宜家家居餐廳及咖啡室

營業中

休息中

宜家傢俬其中一個最吸引之處，相信是美食部，行到攰攰地來個草莓醬肉丸、小食拼盤、脆薯格，再配無限添飲咖啡☕️啱晒港人口味之餘，亦有質素保證！可惜座位向來不夠，希望可以再裝修一下，用有限空間去放更多的座位！

尋日黎megabox行街 係ikea食下午茶發現有新菜式：香草烤雞胸伴炸薯蓉、蔬菜（$39）雞胸一啲都唔韌😻好大舊 都算入味👍🏻伴碟嘅蔬菜同埋炸薯蓉我就覺得麻麻地總括而言都幾抵食嘅🤪另外仲嗌咗芝士波（$10/5pcs), 蔬菜餅($8)同 龍蝦仔濃湯（$13)一如既往咁好食/飲🤤咖啡就淡左啲 唔係幾好飲😥

IKEA的餐廳那怕獨立出來也肯定客似雲來。水准之高絕對比大家樂大快活好N倍。而且環境舒適，價錢公道。點了薯蓉肉丸，凍蝦和龍蝦湯。尤蝦湯味道非常濃郁，西湯一定要濃郁才好味道。另外凍蝦絕對驚艶。點上蕃茄醬簡直不吃不厭，而且凍蝦非常多蝦子。薯蓉肉丸不過不失。但整體來説絕對推荐。

第一次嚟九龍灣MegaBox的宜家傢俬餐廳，因為泊車便宜， $19一個鐘，而且食完亦都可以行吓商場，非常之好。肺炎疫情影響下，這個餐廳的社交距離做得非常之好，枱與枱之間有充足的空間，令人坐得舒服。首先係推架車仔去取餐，跟着流程做，先攞飲品甜品冷盤。這裏主菜都係40幾蚊左右好抵食，頭盤選擇凍蝦，新鮮又好味！點了龍蝦湯、寬條麵和三文魚，最後還是非常喜愛紅蘿蔔麵包。

每次去完MegaBox shopping之後，都會去宜家餐廳食dinner。因為有大女鍾意食嘅冷盤蝦、西蘭花薯蓉、龍蝦湯，仲有細妹鍾意食嘅薯格、炸雞翼同埋朱古力味muffin，亦都唔少得我最喜愛嘅肉丸😝有幾次去到大約係六點幾，都全場爆滿。所以都會叫爸爸同家姐去排隊買嘢食先，差不多比完錢就搵到位啦。今次個炸雞翼細妹話有啲辣，所以唔係食得太多隻。啱啱呢次除咗點左指定喜愛嘅食物之外，仲叫咗個大蝦白汁意粉、雞胸配potato fingers，估唔到個雞胸一啲都唔”鞋”，感覺好似慢煮效果咁，有驚喜👍🏻不得不讚就係個朱古力muffin，蛋糕好鬆軟、朱古力味道好濃郁又唔太甜，裏面仲有少少留心朱古力醬，今次我都同細妹爭住嚟食😅

天氣越來越熱，週末不想再戶外活動，來宜家逛一天也變成了一個週末好活動！週末宜家人有點多，餐廳都是坐滿的，所以要有點耐心等位。這樣豐富的一餐也只要💰150 真的很便宜！肉食主義者吃了一頓全肉宴點了瑞典肉丸/烤豬手/小食拼盤/龍蝦濃湯瑞典肉丸是每次來必點的了。裹上肉汁後再配上一點小紅莓醬，味道太讚啦沒想到豬手也意外的很好吃！很大一個只要66港幣。有配上酸椰菜和小薯仔。肉質很鮮嫩吃飽後，正好去逛一下家居。宜家的產品風格都是北歐風的簡約感，每次來都能買到不少家居好物。週末在這裡逛上一天，真的不錯！

今日黎食限定野，新出既食物肉比較難咬，有d失望，好彩有叫其他野食，不過有d限定竟然賣晒，試食唔到，有d失望，今日都有好多人去食，所以要早d去擺位，自助式既自助服務，可以減少好多人手，不錯。

每次去宜家傢俬一定去宜家cafe食瑞典肉丸，每次我都會叫10粒。肉丸意粉好香，配上Gravy汁，再加少少紅梅醬，味道10分好。係側邊個薯蓉都係 my favourite, 好滑溜，牛油味幾香幾濃。另外，每次我都會叫兩個蔬菜薯餅 vegetable cake， 因為我好鍾意這個味道。 佢地有急涷 cooked 賣， 我差唔多次次都會買盒返屋企自己 reheat. 如果同細路仔一齊去，我都會叫佢個 兒童餐， 有5粒肉丸， 一盒果汁，一個蘋果，有嘢食有嘢飲有生果，份量足夠又有營養又健康！

今日去開Ikea買野，順便係度食埋。試下新野 <蒜香欖油和牛粒意粉>，和牛粒份量都幾多喎👍🏻，而且好有牛味~必叫<瑞典肉丸>，加埋紅果子醬一流🤤。<香草田園沙律>雖然冇醬汁，但啲蝦仔同粟米好香甜😋，連埋沙律菜一齊食就啱啱好👏🏻。另外見到芝士波波10蚊5粒好抵食✌🏻，味道都唔錯喎~

新年期間, 細路不用上學, 所以來逛傢俬店消磨時間, 順便在此午餐. 平日時段, 客人不多, 環境比高分.  新春期間推出了應節美食!  看到新東西, 所以要試一試, 而小米則點了大牛扒.    炆花膠冬菇伊麵    花膠有骨膠原, 夠滋補! 還有冬菇伊麵, 很有中國特色的美色!   攤開細小的花膠, 看不到紋理, 但看到魚肚的組織. 軟綿綿花膠, 韌度高, 膠質高, 嘴唇都粒粘的.   伊麵没有粘結, 每條分明, 伴著醬汁, 容易以叉子卷起. 但剛才的花膠很有份量, 所以覺得伊麵很多, 來到一半已放棄了.  最後來一杯咖啡做包號.   特級西冷  小米只吃肉, 卻把伴碟的蔬菜類放棄了!  還要多加汽水.

為咗食嘢專登去咗九龍灣，好耐冇嚟喇😜第一時間叫咗小食拼盤，雞翼，薯格，腸仔，粟米🌽，睇落好似加大版兒童餐😋同朋友一齊share就最啱喇！又大份又好味，無論男女老幼都一定俾佢吸引住！😍-🍟$43薯格最好食🍟腸仔好脆皮🍟雞翼大大隻🍟

🍖嫩豬肋骨配番薯條🍠-食肉獸表示一餐入面梗係唔可以冇肉啦🥩。因為見到佢西冷切得幾薄，所以今次反而係試咗下佢大大份嘅豬肋骨🦴。切開啲肉入口即融，而且配埋個汁酸酸微微好開胃🤤。而健康好味嘅番薯條就好好咁取代咗🍟，平時出邊食會比普通薯條收得貴啲，呢度做配菜就真係幾好👍🏻-🍖$63啲肉好嫩滑🍖一解薯條癮🍖有瓜扮健康🍖放假好去處🍖#nataliefooddblog

出黎食牛肉，宜家傢私係一個好好既選擇，佢地既牛扒好似酒店自助餐咁，成舊牛肉去焗再切出黎，質素出奇地好，有肉汁又唔靭，今晚就同朋友過黎九龍灣食，加幾蚊有任飲汽水咖啡，加埋招牌肉丸，價錢都係外面扒房一半，但好食過好多連鎖店。

今日冇野做，一家人行完傢俬就去左ikea餐廳，可能平日啦，完全冇人，周圍都係吉位。 環境係舒適既，因為冇咩人，所以坐低好闊落～～ikea餐廳屬於自助型式，我同老公就叫左一份炸物拼盤，瑞典肉丸，$13湯，蔬菜薯餅，仲有每次來必食既凍蝦～～最後+$7買左2個杯任飲汽水。必食推介～～～！*瑞典肉丸*凍蝦瑞典肉丸配埋薯蓉真係一流，每次來到都必定會叫！凍蝦係一個人都可以食哂一碟，味道清清定真係唔差～最後當然要飲返５杯可樂先夠皮啦！　哈哈哈一家人行到累累地坐ikea餐廳食個Tea 真係唔錯既選擇!!

今日收工去咗Megabox逛街買生活用品，先上四樓宜家搵食，餐廳區很大，先取食盤去排隊買食物，沿路冷盤自助取，熱食就有廚房部職員幫手𢳂，揀好晒就去收銀處比錢，職員都很有禮，由取食物到比錢，流程順暢比錢區後是自助水吧及醬料餐具區，取好晒就搵位食嘢，有立食及座位，因星期日人多，坐位都頗爆，我就靠牆立食好了！凍蝦盤（$29）保鮮紙包住連殼凍蝦，份量幾大，蝦殼幾易拆，蝦頭都有橙色蝦膏，蝦肉微微爽口，唔腥，點埋紅色茄醬酸酸地更提味，我無擠檸檬汁都好味蒜香欖油和牛粒意粉（$43）與圖片不太相似，因蔬菜轉了茄乾及粟米粒，首先意粉灑上勁多炸蒜粒（我在參考圖片上要放大先見到有零星炸蒜）氣味是香的，但又搶了撈了蒜油的意粉味道，有點可惜，難得意粉有咬口，和牛粒夠多，半肥瘦入口即化，油香夠不過牛肉味不算濃，有點食牛味午餐肉嘅口感，調味都夠味，伴碟嘅蔬菜粒幾多，不過我不喜歡那種酸酸的沙律油嘅味道，同粟米唔係好夾，自己不喜歡！落了點辣椒仔辣汁🌶️吊味，可以壓低油膩感！整體是幾好的！食物水準不錯，有宜家一貫嘅口味，不過這個價錢全自助，收盤都是自己攞去收餐盤區，份量對女仔幾大，可說合理！簡單一餐「自助餐」😆