係炒米粉就略嫌比較碎濕濕，味道正常。金錢肚個份量都有好多嚿喺碟內，非常食得過好腍但係個客家豆腐就麻麻哋，雖然豆腐非常滑，但係個魚肉有啲腥，而且個喼汁太澀。力推呢個午市優惠燒賣$10一籠，一口擺得入嘴巴度，燒賣入面唔會一大包肉好好食…查看更多

今日經過德寶睇吓有啲乜嘢平靚正地方食嘢， Google介紹呢一間酒樓，話免茶芥免加一，兩點開始仲有特價點心，門口阿姐強力推介，終於忍唔住都試吓。一個人嗌咗兩籠點心，分別係燒賣同埋上湯鯪魚球，因為即叫即蒸，所以等咗大約30分鐘，不過附近啲街坊好親切，知道我第一次嚟，主動吹水介紹我下次應該點樣食最經濟😂😂同埋介紹有啲乜嘢點心推介😍😍覺得呢度係充滿人情味嘅地方。之後點心到啦，真係超級好味，冇因為特價而縮減材料，埋單$41 ，下次一定再去👍🏻…查看更多

一入門口果位阿姐好鬼嘈,個人又亂,好似樣樣都亂曬龍咁,其實裡面d伙記都係一樣,幾個人做埋同一樣野,其實野食未係最緊要,態度先係最大問題,2個人去食野知道當時午市搭枱,但當時仲有幾張枱,坐低左分別有4個人排隊咁同你講坐埋一邊,其實當時冇人要即時坐落黎同埋我地唔係坐埋一邊只係佔左2個位,d職員好咄咄逼人講完一次又一次,唔知係咪想2個人坐一個位,食到差唔多走都仲有枱,其實服務咁野食一般都幾難叫人番轉頭再黎,另外睇到有個送外賣得左大半個鐘係咁嘈都出唔到餐仲比人抄埋牌,無陰公,真係連外賣都冇人敢接…查看更多

平時嚟客家莊多數都係飲早茶或者下午茶🥢，因為除咗抵食同埋都要好食。下午茶仲正👍款式多多，全日都有三免(免茶 免 芥 免加一)。因為未試過晚飯小菜，所以24號(星期四)特登約朋友嚟試下佢嘅晚市套餐$268，有粟米斑塊，貴妃雞(廚房叮耐咗雞肉略[鞋])，客家小炒皇。因為我哋想試其他就叫咗$118椒鹽蝦同$58鮑汁雞腳，估唔到椒鹽蝦咁好食，爽口彈牙冇甩頭甩骨，鮑汁雞腳味道就略嫌淡咗啲，食咗咁多嘢加多兩支藍妹啤酒，落樓都係$504。點解我要寫哩個評論，想講比大家知佢由10月26號至年尾做promote，晚市8點半後有7折(希望佢份量唔好7折啦🤣🤣🤣)…查看更多

嚟到九龍灣想平平哋食中菜？見到優惠套餐每日精選三個餸，星期一至日及公眾假期晚市時段內供應，只限堂食！全日免茶芥同加一，好過酒樓！🍴三晚重市奏 $268🍴清蒸龍躉仔好新鮮，蒸得啱啱好，幾嫩滑有魚味！🍴遙柱貴妃半隻嫩滑唔鞋口，鹹鹹哋，ok的！🍴菠蘿京都骨幾多件，啖啖肉，肉質唔乾唔硬，酸酸甜甜，OK的。推薦指數: 7.5/10三個餸幾抵食，夠三個人食，加個飯都係十零蚊，仲要係傳統豬油撈飯！…查看更多