安金稻朝鮮拌飯

營業中

休息中

喵喵前日去咗試呢間新開嘅韓式伴飯，第一次嚟叫咗個肉醬 Bibimbap 加配 炸雞（3件） + 魚糕（1串） + 甜辣豬手（1件） 喵。因為係新開，所以喵喵嚟試吓味，睇吓似唔似喵喵喺韓國食到嘅味道喵。Bibimbap 8/10 分 喵評 ：份量ok，夠食嘅喵。 伴菜韌咗小小喵，肉醬唔太鹹ok喵喵收貨。味道唔太似喵喵韓國食到嘅味道，但係算ok好味既喵。如果配啲韓式辣醬一伴喵喵會比多一分。 蜜糖介末炸雞 8/10 分 喵評 ：味道唔錯呀喵。雞肉入味肉質唔鞋又唔太鹹喵。雞件夠香口炸得唔錯，食得出有換過油唔係由朝到晚都係同一兜油喵。如果醬可以再多小小喵喵會比多1分。魚糕 7/10 分喵評 ：係叫貨喎喵。味道唔太鹹$8 乍 喵喵唔挑剔，ok啦喵。甜辣豬手 7/10喵評：淡嘅港式味道呀喵~ 味道唔太鹹，豬手入味嘅喵。係BB豬，無乜肉嘅喵。喵喵下次再嚟嘅話喵喵唔會再叫。自助吧：泡菜5/10喵評： 太鹹, 泡菜係韓菜嘅靈魂，夠辣但係味鹹度有待改善呀喵。湯 5/10喵評：有海帶但係無乜味喎喵。下次喵喵唔會再飲。白飯 -/-喵評 ： 無試。服務 8/10喵評：連比錢都係喺app落單時比埋既喵，係半自助式

喜歡吃飯，喜歡韓式拌飯，這間是不錯的選擇。👍🏻👍🏻很飽肚，海帶湯及泡菜在自助bar任添。免加一服務費午餐時間去，需要排隊，大約二十分鐘入座，QR Code下單，很快就上菜。我們試了牛肉拌飯及薯仔咖哩雞飯，滿足！拌飯用料足、份量足，多得吃不完。原來薯仔咖哩雞飯也很開胃，偏甜，雞的肉質有咬口，薯仔算是軟軟的，配飯一流👍🏻👍🏻豬手不建議，是凍食，甜的，怪怪的簡單滿足的一頓午餐👍🏻 快靚正👍🏻我見店內顧客大口大口吃飯，便知好味道😂😂😂🤤🤤

🥢大癲！！$29.9 就食到韓式石鍋拌飯！！🥢最近荃灣荃新天地開咗好多新餐廳，發現主打係傳統韓式風味嘅朝鮮拌飯店，餐牌價錢超親民，最平嘅韓式拌飯只係 $29.9 就食到， 小食價錢都係由$8 起就有交易，仲點可以免費無限任食韓式泡菜及海帶湯，白飯任添都只係$9 蚊一位真係好抵食，性價比好高🤩味道同性價比都相當高，店家主打提供韓式拌飯，仲有多款韓式料理，例如燒汁牛肉鍋，韓式魚糕，炸雞，板燒系列嘅芝士粟米等等，價錢抵食又親民👉🏻石鍋豚肉醬拌飯 $49.9石鍋豚肉醬拌飯係店內招牌，上檯石鍋仲熱辣辣，豚肉醬汁辣辣哋帶甜好惹味，拌勻後每啖都充滿韓式風味份量適中，性價比高👉🏻金槍魚拌飯 $46.9金槍魚拌飯清新開胃，金槍魚碎同沙律醬、飯粒拌勻，口感軟滑，配菜有紅蘿蔔絲、紫菜絲、粟米，仲有菠菜，增添口感層次👉🏻芝士粟米 $32.9芝士濃郁得誇張，熱辣辣拉絲效果超滿足，芝士濃郁，粟米甜美，邪惡到停唔到口👉🏻甜辣豬手 $45.9 豬手用韓式辣醬調味，甜甜辣辣的味道，咬落香軟有彈性，充滿骨膠原👉🏻 燒汁牛肉鍋 $47.9 燒汁牛肉鍋入面嘅牛肉片非常軟腍，燒汁偏甜美，仲有洋蔥，金菇同粗粉絲，帶日式照燒風味，

價錢好平。份量好多款式非常多牛肉鍋上枱時滾熱辣香噴噴肥牛肉質滑嫩🐮加上爽脆金菇🍄‍🟫份量十足,索滿湯汁。送飯一流～炒雜菜辣炒魷魚魷魚鬚份量多又惹味金槍魚拌飯大大碗波菜金槍魚醬紫菜粟米，好岩小朋友食。座位非常舒適免費加配白飯🍚同湯都係無限任裝。食得晒先好添呀-唔好做大嘥鬼。

安金稻朝鮮拌飯的招牌拌飯安金稻朝鮮拌飯的招牌拌飯真心推介。首先這裡的白飯﹑海帶湯和泡菜都是無限續加的, 保證一定可以食到飽一飽,真心很抵, 店家出手真大方, 而且他們的招牌拌飯一點也不貴, 大約六十多元以內便可以買到, 在香港物價高涱的環境下, 六十元吃到一餐飽飽的實在談何容易呢? 這裡就是做到給你看。雖然是免費續加的, 但食物質素仍維持在高水平, 白飯熱騰騰, 有米香, 泡菜酸甜味平衡, 辛香, 但不辣口, 還有很夠味的海帶湯, 真心好喝。我點了石鍋牛肉醬拌飯, 石鍋很夠燙, 做得很好, 鍋底有我喜歡的飯焦, 很甘香, 但又不會太硬或太韌, 而是又薄又香又脆口的, 很成功, 做到石鍋拌飯的精粹。牛肉相當嫩, 有肉香, 加上秘製的醬和其他材料, 十分豐盛, 味道很融和, 相當滋味好吃。

上個月經過，一路未入去食。今晚終於試左，竟發現海帶湯及泡菜任添兼好味。order左醬燒骨鍋，個鍋有睇頭且有火座熱著;牛肉伴飯D肉需少，但味道很不錯。兩人食，都不過$100，晚餐嚟講，超值!

因為喺荃新天地泊車，又好想食韓式拌飯，見到呢一間新開，入去試吓價錢唔貴，見到OpenRice竟然有$60，但可惜食完先見到😭。牛肉飯伴菜多，牛肉唔多，泡菜同湯係任攞，職員態度好，俾咗錢先至送嘢嚟，可惜冇Wi-Fi，唔能夠用電話下單，走咗之後就好多人嚟排隊啦。

非常好食 好似去咗韓國咁 石頭鍋飯材料豐富 有粟米蘑菇蘿蔔泡菜 最重要係 佢肉嘅份量非常充足 隻雞蛋都煮到啱啱好嘅程度 非常好食 除咗石頭鍋飯 佢都仲有其他小食 例如炸雞 同埋芝士年糕 都好似去咗弘大街頭食咁樣好開心，可以喺香港都食到咁地道嘅韓國菜 最重要最重要係 佢性價比非常之高 一個飯只係大概$50同埋同埋 佢呢度嘅湯同埋泡菜係無限添加 食飯食唔夠飽仲可以飲湯添 個湯暖笠笠 非常好食如果大家來荃灣 又咁啱想食韓國嘢 就一定要嚟呢間啦 講笑咋

見佢新開，所以去試下。。。見佢d 拌飯都幾抵食，叫左個泡菜拌飯，份量都正常，因為見都好平，我地仲話會唔會好細兜😂.石鍋泡菜拌飯好味度：⭐️⭐️⭐️⭐️.金槍魚拌飯 $46.9好味度：⭐️⭐️⭐️⭐️呢個份量仲多😆👍🏻.燒汁牛肉鍋 $47.9好鍾意佢個燒汁，甜甜地，用埋佢個汁撈飯都好好味😋😋好味度：⭐️⭐️⭐️⭐️.跟餐多左三件炸雞～$18.大醬排骨鍋 $49.9好味度：⭐️⭐️⭐️⭐️排骨炆到好淋好入味。。。好味👍🏻👍🏻雖然薯仔大件少少的，有點硬，鍋下面有個火燒住，都有d 幫助，慢慢d 薯仔都有淋返少少😀.另外加錢加飲品😀朋友說甜米露好飲～.泡菜及湯是任添的。。。泡菜味度都唔錯👍🏻👍🏻不過食幾多拎幾多，唔好浪費食物😀.