宋家皇朝 (已結業)

四月時見廣告下午點心buffet$28,終於有一次做野行過時食了一餐,原來加埋要$40的;記得這店經常接受訪問,環境挺有新派風格的.而且不很旺.除了點心紙,仲有一些熱盤係中心,抄飯/楊州伊面/糖醋魚塊/0架哩魚蛋/豬紅,仲有湯呀/紫米露呀/豆漿呀/冷糕點,出奇地好食,反而所謂就不可接受,精美的點心紙上有30-40款,不過叫了幾款時,都暫停供應:<,到上碟時的質數又好差.當中燒賣為表表者最好的要算是口水雞,可以我以前未有嘗試過無得比較,味道麻辣中帶點醋酸,特別總結食物不過不失啦,但感覺上食環境多過食野食.下午時$40 想hea一hea都不錯

上個星期四約咗兩個friend食飯,其中一個friend的細老話宋家皇朝幾抵,於是決定試試。8:00pm上到去,嘩!?真係嚇親,因為數埋唔夠4枱人,所以我地冇訂枱都可以坐卡座,梳化椅超舒服,服務員態度都OK, 我地仲坐到11點幾先走,不過可能卡座得我地一枱, 而又係大廳較偏位置,所以有時叫人要等好耐或都要自己行出去。講番食物,任食火煱加湯底茶芥每人HK$100+任飲豆漿及凉茶價,錢都好合理,丸類係手打既幾彈牙,肉類及其他都不過不失,最歡喜就係好似台式火煱咁可以自己DIY醬料。

朋友叫冰鎮芥蘭, 上枱時嚟咗盆冰, 咩都無, 問個伙計比冰做咩, 佢\竟然話比我哋用嚟食魚生.唔係吓嘛! 唔知做咩, check吓單, 或者問吓同事呀, 點會去你哋度食魚生呀!

見到咁多負面評價...但係我琴晚先去完打邊爐..又唔係咁差所以都想評一評...同女友八點半上到去見到有麻辣火鍋..所以都好想試下(本來諗住去麻辣奬門人)..星期六晚...但係入面場面都幾冷清...都有D驚..見到after九點仲平d所以同經理講都係轉頭先黎..佢亦好polite咁話好丫...九點後都係上返去食..因為諗住開得係果到d食店一般都唔差所以都覺得值得試下....入到去...環境首先真係唔差..格局幾好座卡位...但人唔多....叫左個麻辣鍋同花錭雞鍋...麻辣其實就唔係真係好麻辣但係好香...個雞鍋就好有酒味都幾正.....服務我覺得真係用好黎形容...polite、加湯自動自覺..野食又快到..自配醬料好正呀...加左d花技辣油後就勁有麻辣Feel...食物都幾新鮮..真係唔太差....我會再去啦...因為同女友都覺得d味道就好似之前去台灣食麻辣火鍋o既feel 一樣...

以前去過兩三次, 覺得食物的質素都係一般啦! 只不過覺得地方幾好座, 同埋都算經濟啦! 最近去一次係4月29日, 因為在銅鑼灣,7點幾既食飯時間, 到到都要等, 唯有去呢間唔使等架啦!! 其實黃金時間, 成間食店小貓三幾隻, 都真係有原因架!! 我同朋友共7人, 當時應該我地係最大圍枱既, 但d服務員好似睇唔到咁, 我地坐左一陣, 想叫菜, 但居然冇人理!! 等左幾分鐘, 終於有個姐姐仔走埋黎, 咁我地大約叫左6個小菜同湯, 個落單既女仔行開左後, 突然有另一個老d既女服務員走埋黎, 好勞氣又好快咁講左一堆野, 係d唔咸唔淡既廣東話之類啦!! 都唔知佢講咩!! 我朋友想問清潔佢講咩, 佢居然好惡咁質問我朋友, 問我地有冇叫"水煮牛" !! 我朋友都未來得及反應, 佢又好快咁走返去收銀counter到!! 完全令人莫名其妙!! 事實我地冇order"水煮牛", 都唔知佢攪咩鬼!! 跟住成餐飯呢, d食物麻麻地啦! 其中一味花枝帶子炒西蘭花, d帶子一d味都冇, 超難食!! 不過最令人食得唔開心就係d服務員完全唔會睇位, 佢地只會就自己方便, 會突然在我同朋友之間插隻手入黎放低碟菜, 又會

After 2pm buffet cost $38 only. Wa very cheap. I wanted to leave because I was worry about the food quality. My friend said it was too impolite if we left right away. It's true, the food was ... and I saw the waitress put the remaining food from other tables to the buffet corner again. Very horrible. I won't be there again.

晚市我覺得幾好呀,環境好舒服同咪坐得耐無人趕你走。D小菜幾好幾有特式﹐我地叫個六人餐七個人食都夠

琴日我同男朋友1點鐘0係銅鑼灣諗住飲茶，咁見樓下有人派傳單，睇個價錢只係$38，仲要係任食，問派傳單個阿嬏係咪星期日都係呢個價錢，上到去先知貴$10，侍應話每位$57埋單，見裝修唔錯都ok 啦，所以入去食!點心紙都有好多0野揀~ 一般點心如蝦餃、燒賣、蘿蔔糕、鳯爪、排骨都有，仲可以出去自己拎其他野食如酸辣湯、湯、糖水等。我地點左口水雞、蝦餃、燒賣、鳯爪、炸饅頭、炸雲吞等。但野食唻到的時候完全徹底失望~炸饅頭幾好食，但其他全部唔得囉! 口水雞太生(有鮮血) 、蝦餃一蘢得3件，仲要細粒過公仔點心、3粒燒賣0係蒸蘢入面散收收，而且唔新鮮(唔似得出面其他0個0的好整齊咁)、炸雲吞完全冇雲吞(得側面0的皮)、鳯爪冇唻到又冇人通知、放0係出面0既0野食更慘不忍睹(0的魚蛋豬皮比一大煲唔知水定湯浸住，總之見倒都唔會想食，之後斟左杯酸梅湯，竟然有隻小昆蟲0係入面游水，話比0的侍應知，佢倒左杯野叫我地再斟過～總之0的野唔乾淨亦唔特別好食~ 以後都唔再去!

I went to this restaurant for hot pot with my friends last week and I will never go back to this restaurant again. The food are very bad, even the beef for hot pot are not fresh and the orange juice that they provide have some detergent smell in it. This is the worst hot pot I have.

分別於七月八日同七月十八日兩點鐘去食，服務、遞菜速度都可以接受，況且仲好食過小肥羊果d行貨點心添！俾你任點仲有得俾你夾野黎食，加埋一都剩係俾卅幾蚊仲想點呀？真係唔明點解有人話食唔飽囉，我地就個個捧住個肚返去開工呀，一粒鐘都唔使喎。口水雞正到痺，仲有燒賣都係推介，甜食就桂花糕清香味美，暖豆漿又香又滑。冷盤都好好味丫，涼拌三絲、涼拌茄子同皮蛋豆腐都令我一食再想食，不過個肚仔裝唔哂咋。酸辣湯都唔錯丫，冇人要你一定要食抄野既，係人都知放得耐就一定有油落底架啦，至於d 抄蔬菜就真係岩d瘦身女仔食囉。

尋日放工後,同男友book左2點黎食點心buffet,每位連加一$46,平過小肥羊幾蚊,但質素真系爭幾皮呢!基本上我覺得呢間既buffet 無咩誠意,好似求其比d點心你食咁,無邊樣系特別好食,放系出面既熱盤同糕點更加不堪入目!食物質素,款式同服務均不及小肥羊既好,難怪已夠2點小肥羊已人頭湧湧.唯一可取之處系佢環境吾錯,幾好坐.

見任食下午茶$28咁抵, 就同bf 試下啦~點知...仲難食過樓下間小肥羊(已經算差的了).椒鹽蝦d蝦霉的, 粟米羹沒料的生粉太多, 炸饅頭真係"真材實料", "硬實實"哽得死人, 蘿蔔糕得d粉沒有蘿蔔絲, 最惡頂係個擔擔麵, 一陣鹹水味再溝d 花生醬湯底, 食左一啖已經沒胃口...只係得d 涼拌稍為正常~佢$18我都唔會幫襯> <

裝修特別,唔似一般火鍋店(酒樓feel),價錢中等,食物都幾新鮮,最正係有好多醬料俾客人自己溝,我幾次去都只係打邊爐, 所以其他o野食唔知點(但見到好多人都彈得好緊要), 職員服務態度幾好呀, 不過近幾個月無去過,所以唔知有無咩野轉變.

聽聞話呢度午市$38任食，尋日咪同班同事飛的過來食。呢度裝修唔錯，我地8個人被安排坐10人桌，仲係自成一角，坐得幾舒服。個豉油雞翼又大隻又熱又好味，酸辣湯都唔錯，口水雞好正，不過就記得個四川擔擔麵個醬汁好香花生麻油味但一d都唔辣，個水晶飽個皮太厚…，我地叫左好多野食，D野食整體來說都幾好食，連茶芥等埋單每位$46，好抵！

小龍飽好難食，上海年糕又硬，上海粗炒又油，$1叫化雞叫做比較特別，但太咸，總括黎講，無樣野可以叫做好食，小龍飽等足一個鐘有多先黎，個皮無味，湯無味，連舊肉都無味，難唯我地等左一個鐘，有人請我都唔會再去﹗