宜家家居餐廳及咖啡室

營業中

休息中

IKEA 嘅Meat balls 由細食到依家都係咁抵食，味道就見仁見智，但我久唔久就心思思想食。但大家吾好將佢同手造肉丸比，佢口感較實，但$23 十粒又有薯蓉底仲想點，重點係一定要加紅莓醬、肉汁= CP 值高！一碟又點會滿足到兩條餓鬼喂，黎多十粒….吾該 ！蜜糖煙熏三文魚沙律$39三文魚鬆都吾算少，加上一球薯仔沙律、雨衣金蘭等，沙律醬要幾多自己加，成個組合系夾嘅，味道清新，ok la!鱈魚菠菜蓉$49真心吾好食，件鱈魚又凍又乾，菠菜蓉成pat 嘢咁，揀錯嘢。蔬菜薯餅 $8基本上係一個薯餅加咗少少水嘅蔬菜，因為只係微暖所以大大減低美味度，如果即炸即吃應該味道唔錯。$8 咖啡/汽水任飲，我隊二杯也不為多。

同男朋友放假就係Ikea行下，難得見到Ikea瑞典餐廳冇人排隊又出咗新春期間限定菜式，咁當然要坐低試吓啦🤤Ikea 今次出嘅新春Fusion菜分別有香草芝士寶雲酥烤羊架伴新薯及腐乳汁🐏/臘腸卡邦尼意粉🍝/黑毛豬火腿無花果火箭菜沙律🥗/鮑汁佛跳牆配白飯🍚黑毛豬火腿無花果火箭菜沙律冇咩興趣🤭至於鮑汁佛跳牆之前係美食廊買過返屋企食，所以都唔需要再試，但係OK嘅，忟得好淋👍🏻今次主要講返香草芝士寶雲酥烤羊架伴新薯及腐乳汁🐏同埋臘腸卡邦尼意粉🍝💫 香草芝士寶雲酥烤羊架伴新薯及腐乳汁羊架煮到岩岩熟，肉質幼嫩，不過芝士味唔突出，而腐乳汁亦都較失色🥲如果可以再濃啲就更加加分啦👍🏻💫 臘腸卡邦尼意粉🍝哩個我覺得讚嘅👍🏻因為冇諗過臘腸可以夾卡邦尼意粉🍝佢哋兩個好似好唔關事咁，但又出奇地夾😂 臘腸嘅咸味撈埋卡邦尼意粉味道岩岩好✅ 可以encore 另外仲有素麻辣餃子🥟我唔肯定佢係唔係新野，但係佢都幾好味💓 同埋ikea專屬汽水都返咗嚟💓男朋友話佢冇咗好耐🤭如果你都想試哩幾款fusion菜就記得係2月28號前去九龍灣﹑荃灣及沙田之瑞典餐廳啦💓

去IKEA買家具，順便食下午茶。-九龍灣IKEA分店坐落大型商場，地理位置一般，唔近地鐵站，勝在有免費接駁旅遊巴，班次密。-IKEA分開咖啡廊、餐廳、小食三部份，咖啡廊鄰近餐廳，喺門口角落位置，唔起眼，人流少。餐廳則喺正門轉右，由於疫情關係，進入前需要用安心出行同探熱，有職員監測，餐廳人數亦受政策限制，餐廳入座率約七成，但仍要排隊，假日下午茶時段大約等5分鐘後入座。-餐廳範圍大，裝修一般，座位多，以快餐模式點餐，次序係點餐、取餐、付款、用餐。需自行去食物區自助點餐，然後去付款處付款，用餐後要自行收拾枱面。-揀汽水或咖啡可以無限添飲。-粟米忌廉湯 （購自咖啡廊）等待取餐時見到係放入微波爐叮熱。友人指湯太濃，好鹹。-蔬菜薯餅 $8薯餅大小正常，形狀圓形，非油炸，有薯粒同西蘭花碎，入口帶芝士香，唔膩，好食。-小食拼盤 $43拼盤有粟米、香腸、雞翼、薯條。份量多，粟米味道正常，冇壞，唔算甜，唔新鮮。香腸有四條，短而粗，多汁，帶甜，幾香，味道幾好。雞翼有四隻，大小正常，調味正常，香口，味道正常。薯條粗長，夠熱。除粟米外，其他唔錯，睇返之前嘅餐牌，小食拼盤有時會係薯角或薯格。順帶一提，茄汁唔好食，

離到ikea，買傢俬都係其次😆 最緊要最正嘅就係佢嘅美食😛 佢嘅嘢食真係超級吸引同埋多元化，仲要係成日出新嘅產品，包括有唔同口味嘅雪糕，例如有時有榴槤味，有時又有芥辣味，仲有各式各樣嘅小食同埋點心🥧但講到我最鍾意嘅，梗係知道嘅爆谷啦😋有兩個尺寸揀，一個係細包，令一個係大包兩包都好抵食，分別係$7同埋$10性價比超級高😚👍🏻而且我為咗響應環保，今次仲自備左外賣盒，建議各位都為環保出一分力，可以自備個外賣盒過嚟買，咁就更加環保啦👍🏻😛

行陣ikea 入去餐廳食下午茶餐一件餅 4隻雞翼 同一杯咖啡朱古力杏仁餅 超甜 但都算好味 跟朋友share就剛剛好 雞翼炸得又柴又乾 但我就係鍾意喎所以人人口味不同 咖啡香濃抵飲 飲兩杯就超值了

今日去九龍灣Ikea買野，緊係順便要食佢地既餐廳😆Ikea餐廳出名抵食夾大件，真係任叫任食😍而且地方大，容易搵位食物質素亦都ok，性價比絕對高🤪🥗黑毛豬無花果沙律（$39）沙律份量多，有麻醬撈沙律無花果好甜，仲有麵包脆脆🤩黑毛豬亦都好香，偏咸左啲，連埋菜食就岩岩好😝🍗小食拼盤（$43）煙燻蜜糖腸4件、脆炸黃金雞翼4件、 香脆薯條及甜粟米小食拼盤都好抵食👍蜜糖腸好脆皮，好食😋雞翼亦都炸到個皮好香脆薯條就唔夠熱，林左啲，有啲失色🧐🍝黑啤燴牛肋條配扁意粉（$49）牛肋條好軟林入味，而且唔會有牛既騷味🤭意粉醬唔算好濃，但都夠味😉意粉軟硬度適中，唔會太林味道不錯👍🥘瑞典肉丸10粒（$23）我就最中意食Ikea既肉丸，配埋佢地既特制醬汁同紅莓醬😍真係每次黎到都想食💯☕熱咖啡（任添/ $8）咖啡之前試過一次之後覺得好好飲❤加埋花奶令到杯咖啡又香又滑👍$8任添真係好正🤗/📌宜家家居餐廳及咖啡室九龍灣宏照道38號Megabox 4樓/😋食物質素：7.5/10🍽️用餐環境：7/10💰性價比：8/10👣回頭率：7.5/10

IKEA📍九龍灣Mega Box IKEA cafe shop🤝又來食平民美食🤣黑毛豬火腿無花果火箭菜沙律🥗$39⭐️⭐️⭐️⭐️⭐️/5CP值超高，足料又大碟😂講真有時出街食仲平過自己整呢盤沙律有黑毛豬火腿、新鮮無花果、生菜、沙律菜、火箭菜 & 麵包碎。瑞典肉丸5粒 $13⭐️⭐️⭐️/5記得好耐之前食係$10 5粒跟薯蓉太耐無來食，原來加價到$13但都係好抵食😬香辣雞槌 3隻 $13 ⭐️⭐️/5呢個麻麻地😂都係鍾意食M記脆香雞翼多D鮮榨果汁（番石榴+梨）$13⭐️⭐️⭐️⭐️⭐️/5呢個好味又唔會太甜，鮮榨果汁感覺上健康D

去親九龍灣必食宜家傢俬❤️依家有人流管制 所以入餐廳要排隊等候不過都好快有位無記錯既話呢個係橄欖油蒜香蜆肉意粉味道較為淡味蜆大約有10隻不過得六粒肉 其他都係得個殼😹肉丸都係嗰隻味 不過好似比之前細粒咗啲今次冇叫小食拼盤雞翼每次黎都必叫仲叫咗蔬菜薯餅同紅莓薯波紅莓薯波可以唔使試 唔係太夾😿仲叫咗龍蝦配焗薯🦞龍蝦肉冇乜鮮味 焗薯面有少少芝士🧀呢個價錢都算可以既～如果個焗薯加少少煙肉會更加好好似$80幾

IKEA 今個聖誕左左新的限時菜式, 一於去試下.我就叫左個海鮮番茄紅花飯($49)海鮮都有唔少, 同埋幾新鮮有4隻青口, 3隻大蝦,3隻元貝配埋番茄紅花飯, 有D番茄的酸甜味的燉飯, 真係好開胃!我地仲叫左個兒童餐($19),係有4件由植物肉整成的麥樂雞, 同薯蓉, 同包埋飲品,由植物肉整成的麥樂雞, 口感比真的肉結實, 點左番茄醬其實都一般麥樂雞一樣. 但因為係物肉整成的, 感覺上好似健康D!其他小食拼盤, 肉丸, 同芝士餅 甘多年都係好食抵食!

瑞士肉丸細粒左想係MEGABOX度平平地快速食個LUNCH, 黎IKEA CAFÉ平靚正, 最中意就係佢個$23 既10粒瑞士肉丸 (買野食時見到都幾多人叫佢個酥炸豬手都只係六十三蚊咋. 前幾日再黎食, 個肉丸對比起我一月黎食果時已經細粒左呀. 以我既食量舨講, 之前食10粒肉丸連薯蓉, 食完會飽, 今次食完10粒都好似有排未夠飽, 但係都無損肉丸係大家心中既地位既, 哈哈.不過今次12點頭黎無咩人, 走時都無坐滿, 同之前好爆既情況差好多, 唔知點解呢.

無時無刻都咁多人嘅宜家傢俬餐廳🙉 CP值確實係高❗而且食物平均都好再質素👍🏻價錢亦相當抵食❗可以放題式咁叫野食😆好爽😆兩個人食到飽飽都係百幾蚊~~⭐必食推介:1⃣脆皮豬手晏少少都會賣哂🙈🙉焗豬手熱辣辣，皮真係好脆，唔會un肉質都彈牙唔會鞋👍🏻有酸菜、薯仔粒伴碟，一個人食就太多了，兩個人剛好😋2⃣凍甜蝦盤🦐必點必叫必食❗$29一大碟🦐好鮮好甜🦐又易剝👍🏻 傾住計一邊食好快食完🙈個汁都好好味❗酸酸甜甜😆

今天中午我和老公來到 IKEA參考一下家居的設計，由於剛剛開門的關係，所以 IKEA餐廳的人流不算太多，而且它最近推出了一些新的菜式，於是我們順便來到這裡吃午餐了No.1【香烤燒羊架】$63這是IKEA新推出的菜式之一，可是羊架並不能自行選擇熟度，雖然看起來血紅紅的，感覺上比較生了一些，不過吃的時候卻不會嚐到血腥味，美中不足的是，這份羊架我完全嚐不到任何羊膻味...至於配菜薯蓉的質感亦非常綿滑，並且比起用薯條來伴碟相對地健康一點No.2【瑞典肉丸】$23這是我老公最喜歡的 IKEA菜式，它是由牛肉碎及豬肉碎混合而成，每一粒都充滿著濃濃的肉汁，肉汁四溢，滋味非常，我們都吃得津津有味，不亦樂乎No.3【香辣雞槌】$13由於雞槌明顯炸得太久了，所以外皮已經變得焦燶，同時內裡的雞肉亦缺乏肉汁，大家可以不用選擇No.4【脆炸黃金雞翼】$16對比起燒焦的雞槌，雞翼的質素相對地好一些，至少還保留了雞肉的肉汁，而且肉質仍然嫩滑可口，大家可以一試No.5【美式熱狗】$10這亦是 IKEA新推出的菜式，可惜外層的麵包沒有任何味道，淡而無味的，下次我寧願吃原條熱狗腸算了No.6【植物素肉醬意粉】$36沒想到

之前睇雜誌見到IKEA出左5蚊綠茶雪糕，作為綠茶控嘅我緊係專登去試下。跟住見到19蚊cold brew，就買埋嚟試（出面至少賣成$40）。————————————————🍵綠茶雪糕, $5（3/5）雪糕食落軟滑，有綠茶味但唔濃。比起老麥，雪糕感覺無咁膩，而且IKEA 用窩夫脆筒，自己比較鐘意。🥥 椰子冷萃咖啡, $19（2/5）咖啡温和唔酸，味道較淡。甜味係有的，但椰子味略嫌不足。個人認為普通試下/解渴係不錯嘅，但係就唔好太高期望。————————————————

去開ikea 買家庭用品就食埋ikea既餐廳今日黎到竟然要排隊黎到一定要試佢既瑞典肉丸33蚊已經有15粒，好抵食仲配埋好cream既薯蓉另外用左佢既小食拼盤相比下有d失色，可能已經擺耐左已經唔太脆同太咸魚肉串意粉係好味意粉唔會煮得過時魚肉無骨唔會腥最後食埋佢甜品朱古力鬆餅出奇地有驚喜拎上台仲係熱辣辣切開心邊竟然有少少流心以10蚊呢價錢真係好正

最近Ikea 出咗新嘅菜式就係蟹肉意粉，咁梗係要試吓啦。嗰陣時去到廚房前面，我就問佢有幾多蟹肉。然後佢就話：「蟹肉只係一啲點綴嚟㗎，唔會多。」咁我就問佢：「會唔會俾返啲正常份量？」佢話：「會。」跟住我睇一睇，其實都超出我想像，我以為係拎少少啦。點知佢係一夾就夾好多個種。蟹肉就因為擺得比較耐啦，咁就唔係話特別鮮嘅。意粉醬呢就係直接淋上意粉度。菜既份量仲可以。其實佢嗰個羽衣甘藍整到脆卜卜咁樣食落去好爽。咁我就驚我會食唔飽，所以呢我就額外叫多咗一個薯餅。咁其實我覺得佢咁多年嚟嘅水準都係保持得非常之好食㗎！