安平燒肉

營業中

休息中

食過好多間燒肉店，安平燒肉算是上上之選。點咗最貴嘅餐，四個人主打不斷叫 M5 和牛及牛舌，仲有牛小排，嚟安平主打都係食牛架啦，牛嘅質素的確唔錯，M5 和牛燒到剛熟入口軟化，油脂味十足，牛舌爽脆，牛小排雖然不及M5 和牛嫩滑，食落有啲咬口，但勝在牛肉有淡淡嘅香味，整體來講都係唔錯嘅，而且全個餐有百幾款食品，算是多選擇的了。有一樣我想特別提及安平燒肉嘅熟食當中有我最最最鍾意嘅鴨舌，味道濃郁，超正！估唔到食燒肉都有鴨舌食，好多地方都沒有的。最後係佢哋嘅烏龍茶有淡淡茶香，幫助消滯解渴。不錯！

Bookmark左安平燒肉好耐，今日放假決定捉朋友陪我食。食左午市120分鐘吃到飽，分左4個價位，緊係要揀澳洲M5和牛，$368一位。我地試晒咁多款牛肉，M5和牛的紋係最靚仔，都係一條條打橫既紋；而安格斯牛係雪花紋，不過啲牛肉油脂分布都好平均，用黎燒肉真係一流，如果餐廳有提示每款部分建議燒既時間係幾多就更加好。除咗自助落單既食物，仲有個自助區，有多款蔬菜、飲品，真係食得好開心。最後，仲有要甜品或者雪糕食。

非常老實地說...不好吃(?) 可能是家人期待很久的店結果有點失望😔......雖然有很多品項選擇，但唯一會再點的是牛舌和牛板腱這些本來就口感取勝的品項😢。看照片看食評都覺得賣相不錯，但不知為何牛味不足，肉質也很普通，提供的台灣小吃種類還好但表現馬虎😭..寫住必食嘅絲瓜煮蜆比起野外BBQ食到嘅更加無味...隻蜆又細隻又多沙...😔總而言之這間店好評多得我懷疑自己是不是味蕾出現問題......

聖誕節約埋朋食安平燒肉 兩個食到lamlam脷 飽到攬住個肚走🤣M5和牛油花靚肉味濃 叫咗幾round都靚😛除左肉類 呢度海鮮亦都高質 帆立貝巨型厚肉有鮮味 海蝦又係大大隻好彈牙 仲有牛油燒生蠔我地仲試咗好多款小食 台灣香腸 燒魚腹等等朋友最喜歡雞泡魚乾 一個人都食咗幾碟而我都係最愛黃金泡菜同金沙翠玉苦瓜 我每次都會點小枕頭 燒嘅過程好治癒望住個枕頭慢慢加熱再變大 再沾滿煉乳咁食 真係邪惡又好味最後食埋個台式仙草凍 有個完美嘅句號🥰

食過好多唔同類型唔同價錢嘅燒肉店，綜合埋環境同座位舒適度，心目中始終都覺得安平燒肉最好，當中最加分一定係佢哋嘅櫻花蝦拌飯🫶🏻。是日揀左澳洲M5和牛套餐，每位$418牛類🐂澳洲M5和牛佢哋嘅澳洲和牛油脂分布平均，比一般和牛更多肉汁同更有口感，非常適合爐燒。安格斯牛小排燒肉必食嘅部位之一，油脂量平均，味道甘甜肥美，最重要係適合任何熟度食用，失手煮太老都唔驚唔好食。燒牛舌嚟到安平必食嘅燒牛舌，厚薄啱啱好，口感煙韌彈牙，燒熟之後味道十分之香口。豬類🐖燒豬肉乾燒完之後更加香口，而且肉味更加突出，估唔到豬肉乾同爐燒會咁夾。厚切雪花豬豬瘦均勻嘅雪花豬，但食落唔會覺膩，反而口感嫩中有脆，肉味香濃又多汁。雞類🐓九層塔三杯雞已經調好晒味嘅雞肉，爐燒後香味更加突出，雞肉保持嫩滑口感，味道非常香口惹味。海鮮及其他🦐爽彈虎蝦佢哋嘅虎蝦算係幾大隻而且夠新鮮，肉質結實彈牙，味道鮮甜，就算唔點醬就咁食都好好味。烤魚干非常推薦一開始就點一碟嚟食，燒到變色之後味道香口又夠脆，越食會越開胃。自助吧🥬有大量新鮮蔬菜可以選擇，每日仲有唔同嘅台式湯飲，而當中個人推薦必食嘅就係🌸櫻花蝦拌飯，可以隨自己口味加入紫菜、蔥花、蒜片、滷水

限時2小時未到已比店員趕走3次，last order野食上枱後要15分鐘後走人，8盤野食未燒話你地要走，同店員講話佢地你地趕客走呀，佢即時話叫我地走，態度超差，關門大吉唔好話d客上大陸消費，你問d員工點對客人。

而家天氣越嚟越凍❄️，梗係唔少得要食燒肉啦🔥。嚟到荃灣，我哋就揀咗呢一間又有高質和牛🥩，又有海鮮🎏嘅台式燒肉放題🇹🇼。舖頭仲有好多飲品小食㖭🍱。我哋揀咗🔴澳洲M5和牛套餐(每人$368)，有過百款嘢食揀💯，好正！.🐮牛呢個套餐有好多靚嘅牛肉部位😍，有燒牛舌芯👅、澳洲M5和牛🇦🇺、安格斯牛小排🐄等等。燒出嚟牛肉真係好嫩💕，而且好多肉汁💦，流出嚟滿滿嘅油脂感，好邪惡。.🌊海鮮烤帆立貝🐚、爽蛋虎蝦🦐、鹽蒜燒生蠔🦪。一路燒，貝殼上面一路有咕嚕咕嚕🫧嘅聲，好吸引。再加埋牛油溶化🧈、黑椒嘅香味🧂，好食。屏東燒魚腹🐟燒出嚟好多油脂🤤，甜甜哋嘅醬料有種燒鰻魚嘅感覺🇯🇵。燒魷魚嘅炭火香味🔥好香、好好食。.🍱小食飲品我哋試咗章魚卷🐙、蝦卷🍤，外層酥脆，炸粉薄薄脆脆🫦，裏面有章魚同蝦嘅香味😆，仲有韭菜🌱令到味道更加濃郁。呢度仲有手搖果茶🥤可以揀㖭。

平時成日去旺角既安平燒肉，質素都唔錯，今日咁岩同媽媽係荃灣附近行街，晚餐決定試下荃灣既安平燒肉，我地叫左個「澳州M5和牛吃到飽」吃到飽套餐，食燒肉唔食和牛就冇咩意思澳州M5和牛非常嫩滑，油花分佈平均，輕輕燒至兩面表皮冇血紅色即可，咬落去入口即溶，但略嫌當晚既和牛切得有啲薄，比較容易痴爐，燒完可能會一分為二每枱都會送一碟牛舌心條，食落非常彈牙但又唔會好un，肉質好爽除左和牛，個人至愛三角牛肩肉，食落去都比較嫩既部位，快熟又易入口，而且充滿牛香出面亦有生菜提供比你包肉食，將燒好既似肉點一點台上面提供既黃金醬，再加d安平黃金泡菜，味道會更有層次出面拎飲品同蔬菜既位置提供左白飯、櫻花蝦、海苔、香蔥同滷水汁比客人自制台灣櫻花蝦伴飯，餐廳仲貼左張教學教大家要點整，客人可以根據教學調整口味同份量，想食幾多就幾多，滷水汁勁香，自己忍唔住加多少少撈飯安平燒肉一大特色就係可以任食台式小食，除左鹽穌雞，個人推薦金沙翠玉苦瓜，平時我都唔係好食苦瓜，但佢外層炸到好酥脆，面頭仲淋左我好鐘意既咸蛋黃醬，食落又香咸又脆卜卜，好正！最後當然要食安平先有既甜品作結尾

安平燒肉係牛大人台式火鍋嘅副線~ 所以呢款燒肉放題除咗肉類🥩海鮮類🦐之外, 仲有好多台式小食🍟同台式手搖飲品🧋 佢喺旺角同荃灣都有分店~ 今次去荃灣分店, 環境好大🫶🏻坐得超級舒服🥳有好大嘅卡位~ 除咗手機落單嘅menu之外, 仲有自助區域可以攞冷泡茶🍵滷肉飯🍚醬汁🍯蔬菜🥦 台式夜市小食就有黃金泡菜, 鹽酥雞, 小香腸, 花枝排等等~ 仲有櫻花蝦手工拌麵🦐今次就叫咗最貴嘅和牛套餐, 另外仲有3個等級嘅套餐~ 比較平價嘅套餐就冇咗海鮮同靚嘅和牛~ 個人就覺得係和牛套餐性價比好高⚖️ 只係貴下一個等級嘅套餐幾十蚊, 但就有超多海鮮🦞而且牛嘅品質的確比較高🤤🤍澳洲M5和牛套餐 $429牛小排同和牛嘅質素真係好高!! 牛小排嘅油脂分布就比較多🥳 而和牛嘅牛味就比較重🐄 兩款都超正🫶🏻 牛舌芯只係得兩件🥹 但食完都好滿足!! 口感超正🤤 所有海鮮都好新鮮!! 嗰日就係不停點生蠔同帆立貝🤣另外都幾推薦花枝排同手工拌麵~ 仲有佢嘅手搖飲品都係必點🥹

天氣突然凍到咁，唔打邊爐都要食下燒肉暖下個人！今日去到大鴻輝呢個放題集中地食安平燒肉，實行大食特食！佢有4個價位既任食套餐揀，咁啱SRF和牛套餐有信用卡9折優惠，唔使諗梗係食佢！個餐成95款食物任君選擇，真係睇到花多眼亂。來到梗係食牛啦！我哋每隻牛都點哂，最好食係極厚牛肩胛肉，油花算幾好，又有肉味。個牛舌都幾好，切得夠簿，燒幾下就食得，唔會太難咬開。牛肉之外，佢啲小食都整得幾好，個鹽酥雞炸得好香脆又嬲會太乾，我哋都食咗幾碟。最驚喜係個豬五花，個樣好似麻麻，點知燒完食左舊當堂大吃一驚，豬肉味香，肥瘦均勻，真係食完忍唔住再叫。不過美中不足既係得120分鐘，密密咁燒都係唔夠時間咁。

突然想食燒肉放題，醒起之前食過性價比高🔝位於荃灣既台式燒肉放題🥩，因為中午時段去食可以有較多時間細味👍🏻👍🏻係一個可以同朋友放假小聚聯誼👭👭和回味台灣食物既地方*通風設備完善，身上不會有油煙味，並提供圍裙防止衣服弄髒澳洲M5和牛120分鐘吃到飽〔真心推介😋〕燒肉🥩 適合牛控人士😋✔️ 嚴選牛舌芯〔真心推介😋 〕限量👍🏻 爽彈👍🏻 牛味濃✔️ 澳洲M5 牛肩胛肉〔推介😋〕👍🏻 香濃牛肉味👍🏻 充滿油香✔️ 安格斯牛小排〔真心推介😋〕👍🏻 juicy👍🏻 嫩滑👍🏻 牛脂感重✔️ 鹽選牛舌〔真心推介😋〕👍🏻 薄切✔️ 三角牛肩肉〔推介😋〕👍🏻 牛味香濃海產🌊✔️ 烤魚干〔真心推介😋 〕👍🏻 易烤👍🏻 香口，惹味👍🏻 唔乾身配 蛋黃醬 ✔️ 屏東燒魚腹〔真心推介😋 〕👍🏻 嫩滑👍🏻 魚香惹味✔️ 爽彈虎蝦〔推介😋〕👍🏻 新鮮👍🏻 彈牙多種醬料可調味😋😋台式小食✔️ 滷水涼拌鴨舌〔真心推介😋〕👍🏻 餐前小食👍🏻 伴酒必食👍🏻 滷味濃✔️ 安平炸蚵卷〔真心推介😋〕👍🏻 惹味👍🏻 軟滑✔️ 士林小香腸〔真心推介😋〕👍🏻 惹味👍🏻 世一✔️ 南部章魚卷〔真心推介😋〕👍🏻 煙靭👍🏻 彈牙✔️ 懐念鹽酥雞〔真心推介😋〕👍🏻 香脆👍

食物質素每間舖都統一，食過瓊華，今次食大鴻輝安平，人流較鬆動，唔會太多客，入座快最喜歡食雞爽肉，多春魚，另外我最愛的蒜片，和菜一起夾肉食職員服務方面，荃灣比較優勝，旺角同事服務無乜溫度，木口木面，未至於黑面，但無咁舒服，荃灣同事會為我們老人家拿常溫飲品，細心解釋會員登入程序，服務very good熟食方面，滷水鴨舌，叫左四五次，秒清，好好食，有一個炸苦瓜，幾過癮，可以一試少少建議，成為會員QR Code搞搞佢，scan完係空白畫面，兩間分店都試過，好彩職員教我第二個途徑登入

平時好鍾意食燒肉(๑ ́ᄇ`๑)今次再訪安平燒肉食「澳洲M5和牛套餐」～當日中午可以由12:30食到15:30！肉同熟食都係scan QR code落單任點～以下都係我試過，覺得值得食嘅：✨嚴選牛舌芯（每人送一份，另外點要再收費）✨澳洲M5和牛✨安格斯牛小排✨咖喱味西班牙豬五花（夾生菜食一流✨櫻花蝦乾拌手工麵✨花枝甜不辣✨士林小香腸✨澎湖花枝排🥤百香果綠茶特別想推介櫻花蝦拌麵！鍾意食櫻花蝦嘅人必點！真係啖啖都超香櫻花蝦味！最後每人仲有一杯Häagen-daz或者芋圓做甜品～overall嚟講肉質算不錯！$388食到180分鐘，好抵食！

安平燒肉（荃灣店）是專門提供燒肉的餐廳，美食種類繁多，讓人難以抉擇。點了他們最高級的澳洲A5和牛套餐，裡面包含了令人垂涎欲滴的104款美食！首先是他們最高級的牛肉選擇，我品嚐到了澳洲M5和牛肩胛肉，肉質鮮嫩多汁，入口即化，帶有濃郁的牛肉香氣。另外還有精選的安格斯牛小排，每一口都帶來了濃郁的牛肉風味和柔軟的肉質。鹽選牛舌口感細膩，肉質鮮美，配上微鹹的調味，回味無窮～海鮮也是這裡的一大亮點。燒帆立貝鮮嫩多汁，經過烤制後，帶來了獨特的燒烤風味。烤魚乾則散發出濃郁的海鮮香氣，口感酥脆可口。鹽蒜燒生蠔是我另一個推薦，生蠔的鮮甜與蒜香的結合，營造出一種獨特的風味體驗。而爽彈虎蝦則是我最喜愛的海鮮之一，肉質鮮嫩有彈性，入口即化。除了牛肉和海鮮，這裡還提供了其他令人垂涎的爽口美食。香辣腎片是一道辣味十足的美食，腎片的口感彈牙，搭配上辣椒的刺激，令人胃口大開。黃金泡菜是一道清爽的配菜，它的口感酸脆，帶有微微的辣味，能夠中和肉類的油膩感。奶油金菇則是一道香氣四溢的菜品，金菇的鮮香和奶油的滑順完美結合。絲瓜煮蜆是一道清新的湯品，絲瓜的嫩滑和蜆的鮮甜相得益彰。美乃滋章魚燒則是一道創新的料理，章魚的鮮嫩配上美乃

經歷完毅行者，飢餓程度勁高 😬 訓左一日一夜後決定食餐勁 🍗 荃灣大鴻輝有好多任食餐廳，最後食肉獸 👦🏻 話事決定啦食燒肉‼️餐廳有𝟒款套餐分別是澳洲𝐌𝟓和牛、𝐒𝐑𝐅極黑牛、安格斯嫩牛及原住民鹽燒豬肉；當然要食最高級別澳洲𝐌𝟓和牛餐 🩷 有𝐌𝟓和牛、安格斯牛小排，仲有送期間限定食物～牛舌芯 😍 其他套餐既牛肉都有，仲可以燒豬肉、雞肉及海鮮，一共超過80款配料 🤤套裝亦有多款 🇹🇼 人氣台灣地道美食、夜市小食及海鮮，如鹽酥雞、澎湖花枝排、士林香腸、安平炸蚵卷、台灣小枕頭、櫻花蝦乾拌手工麵 🍜 或者自製櫻花蝦拌飯餐廳亦設有飲品雪櫃區，有多款冷泡茶如玄米茶、桂花烏龍、蕎麥茶；最後當然少不了甜品 🍧 有 𝐇𝐚̈𝐨𝐠𝐞𝐧-𝐃𝐚𝐳𝐬 雪糕或者安平仙草芋圓，保證絕對食到飽，飽住走 😆晚市價每位 $𝟒𝟏𝟖，只要𝟏𝟗：𝟑𝟎前離座只需𝐇𝐊𝐃𝟑𝟓𝟖；或者𝟐𝟏：𝟑𝟎後入座都係𝐇𝐊𝐃𝟑𝟖𝟖，更加抵食 ❤️