影片
平時有買開佢D燒味D師傅幾好，買燒味你話加薑蓉佢都都加俾你好過隔離檔，買燒肉叫佢俾醬竟然要加＄先有🤯所以季喜永遠多人幫襯過隔離檔係正常今次買左一隻乳豬返屋企自己剪剛剛燒好仲熱脆卜卜既皮佢俾D乳豬醬都好足👍🏻$600真係抵食👍🏻剪到好多舊食到好滿足👍🏻
繼續閱讀
季喜燒味舖身處嘅位置，其實就係喺進豪燒臘店嘅隔離舖，不約而同呢間都係賣燒味，不過季喜更設有臘味飯供應比食客購買，有臘味飯、臘腸飯同鴛鴦腸飯，全部清一色賣$20元，各款燒味飯盒又係賣$20元(單雙拼同價)，燒味款式齊全，更備有各式燒味小食，每盒都係賣$20元，我喺度買咗盒叉燒油雞飯(多薑葱油)，叉燒肉眼睇嚟真係以為好柴，點知一食落竟然係相當軟淋，而且蜜味相當夠，又唔會過甜，仲有少少嘅燶邊，油雞嘅雞肉都算滑，飯粒分明，葱油好香，份量又大，另外嘅臘味飯都相當有水準，臘肉、臘腸及潤腸都幾好食，有油香，飯粒亦都煲得相當靚，季喜燒臘已經列入咗我個人嘅長期食單之內備註：呢度要先去收銀處買票，然後才取飯
繼續閱讀