影片
以上資料只供參考, 請與餐廳確認詳情
週末同朋友入屯門虹橋個邊搵食，意外發現一間新開嘅居酒屋，主打日式定食、刺身丼同壽司定食！用非常親民嘅價錢就食到高質嘅日食，真係要快啲share俾住屯門嘅朋友睇啦🤩🥢壽司盛盒K4 ($79)我揀嘅壽司set有4件三文魚壽司、4件蟹籽壽司、2件花之戀、2件加州卷，啲壽司全部大大件，食落幾高質，先$79真係好抵！但我呢個餐唔知點解就冇送烏東，只係送麵豉湯同沙律，但我朋友食嘅壽司盛盒K2就有送埋烏東另一個朋友食嘅三色丼都好大碗，而且刺身都切得幾大片，cp值好高😋餐廳Menu真係勁多選擇，同朋友都揀咗好耐先揀到😂除咗定食之外，仲有好多小食選擇，章魚小丸子、玉子燒、芝士年糕等，全部都好想食呀！不過一個lunch set已經夠晒飽，就冇再嗌了～-如果鍾意我嘅分享，請follow我IG @brownlyeat睇更多分享❣️
繼續閱讀