客家好廚 (已結業)

2個人點了三3個餸，以為會食唔晒。點知：客家咸菜炆豬肉！一啲味道都冇！簡直神奇，咸菜竟然可以煮到零味道。豬肉冇味，個汁冇味！打包回家，自己加味！冰梅欖角骨，只是有小小酸梅醬的味道⋯⋯打包，回家自己再加味！還有豉汁蒸䱽魚, 味道最正常，而且食到是新鮮的彈牙。但是這是我一生中最小的䱽魚。…查看更多

週五因工作要入元朗睇倉，暈咗個幾鐘頭車後十一點幾終於到步。為咗大家可以定一定神，地膽K哥仔就帶路行咗去區內唯一有茶飲o既「客家好廚」度醫肚，補充體力。早茶時段剛過，店內客人不多，大堂散座頂多三成滿。我地一行五人被入座三十六號枱，認真好意頭。同一般茶樓一樣，「客家好廚」早茶、下午茶均有特別優惠。廣告牌所示，晚飯有特價小菜供應，閒日三折、週末及假期則半價，睇落都幾抵。午市飲茶每位茶錢$6、小點$13、中點$17、大點$21、特點$25。除咗正價點心之外，餐店亦有提供多款超值套餐及優惠點心；靚仔經理數口咁精，結果就由佢話事，點咗一份自選套餐，再加幾款特價點心大家分。午市點心粉麵飯餐（$98）之清灼郊外油菜：菜心大條又偏老，少啲牙力都食佢唔到，加上唔夠味，當真不吃也吧！午市點心粉麵飯餐（$98）之蘿蔔絲春卷：可能因為碟菜心唔係好得，所以好意外，外表帶油o既蘿蔔絲春卷可以炸得咁鬆化香脆:)。午市點心粉麵飯餐（$98）之梅縣蒸燒賣：燒賣不但外表看似貧血，食落一樣調味欠奉，又一失敗之作。午市點心粉麵飯餐（$98）之柱侯牛腩炒河：炒河份量十足，賣相雖然唔係咁吸引，不過河粉好夠熱辣潤滑，牛腩亦香濃惹味。粉麵飯套餐包埋三個點心都只係$98，絕對抵食。筍尖鮮蝦餃（$18.8）：蝦餃大大隻，爽厚又鮮甜，！馬蹄香茜牛肉腸（$18.8）：腸粉柔軟白滑，個牛肉餡心帶甜討好，簡單美味。煎羅漢腐皮卷（$18.8）：腐皮卷偏油同腍，個人覺得唔係好掂。手剁陳皮牛肉球（$13.8）：牛肉球鬆厚軟潤，非常之唔錯。「客家好廚」係附近一帶唯一o既中菜廳，講真點心質素頗為參差，不過勝在炒粉麵飯量足，價錢又抵，總算係冇選擇中都幫襯得過。…查看更多

原為讌好廚，近日改名為客家好廚。3個星期我去咗7次，午市、下午茶，晚市試勻晒。午市客飯45－52，仲有一碗冇味嘅湯！下午茶真係平，大中小點全部以小點計，但我鍾意嘅蝦餃燒賣都係特點,即係冇得平！梅菜扣肉超級好食，我食咗4次！原價$82比特價和午市好味！…查看更多