學粥麵

營業中

休息中

我最近有幸造訪了這間鋪頭，但我對這次的用餐體驗感到相當失望。儘管食物質素一般，但餐廳的員工態度卻十分恶劣，這讓整個用餐過程變得非常令人不快。首先，我必須提到的是員工的不友善態度。我們進入餐廳後，被冷漠地指示坐在一個隨便的座位上。更糟糕的是，當我們詢問菜單上的一些問題時，員工的回答不僅缺乏禮貌，甚至有點粗魯。這樣的態度讓我們感到十分不受尊重。其次，餐廳的衛生狀況也相當令人擔憂。店內有大量的污漬，桌子上還殘留著未清理乾淨的食物殘渣。這些不整潔的環境讓我們對餐廳的衛生管理感到質疑和擔心。最令人震驚的是，我們在餐廳內目擊了一起員工出口傷人的事件。當時，一位顧客站在門口的位置角落，應該是等朋友結賬，但他站不到一秒就已經被員工罵他，不要站在這裡,會撞到你的，但那個位置我看來員工不會行過去，而且最重要是口氣問題。這樣的行為不僅不尊重顧客，也影響了整個餐廳的形象。之後我再上來一看才知原來已經是常有發生的事......希望這間鋪頭的人看到可以改善

公司在呢間食肆附近，所以幫襯過幾次。但係呢間嘅職員，認真態度麻！時常對客人指指點點，連外賣取多一點辣椒油也限制多多，諸多不滿。真心講句，顧客來食肆是食嘢，唔係內受氣，亦都唔係來受教訓。呢間食肆好多員工態度有問題，極其需要再培訓。她們簡直幫老闆倒米，我不會再幫襯，亦都會告訴身邊的同事，我的經歷。如果個老闆好幸見到留言，好希望你可以改善下你店內的職員態度！！！

餐廳太暗，有點殘舊食物選擇還算多，有飯有粉麵有常餐點了雲吞麵，凍檸茶。食物質素 ok但女侍應們效率低之餘，又出錯出漏單，最弊係態度差感覺非常差勁。如非對面冰室人龍太長，又趕時搭車，應該不會再來，唔想食嘢要受氣。

d野食ok 但d員工服務態度好差好差。想話攞对筷子食雞翼，都係度呀之呀左，話食雞翼意粉係用义。試過兩次叫下午茶餐，变左正价餐。叫凍寧茶变左凍奶茶，凍奶茶少冰少甜变左多冰多甜

突然同老公想食湯麵， 剛好經過學粥麵， 大約18:20就進去一試。鮮蝦雲吞河$35 一碗，有五顆雲吞，雲吞尺寸適中，蝦身爽滑彈牙， 有蝦味混合豬肉香味是想要的鮮蝦雲吞味道。河粉軟硬度適中剛剛好。油炸鬼$12 一條，但可能已經到晚上時分，所以質感開始淋身帶有點韌。跟餐加$10炸魚皮一份，味道不錯，質感比夠硬和厚身，所以我個人會浸湯長一些。跟餐加了$10一碟油菜（生菜）， 抵食！總括而言， 兩人合共$102 ，性格比不錯！快食之選

天氣開始凍早上都想食啲熱辣辣嘅野經過『學粥麵』見早餐選擇有好多，中西式都有環境都乾淨企理鮮碎牛肉粥真係新鮮滖熱辣😂上枱時仲係不斷有泡泡冒出入面有勁多碎牛同生菜絲粥底軟綿唔需要加仼何調味料都好夠味食完成鍋巳經飽左😅套餐選配炒麵細細碟不過賣相好靚食完粥巳經飽左所以最後炒麵打包😂粥加炒麵，個餐只係29蚊抵食！最正係食完成身暖笠笠行出街都唔怕凍🥰

因為有mastercard同openrice做推廣 加上口淡淡想食下粥 所以係openrice app試左外賣自取 去到已有得拎 大碗 足料 唔算咸 粥底都杰 整體都幾好 不過如果有餐仲好

又係落大雨 落公司樓下食lunch 算數..........黎學粥麵食番個牛雜河先 平時食開牛腩麵 佢地個面質係唔錯既不過今日無咩胃口.......所以食河粉😋😋😋估唔到佢地既河粉 一d都唔碎呀 👍🏻👍🏻👍🏻👍🏻條條都好厚好滑 又唔會一夾就爛 唔錯唔錯到牛雜啦 舊舊都好入味 好淋 牛粉腸最好食 夠晒粉呀😂😂😂仲有辣椒油 落少少已經好辣 食粉面係唔可以少左辣椒油架😋😋不過張相影得得好差 但其實係好好食架

久不久就要食次，因為附近近超市，大橋，方便想吃碗麵就走去學粥麵吃，起初我見人人吃牛筋牛腩，那我就試試了！因為我口味偏愛濃味，他湯偏咸濃，如要求師傅煮久一點，我怕麵太生硬，來到每次都剛剛好吃！濃味不是味精，因為我沒口喝！杯茶都不錯！這樣慣性又順路，還會常去吃的！有少投訴是，久不久見倒蒼蠅，如果這點做好d就好！

下雨天沒打傘，冲冲走進一家茶餐廳避雨，順道吃個下午茶。走入該茶餐廳那刻已經下午三時許，室內還充滿食客，莫非食物有着過人之處？記得兩三年前曾光顧此店，只記得當時店名跟現在不同，印象中不是學利便是學記，當時對此店食物並無太深印象，那次光顧的食物應該不過爾爾。看了下午茶餐牌一下，食物大都是煎炸肥膩食物，最後決定食粉麵，點了一碗牛孖筋河粉，賣相可真令龜龜眼前一亮！牛孖筋帶肉的部份其實甚少，只有貼近𦟌的位置才有肉，筋肉交叠的孖筋甘香軟滑，而且鹵得入味，帶草果八角香氣，口感味道均出衆，龜龜因為避雨而吃到美食，真是食神到位！河粉口感滑溜，畧嫌未夠薄身，始終並非特別訂製，中上水準。湯底有鮮味，但個人認為偏鹹了點。

因為返工就腳平時都經常幫襯，但今日遭遇決定blacklist！趕時間關係平時都會預先落call去到即取，今日亦唔例外。入店眼見入邊（係店入邊）企住起碼4個人係度等位。我冇為意直接入去俾錢（收錢姐姐講得出我係打電話落call）我俾完錢行返出靠近門口位諗住攞完即走。點知平時擺外賣個位冇嘢係樹，我一下未搞清楚發生乜樹（其實佢地miss咗我order），跟住就有一個短頭髮嘅阿姐（一副全世界得罪佢嘅樣），用好''友善''嘅語氣問我係做咩嘅，我話攞外賣，佢問我落咗未，我答落咗，再問我俾錢未，我答俾咗，然後佢''非常客氣''咁''請''我出門口，仲同一句''客氣''說話連續講咗兩次！你地miss咗order浪費我時間係度等，有錯在先仲咁態度對客，真係火都嚟埋！我知你舖位細，你好聲好氣同我講其實我冇所謂，但你咁態度對客，係咪已經收曬錢就可以no service？其他等位嘅人未幫襯反而可以棟係度嘆冷氣，我嚟個實在客人就被趕出去室外30幾度等？劉華都有教今時今日咁嘅服務態度係唔得啦！未食已經一肚氣，絕對冇下次！！

今日起元朗做完運動後想搵d野食下，朋友提議食呢間學粥麵。 兩點後有下午茶餐，有炸x加薯條沙津、魚柳包、熱狗、西多士等，選擇好少。最後我點了個豬扒包餐。豬扒包配熱飲$30，個包塗上牛油再烤，好脆，再夾住蔬菜、豬扒同沙津醬好味呀！朋友㪚點了雲吞河。

今早很冷, 一早起身想食碗粥, 特意走去未食過的學粥麵食早餐, 8點15分到達, 聰爸: 碎牛粥服務員姐姐: 粥底未好未有粥聰爸: 吓!!張早餐粥餐牌唔咪寫07:00AM - 11:00AM供應咩!服務員姐姐: ..........聰爸: 咁早餐D, 唔該

上星期起身剛好是11點，早餐又食吾切，lunch的份量又好似太多。所以我去左元朗大橋街市附近的一間茶餐廳食brunch。我想食一個飽肚而又吾會太高熱量的一餐，常餐正正就是最好不過了！我點了一個雜菌奄列，雖然都是很簡單既材料，但係同樣食到煎蛋的蛋香同嫩滑，雜菌一陣淡淡的自然味道同煎蛋同出一徹，好香好好食。同碟的牛油多士不過不失，面包軟軟容易入口，牛油幾香，而且包烘得又熱又脆，不錯！另外的一碗五香肉丁通粉是外來貨，味道一般，整體幾好！

3月10日同朋友嚟左呢度食LUNCH,2點左右都幾多人喎,等了一陣有位,我地五個人坐卡位再加張櫈,地方唔算大的,朋友話牛腩好味,我叫左一碗牛腩麵,跟住有人叫牛什麵,雲吞河等.好快就嚟啦,都幾大碗喎,我的牛腩入面好多件牛腩的,個湯好味好濃呀,牛腩好淋好好味呀,又唔肥,正呀,加左D辣椒油辣辣地好開胃及惹味.D麵都彈牙爽口喎,好味呀!!我食左一粒雲吞,唔算好大粒,但係都好爽口呀,朋友的河粉都好多啊.另外的牛休都好吸引,都幾多料喎,飲品朋友飲紅豆咖啡,我就問佢會否有紅豆奶茶,佢話有,咁我就叫左一杯試下,茶味香濃,紅豆都淋身,雖然唔係大大粒好淋的果隻紅豆,但係都幾特別呀,好飲呀.