安金稻朝鮮拌飯

想食可能係世一嘅石鍋料理就要save低依個po喇😆今次介紹嘅係近期最平食嘅一間韓國餐廳❤️港九新界都有分店價錢平之餘仲有泡菜海帶任食！啱晒海帶控嘅小編～石鍋牛肉醬拌飯 $50 熱氣沸騰；醬汁惹味石鍋大醬湯 $40大大舊肉；湯底濃郁。PS：身為粉麵控嘅小編，見到幅圖有韓國粉絲即刻果斷落單！鐵板雞蛋 $29五隻雞蛋；蛋白爆棚甜辣豬手 $10（加配價）甜辣開胃；香軟煙韌魚糕串 $8（加配價）味道鮮美；口感軟糯海帶湯&泡菜免費無限續加！泡菜真係韓國菜不可劃缺嘅一環～…查看更多

近日去荃新天地試左個拌飯都唔錯，下午茶時間，價錢正路囉！叫左2個餐，每個餐大約五十幾蚊，話下午茶價又唔係話平，但2個人食得夠飽都係每人除開唔洗$60，咁都可以啦🤔大醬排骨鍋，望落唔大鍋，食落都好多舊又有蘿蔔，但佢本身包左我一個鐘任添白飯😂當然無加啦，根本都食唔哂，個排骨入味又夠腍，送飯一流👍🏻👍🏻另外個石頭鍋飯，雖然係下午茶好細碗咁但係夠飽喎！飯唔差，但個炸雞真係唔得，又細件，唔值得加錢食囉！不過鐘意食泡菜就正嘅，勁拎😋😋😂2個餐共$114.8大醬排骨鍋配白飯 $49.9甜米露$7迷你石鍋豚肉醬拌飯$32.9樂天檸七$7蜜糖芥末炸雞（3件）$18安金稻朝鮮拌飯 (荃灣)荃灣楊屋道1號荃新天地地下G78號舖電話:27650056#foodies #foodie #可以一試既 #荃灣美食 #荃新天地 #安金稻朝鮮拌飯 #東北珍珠米 #下午茶時間 #速食 #任食泡菜 #任飲海帶湯…查看更多

在荃灣見到這間新餐廳，這次試了雜菜韓式拌飯。蔬菜的選擇非常豐富，既有脆口的黃瓜，也有香甜的紅蘿蔔，還有清新的菠菜，這些食材的搭配使得口感十分多樣。而且，價格非常親民。餐廳還提供自助形式的服務，客人可以自由加湯和享用免費的泡菜，實在很划算。泡菜的酸辣味道與拌飯相得益彰，讓整頓餐更添風味。不過，餐廳的環境衛生有待改善，尤其是桌面和座椅的清潔度，這點希望能夠加強。整體而言，這家餐廳的雜菜韓式拌飯值得一試。…查看更多

喵喵前日去咗試呢間新開嘅韓式伴飯，第一次嚟叫咗個肉醬 Bibimbap 加配 炸雞（3件） + 魚糕（1串） + 甜辣豬手（1件） 喵。因為係新開，所以喵喵嚟試吓味，睇吓似唔似喵喵喺韓國食到嘅味道喵。Bibimbap 8/10 分 喵評 ：份量ok，夠食嘅喵。 伴菜韌咗小小喵，肉醬唔太鹹ok喵喵收貨。味道唔太似喵喵韓國食到嘅味道，但係算ok好味既喵。如果配啲韓式辣醬一伴喵喵會比多一分。 蜜糖介末炸雞 8/10 分 喵評 ：味道唔錯呀喵。雞肉入味肉質唔鞋又唔太鹹喵。雞件夠香口炸得唔錯，食得出有換過油唔係由朝到晚都係同一兜油喵。如果醬可以再多小小喵喵會比多1分。魚糕 7/10 分喵評 ：係叫貨喎喵。味道唔太鹹$8 乍 喵喵唔挑剔，ok啦喵。甜辣豬手 7/10喵評：淡嘅港式味道呀喵~ 味道唔太鹹，豬手入味嘅喵。係BB豬，無乜肉嘅喵。喵喵下次再嚟嘅話喵喵唔會再叫。自助吧：泡菜5/10喵評： 太鹹, 泡菜係韓菜嘅靈魂，夠辣但係味鹹度有待改善呀喵。湯 5/10喵評：有海帶但係無乜味喎喵。下次喵喵唔會再飲。白飯 -/-喵評 ： 無試。服務 8/10喵評：連比錢都係喺app落單時比埋既喵，係半自助式嘅喵。但係服務員有要求有回應喎喵，速度算快手，喵喵收貨。整體 7/10喵評：新店嚟講，喵喵叫做收貨。整體分數，被泡菜太鹹拉低整體分數呀喵，只係差呢樣啫喵，希望好快會有改善啦喵。喵喵唔會抗拒可以再嚟食嘅喵，但唔會係喵喵嘅首選餐廳。…查看更多

喜歡吃飯，喜歡韓式拌飯，這間是不錯的選擇。👍🏻👍🏻很飽肚，海帶湯及泡菜在自助bar任添。免加一服務費午餐時間去，需要排隊，大約二十分鐘入座，QR Code下單，很快就上菜。我們試了牛肉拌飯及薯仔咖哩雞飯，滿足！拌飯用料足、份量足，多得吃不完。原來薯仔咖哩雞飯也很開胃，偏甜，雞的肉質有咬口，薯仔算是軟軟的，配飯一流👍🏻👍🏻豬手不建議，是凍食，甜的，怪怪的簡單滿足的一頓午餐👍🏻 快靚正👍🏻我見店內顧客大口大口吃飯，便知好味道😂😂😂🤤🤤…查看更多