宏 (已搬遷) 新店位置

之前成日黎呢度行街,一直都好期待黎'宏',今天終有時間放低女女同老公 撐枱腳!門口係售賣蛋糕嘅零售櫃檯， 蛋糕非常吸引眼球!餐牌好有型.打開餐牌樣樣都好想食，因為佢主打日本抹茶產品， 尤其係佢嘅蛋捲，好想一試。餐廳內嘅裝飾精緻，  座位亦都非常舒適， 不論係拍拖及三五知己都好適合 牆身上面掛住一塊巨型嘅日式和服 更顯日式風采!我點咗鰻魚飯套餐 ，跟餐有沙律，海藻烏冬以及抹茶蛋捲蒲燒鰻魚燒得非常恰到好處， 一叉住鰻魚立即有鰻魚汁流出， 入口外面內juicy， 完全冇咗鰻魚本身嘅土腥味， 而特製嘅蒲燒醬汁亦都係非常咁夾， 鰻魚汁撈飯簡直係人間最正嘅美食!! 而且今次仲有埋咁正嘅鰻魚更家係錦上添花。另外一款熱食海藻烏冬都唔輸蝕， 入口q彈有口感， 烏冬本身都已經加入咗海藻混合咗， 所以食嘅每一條烏冬都有海藻香味! 宇治抹茶沙冰軟雪糕服務員一送嚟嘅時候真係話"嘩"咗出聲!首先賣相吸引， 上層係宇治抹茶軟雪糕， 下面就係抹茶嘅沙冰， 香濃嘅軟雪糕抹茶味超重， 愛吃抹茶之人必定不能錯過， 沙冰因為係用抹茶做所以有抹茶甘香，一啲都唔甜。抹茶蛋捲蛋味濃郁而且非常creamy， 每一啖都充滿著宇治抹茶嘅

星期五晚上六時，到尖沙咀晚飯，不設訂位，只可walk in 限時45分鐘。之前在佐敦試過「宏」的抹茶甜點，印象深刻，以為可以再試.......點知「敗北」。一行七人，叫左六個餐加兩個小食，沒有驚喜，普通食物質素，尖沙咀地般的價錢，樓下是但一間餐廳都做到。炸薯餅乾到覺得吐唔落。重點，跟餐加廿蚊轉左杯焙茶奶，份量真係少，姑且試左味道再講，好飲的話廿蚊就叫抵，結果：職員一放低杯野，叫我自己再攪拌一下，因為佢攪唔勻，賣相似泥水，飲落口1:99，得個甜字，完全無茶味，同第一次去佐敦「宏」的質量比，以為入錯門口。再食埋個抹茶卷，蛋糕死死實實，茶味唔夠，忌廉無味，再次失望而回。同區同級數的餐廳，應該好好多，唔會再試第三次，完。

放工同朋友食飯，閒日星期二晚上8點半時間，由等位到入座約9點，本來想食the one 樓下四樓一間餐廳，可惜由7半等到8半決定轉場，上咗去五樓食呢一間，原因係少人等位，已經又攰又餓，但都要等半個鐘，冇諗過咁多人。係香港食嘢貴都算，真的有點份量不夠，三個女仔一人叫完一個餐都不太飽......一打開餐牌有個餐係有茶，主食，甜品$99，再加一，$109最後埋單重要五毫子都唔收，收銀機前只寫不收一千元大鈔，冇寫五毫子唔收，咁好彩我有帶多現金啫，如果我只得五毫子找數，而你又唔收咁點算？入黎進餐前又冇講明唔收五毫子，連埋單感覺都不好受。加上服務態度又差，嘢食貴得黎唔飽肚，我入黎食晚餐的目的都係想填飽果肚啫，唔會再有下次。抺茶蛋捲：本人是抺茶粉絲，覺得這個味道一般，抺茶味不太濃，也沒有抺茶回甘味。三文魚烏東：三文魚有兩舊，叫咗正常份量烏東都較細份，食唔飽，果汁好咸，食完有味精反應，非常之口渴，不太推這個冷烏東。

喺The One睇完戲之後已經好肚餓，朋友都有少少唔耐煩，唯有喺度搵嘢食。咁啱大家都想食日本野，就行入去呢間日本餐廳「宏」裏面餐牌有勁多選擇，朋友好鍾意食日本野，特別係啲甜品，真係好似痴咗線咁，就同我講不如食一個正餐但係就叫兩個甜品share ,既然佢咁鍾意甜品就滿足下佢嘅慾望啦。日本白燒鰻魚定食＄210套餐附送：海藻烏冬，新瀉米飯，沙律，小抹茶蛋捲，錫蘭紅茶其實啲日本嘢食都幾飽肚，因為好多澱粉質，沙律有黑醋同埋豉油有啲鹹香，建議可以撈飯一齊食，因為啲日本米真係好多，如果送鰻魚食嘅話驚去到最後啲白飯係食唔晒！白燒鰻魚嗰種味道就比較貼近 original taste 可以點上唔同嘅醬汁就有唔同嘅味道食法：日本芥末和醬油（好像海鮮刺身）日本柚子醬油 （味道微酸）鹽（最簡單的味道）鰻魚醬汁（蒲燒的味道）海藻烏冬味道清清地少少甜，冇白飯咁齋。因送細抺茶蛋捲，食到最後仲有個小蛋捲，我哋就揀咗芝麻味，芝麻香都算濃郁，比想像中好吃得多。想飲啲特色飲品，就叫啲時令嘢。焙茶奶$40第一次見到有呢一類型嘅奶可以飲，即刻試一試凍飲，焙茶味道好香，奶味甜甜地但係兩種味道之間好夾，不會有任何一種搶了另外一種的口

大家都知我有兩位抹茶控好伴友，一是我工作上夥伴，另一就是我好嫂嫂。究竟今晚我約了那位？還是約齊兩位吃過痛快？其實約那位吃也同樣開心，因為我們都會品嚐邊交流，一大樂事。而今晚我的同行者就……嫂嫂。我倆還未走進店內品嚐食品, 先被門口的凍櫃吸引着, 放滿多款精緻的蛋糕、卷蛋和馬卡龍，不禁垂涎，見到咁多抹茶，我倆快要失控了! 除了各款蛋糕外，凍櫃上還放了一些包裝曲奇, 而曲奇亦歡迎試食。擔心自己忍不住，還是快快走進內裏。餐店以紅白色為主調，環境光猛，裝潢滿有和風色彩，亦帶點時尚感。天花鑲上色彩繽紛的大大小小圓燈；木架上放了不同款式的日本扇子和茶具，而牆上則掛了日式的布匹和一套紫色花大和服，好搶眼呀！地方寬敞闊落，設有多張四人張，亦有十人枱，配上紅色軟墊椅子和一排排沙發座，枱與枱之間有一定距離，坐得舒適自在。餐簿分別有銀字的長餐簿和金字的短餐簿，圖文並茂，中日英語並存，清晰詳細。長餐簿以套餐為主，有特價套餐、飯麵套餐、鰻魚系列、咖喱飯套餐、午巿套餐、小食、蛋糕套餐、特色飲品和甜品推介。而短餐簿則是散點菜式，有烏冬系列、拉麵系列、意大利粉、咖喱系列、飲料、芭菲、窩夫、班戟、蛋糕、杏仁蛋白餅、曲奇

黎到尖沙咀玩完九龍公園同科學館, 有咩做同食麥好? 日本菜從來都係我既至愛, 今次去到the one既5樓, 我地搵左呢個裝修幾靚既餐廳食餐廳門面有一堆蛋捲, macaon, 蛋糕, 好新鮮。。見到都流哂口水我點左咖哩豬扒飯($108)要留肚食甜品所以叫左少飯, 咖哩係日式唔會辣而豬扒炸得好脆好熱辣辣。 配上新瀉米一絕飲品就係蘋果汁(加40蚊), 好濃郁,少少甜朋友叫凍培茶奶(加20蚊) 超好飲朋友點左天婦羅套餐($170)天婦羅有蝦, 秋葵, 蕃薯等。天婦羅醬就放係另一邊。 套餐有埋海藻麵同甜品。 甜品揀左綠茶蛋捲日本草莓味既macaon 言語不能感染你, 但相片可以。見到都想食多次雜果窩夫($68)

看到宏的甜品櫃中的蛋糕真的很誘人, 顏色美麗, 軟綿綿一件件放得整齊, 好像叫我快點把他們帶走....我實在忍不住, 快快走入餐廳, 打算吃個日式便當晚飯後便"順便"吃甜品, 哈哈。其實這間餐廳也吃過幾次, 雖然吃的東西大都不一樣,但我每次還是會點上他們的卷蛋蛋糕作甜品。心多多的我選了這個迷你三彩定食, 有飯又有烏冬, 還有和風沙律, 十分飽肚。顏色漂亮的吞拿魚蓉飯看似細細碗, 其實內裏的魚蓉一點也不少, 基本上每口都能吃到吞拿魚的肥美。魚蓉沒有太多筋, 軟綿綿的很好吃, 口感豐腴; 加上紫菜的海洋味道, 一點也不會比海鮮丼專門店失色。大大片的烤鰻魚肉厚少骨, 加上使用日本米煮調, 味道更為甘香, 吃下去整個身都是暖暖的。要是有多一點鰻魚汁就PERFECT 了。身邊那位這晚不想吃飯, 點了個什錦天婦羅烏冬。天婦羅是即點即炸的, 送來時還冒着一股熱氣。脆漿做得不算厚, 脆度十足。炸蝦也不錯, 蝦肉有點爽口不會一股雪味。而我覺得炸秋葵也很不錯, 既有蔬菜的爽脆, 亦有那種水份的鮮甜。配上的海藻烏冬質感亦較彈牙,滑溜溜的很易滑入口中,  頭湯較清, 用上簡單的昆布和柴魚乾煮成, 令海帶的味更

早月前試過了紅磡分店, 味道出色印象深刻, 尖咀店因為總是人龍長長一直沒機會品嚐; 今晚終於因為有在尖咀工作的朋友先來一步排隊, 才可以一嚐滋味餐牌跟紅磡店的沒有太多分別, 也是在做白鰻魚的推廣今次自己點了最穩妥之選: 大鰻魚飯套餐($180), 朋友則點了日本白鰻燒($210)及迷你三彩定食套餐($148)鰻魚汁香濃, 配上新潟米原汁原味, 食量不多的我就因為濃郁的鰻魚汁連飯吃得肚皮漲爆的迷你三彩定食, 啱多心的朋友, 一次滿足三個願望每份套餐都包了一碗烏冬, 還記得上次紅磡店店長跟我說製作烏冬的小麥粉是拎了日本食品獎的, 而且一樣見到粒粒海澡在烏冬之上日本白鰻燒, 如果可以再熱一點就魚味更鮮更好味其實今晚來的目的, 還是這裡的甜品, 三人叫了三個不同款:焦糖布甸芭菲: 布甸彈彈的, 很重蛋味抺茶軟雪糕芭菲, 抹茶味苦苦的, 跟超甜的日本紅豆蓉拌在一起吃非常出色, 還有杯下非常多的杏仁脆片, 口感非常豐富香草牛奶軟雪糕芭菲, 相比起剛才兩款, 這個味道就較為平淡, 不過軟雪糕的牛奶味比一般的特別香濃, 沒有被之前兩款甜品味道所蓋過

姊妹三兩閒逛The One ，醫肚時刻經過誘人甜品櫃，加上推廣中嘅鰻魚飯。二話不說即撲入餐店開餐。餐牌中三份不同鰻魚飯餐各具特色，每人試一份剛好。大鰻魚飯夠大份，日式醬汁燒鰻魚 ，鹹甜醬香味慢慢帶出鰻魚鮮味，夠傳統。日本白燒鰻魚飯，白燒鰻最保留原汁原味既鰻魚鮮，幾個小碟醬料又加添拌飯美味。迷你三彩定食，又想食鰻魚又想食吞拿魚就啱曬貪心鬼。其實跟餐嘅海藻烏冬都十分美味又夠飽肚。跟餐嘅錫蘭紅茶，連前事頭婆家族都飲，放上檯即聞到茶香撲鼻；啱曬跟住上嘅抹茶蛋榚，老實講，入呢間餐廳嘅好大原因就係呢個蛋糕。個抹茶蛋卷入口香、滑、鬆軟，除左令個餐錦上添花，仲俾佢挑起條甜品癮。再翻一次餐牌每人都點了一款芭菲。可能係個人喜好關係，自覺自己選嘅香草牛奶軟雪糕芭菲最美味，小量草梅加上蝴蝶餅與超滑牛奶雪糕夾到無得頂，杯底嘅甜脆杏仁及蛋榚甜度剛好，甜點嘅罪惡感完全被美味嘅滿足徹底蓋過，整餐嘅代價都好值得。

上回提到國內舊同事來了香港和我聚舊，同佢食完晚飯就送佢返酒店，改天再約出來再聚。昨晚，佢又 call 我，問我今晚得唔得閒去睇黃子華? 吓! 你竟然買到飛? 原來佢用了些特別渠道得到兩張飛，預埋我。有得睇，梗係去啦!去睇show 之前，同佢去咗The One 行咗陣，去到呢度就見到間專賣抹茶食品飲品嘅餐廳。在門外，我哋考慮咗一陣，都係抵抗唔住抹茶嘅魔力，入咗餐廳食個飯先去紅館。客人都唔少喎。舊同事擔心唔知上菜會唔會去慢呢? 因為我哋要趕住睇show。我同佢講，少擔心，香港人做嘢好有效率，況且仲有成粒幾鐘，實趕得切。侍應姐姐推介，呢度的鰻魚套餐係熱買。其實唔使佢多講，我一早就打算食架喇，因為我係個鰻魚痴。我哋分別叫咗一個白燒鰻魚定食和一個大鰻魚飯定食，加錢轉特飲和食甜品。大鰻魚飯定食有一大盒燒鰻魚飯，一碗海藻烏冬，一個沙律。沙律OK 新鮮。烏冬啲質地好特別，有點煙韌，但又好好食。嘩! 我至愛的燒鰻魚呀! 好大條，超好味!日本白燒鰻魚定食都係有沙律和烏冬，分別之處係白鰻魚。白鰻魚係無用鰻魚汁去燒，所以顏色依然是白色，咁樣可以食到原有鰻魚鮮味。附有四款調味，包括芥末和醬酒、柚子醬油、鹽和鰻魚

在the one 楼上～听说出名的是抹茶蛋糕和雪糕～做Gym前本想随便吃个晚餐，结果发现意外的惊喜和好味，鳗鱼稍微鱼刺要注意留心一下，荞麦面和吞拿鱼饭味道很不错～一个set下来包甜品都是160左右～～

今日嚟開附近做Facial ,就緊係食埋飯先返屋企，同老公講開好懷念之前係京都食嗰D綠茶甜品，就即刻睇下邊到有。最後揀咗呢間，我諗應該新開嘅。我地睇menu 都睇咗一陣，因為有好多唔同嘅餐揀，攪到我心大心細最後我揀咗白燒鰻魚，特別之處就係白燒，因為通常食嘅都已經落唒醬汁，呢到會有4款汁俾你自己配搭。有傳統燒汁，wasabi &豉油，鹽，柚子汁。個人鍾意柚子，酸酸甜甜，好fresh。鰻魚雖然唔係好厚肉，但好有魚味另外叫咗照燒雞，唔係十分特別，但味道都唔錯餐飲係滴漏咖啡沙冰 and 抹茶奶。兩杯都好香濃跟餐仲有件小蛋卷，正！食完覺得甜品呢part 唔夠喉，所以再叫抹茶軟雪糕芭菲，最鍾意D軟雪糕，綠茶味啱啱好，唔怕太甜或太苦抺茶雪糕拿破崙，D味勁match,口感十足總括食物質素好好，尤其係甜品，淨係嚟食甜品都好。值得推介

今日放假同女朋友出咗街，去咗The one睇戲睇完戲有d餓，所以The one行咗陣，望到呢間而抹茶做主打，加日式料理既餐廳，都幾岩心水所以就入左去下午茶時間人不算多，位置寬躺舒服服務員介紹新Menu白燒鰻魚定食，其實有啲心郁郁想試，不過女朋友想食原味燒汁鰻魚飯，所以就冇叫到，唯有下次先再試！呢個就係我所講女朋友想食嗰個鰻魚飯定食，其實份量都幾多，又有飯又有一個細烏冬😱醬汁調得不錯，唔會太咸，鰻魚亦鋪滿成個飯面，好有之前係日本食鰻魚專門店既做法！不過份量真係幾多，最後食唔哂而我就叫左個冷烏冬定食，亦配有加州卷，三文魚卷成一套花既形狀，打反開後，好鬼大塊原來！跟餐甜品佢有好幾個選擇，我同女朋友就揀左唔同既黎試，兩個都好精緻，馬卡龍都好鬆脆！右邊係跟餐既茶，左邊係抹茶奶，好好飲，味道好濃郁！佢仲有好多唔同既甜品，不過今次個肚真係冇位再塞落去，下次先過黎再食😂

今日約左朋友食飯，想食日本野，所以去左 The One 嘅 宏。由於依家盡量小食三文魚 ，就愛上左鰻魚。一打開 menu 就搵鰻魚嘅 set, 朋友們都唔例外。三個人最後都 order 左鰻魚。我同一個朋友就 order 左迷你三彩丼定食，因為想試多 d。吞拿魚碎飯一定一定要撈勻食，唔係會覺得一「劈」 ，撈勻左好食 拉麵：食左兩啖就冇食，因為驚飽，會食唔落個鰻魚飯，加上佢冇乜味，唔吸引我 鰻魚飯：味道我覺得 ok，多 d 汁會更好 另一個朋友就 order 左大鰻魚飯套餐，但佢話覺得太甜，普普通通卷蛋至好味，鬆鬆軟軟咁，好想食多件又有茶，我嘅至愛呀