孫家廚房 (已結業)

想試好耐，今日的起心肝去買外賣。叫咗三串羊肉串加烤餅烤羊架豬肉水餃蒜泥白肉同埋老虎菜。羊肉串同羊架同好正宗，但個人認為羊串好味啲。烤餅同羊串好夾。老虎菜開胃。一定會再幫襯。…查看更多

叫set真係好平 之前6個人食先5百幾埋單 去過好幾次 食上癮🤤 中午都有食過 個肉嘅湯麵真係好好食🤤🤤 宜家諗返起都想聽日去食多次 啲肉係淋嘅個湯好清冇咩油但好有肉味🤩雞煲的香辣 真係好好味😋 用料新鮮 最愛涼拌青瓜同腐竹 青瓜夠爽口 腐竹夠入味今次食左個好有趣嘅炒菜 蕃茄豆角茄子 都幾好味 未食過呢個combination幾新鮮✨呢間比平時出街食多蔬菜選擇👍👍 想食健康啲話咁易 今次唔好彩冇得食胡椒豬肚 希望下次好彩啲啦🥺…查看更多

因為上個星期同屋企人去吉慶圍經過,見到呢間孫家廚房覺得個名幾特別就入咗去食，冇諗過係新疆菜，試咗大盤雞，羊肉拌麵，羊架，羊肉餃，椒麻雞四個人食四樣嘢都已經好飽佢啲大盤雞係用香料整個味道好特別，羊肉拌麵好惹味同埋啲面都幾大碟，羊肉餃好多汁好好味好大隻，椒麻雞都好特別嗰種味道，總括嚟講呢間餐廳算叫做性價比高會再去…查看更多

本來打算去間新咖啡店試下，點知排長龍，於是留低名然後四圍行下先，點知經過見到間新疆野，於是決定入去試下。新疆野離不開羊肉同大盤雞，研究完個餐牌，決定叫個細嘅大盤雞，另外叫一個新疆烤餅加3串串燒羊肉嘅套餐，點知女當家建議我地叫個羊肉烤餅，會Juicy D，咁我地梗係跟啦。門口有Hoegaarden生啤，友人本想叫，我叫佢唔好，因為Hoegaarden生啤出名易酸，如果間食肆人流唔高，中招機會好高。個大盤雞嘅汁幾好味，都幾接近大西北風味，但係就完全唔辣，雖然我麻麻地辣，但係大盤雞始終要有少少辣先可以吊起個味，另外就係薯仔的份量較少，因為如果個汁正，D薯仔會吸晒D味，好好食。至於個羊肉烤餅似乎就真係強差人意，韌咗D，羊肉亦唔夠香，麻麻地。…查看更多

5-10-2019錦田市近惠康附近, 有間唔太起眼既餐廳, 主打新疆菜, 為區內比較少見既菜系。店舖裝修樸實, 走街坊生意路線。首先點個涼拌: 新疆老虎菜, 其實係由蕃茄, 青瓜, 青椒, 洋蔥等組成, 看見已經好清新, 加上佢個秘製醬汁, 愈食愈辣, 啱晒追求刺激既朋友。不少客人都會點羊肉, 串燒等新疆菜, 適合幾個人分享; 而 Uncle 我自己一個的話, 就喜歡叫佢既客飯, 今日試了回鍋肉。飯比較硬😣, 但回鍋肉好惹味, 每塊肉都係半肥半瘦, 汁唔係特別辣, 反而青椒有點辣, 愈食愈停唔到口。P.S 佢有個口水雞客飯, 應該都係好夠辣, 下次要挑戰下!…查看更多

真心推介羊肉串：惹味可口，香羊味而不羶韮菜豬肉餃：皮滑韮菜爽口，味道適中炒萵筍：爽脆清新雞翼：芝麻味香，小朋友至愛，食到停不了手抓飯：新疆獨特口味，值得一試仲有更多麻辣之選⋯⋯口水雞、水煮魚、水煮田雞p.s. 附近有大停車場，$9半粒中，方便抵泊…查看更多